♥♡♥ تجمع لجميـع مواليـــد 2014 حيــــــاكمـ ♥♡♥

[روان_الكويت]

رد: مواليد شهر سبتمبر 9 لعام 2014..حياكم الله اللي حللوا☆★☆

صباح الخير جميعا رحت امس لدكتوري وطلعت صح حسبتي عمر البيبيَ بالسونار خمس اسابيع و٤ ايام لان تبويضي متاخر

بس قبل اشوي نزلت علي فرازات بنيه انشالله ماترجع مره ثانيه واذا جتني بروح الطبيب
منو الي كان ينزل عليها بني اشصار عليها الحين واذا راحت الدكتور شقال لها

 

[لما ضاقت]

رد: تجمع مواليد مارس 2014 الله يتمم ويسهل يارب

سامحوني البدليات وايد هههههه

 

[ام مريم ورحمة]

رد: تجمع مواليد مارس 2014 الله يتمم ويسهل يارب

انا الشعر الابيض مضايقني حييييل ودي اصبغ قبل الولادة انا قبل في حمالي اصبغ عادي بس ما ادري ليش هالمرة متخوفة من الصبغ بنات اشرايكم بالصبغ في الحمل انا الحين اول الثامن الحمد لله

 

[لما ضاقت]

رد: تجمع مواليد مارس 2014 الله يتمم ويسهل يارب

بنات شنو الموضة الحين افكر بنيولوك بعد الأربعين بس مو عارفة اللي تعرف بالموضة تفيدنا

 

[fofowa_q8]

رد: تجمع مواليد ( إبريل - 2014 ) حياااااكم

آمين يارب يحفظ امهاتنا ويخليهم لنا

اشوه لا مناوي انا ماخليته يدش كلش لا اول ولا اخر شي

قلت حق امي لا يدش لاني كنت بحالة شنيعه ههههههه

مع ان كنا متفقين ان يدش بس حزتها لا لا مااتخيل يشوفني

بهالوضع بدون ابرة ظهر ولا كمام وحالتي حالة

وانا ادري فيه مايتحمل كلش قلبه رهيف حبيبي

اهو دش بعد الولادة وشاف تكرمون الدم عالارض

يقول يتني دوخه ورجفه قلت له ماشفت شي

سبحان الله تجربة حلوة رغم قساوة ألمها

 

[لما ضاقت]

رد: تجمع مواليد مارس 2014 الله يتمم ويسهل يارب

ام مريم غدى شرك بالثامن ما عليك خوف انشالله انا قبل شعري عادي بس حمالتي هذي انتشر فيني الشعر الدابيض اللي تعرف حل تفيدنا

 

[ام مريم ورحمة]

رد: تجمع مواليد مارس 2014 الله يتمم ويسهل يارب

لما ضاقت انا اشوف نفاسج ببيتج اريح لج واذا على اكل النفاس خلي امج تدزلج او اتفقي مع حرمة من اللي يسوون اكل نفاس وتقعدين وسط اعيالج وببيتج انا بعد باقعد ببيتي وزهبت اغراضي اعشاب وحسو ولهوم وغيره والاكل امي بتدزه لي يوم بيوم والله يسهل ويمر النفاس بخير

 

[مناوووي]

رد: تجمع مواليد ( إبريل - 2014 ) حياااااكم

حمدلله يارب
الله يحفظهم ويرزقنا برهم

 

[ام مريم ورحمة]

رد: تجمع مواليد مارس 2014 الله يتمم ويسهل يارب

هههههههه انا اعرف حل الشعر الابيض الصبغ وبس خلاص ان شاء الله باخذ بنصيحتج واصبغ مالي خلق اطالع شعري ابيض

 

[fofowa_q8]

رد: تجمع مواليد ( إبريل - 2014 ) حياااااكم

انزين بنات شاركونا شنو برنامجكم بنفاس؟

شتسوون عشان يرجع الجسم والبطن؟

وشنو الادوية والاعشاب اللي تاخذونها؟

ونظامكم الغذائي شلون؟

 

[مناوووي]

رد: تجمع مواليد ( إبريل - 2014 ) حياااااكم

فوفو يوم ولادتي لابرامج ولا خرابيط حتى تدهن وخلطات مافيه ههههه


ماعندي خدامه وماحب اثقل على امي وماخلي بنتي بروحها حتى الحمام تكرمون ماطول واحط كاميرا عندها وادخل
الخلطات والسوالف كلها انقطت بعدين ههههه
والاكل اكلي كلش موذاك الزود موكل شي احبه معقد اكلي صعب ..والادويه اخذها من مرت جيرانا

 

[مناوووي]

رد: تجمع مواليد ( إبريل - 2014 ) حياااااكم

والكرش ماترد مثل قبل الا بعد ست شهور لي ثمان شهور
والمشد ماستخدمته واجد كان يضايقني وانشغلت مع بنتي من غير خدامه وماهتميت واجد الخدامه ماجبتها الا بحمالي هذا بالشهر الرابع
ناويه اهتم ان شاءالله بنفاسي وسوالف خلطات بس خل اجهز للبيبي اول بعدين افكر بهالسوالف ،، الله يسهل يارب

 

[New_bride]

رد: مواليد شهر سبتمبر 9 لعام 2014..حياكم الله اللي حللوا☆★☆

روان انا الحمل الاول نزل علي مثل الخيوط الورديه الباهته ومعاها بني وكان عندي الم فضيع فالبطن وغازات عطوني مثبت دوفيستون و وقفت الافرازات والالم اختفى

-----------

فيني لوعه فضيعه مب مخليتني انام قمت من النوم على هاللوعه

مادري شسوي ابي استفرغ بس مب قادره

ماحب هالشعوور

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

والله تعبت بالنهار مافيني شي من يصير الليل اتعب وتلوع جبدي وارجف مدري من الحمل او من البرد الحراره عنده 12- كرهت البيت ومو قادره اطلع من البرد ...احس اللي تتوحم من تكعد بالبيت تزيد

 

[SARA*]

رد: مواليد شهر سبتمبر 9 لعام 2014..حياكم الله اللي حللوا☆★☆

روان انا الحمل الاول نزل علي مثل الخيوط الورديه الباهته ومعاها بني وكان عندي الم فضيع فالبطن وغازات عطوني مثبت دوفيستون و وقفت الافرازات والالم اختفى

-----------

فيني لوعه فضيعه مب مخليتني انام قمت من النوم على هاللوعه

مادري شسوي ابي استفرغ بس مب قادره

ماحب هالشعوور

نفس شعوري ودي ابجي:eh_s(11):

 

[baa6aa]

رد: تجمع مواليد مارس 2014 الله يتمم ويسهل يارب

بنات نطرنا ٨ شهور مو عيزانين شهر لي عقب الولادة نصبغ
كلنا شعورنا شيب ومضايقنا هالشي بس شنسوي هانت ما بقى شي لا تتهورون احسن

 

[live life]

رد: تجمع مواليد مارس 2014 الله يتمم ويسهل يارب

شلونكم بنات

يعني اليوم كنت ناويه ابدي تجهيييز مايمديني دخلت ولا ذبحني ظهري من العوار
المشكله هنيه كل محل بصوب مو بمكان واحد يعني لازم فره


شريت جم شغله وقلت خلاص برد البيت ، الله يعين

باجي يومين وادش الثامن على خير ان شاءالله ويارب دكتورتي تطمني ع نتيجة السونار

 

[live life]

رد: تجمع مواليد مارس 2014 الله يتمم ويسهل يارب

سالفة الشعر الابيض سالفه

باط جبدي ماني قادره اصبغ اخاف واوسوس

قزرتها حنه لشعري بس مشكله يصير لونه احمر

عاد قلت بشتريلي تيجان وسكارفات ليما اولد تالي اصبغ

 

[fofowa_q8]

رد: تجمع مواليد ( إبريل - 2014 ) حياااااكم

مناوي حبي مااقصد الخلطات والكريمات وهالسوالف

اقصد الادوية والاعشاب واللهوم ونظام الاكل

خناقولكم انا شسوت لي امي الله يخليها لي

والحمدلله طلعت من نفاس راده وزني قبل الحمال

وبطني ماشاالله شاد مااقولكم رد نفس قبل

اكيد يبي له وقت بس الحمدلله شكله كان طبيعي

جنه كرشه عنونه .. اول شي الاكل وايد مهم

لازم تسوون لكم نظام غذائي لاتخربطون بنفاس منها

تعوضون جسمكم عن اللي فقده طول فترة الحمال

والولادة ومنها عشان تقدرون ترضعون وماتقولون مافينا حليب

كله يعتمد عالاكل صدقوني .. اكبر غلط انج تيوعين روحج

اكلي ٣ وجبات رئيسيه بينهم سناكين او ٣ بس مو معناته تاكلين

الاكو والماكو لا لازم اشياء مفيده .. والسوائل اهم شي وانفع

شي حق الرضاعه شربي ماي دافي طبعا كثر ماتقدرين لايقولون لج

يطلع كرش ولا يخرب الوحده كله خرابيط .. وطبعا العصاير الفرش

وايد مهمه والحليب عالاقل قلاصين باليوم وابتعدو عن العيش واي شي

فيه عجين ماراح يفيد بس يتفخ عالفاضي سوالف قبوط ومرقوق وعصيده

كله طحين والله مايفيد اكلو لحم سمج دياي بكثره وخلوه مشوي

والسلطات طبعا مهمه خصوصا التبوله كلها بقدونس يدر الحليب

وبنفس الوقت يرفع الحديد اللي راح ينزل بعد الولاده

وهم شي مهم الشوربات خصوصا شوربة الدياي مع الشوفان والجزر

وايد مفيده وتدر الحليب..

اما الادوية والاعشاب لاتقولون مانحب ومالنا خلق

داومو عليهم وشوفو شلون راح تنظفون بسرعه حدج اسبوعين

وبشوفين نفسج نظيفه ومافيج غازات ولا افرازات تكرمون

وتدفي البطن وتريح.. انا اخذ برنامج النفاس من خبيرة الاعشاب

ام خالد اللي معانا بالمنتدى ادويتها تهبل طعمها مقبول ونظيفه

ومرتبه وتكتب لج برنامج النفاس كامل يزاها الله خير

وازيد عليهم خلطة قشر القهوه مع الرنجبيل والدارسين والكمون

صج ترد البطن مع الكورسيه(المشد) البسه بعد اسبوع من الولاده

طول اليوم بس افصخه اذا بنام .. صج يضايق اول الايام

وماتحسين انج مرتاحه بس تتعودين عليه .. وهم الستيان

لاتقطونه بنات خلكم لابسينه على طول عشان الصدر لا يترهل

وفي تمارين بسيطه تسوينها موجوده بيوتيوب ماتاخذ ١٠ دقايق

سووها حق الصدر وايد تنفع ..

وايد قرقت بس والله بفيدكم احبكم

 

[شيخه كويتية]

رد: مواليد شهر سبتمبر 9 لعام 2014..حياكم الله اللي حللوا☆★☆

ومازال مسلسل اللوعه مستمر