رد: ◄███▓▒░ بالصّبرِ والعَمل نُحقِّقُ الأَمل░▒▓███►ஐ الجزء الثاني
ام لولو .. هذا الي كنت اتكلم عنه ..
انتي خربطتي نظام جسمج .. الله خلقه على سستم معين .. وانتي غيرتي نظام هالسستم ..
انا قتلكم راح يزيد وزنكم مجرد ما تخلون دشتي ..
مابي احبطج بس قصدي ابينلج ان هالزيادة طبيعية لا تحبطج ..
قلبي على نظام السعرات ..
وحسبي 1000 كالوري ..
ومن قالج الحرمان يضعف ؟!
الجسم نفس الآلة ..
المعدة كل ما تشتغل أكثر تحرق بالجسم أكثر ..
لمن تشغلين المعدة .. مرتين او ثلاث باليوم .. مو نفس لمن تشغلينها 5 او 6 مرات باليوم ..
قسمي وجباتج ..
وتوكلي على الله ولا يضيق خلقج ..
هالوزن ما يمعتيه بيوم ولا يومين .. ولا شهر ولا شهرين ..
يبيله صبررررر وطولة بال .. وراحة وفجة ..
انا سويت رجيم 3 او 4 اشهر قطيت نص الوزن إلي أبيه .. وعطيت نفسي فجة كثرها لا وأكثر منها ..بس محافظة على وزني كل ما زاد شوي نقصته ..
لمن على هالتجمع بعد سنة من رجيمي .. الي فات بديت أنزل وزني مرة ثانية ..
وكل ما قل الوزن صار النزول اصعب واصعب ..
امس قاعدة أقول حق امي ..
جسمنا والخلايا الي بجسمنا ذكييية والله هيأها سبحانه عشان تتأقلم وتحارب المجاعات وتحافظ على حياة الانسان ..
المصدر الأول كربوهيدرات .. اذا ما لقى يحرق دهون .. اذا ما لقى يحرق بروتينات وهذي آخر مرحلة بعدها يموت الانسان وياكل جسمه ..
فتخيلي لو كل اسبوع الجسم يقط كيلوين ؟!!!
بغضون سنة احنا هيكل عضمي ..
لازم تتغلبين على نفسيتج .. وتبعدين كلمة رجيم عن مخج .. ارتاااحي ..
لا يصير أكلج انفعالي واعناد ..
بس لا تجبرين نفسج على أكل ما تحبينه باسم الرجيم ..
ولا تحرمين نفسج من شي اتحبينه عشان رجيم ..
كل شي بالمعقوووول ..
اكلي بمزاااج وروقي ..
وارتاحي ..
ترى الاكتئاب بروووحه اول سبب لزيادة الوزن .. يرفع هرمونات .. ويعفسسج ..
قعدي مع نفسج .. صلي ركعتين وادعي ..
واهتمي بالرياضة .. لا تقولين ما عندي وقت ..
اتوقع نص ساعة مشي على الجهاز ما راح تخل بنظام يومج ..
وربي يوفقج وتضعفين بصحة وعافية .. واتمنى اني فدتج لو بكلمة ..
----------------------------------------------------------------------------------
فروحة حبيبتي .. ربي لك الحمد على إلي وصلتله ..
ان شاء الله بحاول اطبق كلامج ..
بخلي ريوقي وعشاي رجيم .. ورى الساعة 9 ما آكل شي ..
وغداي مفتوح من البيت بعقل ..
واتم على رياضتي .. وجايي
صاجة .. توني واصلة الوزن .. ويمكن أي تخربط يخليه يرد لان ما ثبت
