♥♡♥ تجمع لجميـع مواليـــد 2014 حيــــــاكمـ ♥♡♥

[صاحبة الكلمة]

رد: تجمع مواليد ( إبريل - 2014 ) حياااااكم

فوفو

لا تشكيلي ابجيلج

حالي من حالج والله نفسيتي حدها مو شي

بسبة هالخدامه

صارلها 10 ايام ضايق خلقها ومنفسه وتكلمني بنفسيه

قلت حرام يمكن اعيادهم مالت الكريسماس وتبي عيالها والله يعينها

السالفه يابنات اول مايتني شريتلها كل شي هدوم وغيره وحتى اندروير

وذاك اليوم وديتها السوق وياي عشان تشتريلها هدوم

وشرتهم على حسابها لان عبالي انها لازم تقضي روحها من معاشها

والله ماعرف لانها اول خدامه .. وغلطت هالغلطه

ولما سألت قالولي لا هدوم الخدم عليج

قلت اوكي وقلتلها خلاص مره ثانيه ماخليج تشترين شي

تقولي لا انتي بلشتي معاي مشاكل وهذي بدايتها وادري المشاكل بتزيد

اقولها يابنت الحلال اي مشاكل

اذا قصدج عالمشتريات خلاص ماخليج تجيسين معاشج

تقولي ما اقعد عندج دقيقه

ومو منظفه ولا مسويه شي ومترصصه بهالجنز وتقول ودوني المكتب

عصب ريلي وزفها وقامت تبجي وانا دشيت غرفتي وقعدت عند عيالي

ماحب هالمواقف واخاف

المهم ان هذا اللي صار على 7 دنانير سوتلي قصة

ولو ادري ماخليتها تدفعهم مايسوووووون

اففففف مادري والله

احيانا الوم نفسي واحيانا اقول لو هذا السبب صج

جان بعد ما كلمتها طخت

بس اهي صارلها 10 ايام براسها شي

والقهر تقولي كل شي زين ببيتكم انتي والاكل والعيال

بس خلاص ما ابيكم

ياربي مادري مادري شقول

كان ممكن انج تعطينها فلوس عطيه جي ترقعين فيه الموضوع و تعوضينها ؟ بس اهي شكلها راكبه راسها بس عسى ما تطلع طناقرها حزت الحزة

 

[صاحبة الكلمة]

رد: تجمع مواليد ( إبريل - 2014 ) حياااااكم

اهلين صاحبة الكلمة الله يتمم علينا وعليج على خير يارب

حبيبتي وياج يارب
عندي سؤال
انا اراجع في رويال حياة و الدكتورة قالت لي راس البيبي نازل الرحم عندج نازل شوي بسبب الشغل انا شغلي متعب ووقفت شغل و هالحجي صار من شهر
قبل 3 ايام راجعت جان تقول لي للحين نازل ليش ! انا مريحه بالبيت و مو قاعده ابذل مجهود بس معاي قولون عصبي و قالت لي احتمال القولون لما ينتفخ اهو يظغط عالبيبي عدلي نظامج الغذائي
ورديت البيت قعدت ابجي خلتني احس ان البيبي منفقص داخل
الحين صارلي 3 ايام كل اكلي مشويات و خفيف و رافعه ريولي

 

[fofowa_q8]

رد: تجمع مواليد ( إبريل - 2014 ) حياااااكم

اهلين صاحبة الكلمة حياج الله والله يتمم عليج يارب

البيبي ينزل من التعب اذا كنتي باذله جهد نصيحة

هدي شغل البيت والغسيل بروحها يقص الظهر ييب لج خدامه

من بيت اهلج تساعدج وطلبي لج وحده توصل قبل لاتولدين

وكله انسدحي ورفعي ريولج

 

[صاحبة الكلمة]

رد: تجمع مواليد ( إبريل - 2014 ) حياااااكم

اهلين صاحبة الكلمة حياج الله والله يتمم عليج يارب

البيبي ينزل من التعب اذا كنتي باذله جهد نصيحة

هدي شغل البيت والغسيل بروحها يقص الظهر ييب لج خدامه

من بيت اهلج تساعدج وطلبي لج وحده توصل قبل لاتولدين

وكله انسدحي ورفعي ريولج

خوش فكره ! اخذ خدامه من خدم امي منها اعرفها و منها ظامنه انها ما تسوي شي فيني او في البيبي امستقبلي ...

الحين من وقفت شغل بديت احس بمدى الهلاك الي كنت انهلكه صبح وليل و اعصااااااااااااااااااااااااااااب

 

[صاحبة الكلمة]

رد: تجمع مواليد ( إبريل - 2014 ) حياااااكم

يالله بروح كل لحظه في المهلب في كله بدل يهال حلوين و زقرت و اصورلكم وراجعه :**

 

[الزين كله..]

رد: تجمع مواليد ( إبريل - 2014 ) حياااااكم

مسااااااء البرد... بدت التنزيلات وماالي خلق اجهز

 

[fofowa_q8]

رد: تجمع مواليد ( إبريل - 2014 ) حياااااكم

مساء الورد زيون شلونج؟

انا نفسج قاعده بالبيت متدفيه مالي خلق اطلع هالحزه

خنشوف البنات اللي راحو يقولون لنا في اشياء تسوى ولا لا


غاليه عورتي قلبي الله يعينج ويهدي زوجج ويصلحه

ويخليج حق عيالج يارب.. احتسبي الاجر باللي قاعده

تسوينه لانه مو شي سهل ولاتحرين نفسج والله والله

ماكو شي يسوى ولا احد يستاهل تهتمين فيه الا نفسج صحتج

وعيالج وعسى ربي يعوض صبرج ويجعل عبالج من البارين

ويبرد قلبج ويجازيج كل خير على صبرج حبيبتي

 

[ام مريم ورحمة]

رد: تجمع مواليد ( إبريل - 2014 ) حياااااكم

مسااااااء البرد... بدت التنزيلات وماالي خلق اجهز

ايه والله مساء البرررد انزلي يا حلوة البسي ملابس ثقيلة وخلصي شغلج بعدين بتثقلين

 

[shmo0o0o5]

رد: ♥♡♥تجمع مواليييييييد شهر يناير2014بإذن الله♥♡♥

الله يسسسسسسسسهل لج ميس والله ثقل ومافييييييييييه نوم والحماام مصيبه ثانيه
وانا للحين ماادري ووين اولد متردده حيييييييييييييييييييييييييييييييل بس ناويه على منتهى بالعرف بس كل مره اتراجع
شرايكم بنااات وين ناوين تولدون؟؟؟؟؟

 

[Q8_QT]

رد: تجمع مواليد ( إبريل - 2014 ) حياااااكم

مساء الخير





غالية الله يهدي زوجج ويصلح بينكم ان شاءالله

 

[قرة عيونه]

رد: ♥♡♥تجمع مواليييييييد شهر يناير2014بإذن الله♥♡♥

الله يسسسهل عليكم يارب

شمووخ انا بعد ناويه عند منتهى ان شاء الله واراجع عندها

اقري قصة لمووش بتجمع ديسمبر توها والده عندها وتمدحهاا

استخيري وتوكلي على الله

 

[قرة عيونه]

رد: ♥♡♥تجمع مواليييييييد شهر يناير2014بإذن الله♥♡♥

بنات نصيحة سكروا جناط المستشفى من الحين لا تقولون يمكن نعوشر ومادري شنو

لا احسنلكم تكونوون زاهبين باي وقت ماتدرون شيصير عشان لا تتوهقون

انا بالسادس وسكرت جنطة البيبي لووول

بس جنطتي بجهز بالثامن ان شاء الله

 

[قرة عيونه]

رد: وينكم يامواليد شهر فبراير * 2014 اللي حللوا حياكم الله بتجمعنا الله يهون علينا

للاسف ماعرف دكاترة دار الشفا

دشي التجمعات الثانيه وسئلي اللي والدين فيها واتوقع كاتبين تجاربهم

 

[قرة عيونه]

رد: تجمع مواليد مارس 2014 الله يتمم ويسهل يارب

والله مادري

بس عن فقر الدم وحتى اتوقع الحديد شربي عصير برتقال فرشش كثري منه وايد زيين

 

[غالية زمانها]

رد: تجمع مواليد ( إبريل - 2014 ) حياااااكم

ام مريم ورحمه
والله اتقولين ابالغ مو مقصره بشي كلشششش بس حسبي الله ونعم الوكيل على من خرب بيتي اكبر من زوجي ومو كويتيه كانت تشتغل عنده ... زعلت وفكرت بالطلاق بس قلت ليش ومحد ياكلها غير اعيالي !!! وانا ماعندي بس واحد !! اسمله عليهم 3 الله يحفظهم فخت من المسؤليه ابروحي فقلت ارد ويكون موجود عند اعياله وباجر اعياله بيعرفون شنو انا وابوهم سوى

 

[غالية زمانها]

رد: تجمع مواليد ( إبريل - 2014 ) حياااااكم

شنو الاسباب الي خلته يتزوج هل فعلا تستاهل الزواج ؟ ولا لا ؟
اذا انتي متظايقه من العقده عنده قعدي في مكان بروحج بس ظلي على ذمته عشان اليهال؟ ..

والله ماكو اسباب والدليل ان اهله واقفين معاي وماراحوا يخطبون معاه
وخالتي قالت لي لو في اسباب اتخلي ولدها يتزوج جان راحت اتخطب معاه
بس ماكو اي سبب على قولته حبها ؟؟؟ واهيا اكبر منه ومو كويتيه ؟؟؟
انا قاعده بالبيت عشان اعيالي مابي اظلمهم ويعيشون من غير ابو وابيهم يحس بالمسؤليه

 

[lawyara]

رد: تجمع مواليد ( إبريل - 2014 ) حياااااكم

زين سويتي غاليه ، وربي ما يضيع لج أجر ،، عشان العيال الوحده تصبر

 

[غالية زمانها]

رد: تجمع مواليد ( إبريل - 2014 ) حياااااكم

فوفو
والله محد يستاهل بس تحترين لما ماتقصرين بالبيت وبالاخير الزوج خاين !!!!
بس والله من غير مبالغه الثانيه كلش مو مترقعه كل يحب يقعد عندي مايحب يزعلني ملبي كل طلباتي
واهودايما يطقها وتبي الطلاق بس صج لي قالوا كما تدين تدان

 

[صاحبة الكلمة]

رد: تجمع مواليد ( إبريل - 2014 ) حياااااكم

والله ماكو اسباب والدليل ان اهله واقفين معاي وماراحوا يخطبون معاه
وخالتي قالت لي لو في اسباب اتخلي ولدها يتزوج جان راحت اتخطب معاه
بس ماكو اي سبب على قولته حبها ؟؟؟ واهيا اكبر منه ومو كويتيه ؟؟؟
انا قاعده بالبيت عشان اعيالي مابي اظلمهم ويعيشون من غير ابو وابيهم يحس بالمسؤليه

الله يعوضج بخير قعدي بالبيت و بس حسسيه ان الي سواه غلط لمي عيالج حولج قعدي معاهم ظحكيهم ظحكي معاهم فنقتي بديكور غرفتج و غرفت عيالج طلعي بفناتق اهتمي بنفسج حسسيه انه تخلى عن اشياء وايد حلو مقابل شي فعلا ما يستاهل .. حلاته يشوفج داشه البيت مع عيالج توكم رادين من طلعه و بيديهم بالونات و اشياء حلوه و يشوف اللمه عندج و السوالف عندج يتحسسسف

 

[fofowa_q8]

رد: تجمع مواليد ( إبريل - 2014 ) حياااااكم

صح كلامج صاحبة الكلمة عفيه عليج

غاليه حسييه انه خسر شي غالي بس لاتقطين روحج عليه

اهتمي بعيالج ونفسج حيل وحسسيه انج عايشه حق نفسج

عيشي نفسج ملكة خصوصا بعد الولادة خليج جدامه دايما مستانسه

وواثقه من نفسج حسسيه انج عايشه احلى عيشة حق نفسج وعيالج

ومدام اهله بصفج حاولي دايما تكسبينهم وصيري احسن منه معاهم

يمكن يحس وينقد على نفسه.. ترا الريال اذا تزوج او دش بعلاقة

مومعناته مايحبج الريال غير المره ممكن بلحظة يمشي ورا نزوه

بس صدقيني بيي له الوقت اللي يحس اهو شكثر غلطان