♥♡♥ تجمع لجميـع مواليـــد 2014 حيــــــاكمـ ♥♡♥

[Q8_QT]

رد: تجمع مواليد ( إبريل - 2014 ) حياااااكم

فوفو الحمدلله انه نفسيتج صارت احسن والخدامة لا تعطينها ويه ماوراهم الا عوار الراس طلبي منها اللي تبين وبس لا تناقشينها

 

[حبيبة عز]

رد: تجمع مواليد ( إبريل - 2014 ) حياااااكم

بنات

أدري بتقولون غلطانه المفروض انا اشتري هدومها

بس والله اني شريتلها هدوم اول شهور وهدوم عيد

وامي كل ماتروح السوق تييبلها

وقالتلي تبي مشط وشريتلها

اقصد والله ماقصرت معاها واتوقع لو كان هذا السبب صج نفس ماتقول

جان وانا اكلمها ماعطتني فرصه حتى اقولها خلاص اردلج هال7 دنانير

وانتوا تعرفون بالكويت شلوت نصرف على الخدم مطاعم وطلعات

ومانحسبها كلش

ضايق خلقي

ماحب احد يتهمني بالظلم

والله شفت ناس تضل تصارخ وتزف الخدم

هذي اعصب عليها بس بيني وبين نفسي

ماعليت صوتي عليها كلش

مع انها كانت تعاندني ومره قاطة قفشة مالت طقم صحون

ولما قلتلها ديري بالج ترا ماحب تضيع مواعيني او تتكسر

ثاني يوم يايبتلي قفشه من نفس الطقم كاسرتها نصين

وتطالعني بخباثه وتقولي انكسرت بدون قصد

وسكت .. ياربي شكثر تحملت منها

اقول ميخالف خايفه على عيالي

طبعا شكثر سولفت لكم

بس كاول تجربه مع الخدم انصدمت

 

[fofowa_q8]

رد: تجمع مواليد ( إبريل - 2014 ) حياااااكم

حبيبة عز سالفة خدامتج مو سالفة فلوس الهدوم

انا احسها تبي الشاره !!

انا اقول اذا جذي معانده ومو مبين بعينها الطيب

ختولي وديها يصرفون لج اياها وطلبي لج وحده

عشان توصل قبل ولادتج

قطيعه تقطعهم يغثوووون

انا اسالها اقول لها شفيج تقول ماكو شغل

 

[دلوعة ماماتي 88]

رد: تجمع مواليد ( إبريل - 2014 ) حياااااكم

بنااااااات


سنتر بووينت سيييل ٦٠٪

اليوم اول يووم

العصر ان شاءالله بروح واكمل اغراضي واخلص

 

[قرمووشه]

رد: تجمع مواليد مارس 2014 الله يتمم ويسهل يارب

السلام عليكم

بنات انا صار لي اسبوع مااشتهي الاكل
كل شي اشوفه مااشتهي اكله

حيل اجووع بس ماقدر اكل
نفسيتي منسده عــ الاكل

 

[غالية زمانها]

رد: تجمع مواليد ( إبريل - 2014 ) حياااااكم

امهات ادعووووو لي والله تعبانه ونفسيتي زفت
انا سالفتي سالفه زوجي متزوج علي !!!
وصار لنا سنه مشاكل ورديت بيتي عشان اعيالي
بعض المرات اتحسف اني رديت وبعض المرات لا
اقول ليش بارده مبرده تاخذ كل شي الثانيه واعيالي اهما اللي يضيعون
ماقووول الا حسبي الله على كل وحده اتخرب بيت مستقر والدنيا دواره كما تدين تدان

 

[$قطوه$]

رد: تجمع مواليد ( إبريل - 2014 ) حياااااكم

بنااااااات


سنتر بووينت سيييل ٦٠٪

اليوم اول يووم

العصر ان شاءالله بروح واكمل اغراضي واخلص

ثاانكيوو دلوعه اليوم بروح اتشرى

 

[$قطوه$]

رد: تجمع مواليد ( إبريل - 2014 ) حياااااكم

بناات سويت سونار عند 4 دكاتره

1 دكتورتي الاساسيه
2 دكتورة سونار (( هذي بس عشان كنت بعرف جنس البيبي ))
3 دكتور طوارئ (( كنت تعبانه وسوو لي سونار ))
4 نفس رقم 3


كلهم كلامهم واحد ان 17 ادخل شهر جديد يعني اليوم ادخل السادس

الا

دكتورتي حسبتها غير بعد اسبوع ادخل السادس



كلهم حسبوو ع السونار مو الدوره

وحسبتهم مع الدوره وحده الا اهي الدكتوره حسبتها غييييير



منووو اصدق بالله !!!

دلوعه حسبه السونار تختلف عن الدوره

انا بعد دايم ينقص السونار عن الدوره


اهم شي الحمد لله صحه البيبي

 

[ام مريم ورحمة]

رد: تجمع مواليد ( إبريل - 2014 ) حياااااكم

امهات ادعووووو لي والله تعبانه ونفسيتي زفت
انا سالفتي سالفه زوجي متزوج علي !!!
وصار لنا سنه مشاكل ورديت بيتي عشان اعيالي
بعض المرات اتحسف اني رديت وبعض المرات لا
اقول ليش بارده مبرده تاخذ كل شي الثانيه واعيالي اهما اللي يضيعون
ماقووول الا حسبي الله على كل وحده اتخرب بيت مستقر والدنيا دواره كما تدين تدان

الله يعينج ويسخر لج زوجج ويهدي قلبه لج ولعيالج غالية زين انج رديتي بيتج احسن خل يتحمل مسؤولية عياله حرام انتي تتأذين وتتعبين في تربية اليهال بروحج مايهمج منه ولا تفكري وايد في تصرفاته المهم انج ببيتج ومع عيالج واهو مسؤول عنهم والله بيفرج عليج من فضله

 

[صاحبة الكلمة]

رد: تجمع مواليد ( إبريل - 2014 ) حياااااكم

بنات مرحبا انا من زمان متابعه ولكن الحين تحمست وايد اني ادخل معاكم
الاسم : صاحبة الكلمة
due date 3-4-2014
واحلا تجمع

 

[ام مريم ورحمة]

رد: تجمع مواليد ( إبريل - 2014 ) حياااااكم

دلوعة ماماتي شكرا على الخبرية الحلوة ان شاء الله بانزل اشتري شوية اغراض والله جت بوقتها

 

[ام مريم ورحمة]

رد: تجمع مواليد ( إبريل - 2014 ) حياااااكم

حبيبة ذكرتيني بخادمة اندونيسية كانت عندي هربت ولما جبناها كانت ف السفارة يسألونها ليش هربتي تقول ماما زين بابا زين وماكو شغل وايد بس انا ما يبي يشتغل

 

[ام مريم ورحمة]

رد: تجمع مواليد ( إبريل - 2014 ) حياااااكم

بنات مرحبا انا من زمان متابعه ولكن الحين تحمست وايد اني ادخل معاكم
الاسم : صاحبة الكلمة
due date 3-4-2014
واحلا تجمع

اهلين صاحبة الكلمة الله يتمم علينا وعليج على خير يارب

 

[صاحبة الكلمة]

رد: تجمع مواليد ( إبريل - 2014 ) حياااااكم

بنات وانا اقرا التجمع لاحظت بنات وايد يسألون عن ابره الظهر
عندتا وحده من اهلنا طقتها بأكثر من ولاده والحين صارت تطول على ما تنام الليل
الابره يديده وللحين ما نعرف مضارها الحقيقيه اذا كان فيه لا سمح الله لكن من رأيي انا ان مجرد عدم سهوله في النوم مو مشكله حقيقيه بس مادري لو باجر يطلع شي ثاني يخوف الموضوع
انا بجر وودي اني ما اطقها علشان اعيش تجربة الامومه و أؤجر عليها وهم اريح بالي عن الشكوووووك

 

[ام مريم ورحمة]

رد: تجمع مواليد مارس 2014 الله يتمم ويسهل يارب

قرمووشة موزين تجوعين نفسج وبعدين سويتي تحليل الحديد ولا لا لان الحديد لما ينزل تروح الشهية وما تشتهين الاكل تطمني على روحج وسوي التحليل واخذي فيتامينات الحمل

 

[صاحبة الكلمة]

رد: تجمع مواليد ( إبريل - 2014 ) حياااااكم

حبيبة ذكرتيني بخادمة اندونيسية كانت عندي هربت ولما جبناها كانت ف السفارة يسألونها ليش هربتي تقول ماما زين بابا زين وماكو شغل وايد بس انا ما يبي يشتغل

انا للحين ما يبت ولا خدامه خايفه اييب تعقدت من كثر الي اسمعه كل جنسيه وراها بلا
للحيني اغسل هدووم انظف الحمام اعدل بروحي بس ظراب الاوتي سحبت عليه من التعب لووووووووووول :eh_s(1):

 

[صاحبة الكلمة]

رد: تجمع مواليد ( إبريل - 2014 ) حياااااكم

امهات ادعووووو لي والله تعبانه ونفسيتي زفت
انا سالفتي سالفه زوجي متزوج علي !!!
وصار لنا سنه مشاكل ورديت بيتي عشان اعيالي
بعض المرات اتحسف اني رديت وبعض المرات لا
اقول ليش بارده مبرده تاخذ كل شي الثانيه واعيالي اهما اللي يضيعون
ماقووول الا حسبي الله على كل وحده اتخرب بيت مستقر والدنيا دواره كما تدين تدان

شنو الاسباب الي خلته يتزوج هل فعلا تستاهل الزواج ؟ ولا لا ؟
اذا انتي متظايقه من العقده عنده قعدي في مكان بروحج بس ظلي على ذمته عشان اليهال؟ ..

 

[قرة عيونه]

رد: تجمع مواليد مارس 2014 الله يتمم ويسهل يارب

الله يجزاكم خير على الخلطات ماقصرتوا

قرموشه صح مو زين تجوعين نفسج حاولي تتغصبين اكلي اي شيء خفيف على الاقل

 

[قرة عيونه]

رد: تجمع مواليد مارس 2014 الله يتمم ويسهل يارب

الله يجزاكم خير على الخلطات ماقصرتوا

قرموشه صح مو زين تجوعين نفسج حاولي تتغصبين اكلي اي شيء خفيف على الاقل

 

[قرمووشه]

رد: تجمع مواليد مارس 2014 الله يتمم ويسهل يارب

الله يعيين

مشكوره ام مريم ورحمه
والله يمكن نقص حديد
لان اكلي مو ذاك الزود
مو صحي للأسف

انا سويت تحليل فقر دم
اهي الدكتوره اكتبته لي مو انا قلت لها
سويته قبل اسبوع
انً شاالله باجر بروح اشوفه نتيجته

فقر الدم اهو نفسه الحديد مووو??