رد: مواليد شهر سبتمبر 9 لعام 2014..حياكم الله اللي حللوا☆★☆
بنات اشلووونكم… امس كان موعدي وطلع فيني بكتيريا وعطوني تحاميل لمده 3 ايام
وهم فحصني مفتوحه 2سم وامس طول اليوم وينزل علي دم بني شوي مايل على الاحمر لي االليل
مع الم نفس الطلق بس اتوقع من الفحص… واليوم كلش ماياني شي لادم ولاعوار… وااااي والدكتور قالي الرحم مو مهيأ حق الولاده تهقون يصير الرحم يفتح بس الرحم مو مهيأ للولاده استغربت من كلامه
اي صح بيشووو حبي مبروووك ماياج وربي يشفيه يارب ويعافيه
والحمدالله على سلامتج والفال لنا يارب
شلون مفتوح وشلون مو مهيأ؟ بس اهو ادرى دام مفتوح يعني يحتاج بس طلق شربي دارسين وزنجبيل وخل يصير جماع
وربي يسهل ويهون عليج
مساء الخير
الله يسهل عالجميع
كرازون ان شاءالله من تفتح لج الربط اييج الطلق
مناني شربي حلبه و امشي عشان يتهأ رحمج
نيو الله يعينج و يمسح على قلبج
ساره ربي يهون عليج
انا رحت موعدي امس قالتلي رحمج مهيأ و نازل بالحوض و لين حيل بس مو مفتوح ولا سانتي
وقمت احن عليها قلتلها ابي اولد عالاسبوع قالت لا هالاسبوع صعبه يمكن عالاسبوع الياي تولدين
المهم و شافتني ماكو صبر قالت شربي خروع نص قرشه و عقب 3 تيام ردي شربي النص الثاني
قلتلها يعني عادي وانا مو فاتحه؟ قالت اي عاذي ماعليج خوف لان موصله مبين معاي من الفحص
و وزن البيبي ممتاز ماشاءالله
رديت البيت كليت اكل الشر و شربت بعده الخروع مع عصير فرغلي عشان يسهلني وايد تكرمون
و انهد حيلي اسهال من امس بالليل لي اليوم بس الحمدلله بدا يخف
و رحت الصباح قلت بشوف فاد فيني الخروع ولا لا اذا فتحت باخذ الخروع عقب 3 تيام اذا مافاد خلاص مابي العب وايد
المهم رحت ولا فاتحه 1 سانتي بس ضاق خلقي
شكلي نفس كلام الدكتوره يبيلي اسبوع بعد
يوم الاربعا برد اخذ النص الثاني و ربي يسهل ان شاءالله ..
سمعي كلامها دام تبطل يعني الحمدلله مابقى شي .. دارسين وخروع وكف مريم وجماع وانتي الوالده باذن الله
انا كنت متحمسه لانها قالت بتولدني هالاسبوع غصب بس غيرت رايي لان ياني احتقان بسبة الايسكريم طايحتله من الحر انسحنت وكل يوم برد.. ليمن مرضت ف قلت ماتسوى علي احتقان وبنج رحت فيها ف قلت باجر بموعدي بقول لها تأجل فتح الربط جم يوم ليمن أصير زينه
يا حلوج كرازون لج وحشة و نوت ما تقصر اتيب لنا اخبارج و اطمنا عليج .. و ربي يسهل عليج و تبشرينا بولادتج
برايد فقدناج والله و ما تنلامين الحين النفسية و المحاتاة ربي يشرح صدرج و يسهل عليج
رنوش نزلي اللاين و حطي يوزر أي دي و عطينيا و نضيفج انتي و الي حابة تنظم
و ربي يهون عليكم كلكم و يرزقكم الولاده السهلة انشالله .. و صبرو على نفسكم على الأقل لين تكملون الأسبوع 37 و بعدها سوو الي تبونه من عمليات انتحارية ههههه
هلا باللولو مس يو تو شخبارج وشلون الحمال معاج؟
انا ان شالله بسوي العمليه الانتحاريه قريبا بس خل اتحسن
اخس البيبي يحوس تحت ويقزز يبي يطلع بس ماكو اي الم ولا مادري يمكن انا متبلدة الأحاسيس >_<
ربي يهونها علينا سبحان الله الوقت ركض كنا من جن شهر نحاتي متى يتحرك البيبي والحين تحاتي متى يطلع
