♥♡♥ تجمع لجميـع مواليـــد 2014 حيــــــاكمـ ♥♡♥

[the note book]

رد: مواليد شهر سبتمبر 9 لعام 2014..حياكم الله اللي حللوا☆★☆

واي نيو اخذي و خلي من هالحجي
لاتدشين واتس اب بس دشي اللاين
احنا نضحكج و نعدل نفسيتج

مناني اي سدادة الرحم نزل جز منها من همبا
مانزلت علي ولا مره بس حسب وصف الي نازله عليهم مثل قطعة لحم بنيه او بيضه كبر نص

كف الايد و فيها عروق ..

انا باجر باذن الله بروح حق دكتورتي و من الموعد يبين اذا مطوله ولا بولد بسرعه

الله كريم و يسهل علينا كلنا

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

مناني كتبي على كوكل وتطلعلج صور سداده الرحم
نيو برايد انا وانتي واشواق بدا العد التنازلي يلا هانت الي صبرنا ٩ شهور يصبرنا ١٠ ايام بعد
ذا نوت بوك الله يسهل عليج وتقومين بالسلامه كتبي هني عن موعدج

 

[أميرة-]

رد: ❤❤❤موااليد اغسطس ❤❤❤2014بأذن الله حيااااااكم

انا سويت تخطيط من دخلت التاسع ٣ مرات وكل ماكو طلق كلش ومفتوح بس واحد سانتي

يوم السبت الجاي ادش العاشر �� احس تعبت بس ابي اولد الثقل مو طبيعي وعوار من تحت مثل الرضا وعوار بظهري ومنحاشه من دكتورتي اخر مرة قالت بدخلج اعطيج طلق صناعي وانا خايفه

جبت خروع وخفت اشربه

اكلت اناناس و كل يوم اشرب زعتر ودارسين و زعفران ماتغير شي

 

[همس اشواقي]

رد: ❤❤❤موااليد اغسطس ❤❤❤2014بأذن الله حيااااااكم

اميره
مدام مفتوح 1ساانتي امشي ع البحر واكلي رطب

 

[دلوعه ناعمه]

رد: ❤❤❤موااليد اغسطس ❤❤❤2014بأذن الله حيااااااكم

انا سمعت ان اللي تشم حلتيته تفتح رحمها بسرعه بس شلون شكلها واذا صج مادري ماجربت
بس اهو حزت الولاده بيفتح من نفسه ماعليه انا قبل لادش العاشر بجم يوم ولدت

والله يسهل عليج

 

[معجزات]

رد: ❤❤❤موااليد اغسطس ❤❤❤2014بأذن الله حيااااااكم

بنات نصيحه لاتسون ولا شي
انتو بس قاعدين اتعبون انفسكم
لان الولاده اذا جات محد يقدر يأخرها
واذا مو وقتها ماتقدرين اتجدمينها
واللي تقول سويت جذي وولدت هذي صدفه وضبطت معاها
انا والله ماخليت شي بولدي ولا صار ولاده ويوم جات الولاده
ماكنت مسويه ولا شي

كل اللي تسونه تعب نفسي وجسدي وفري كل طاقتج حق ساعة الولاده

نصيحه اختكم من تجمع مواليد يناير ٢٠١٥ انشالله

 

[أميرة-]

رد: ❤❤❤موااليد اغسطس ❤❤❤2014بأذن الله حيااااااكم

الله يعطيكم العافية بنات

يعني اقعد وانطر الفرج من الله ان شالله ربي يسهلها

كنت مفكره اخذ كف مريم يقولون يلين عنق الرحم ويسهل الولادة

 

[ام الحلوييييين]

رد: ❤❤❤موااليد اغسطس ❤❤❤2014بأذن الله حيااااااكم

صاجه معجزات انا ولاداتي كلهم لازم اخذ خروع واخر مره اخشت علبتين خروع اشربهم بالليل والصبح انا ولاده بس تكرمون يحوشني ترجيع مع اسهال وياهم الطلوق بس اخر ولاده اخذت عهد على نفسي اني ماأخذه اخذت فوق موعدي خمس ايام وسبحان قعدت الفجر بأصلي وانا بالحمام نزل معاي دم وأقوم اتسبح والبس واقعد العيال ولادتي كانت بشهر مارس واقعد زوجي وانا خفيفه طلوقي وأقوله نودي العيال المدرسه وبعدين المستشفى طبعا حصلت زفه منه قالي الشوارع زحمه ويمكن تولدين بالسياره المهم وصلت المستشفى سبع الاخمس بدا معاي الطلق الحامي بالطريق وفحصتني الدكتوره لقتني قريب 4 سانتي مافي انا ثمان الاخمس والده اسهل ولاده مرت علي حتى زوجي منصدم يقولي مامداني اسوي الاوراق الا وانتي والده ولا تبين نودي العيال المدرسه بس نصيحه انا كنت كل ليله اقرى سورة مريم ادعي اللهم اني أسألك هون الطلق وحسن الخلق

 

[ام الحلوييييين]

رد: ❤❤❤موااليد اغسطس ❤❤❤2014بأذن الله حيااااااكم

اخشت ( اخذت )

 

[حكآية قلب]

رد: ❤❤❤موااليد اغسطس ❤❤❤2014بأذن الله حيااااااكم

دلووووووعه ناعمة



شربية عصفر

خلي شمس الصبح الكبير تحوشة
لاتلبسينه اصفر

و خليه علي ليتات نيووووون بالليل و اسبوعين يطيب

 

[حبي وحياتي]

رد: ❤❤❤موااليد اغسطس ❤❤❤2014بأذن الله حيااااااكم

الحمدلله على سلامتكم
الحمدلله تجاربكم بالوﻻده تطمن ربي يحفظلكم عيالكم وبنوتاتكم
ويهون ع الباجي يارب

​

 

[mi corazon]

رد: مواليد شهر سبتمبر 9 لعام 2014..حياكم الله اللي حللوا☆★☆

مسالورد ياحلوين

منور ولولو وساره وكل الكروشات مس يو

بس حايشني عقر بقر من التلفون من الانستغرام والنت بكبره

امس رفيجتي ولدت الحمد لله ( مو اللي قلتلكم عنها قبل لا ذيج مناظلة معاي هههههه)

بس مادري ليش اخاف لما اسمع ان وحده قربت تولد جني انا اللي بولد لووووول

ربي ايبلنا ساعة الهون

شعور حلو بعد اخر مره شفت الموضوع كانت بيبياتكم بالشريط بالنص الحين مزعللين على اخر الخط فدوه ؛*

موعدي ان شالله الاربعا احتمال كبير تبطل دكتورتي الربط وابدي امشي

حاليا ماكو اي نشاط قاعدة اغلب الوقت جني فقمه على القنفه وأكل وطول الوقت حايشني حارج ولله الحمد

ومرتين بالاسبوع اروح لدكتورتي اسوي تخطيط اهي طلبت جذي

اكو تفاصيل بعد بس مافيني شده صبعي صاير شمتنه ههههههههههه وكله اكتب بدليات بسبته >_<


الحين نبي دروس خصوصيه منكم يالخبرات لو تسمحون

شنو اسوي عقب تبطيل الربط ؟
وشنو العلامات اللي تعني الولادة حالا؟

خبرتي بس بالسداده والماي لاني مجربتهم
غير جذي ماكو بح ابيييييض المخيخ

 

[mi corazon]

رد: مواليد شهر سبتمبر 9 لعام 2014..حياكم الله اللي حللوا☆★☆

وي توني اقرأ عن بيشو

يالله بشارة خير بيضه فقست عقبال باجي البيضات يفقسون بصحه وسلامه

الحمدلله على سلامتها والله يقر عينها بوليدها طمنينا عنها منور

 

[حكآية قلب]

رد: مواليد شهر سبتمبر 9 لعام 2014..حياكم الله اللي حللوا☆★☆

يالله شدووووو الهمةةةةةة



الفال لنا يارب &#55357;&#56832;&#55357;&#56842;

 

[دلوعه ناعمه]

رد: ❤❤❤موااليد اغسطس ❤❤❤2014بأذن الله حيااااااكم

حكايه قلب .. هذا اللي قاعده اسويه بس ماحطيته تحت الليتات
باجر بوديه الطبيب وبشوف شنو يقول

 

[ككوته]

رد: تجمع مواليد أكتوبر 2014 بإذن الله

بنات اشلونكم ان شاءالله بخير يارب
انا باقيلي جم شغله حق النفاس والاستقبال بسوي استقبال يوم واحد بالبيت بعد ماطلع من المستشفى بجم يوم باقيلي جنطه المستشفى بنات شنو نحط فيها ؟؟؟

 

[حكآية قلب]

رد: تجمع مواليد أكتوبر 2014 بإذن الله

هلا ككوووته


ملافع قطن
دراريع و عباية مرتبه لطلعه للبيت
ملابس داخلية قطن سليب و الافضل يكون مرتفع فوق السرة
مشط
شباصه
مكياج بسيط
سليبر
دلاغ
عطر
مره
و الشغل علی حسب ماتحتاجينة

كوتكس اذا متعودا ع شي معين


جنطة البيبي بحط له 5 اطقم

كل جيس فيه تبان و افرول و صدرية و كبوس ولفه


و بجذي اكون خالصه ان شاءالله

 

[حكآية قلب]

رد: ❤❤❤موااليد اغسطس ❤❤❤2014بأذن الله حيااااااكم

ديري بالج لمبات البيت لاتقعدينه بالصفرا
غيري ليتات الغرفه للنيون احسن للنفاس وتريح ترا




الله يشفيه يارب

انا ببجري قبل لاطلع من النفاس خف بس جيكي ع النسبه ع طول

 

[قلب زوجي وولدي]

رد: تجمع مواليد أكتوبر 2014 بإذن الله

السلام عليكم


الحمدالله اليوم خلصت السوق وصكرت جنطة المستشفي

واليوم مراجعتي والحمدالله كل شي تمام

 

[روان_الكويت]

رد: مواليد شهر سبتمبر 9 لعام 2014..حياكم الله اللي حللوا☆★☆

الله يسهل عليج وعلينا كوريزون

مليت ودي اولد
لي الحين ما بلشت مشي بحاول امشي اليوم