♥♥♥ ادري انها بـــوســـه بس والله استحي ♥♥♥

[نور دربي]

والله نفس حالتكم


ودي احضنها وابوسها وجذي


بس تدرون ليش لانه ما تعودنا من يوم كنا صغار

لو كنا متعودين جان ما استحيينا ووسوينا بس والله نستحي

انا كل مره احاول بس ماقدر استحي ليش مادري والله

ع قولتهم الفعل صعب

 

[بحر الرمال]

بنات شفيكم
ترا البنت قالت انها تستحي انها تبوس امها و هالشي يمكن سببه ان الام ماعودهم من وهما صغار على هالطبع
الحين خليتوها ماتعرف بر الوالدين ومستنكرين انها ماتبوس امها شدعوااااا شدعواااا
هذ ي مسأله تعود و اطباع لا اكثر يعني مو شرط كل البنات يبوسون امهم او كلهم مايبوسون عادي كل انسان له طريقه تربيه غير
بسكم انتفاد و تعصب
و لصاحبه الموضوع اقول
سوي الشي اللي ترتاحين له
و لاتصدقين المسلسلات وايد ترا كله تمثيل
يعني مايمنع بالمناسبات مثل تخرج و الا سفر تبوسينها
بس كل يوم و عالطالعه و النازله احسه غريب
و بعدين بضيف نقطه ثانيه مهمه
ترا الام المفروض تبادر بالبوس مو البنت
الرسول -ص- كان يقبل بنته فاطمه كل مايشوفها (و ليس العكس)
فمالا داعي تتفلسفون

 

[3emya_Berry]

انا عكسكم امي صديقتي وكله وياهاااااااااااااااااااااااااااااااااااااااا انا اقولج شتسوين تقربي منها ان شفتيها قاعده بروحها روحيلها انا امي من تصير 12 بليل كلنا اخواني وخواتي منسدخين يمها عالفراش وناذيها ونقثها واهي تضحك الحين انا تزوجت واخوي تزوج ظل عندها اختي واخوي الثاني وهذول الله بالخير كل واحد بغرفته ولا يدرون عنها فديتها

 

[روح اليآسمين..}]

,وآنـآ مثلكم ><
( ونفسج يـآدلوعة بالضبط كتآبتج للموضوع.. كنج تتكلمين عني والله ..


..> بروح اقرأ الردود

 

[am_kshaa]

انا لاحظت الحين ان هذى مشكله نص البنات الى ردو عليج ومشكلتى انا بعد
بس السبب من امهاتنا لو اهما من البدايه لما كنا صغار عودونا على هالشى ان احنا نبوسهم وويبوسونها ويلمونا ومعطينا الحنان الكافى
جان ماصار بينا وبينهم جفى كبير جذى
انا امى مابوسها الا بالعيد ورمضان بس وما ماذكر بحياتى لميتها بس ماتعودت على هالشى مع ان بخاطرى حيل المها واقط روحى بحضنها بس احس صعبه
يعنى لما نرجع حق الموضوع من اوله تكون الام اهيا الاساس والغلط منها انها ماعودت عيالها على حنانها وخلت يكون فى جفى بينهم

 

[الأmـاكن]

أممممم حبيبتي أنا عكسك نهاااااائي

أنا أم الدلع مع أمي مع أني كبيرة خواتي بس على طول أنام ع فخذها إذا شفت التلفزيون
ولاجيت من الدوام أبوس راسها .. حبيبتي تدرين أني ابوس رجل أمي !!!

حياتي أصلا راح تحسين بشعور غريب وأنتي بحظنها .. يمكن تكون صعبه شوي بس أنتي حاولي
وصدقيني ماراح تندمين .. وأمك الغاليه تستاهل أنك تحاولين عشانها :sfg: ..

بعد عمر طويل راح تتحسفين أنك ماقربتي من هالجنه ..
الله يخليها لك وأنتي واضح أنك طيبه وحبوبه ..

فديتك

 

[Tutti-Frutti]

نـفـس الـمـشـكـلـه تـصـدقـون


واقـول لـلـبـنـات

تـرى احـنـا مـو عـاقـيـن امـنـا ولا ابـونـا
عـمـرهـا مـاكـانـت الـبـوسـه دلـيـل عـلـى بـر الـوالـديـن


بـس هـذا يـعـتـمـد عـلـى طـريـقـه الام والابـو
مـو مـنـا

انـا مـثـلـج صـاحـبـه الـمـوضـوع الـم وابـوس الـكـل وعـاادي
بـس امـي لا

وامـي بـالـعـكـس وايـد طـيـبـه ومـا تـاذي احـد ويـشـهـد بـهـالـشـي الـبـعـيـد قـبـل الـقـريـب
الله يـخـلـيـهـا لـي ويـخـلـي لـكـم امـهـاتـكـم

بـس امـي شـوي جـامـده ورسـمـيـه بـعـواطـفـهـا
مـاتـبـيـن لـنـا مـشـاعـرهـا

عـكـس ابـوي بـالـضـبـط
انـا الـحـيـن شـكـبـري بـالـجـامـعـه ولـيـلـحـيـن ابـوي ايـي يـبـوسـنـي ويـلـمـنـي ويـحـب احـط راسـي عـلـى صـدره واتـدلـع عـلـيـه

غـيـر عـن امـي كـلـش

وهـذي طـريـقـتـهـا انـا مـاقـدر اغـيـرهـا مـو مـنـي

والـبـوسـه والـلـمـه مـو كـل شـي
امـي تـدري انـه نـحـبـهـا مـن وقـفـاتـنـا ويـاهـا لـمـن تـتـضـايـق ولـمـن تـصـيـر لـهـا مـشـكـلـه
واذا احـد فـكـر يـاذيـهـا تـشـوفـنـا واقـفـيـن بـويـهـه
نـبـجـي اذا بـجـت
ونـسـولـف ويـااهـا ونـضـحـك

كـل هـذا دلـيـل انـه نـحـبـهـا
مـو لازم ابـوسـهـا كـل شـوي ولا الـمـهـا عـشـان ابـيـن لـهـا انـي احـبـهـا

 

[DốǾốDї]

انا نفسج والله

معنه خواتي يبوسنها عالطلعه والرده ومن غير سبب الا انا وكله تقولي انتي بجري ليش ما تبوسيني وتلميني انا امج

اقولها مادري جذي معنها تتمنى يوووم اي ابوسها او المها بس انا حدي جااامده حتى لمن سافرت 10 ايام وردت سلامي لها بااااارد عكس خواتي لول مادري ليش

 

[بساط الريح الاحمر]

ابدي بوسة الراس وانتي راجعة من الدوام

وبعدين شوي شوي تتعودين

 

[DốǾốDї]

ايي وبنت خالتي العكس تموووت تبي تبوس امها تقرب منها
بس امها تدزها تقووول اوووه وخري شكبرررج على هالشغلات
تقول ودي انام بحضنها بس كله تدززني تقول ادري انها تحبني بس خالتي تكره اللم والبوس لوول

 

[سنفورة]

امبي نفسي تصدقين احس استحي

 

[جِراحُ الغَرام]

حبايبي ... امهاتنا ما كان قصدهم ان يبعدونا ... احنا الحين صرنا امهات مكانهم .. ووضعنا احسن عندنا خدم تساعد ..
فالله يعين امهاتنا يوم ربونا ...
عموما عشان ما اطلع من الموضوع ... ابدوا بكلمه بسيطه ... اذا بغيتوا تنامونقولوا لها : تصبحين على خير ...
متى ما تعودتي على الكلمه ... ضيفي لها بوسه على الراس ..
وبعدها وقت الطلعه بوسه على الراس .. الى ان تتعودون ...
والله يزقنا رضى الوالدين وبرهم ... عشان عيالنا يبرونا

 

[فخامه كبريائي]

انا نفسج .....بس مو حيل ...
لانه اذا متضايقه حتى لو متضايقه من شي سخيف....(واكثر حزات ضيقتي تكون باليل قبل لا انام ...فما اقدر انام .)..و على طول اروح لامي و اقعد ابجي عندها لمن ارتاح و انام عندها و تضمني ...فديتها يا ربي ..و يخليها لي ...و الله انام على طول ....و تكون اريح نومه ....
و طبعا كل هذا من غير لا احد يعرف ..
يا رب يقدري و اقدر اجازيها و لو شي بسيط من اللي تسويه لنا ...
ادري هذرت فوق روسكم ....بس شسوي ..

 

[زبــــــــدة]

ايييييييييييي هم احنا جذي ...

انا واختي مانبوسها ولا نلمها ... ويمكن حتى بالعيد لوووول مانبوسها بس نبوس بابا عشان العيديه خخخخخخخخ لالا اتغشمر بس صج بس نبوس بابا ...

امممممممم واصلا ماما وااايد تستحي يعني حتى منا احناا ... واحنا نستحي منها بعد ...

اشوه يعني مو بس احنا لوووووول

 

[ليتني مـآ كبرت]

شوي شوي راح تتعودين

أول شي أبدي بوسي راسها إذا قعدتي الصبح .. إذا رديتي البيت

و يوم من الأيام إذا شفتيها قاعدة قوليلها يمة شوفي راسي جنه طالع فيني حبة أححح تعور

و انسدحي على رجلها خل تشوف راسج و اكيد بتبدا تمسح على شعرج

عاد إذا قمتي بوسي ايدها او راسها..

أو على مرة اشتري كريم مثلا للأيد و قولي يمة شريت هالكريم بصراحة عجييييب خن أجربة على إيدج

إذا عجبج اشتريلج نفسه عاد أنتي حطيلها ودلكي إيدها شوي و قولي خن اشمه على إيدج و شميه وبوسي إيدها

أمممم مادري هذا اللي طرا علي ..

 

[المستبــده]

لا دلووعه كل شي ولا الام
شوفي انا بخلي بعض كلامي شوي قووي عشان يأثر فيج وعقب ما تقرين كلامي تقومين ركض تروحين لامج

تخيلي معاي (بعد عمر طويل)
راحت امج من هالدنيا امانه عليج ما راح تتحسرين على كل ثانيه ضيعتيها من ايدج انج تكونين فيها مع امج
ماراح تتذكرين يوم تيلكم الدار وتقول لكم ولهانه عليكم ؟؟
فديتج دلووعه لا تخلين امج والله احلى شي بهالدنيا كلها الام وخاصه لا صرتي اقرب الناس لها


انا بقولج شنو اسوي مع امي وحاوولي تسووينهم

انا لا شفتها منسدحه بفراشها بتنام اروح انسدح يمها واقعد اسولف معاها وايب لها الماي والدوا ربي يشافيها ويخليها لنا ولا بقيت اطلع (مرات) ابوسها عل راسها واقولها تصبحين على خير

اذا شفتها بروحها بالحديقه اقوم اطلع واقعد معاها ونسوولف

واهي تمشي بالبيت اروح المها من ورا واقولها احبج يماااا

امسك ايدها وابوسها

لا ردت من بره اغنيلها لوول ولا اقولها ولهنا علييج

اهمزهاا

واشياء وايييد وترى لو تشوفين كل الاشياء اللي قلتها اتوقع كل وحده تسويهم مع امها بس انا قلتهم لج كتذكيرر عشان تسووينهم

طبعا هالشغلات انا صح مو كل يوم اسويهم لانه مو كل شي يصير يومياا
( واللي يقرا كلامي يذكر الله امانه بنات)

مشالله لا اله الا الله

والحين يله قومي رررركض بوسي راسها ولميها وقولي لها احببج يما

وعسى ربي يخليها لكم ان شاء الله

 

[كل الغلا لك]

حبيبتي لاتحرمين نفسج من حنان امج بلعكس خليج طبيعيه اول ماتقعدين الصبح روحيلها وبوسي راسهااا صدقيني اهيا بطير فيج وبتاحذين اجر بعد تقربي منها سولفي معاها عن اي شي قعدي يمهااا حطي راسج على جتفهااا صدقني هاللحظات هذي تسوى الدنيا ومافيهااا انتي بادري ودام اهيا حاسه بهالشي حرام انتي لاتحسين انه هالشي صعب وماتقدرين حطي ابالج انه سهل وطبيعي وبتستانسين وصدقيني علطول بتجرااين وتسوينه هذي امج اذا مابستيها وحضنتيها بتبوسين منو سويها حبيبتي وقوليلنا شنو يصير معاج الله يوفقج يارب ويكسر كل الحواجز الي بينكم

 

[احبس دموعي]

يؤؤؤ انا اذا ماغفصتها<<<تعبير اجرامي من الم والبوس
ما ارتاح مرات تقول فكيني منج
واخوي الكبير يجي يبوس رجلها يقول ابي الجنه
بالعكس اذا حناني وحبي ماطلعته لها شنو يبي يفيدني لاطلعته لغيرها
لاني فاقده الوالد الله يرحمه دايم اخاف افقدها الله يطول بعمرها وبعمر امج لاتقصرين معاها وتالي تتحسفين

 

[يوآش يوآش]

انا اذا طلعت اي مكان ورديت لازم ابوس راسها وراس ابوي من وعيت على الدنيا وانا جذي واذا عندي مشكله لازم افضفض لها حتى اهي تستشيرني بشغلات كثيره مع ان عندي اثنين اكبر مني

اي حياتي طبعا هذي امج لازم جذي بس انا عندي مشكله بهالشغله : (

 

[يوآش يوآش]

احنا نفس مشكلتكم بالضبط لأنه امي ماعودتنا على هالشي من يوم كنا صغار

بالضبط نفس كلامي دايما اقول هذي غلطته بس مرات اقول لا مايصير الحين انا كبيره ومسئوؤله عن تصرفاتي