♥♥♥ ادري انها بـــوســـه بس والله استحي ♥♥♥

[يوآش يوآش]

حبيبتي انا قبل نفسج بس الحين تطورت حييييييييييييل صرت ابوسها واحظنها ودايم اتقرب منها واتقهوى معها ونسولف وصارت تفضفضلي مع العلم ان عندي خوات اكبار فالبيت ومع هذا حيل قريبه منها,,,, المهم حبيبتي تقربي منها حبه حبه قعدي وياااها وسولفي معاها وبوسيه وحظنيها ماكو ادفى من حظن امج هذي نعمه من رب العالمين وفي غيرج محروم منها اسمله على امج الله يطول في عمرها بس تخيلي الحياه بدونها بتحسين بذنب اكثر انها كانت يمج وتعبرين اللي في داخلج لا تستحين هذي امج مافيها حيى بالبدايه بتكون صعبه بعدين بيكون الوضع طبيعي جداااااااااااااااا ابدي انتي واكيد اختج وكل اللي في البيت بيسون مثلج وبجذي بتفرحين امج وبتحسون براحه نفسيه مووووووفقه الله يخليها لج ياااااااااااااااااااااااااااااااااااااااااااااارب

حبيبتي كلامج صح وانا بحاول كثر مااقدر .. الله يخلي لج امج ويدوم عليكم ولا يحرم احد هالنعمه : )

 

[يوآش يوآش]

من صجكم والله مصدومه
اذا باليوم مابستها وحضتنها كل شويه بسبب ومن غير سبب احس انه ناقصني شي امانه اشلون ترتاحون

حياتي انا ادري ان اللي يبوس امه يرتاح

عيل انا ليش منزله الموضوع ادور عن هالراحه .. والله يدومها عليج من عاده

ماشالله عليكم.. ومنو قال احنا مرتاحين ..؟!

 

[كـلي حلا]

يالله والله حزنتوني اجمل شي فاقدينه :"(

انا الصباح لما اصحى اغني لها وانا لسه ما غسلت وجهي ههههههه

اغنيلها اغنيه ياصباح الخير وتقوم تضحك :") على كثر ما اسويها لساتها تضحك يمكن من شوشتي :")

او لقيتها معطتني ظهرها اضمها من وراها وابوس كتفها

واوقات بدون سبب اقول لها فديت قلبك احبببببببببببببك <<اش رايك بالتعبير

وان طولت برى يعني غبت يوم يومين ان رجعت اضمها بقوووووة


ودايم اتغزل فيها كني رجال يعني مغازلة رجال خخخخخخ لا تزعلين تراها والله تطلع الحركه حلللوة ومضحكه مره
يعني مثلا فديت القوام وفديت هالعيون او ياعيني امووووووت انا عالخصر ,,,الخ

 

[الحياة 93]

أهلا ممكن نعرف كم عمركم وحتى الللي ردوا كم أعماركم

 

[يوآش يوآش]

يالله والله حزنتوني اجمل شي فاقدينه :"(

انا الصباح لما اصحى اغني لها وانا لسه ما غسلت وجهي ههههههه

اغنيلها اغنيه ياصباح الخير وتقوم تضحك :") على كثر ما اسويها لساتها تضحك يمكن من شوشتي :")

او لقيتها معطتني ظهرها اضمها من وراها وابوس كتفها

واوقات بدون سبب اقول لها فديت قلبك احبببببببببببببك <<اش رايك بالتعبير

وان طولت برى يعني غبت يوم يومين ان رجعت اضمها بقوووووة


ودايم اتغزل فيها كني رجال يعني مغازلة رجال خخخخخخ لا تزعلين تراها والله تطلع الحركه حلللوة ومضحكه مره
يعني مثلا فديت القوام وفديت هالعيون او ياعيني امووووووت انا عالخصر ,,,الخ

ماشالله عليج .. والله يخليها لج ..

حبيبتي انا اسولف معاها واتغشمر وامدحها وعلى قولتج اغازلها حتن لو شكلها مبهذل .. بس انا مشكلتي شلون المها وابوسها : )


هذا اللي صج صج صعب علي ..

 

[يوآش يوآش]

أهلا ممكن نعرف كم عمركم وحتى الللي ردوا كم أعماركم

اانا 22 واختي 23 .. بس ليش هالسؤال ..؟

والبنات اذا بيردون كيفهم عاد : )

 

[كـلي حلا]

انا عمري 24



اوامر أخرى

 

[الغنج والدلال]

فديتج عادي السالفة سالفة تعود لا اكثر او اقل

 

[كـلي حلا]

امممممم طيب انتي جريئه وتمام التمام

طيب مم
كن هالطريقة تنفع معك

اول حاجه حبه حبه

يعني بدايتها بوسي كفها يعني فتره كذا يصير الوضع تمام

بعدها انتقلي للوضع المطور

بوسي خدها وهكذا بالتدريج حتى يصير الوضع تمام

وبعدها ضميها

هاه عسى هالطريقه تمام

؟؟؟

 

[M!sS MOnatOO]

؛

تري الموضوع موصعب اذا مابست او لميت اومي اجل منو يستاهل ينباس !!؟؟

لاتمهدين للموضوع ولاشي اي شي بتمهدين له بيصير رسمي
روحي سيدة وقعدي يم امج وسولفي عليها ولاخلصتوا سوالف لميها والله الموضوع
سهل بس اكسري الحاجز وبصير امورج سهالات


.

 

[يوآش يوآش]

فديتج عادي السالفة سالفة تعود لا اكثر او اقل

الله يسمع منج وتكون تعود .. لان انا صج بحاول واضغط على نفسي

 

[يوآش يوآش]

؛

تري الموضوع موصعب اذا مابست او لميت اومي اجل منو يستاهل ينباس !!؟؟

لاتمهدين للموضوع ولاشي اي شي بتمهدين له بيصير رسمي
روحي سيدة وقعدي يم امج وسولفي عليها ولاخلصتوا سوالف لميها والله الموضوع
سهل بس اكسري الحاجز وبصير امورج سهالات


.

والله حجيكم يحمسني بس ادري بس اطلع من الدار .. يروح كل الحماس ..!!

 

[يوآش يوآش]

امممممم طيب انتي جريئه وتمام التمام

طيب مم
كن هالطريقة تنفع معك

اول حاجه حبه حبه

يعني بدايتها بوسي كفها يعني فتره كذا يصير الوضع تمام

بعدها انتقلي للوضع المطور

بوسي خدها وهكذا بالتدريج حتى يصير الوضع تمام

وبعدها ضميها

هاه عسى هالطريقه تمام

؟؟؟

هههههههههههه والله انج ضحكتيني بردج ..

 

[q8_84]

انا اذا طلعت اي مكان ورديت لازم ابوس راسها وراس ابوي من وعيت على الدنيا وانا جذي واذا عندي مشكله لازم افضفض لها حتى اهي تستشيرني بشغلات كثيره مع ان عندي اثنين اكبر مني

 

[كـلي حلا]

:080402ask_prv::eh_s(2)::flower:


وانا احسب اني جبت اللي ما ينجاب


والله ياهو طاح وجهي

:eh_s(2):


لقد كسحتيني يافتاة

:080402ask_prv:

 

[منااي]

احنا نفس مشكلتكم بالضبط لأنه امي ماعودتنا على هالشي من يوم كنا صغار

 

[الكــــــــايدهـ]

والله شوقتيني اروح ابوسها

انا كنت نفسكم بالضبط بس مادري شلون انفكت العقده وصرت اتجرأ واسوي الي ابيه ابوسها وابوس ايدها واحيانا رجولها والله العظيم والسبب اني دايم اهمز رجولها وادهنهم لما يعورونها مع العلم ان امي مو كبيره ولا طايحه عن حيلها الله يدوم عليها الصحه والعافيه بس احب اسوي جذي اول شي احتسب الاجر ثاني شي احس براحه نفسيه وامان لما اكون قريبه منها يعني المكان الي نكون فيه انا معاها لازم اكون قريبه منها ما اقعد بعيد عنها الا لسبب احيان اذا كانت قاعده احط راسي بحضنها واتدلع شوي اقول تعبانه <<< عياره احبها تسألني شفيني والا تلمس راسي تقول مسخنه وتسألني شنو الي يعورني بعدين دايم احب اتخشش بفراشها تجي تلقاني نايمه بسريرها وتنام يمي


عاااااااااااااادي الوضع طبيعي ويونس جربي انتي واختج راح تستانس امج حتى لو ماعبرت لكم عن فرحتها بهالشي بالبدايه خلوها بوسه وانتي طالعه من البيت على راسها واذا رديتي حسسيها انج مشتاقه لها وبنفس الوقت حسسيها ان وجودها مهم ولها احترام وغلا بقلبج بوسيها همن بالرده والله ماكنت ابوسها بس مدري شنو الي قلب الحال ولله الحمد وصرت جريئه والي بنفسي اسويه دام انه يرضيها ويرضي ربي ومايزعل احد



قرقت وايد سووووووري


بروح ابوسها فديت قلبها <<< تحرج ههههههههههه

روحي بوسيها واذا قالت شعندج قولي بس جذي امي وكيفي راح تضحك وتسكت الله يخليها لكم


بروووب

 

[قطرية 100%]

ياالله حرااام عليكم هاذي امكم جنتكم وناركم .. اذا ما حضنتي امج وحطيتي راسج على صدرها بتحضنين من ؟؟؟؟؟؟ وامج اللي احب انسان عندها انتي لا تكوني عاقه فيها تذكري قول الرسول عليه الصلاة والسلام امك ثم امك ثم اباااك ايش معناها لازم برها ونحسسها بحبنا لها والله لو ابوس رجلها مانوفي حقها ..اللهم يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت، وإذا سُئلت به أعطيت، أن تبسط على والدتي من بركاتك ورحمتك ورزقك اللهم ألبسها العافية حتى تهنئا بالمعيشة، واختم لها بالمغفرة حتى لا تضرها بالذنوب. اللهم اكفيها كل هول دون الجنة حتى تُبَلِّغْها إياها .. برحمتك يا ارحم الراحمين
اللهم لا تجعل لها ذنبا إلا غفرته ، ولا همّاً إلا فرجته ، ولا حاجة من حوائج الدنيا هي لك رضا ولها فيها صلاح إلا قضيتها، اللهم ولا تجعل لها حاجة عند أحد غيرك. اللهم و أقر أعينها بما تتمناه لنا في الدنيا، اللهم إجعل أوقاتها بذكرك معمورة، اللهم أسعدها بتقواك، اللهم اجعلها في ضمانك وأمانك وإحسانك اللهم ارزقها عيشا قارا ، ورزقا دارا ، وعملا بارا، اللهم ارزقها الجنة وما يقربها إليها من قول وعمل ، وباعد بينها وبين النار و ما يقربها إليها من قول و عمل. اللهم اجعلها من الذاكرين لك الشاكرين لك، الطائعين لك، المنيبين لك.

اللهم واجعل أوسع رزقها عند كبر سنها وانقطاع عمرها. اللهم واغفر لها جميع ما مضى من ذنوبها، واعصمها فيما بقي من عمرها، و ارزقها عملا زاكيا ترضى به عنها. اللهم تقبل توبتها، وأجب دعوتها. اللهم إنّا نعوذ بك أن تردها إلى أرذل العمر، اللهم واختم بالحسنات أعمالها. اللهم آمين اللهم وأعنّا على برّها حتى ترضى عنا فترضى، اللهم أعنّا على الإحسان إليها في كبرها، اللهم ورضّها علينا، اللهم ولا تتوفاها إلا وهي راضية عنا تمام الرضى، اللهم لا تتوفاها إلا وأنت راضٍ عنها تمام الرضى، اللهم أعنّا على خدمتها كما ينبغي لها علينا، اللهم اجعلنا بارّين طائعين لها اللهم ارزقنا رضاها ونعوذ بك من عقوقها، اللهم ارزقنا رضاها ونعوذ بك من عقوقها، اللهم ارزقنا رضاها ونعوذ بك من عقوقها

 

[يوآش يوآش]

:080402ask_prv::eh_s(2)::flower:


وانا احسب اني جبت اللي ما ينجاب


والله ياهو طاح وجهي

:eh_s(2):


لقد كسحتيني يافتاة

:080402ask_prv:

افا ليش .. انا اقصد ان دمج خفيف وانتي تقولينه سوري حياتي والله قصدي شي واللي فهمتيه شي ثاني : )

اصلا اول ما قريت حجيج قلت بجرب وبشوف : )

ماعاش اللي يفشلج.. او يكسحج على قولتج .. مو تزعلين هاا : )

 

[الفتاة السماوية]

بصراحة ما هقيت ان في احد غيري يعاني بمثل معاناتي

مشكلتج مثل مشكلتي بالضبـــــــــــــــــط

على الرغم من مكانة امي الكبيره بقلبي وعلى كثر ما أحبها وأشوفها بنظري أحلى وأحسن وأطيب ام بالدنيا

بس بينا حواجز

يمكن لانها ما عودتنا من واحنا صغار نبوسها بالطلعه وبالدخله ومو من النوع اللي تحب تقعد وأحد لازق فيها ولامها

والله لما اشوف المسلسلات اشلون يبوسون ويلمون امهم ويقولولها يا اغلى وأحلى ام بالدنيا

أتحسررررر على حالتي

يعني انا ابوس امي بس بالمناسبات للأسف

يعني بالعيدين وبرمضان اباركلها وأبوسها وأبوس راسها واذا مريضه أو بالمستشفى او راده من السفر أو اكون مثلا نايمه عند اعمامي أو عماتي وأرجع البيت اسلم عليها وابوسها

هالشي يضايقني حيل لانه الموضوع رسمي يعني ودي كل ما اشوفها ألمها وأبوسها بس استحيييييييييييييييييييييييييييييييييييييييييي معنها امي حبيبتي بس استحييييييييييييييييي حدي

ساعات اشوف بنات العايله اشلون يبوسون امهم حييييل جنهم يبوسون خد ياااهل يشوق اتحسررررر على حالي اقول ليتني اقدر اسوي جذي

انا ما اقول اني متكبره على امي ولا ما انزل نفسي لها لألألألألألألأ انا مو جذي هاذي امي وأحبها وأموت فيها بس استحييييييي منها وايد



اثاري وايد بنات نفس الحاله مو بس انا