♥♡♥ تجمع لجميـع مواليـــد 2014 حيــــــاكمـ ♥♡♥

[fofowa_q8]

رد: تجمع مواليد ( إبريل - 2014 ) حياااااكم

مساء الخير

بنات دقو علي العيادة نتيجة المزرعة طلعت الحمدلله

تقول ماكو التهابات ولاشي مادري ليش الدكتورة

قالت احتمال كبير فيج التهاب وحطت لي تحميلة!

 

[عاشقة هواك]

رد: تجمع مواليد مارس 2014 الله يتمم ويسهل يارب

مشكورة متنحة حياتي ما قصرتي

 

[fofowa_q8]

رد: تجمع مواليد ( إبريل - 2014 ) حياااااكم

غروب شمس مادري ماانصحج تجربين شي غير المشي والتمر
انا مومجربه الحلتيته اخاف اجازف بشي

حبيبه مادري على سالفة الرداده لي الحين خايفه
وموسوسه بستخير قبل الولادة ان شاالله واشوف

غاليه زين تسوين ودي عيالج بيت اهلج حزة الولادة
ان شاالله وبالنسبة للخدم لاتجازفين الحين تودينهم
وبعدين شبتسوين اذا ولدتي!! منو يجابل عيالج
ويغسل وينظف! صعبه حيل ..

 

[مــتــنــحــة]

رد: تجمع مواليد مارس 2014 الله يتمم ويسهل يارب

حياج الله يالغاليه:eh_s(7):

 

[Om al7la]

رد: تجمع مواليد أكتوبر 2014 بإذن الله

خلود

صح كلام البنات الحمل مااعلم فيه احد ليما اتأكد انه حمل سليم
باذن الله واسمع النبض واتطمن بحملي الاول والثاني علمتهم
عقب ماتطمنت وسمعت نبض الجنين ونفس الشي بحملي
اللي اجهضته ماعلمت ليما طاح والحمدلله على كل حال
عرفت خالتي من زوجي لانه صادف روحتنا الطبيب بوقت متأخر
وخلينا عيالي عندها وشكت بالموضوع وحلفتنا انها تعرف شسالفه

 

[fofowa_q8]

رد: تجمع مواليد ( إبريل - 2014 ) حياااااكم

مايكبرني بالنسبة للادوية مالت الجرح اذكر اول

ماطلعت من الولادة غطوني بخاخ بيتادين وكريم فيسودين

واهو طبعا كريم مضاد عشان مايلتهب الجرح

وكريم ميبو اعتقد بعد جم يوم عطتني اياه الدكتورة

لما الخيوط طاحت او قبل مو متاكدة.. بس مو اول الايام

 

[BaЯBya]

رد: تجمع مواليد أكتوبر 2014 بإذن الله

خلود انا كنت اخذ بيبي اسبرين بس عادي ما احس مغص

بس وقفته مؤقتا عشان الدم الي ينزل ما يصير اخذه

 

[Om al7la]

رد: تجمع مواليد أكتوبر 2014 بإذن الله

الافرازات دام مافيها حكه ولا لون متغير عادي طبيعي
تطمنوا الله يتمم عليكم يارب

 

[لوولوو_88]

رد: تجمع مواليد أكتوبر 2014 بإذن الله

هايدي ربي يعوض عليج و عساها خيره يا رب ..

أم الزين الله يخفف عليج الوحام يا رب طمنينا عليج لا راجعتي ..

خلود انا اخذه ما أحس بمغص إلا الي يروح و يرد و خف علي بالثالث ..

 

[غالية زمانها]

رد: تجمع مواليد ( إبريل - 2014 ) حياااااكم

امهات يالله قولي شنو حطيتوا بجناطتكم مالت المستشفى لي مزاج الحين اسويهااا

 

[Om al7la]

رد: تجمع مواليد أكتوبر 2014 بإذن الله

بنات حبيباتي

اكثركم والاغلبيه بجريات استمتعوا بلحظات الحمل لاتعكرون
مزاجكم بافرازات خفيفه وطبيعيه او بمغص خفيف او باعراض
طبيعيه جدا بالحمل الحمل مرحله حلووووه وخاصه للي بتصير
ام لاول مره افرحوا وتفائلوا بالخير تجدوه وصدقوووني بتضحكون
على نفسكم بعد ماربي يتمم عليكم ويهون عليكم بالولاده السهله باذن الله

 

[لوولوو_88]

رد: تجمع مواليد أكتوبر 2014 بإذن الله

صدقتي يا ام حلا .. ذبحنا الوسواس الي على غير سنع و انا منهم مع الاسف أقل شي يخوفني و أخاف يصير فيني .. ربي اتمم علينا و يكمل حملنا بصحه و سلامه

 

[MOOON&M]

رد: تجمع مواليد ( إبريل - 2014 ) حياااااكم

هذي الخلطه كيوت

خلطة بياض الثلج انا استعملتها للوجه والجسم

صابونة غار اتنقعينها بماي ورد طول الليل
علبة فكس صغيره
2 ملعقه كركم الجسم
بيالة شاي كل من زيت الخروع للجسم وزيت اللوز المر وزيت الزيتون
جليسوليد سائل كبير
كريم جلسوليد الاحمر المدور حجم كبير
ملعقتين كبار زبدة شيا الخام
تبشر و تنقع الصابونه بليل بماء ورد حوالي كوب وتترك باليوم الثاني ثم تضيفين بقية المقادير وتخلط بالخلاط ( خلاط الكيك ) وتوضع بعلبه قزاز لليوم الثاني

وتترك عالجسم ساعتين ثم تغسل وتسوين سنفره ملح الحليب موجوده عند العطار

 

[MOOON&M]

رد: تجمع مواليد ( إبريل - 2014 ) حياااااكم

هذي الخلطه كيوت

خلطة بياض الثلج انا استعملتها للوجه والجسم

صابونة غار اتنقعينها بماي ورد طول الليل
علبة فكس صغيره
2 ملعقه كركم الجسم
بيالة شاي كل من زيت الخروع للجسم وزيت اللوز المر وزيت الزيتون
جليسوليد سائل كبير
كريم جلسوليد الاحمر المدور حجم كبير
ملعقتين كبار زبدة شيا الخام
تبشر و تنقع الصابونه بليل بماء ورد حوالي كوب وتترك باليوم الثاني ثم تضيفين بقية المقادير وتخلط بالخلاط ( خلاط الكيك ) وتوضع بعلبه قزاز لليوم الثاني

وتترك عالجسم ساعتين ثم تغسل وتسوين سنفره ملح الحليب موجوده عند العطار

 

[Om al7la]

رد: تجمع مواليد أكتوبر 2014 بإذن الله

لولو

قولي دايما قل لن يصيبنا الا ماكتب الله لنا ،،، هو رب العباد القوي عطاج هالنعمه
قادر يحفظها وحتى لو جاج الوسواس تعوذي من ابليس واقري على رحمج وارقي
نفسج وماعليكم شر
وانا بدعيلكم ان شاءالله ربي يتمم عليكم وافرح بتباشير ولاداتكم

 

[ام مريم ورحمة]

رد: تجمع مواليد ( إبريل - 2014 ) حياااااكم

صباح الخير بنات شوفي غالية انا حطيت ملابس لي اندروير شلحات قطن اربع وشيلات قطن وطواقي وسراويل قطن وستيانات واندروير استخدام مرة وحدة وشاور جل وغسول للجرح ومزيل عرق وشحاطة خفيفة وفرشاة اسنان ومعجون وفوطة كبيرة للحمام وفوطة وجه وارواب خفيفة وكريم يد ومرطب شفايف وكريم بيبانثين لترطيب الحلمة ومشط وربطتين شعر وطبعا دراعات قطن وملابس للطلعة من المستشفى باذن الله ايه تذكرت وبعد اخذت فوط صحية مالت الولادة سبحان الله ما احب ما يكون وياي مع انهم يعطونج بالمستشفى بس احتياط

 

[^^ام الزين^^]

رد: تجمع مواليد أكتوبر 2014 بإذن الله

هلا لولو تسلمين ان شاءالله اذا راجعت بقولكم اكيد انتو اول من يدري

 

[^^ام الزين^^]

رد: تجمع مواليد أكتوبر 2014 بإذن الله

تسلمين ام الحلا والفال لما تبشرينا بحملج بصحه وبعافيه يارب

 

[عاشقة هواك]

رد: تجمع مواليد مارس 2014 الله يتمم ويسهل يارب

يتربى بعزكم قرة والحمد الله على السلامة اخذي المضاد والمسكن ادري ما يسوي شي بس ان شاء الله فترة وتعدي

 

[fofowa_q8]

رد: تجمع مواليد ( إبريل - 2014 ) حياااااكم

حبيبتي كيوت كتبت لج برنامجي الكامل حق الجسم والبشرة والشعر .. طبعا هذا البرنامج ماابدي فيه الا عقب شهر تقريبا من النفاس قبل لا اتييني اخت النفاس لان مو زين تطولين بالحمام وانتي بكرامة اول الايام..

اول شي ادهن جسمي بهالخلطة من الزيوت (زيت الليمون-زيت الجلسرين-زيت اللوز المر) واخليها على جسمي ٣-٤ ساعات وبعدين ابطل الماي الحار اخلي الحمام وانتي بكرامة حار كله بخار واغسل جسمي بصابونة البابايا اللي فيها قطع واتفرك بليفة خشنه شوي .. وبعدين اسنفر جسمي بسنفرة ملح الحليب واخليها شوي جم دقيقه واغسلها وعقب احط صابونية مزيونة وشقره اكيد تعرفينها تهبببببل توحد اللون وتنعم واخليها ربع ساعه جم وبهالوقت اسنفر ويهي (سنفرة سانت ايفز بالمشمش) واسنفر شفايفي بسنفرة اسراري اخذها من وحده بالانستغرام تنعم وترطب الشفايف .. وبعدين اغسل جسمي واتنشف وارشه ماي ورد اكون حاطته في بخاخ على ويهي وجسمي ولما ينشف ارطب جسمي بكريم الدلال هم من مزيونه وشقره وايد حلو يرطب ويوحد اللون وريحته حلوة .. وارطب شفايفي طبعا بمرطب الشفايف.. هذا نظامي اسبح يوم وترك .. واستعمل مرة بالاسبوع لزقات الخشم اللي تشيل الدهن والرؤوس السوده ..

ويوميا ادهن جسمي بكريمات انا اخلطهم يشدون الجسم ويوخرون السليوليت اذا فيج اللي اهم (بالمرز مكتوب عليه للشد بعد الولادة- كريم نيفيا مكتوب عليه لوشن لشد الجسم- و سليوليت جل كريم هم من نيفيا لونه ازرق) .. وابدي حمامات مغربية من اول مااطلع من النفاس مرتين بالشهر..

بالنسبة للشعر احب استعمل خلطات طبيعية مااجازف بتونيكات وبخاخات لاني ارضع .. وابدي فيهم بعد شهر من النفاس عشان لايدش راسي هوا .. استعمل صبار وجرجير وسدر ينبتون الشعر ويخففون التساقط .. ومرات احط خلطة افوكادو وروب وعسل وحليب بودر وشوية خروع..

وبالنسبة للويه في ماسكات جاهزة من نيفيا احطهم اذا مالي خلق اسوي ماسكات هم حلوين ومرات احط روب وعسل ونشا ومرات احط افوكادو ويوميا ماي ورد ارش على ويهي واحط مع الماي اللي اشربه .. بالليل قبل ماانام اغسل ويهي بنيتروجينا واحط كريم الليل مو لوريال والترطيب ضروري يوميا بأي مرطب ترتاح له بشرتج..

رموشي استخدم مسكرا اكرينال وخلطة حيادر اللي فيها خروع ونوا التمر ..

قبل لااطلع من النفاس اروح سبا ادلع نفسي شوي واسوي تنظيف اسنان واستعمل لزقات كرست للتبييض .. وتنظيف بشره واروح الصالون اغير شوي بشعري بس مااحب اصبغه لان يكون تلفان ويطيح عقب الولادة.. لازم تستمرون عالفيتامينات والحديد ضروري


وسلاااااامتكم