♥♡♥ تجمع لجميـع مواليـــد 2014 حيــــــاكمـ ♥♡♥

[عاشقة هواك]

رد: تجمع مواليد مارس 2014 الله يتمم ويسهل يارب

لما ضاقت حتى لو نزل شوي انا مافيني عوار خفيف يوم رحت المستشفى قالت لي عوار طلق قوي انتي روحي جيكي على عمرج

 

[غالية زمانها]

رد: تجمع مواليد ( إبريل - 2014 ) حياااااكم

كيوت
لان هالتليفون مشترك بينهم وقالت الثانيه انا قلت لها انتي روحي تحت واهما يصيرون حق بعض
مادري الله يستر من ريلي وقرارته

 

[^^ام الزين^^]

رد: تجمع مواليد أكتوبر 2014 بإذن الله

خلود القوي هو اللي يعيش هالايام والمفروض سوالف الحمال محد يتدخل فيها لا اهل زوجج ولا اهلج هذا بينج وبين زوجج
ونصيحه مره ثانيه لا تقولين لأحد الا لما يعدي الشهر الثالث واذا زعلو ليش ما علمتيهم قولي لو يصير فيني شي انتو اول من يلومني فما اقول احسن
انا والله حتى زوجي ما قلتله الا تو مابي افتح على نفسي باب اني اقول لأهله وانا اصلا حتى امي ما قلتلها الا متأخر احسن اتأكد ان حمالي سليم ولا فيه نسبة اجهاض بعدها الكل يدري عادي

 

[خلود ناصر]

رد: تجمع مواليد أكتوبر 2014 بإذن الله

يارب تممه علي يااارب قر عيني بشووفته يااارب
بنات ريحه الافرازات جنها كلوركس عزكم الله ولا انا يتهيألي

 

[قرة عيونه]

رد: تجمع مواليد مارس 2014 الله يتمم ويسهل يارب

قصة ولادتي بشيخ الشباب الله يحفظه يارب

الحمدلله حمداً كثيراً طيباً مباركاً فيه

موعد ولادتي كان 28/3/2014
وولدت تاريخ 15/3/2014
الاسبوع 38 ويوم بالضبط
المستشفى العرف د. منتهى السالم

كتبتلكم قبل اني رحت يوم الخميس العرف عند دكتوره دعاء لان ماكان عندي موعد عند منتهئ عشان اجيك ع البيبي واسوي سونار يعني موعد عادي وقلتلها تفحصني عشان بولد بسرعه وطلعت 3 سم بس مافيني طلوق كلش فقالتلي ردي البيت وتعالي اذا حسيتي بطلق واسمحتلي اشرب خروع

بعدها رديت بيت اهلي وماحس باي طلق قعدت احسب وانطر واي عوار يجيني عبالي طلق كلش ماكنت افرق هههههه اخر شي زهقت ونمت لان اكتشفت ان مافيني عوار صجي قلت اذا جاني اكيد بقوم

بعدها الجمعه بالليل رديت بيتي وريلي كنت موصيته يجيبلي خروع وع 12 ونص شربته مع عصير جوافه

لا تشوفون اشكالنا قاعدين وننطر الطلق انا وياه وطبعاً ماكو اي شي ههههه جان نزهق وننام بس انا ماقدر انام خلاص كان السبت اخر موعد لتسجيل الروضه تاريخ 15/3 وانا من حملت ادعي اولد قبل هالتاريخ عشان يدخل صغير لوووول الكل كان يضحك ع تفكيري بس ماعلي من احد سويت اللي براسي
المهم بعد مانام ريلي قمت وشربت خروع مره ثانيه مع عصير سانكست وحسيت بدا مفعوله شوي وبعدين وقف قلت خل انام احسن ونمت الفجر قمت ع 9 ونص وريلي توه قعد جان اقوله ها اشرايك نروح المستشفئ اليوم اخر يوم مادري ليش طاوعني كل مره كان يقولي الصبر زين ههههه

المهم رحنا الطوارئ قلنا بنقص عليهم اقولهم فيني ولاده عشان يحولوني عند منتهئ لان ماخذت موعد
وتجيك علي الدكتوره الهنديه مالت الطوارئ ولا تصدمنا 5 سم!!
انا ماصدقت قلت شنو ولاده ؟ قالت ايي دخووووول ع طول قلت بس انا مافي طلق اكيد دخول ؟ يعني ادق ع ماما اقولها ؟ خفت انهم يرجعوني نفس ماصارلي الخميس ههههه

جان تقولي اكيد ولاده شلون يرجع بيت بعدين يسوي ولاده بالبيت يلا روحي مبروك بعد شوي يصير ماما هههههه انا استانست وع طول سوينا اجراءات الدخول ودقيت ع امي ورحنا غرفة العمليات وودعت ريلي اخنقتني العبره كان بيدخل قالت لا خلاص هني ولاده مايصير وافترقنا: (

بعدين دخلت وبدلت ملابسي ولبست لبس الولاده وقالت بعطيج ابره شرجيه تذكرت حماتي كانت تذمها تقول تغث اخذي خروع احسن فقلت للسستر لا مابي انا ماخذه خروع وقالت اوك ع مابدلت وحطولي المغذي ومادري شنو كانت الساعه 11 وعشر جان تقولي السستر ماما اخذي كمام عشان تنامين يمكن اطولين قلت يلا اخذه مع اني ماحس بالم الف حمد وشكر لك يارب العالمين بس قلت اخذه عشان يمر الوقت بسرعه

وطبعاً من اخذته دخلت عالم ثاني صج وناسه بس اللي اذكره كنت اقول للسستر شنو عطيتوني طلق صناعي ؟ كل شوي اسالها ههههه لاني متعقده منه اختي تذمه وكله كتت ادعي اني اولد بطلق طبيعي وعبالي انهم عطوني طلق صناعي يوم سالت الدكتوره ثاني يوم قالت لا ماشاء الله عليج ولادتج طبيعيه وطلقج طبيعي وكل شي تمام
المهم اكملكم اللي اذكره ان الدكتوره جت وفحصت 6 سم بس ماكنت مركزه معاها فجاه الا اسمها تقول يلا ياسماء وانا كنت اقول دكتوره يعور يعور عبالي قاعده تفحص تعقدت من الفحص ولا طلعت تولدني وانا مو حاسه

فجاه السستر تقعدني كانت الساعه 4 ونص ولا اقولها يلاا خلصوا بوووولد كنت دايخه طبعاً هههههه جان تمسك بطني وتضحك تقول ماما خلاص انتي جبتي بيبي وانا مو مصدقه اقول صج انتي شفتي بيبي انا ؟ امانه قوليلي بيبي انا حلو ؟؟ وهي تضحك ماترد لاني حيل كنت دايخه وكل سستر اشوفها اقولها نفس الشي وقعدوا يضحكون علي وطلعوني من العمليات كنت للحين دايخه مادري انا وين اصلا ولا اسمع صوت زوجي قلت انت مني واقعد ابجي شكوووو مادري ههههههه هو خاف قال شفيج تعبانه قلت لا بالعكس ماحسيت بشي الحمدلله بس ابي اشوفه وينه انت شفته جان يوريني صورته

هذا اللي حسيت فيه واذكره اما اهلي وزوجي قالوا اني ولدت الساعه 2 ونص يعني تقريبا قعدت 3 ساعه ونص بس بالولاده الحمدلله وقالوا ان منتهئ كل شوي تدخل وتجيك واني طولت شوي وانا 8 سم بعدها فتح 10 وولدت الحمدلله

اول يوم كان احلا يوووم كنت للحين مبنجه وماحس باي الم ثاني يوم قمت عبالي عادي اقدر اتحرك جان ادوووخ حيل جاني هبوط لاني ماكلت عدل وبديت احس بالم الخياط: (

اليوم ثالث يوم توني وصلت بيت اهلي للحين الم الخياط يعور بس احس اخف من امس واحس راحت الدوخه شوي

ادعولي امانه يمر الاسبوع بسرعه وافتك من الخياط حيل مضايقني

والله يسهل عليكم كلكم يارب ويرزقكم بولاده سهله نفسي ونصيحه ع طول ادعوا اللهم يسر ولا تعسر كله كنت اقول جذي وسبحان الله تيسرت ولادتي الف حمد وشكر لك يارب

واحساسي للحين احس اني بحلم للحين مو مصدقه كل اللي مريت فيه ومو مستوعبه اني اخيراً صرت ام لاحلا ولد بالدنيا فديته الله لا يحرم اي انثئ من هالشعور يارب العالمين

وسوري طولت عليكم بس لاني احب اقرا قصص الولادات بالتفصيل وانا حامل كنت ادورها دواره فقلت اكتب تجربتي بالتفصيل يمكن في بنات نفسي يحبون التفاصيل لووول

 

[خلود ناصر]

رد: تجمع مواليد مارس 2014 الله يتمم ويسهل يارب

الف الف الف الف الف مبروووك وقرت عينج
وحمدالله علي سلامتج يتربي عزكم انشاء الله

 

[sara_87]

رد: تجمع مواليد مارس 2014 الله يتمم ويسهل يارب

قره

الف مبرووووك حبيبتي والحمدالله على سلامتج انتي والبيبي

 

[dewy twilight]

رد: تجمع مواليد مارس 2014 الله يتمم ويسهل يارب

قرة عيونه


لووووووووول ياعمري موتيني ضحك
وقصتج تهبببل بتفاصيلها

والحمدالله اللي الله ارزقج الولاده السهله الحمدالله الحمدالله

الف مبرووووك ياقلبي ♡♡♡♡

 

[مآيكبرني نك]

رد: تجمع مواليد ( إبريل - 2014 ) حياااااكم

يآقلبي انتي حبيبة زين ذكرتيني بآلمرة يعني اؤل اﻻيام تغسلين المنطقه ببيتادين وتحطين

ع الخياط ميبؤ والبخاخ متىى ؟


غاليه انا اقؤلج تغاضي ﻻنه الكل جي الآ مايطلع فيهم عيب وصعبه تحصلين بديل

 

[مآيكبرني نك]

رد: تجمع مواليد ( إبريل - 2014 ) حياااااكم

يآقلبي انتي حبيبة زين ذكرتيني بآلمرة يعني اؤل اﻻيام تغسلين المنطقه ببيتادين وتحطين

ع الخياط ميبؤ والبخاخ متىى ؟


غاليه انا اقؤلج تغاضي ﻻنه الكل جي الآ مايطلع فيهم عيب وصعبه تحصلين بديل

 

[ward-ward]

رد: تجمع مواليد مارس 2014 الله يتمم ويسهل يارب

الف الف مبروك قرة عيووونة ومبروك ماياج ويتربي بعزج ان شاءالله والتساهيل من رب العالمين سبحانة والله قاعد اقول باذن الله اذا جتني الولادة الصبح اروح لدكتورة منتهي السالم اولد عندها واذا جتني بليل اروح للهادي عند الدكتورة رشمي والله يكتبلي اللي فية الخيررر عند الهادي او العرف منتهي

 

[خوخه89]

رد: تجمع مواليد ( إبريل - 2014 ) حياااااكم

قوه بنات شخباركم

وشلون شعوركم واحنا قربنا نشوف نور عيونا وحياتنا بيبياتنا

فديتهم يهبلون بس يكسرون الضلوع خخخخخ

 

[ZynaH-Q8]

رد: تجمع مواليد مارس 2014 الله يتمم ويسهل يارب

الف مبرووك قره

قصتج ما شاء الله تشجع ..واغلب اللي اعرفهم والدين بالعرف جذي وﻻدتهم

موفقه ان شاء الله

 

[بدون بس مغتربه]

رد: تجمع مواليد أكتوبر 2014 بإذن الله

موعدي ٢٦ الشهر
مادري والله عن الافرازات وريحه بس دام مافيها حكه ماعليج شي

 

[MOOON&M]

رد: تجمع مواليد ( إبريل - 2014 ) حياااااكم

غاليه

اقول لا تسفرينهم ماكو خدم الحين وانتي على وجه ولاده

بس خلي زوجج يزفهم

هلا والله خوخه شخبارج

اي والله بيبياتنا ما يطقون الا بالضلوع


الله يسهل علينا ان شاءالله ونولد بالسلامه

كيوت شوي بكتبها لج ان شاءالله

 

[MOOON&M]

رد: تجمع مواليد ( إبريل - 2014 ) حياااااكم

مايكبرني

اهم شي المره

وباجي الادويه وانتي طالعه من المستشفى يعطونها لج


شنو باقيلكم بنات

ان شاءالله على نزلت المعاش بطلب ادويتي من ام خالد

واسوي الككاو

وباجي مطارة الماي الحار وسوالف الخلطات باخذها من الحواج

 

[دلوعة ماماتي 88]

رد: تجمع مواليد ( إبريل - 2014 ) حياااااكم

فاقده حمره من غير شر

مابينت من امس

 

[مــتــنــحــة]

رد: تجمع مواليد مارس 2014 الله يتمم ويسهل يارب

قرة تهبل قصتج والحمدالله يارب ماطولتي بالولاده

الفال لنا يارب

العاشقه الخوا جوا اعشاب ناشفه تاخذينها من الحواج

وتاخذين كثر الكف وتطحنينه

وتحطينه على كوبين زيت زيتون بقدر وعلى نار هاديه وتحركينه مع قفشة كبيره مره مطحونه ناعم

لما يذوبون بالزيت ويفوو الزيت تسكرينه وتخلينه يبرد وتشخلينه بعلبه زجاج وتحطينه عندج بالحمام

وتستخدمينه كل مره تدشين الحمام

يلين الخيوط عشان ماتنشف وتشد وتعورج وتحك

ويعقم المكان عشان مايصير معاج التهابات

وبنفس الوقت يحفظج من العطور والبخور عشان مايصير معاج شمم

وبس

 

[خلود ناصر]

رد: تجمع مواليد أكتوبر 2014 بإذن الله

بنات منو تاخذ بيبي اسبرين و شنو تحس فيه ذبحني المغص مادري اهو من اعراضه و لا لا

 

[خوخه89]

رد: تجمع مواليد ( إبريل - 2014 ) حياااااكم

غاليه لاتسفرينهم على ماتطلبين خدم ويجونج بتتعبين خلاص عدي هالمره لهم