இكل وحده تدخل تعطينا سر من اسرارها بالمطبخஇ

[june_m00n]

هممم

خل اقولج عن سلطتنا

وايد ناس اشوفون طعمها غير

عادي تقصصينها : خسس خيار جزر مبشور طماط شويه وخضروات ورقيه

الصلصه : ملح ليمون وسماق وزيت زيتوون ونحط وياها قفشة صغيره شكر

تصير عجييبه ( جربيها لو ما كنتي تسويينها )


والفتوووووووووووووش

هم اينن

نفس الشي بس الثوم نحمسه مع زيت زيتون على النار شويه

وتحطيينه واهو حااار

يصير اينن


انشالله عطييتج افكار عاد

صج انها بسيطه بس لذيذه ولا شرايج

 

[جارة القمر]

شوفي موضوع للأخت الغاليييييييييييية سبائك

இكل وحده تدخل تعطينا سر من اسرارها بالمطبخஇ ​

 

[خبزه]

مشكوووووووووووره اخت جون مون ماقصرتي

جارة القمر ، شفتي كنت حاااااااااااااااسه ان موضوعي بيطلع مكرر ، بس عن جد مشكوووووووووووووره انج حطيتي لي موضوع الاخت سبائك وحفظته عندي الله يعطيج العافيه ويسلمج يا رب

 

[GAP^^الكبيرة]

خووووش موضوع
بالنسبه لي بمرق السمج ما احمس كل الخضره.. احمس نص واخلي نص احطه بعد ما احط السمج

بالمعجنات عشان تصير طريه.. لازم اغطيها اول ما اطلعها من الفرن

اللحم والدياي المشوي لازم يتبل عندي على الاقل 6 ساعات

اللحم لازم افوحه شوي واقط مايه قبل لا اطبخه

الخضار اذا صارت قديمه اقصصها واحطها بالفريزر واسوي منها شوربه بعدين

واذا لما اقلي الكبه احط نتفه نشا بالدهن
واذا قليت سمجه احرق لومي اسود عشان يطير الريحه

واذا شويت سمج احط بالفرن جدر صغير فيه ماي وليمون عشان يطير الريحه

الاعشاب المجففه اخلطهم واستخدمهم للشوربات او البيتزا او الباستا

اذا سويت دياي محشي احط جبده الدياي مع اللحم المفروم والعيش يصير حلو وايد


واذا ذكرت شي برجع للموضوع

 

[srsr]

مشكووووووووووووووووووووووووووووووورين على الأسرار الأكثر من حلوه
ماشاء الله عليكم ماخليتولنا شيء
كل سر عندي كنت احتفظ فيه وعلبالي محد اعرفة طلعو البنات اعرفونه ما صار سر
وعليكم بالف عافية وننطر المزيد
ومشكوووورة سبائك على الموضوع الأكثر من حلو

 

[say yes]

اكثر شي يعقدني بالمطبخ الكيك اذا مانفش او قلبته من القالب وماطلع وكريمة الفرن دايما طعمها بيض شينه
والرز اذا انعجن ويش السواه
والفطائر لما تطلع ناشفه عقدتي بالحياه

 

[شوقي وغلاي]

اكثر شي يعقدني بالمطبخ الكيك اذا مانفش او قلبته من القالب وماطلع وكريمة الفرن دايما طعمها بيض شينه
والرز اذا انعجن ويش السواه
والفطائر لما تطلع ناشفه عقدتي بالحياه

بالنسبة حق الكيك لازم تكونين مشغلة الفرن قبل ما تبدين بالكيكة وتكون درجة حرارة الفرن متوسطة وشبك الفرن بالوسط....وعلشان تنفش عدل لازم ما تفتحين الفرن اول نص ساعة علشان ما يدخل الهوا البارد ويخربلج كل شي ... ولازم تكونين متأكدة من صلاحية الباكينغ باودر ويكون محفوظ بالثلاجة ..... وابدا ابدا لا تحاولين تقلبين الكيكة وإهي حارة خليها ليمن تبرد وبعدين حاولي تفصلين اطراف الكيكة عن القالب بالسكين وبعدين تقلبينها...
بالنسبة للفطاير دايما خلي عجينتج لينة وكل ما كانت لينة ( تأذي وتتلزق باليد) كل ما كانت هشة تذوب بالحلج..................
وبالنسبة حق الرز اذا انعجن ترى ما فيه طب :eh_s(14): كثري عليه اللبن واكليه مع عيالج..................:klhfl:


بصرااااااحة الموضوع حلو ويشوق ومشكوووووووورين_03BA:

 

[جوك احلى جو]

ومنكم نستفيد فعلا خوس موضوع انا بعد استفدت منكم بس انا ماعندي اسرار بجرب اسراركم وماراح اعلم احد خخخخخخخخخخخخخخ نحيسه ههههههههههههه

 

[*دنــيـQ8 ــا الوله*]

خووووش موضوع بنات كملوووو :gathering:

 

[أم عزيـز]

خووووووووووووووش موضوع يعطيج الف عافيه حبوبه

بس النسبه لي عندي سر في ورق العنب
اغلب اللي يلفون ورق عنب عقب محطونه على النار يتغير حجمها ويكبر

وعلشان ما يتغير حجمها قبل لا تحشين ورق العنب بالعيش
فوحي العيش نص فوح يعني بس شوي مو وايد لا تخلينه يصير لين
نص فوح وشيليه وبعدها حطي عليه خلطاتج حق حشو ورق العنب ولفيه وماراح يتغير شكله مع الطباخ

 

[أم عزيـز]

وفي عندي بعد جم سر

1- اذا تبين السلطه او الفتوش او التبوله يكون فيهم نكهه وطعم غير حطي عليهم قفشه وسط ثوم بودره

2- واذا تبين تسوين خضار سوتيه مثل البروكلي والهليون على البخار او تفوحينهم اول ما تخلصين فوح حطيهم في ماي بارد داخله ثلج عشان ما يتغير لونهم ويبهت ، بتشوفين لونهم اخضر فررررررررش

3- واذا زاد من غداكم دياي لا تقطونه نتفوا الدياي صغار وسووا عليه حمسه (معجون طمام + فلفل بارد + ماجي + ملح + فلفل أسود + كمون + قفشة صلصة الصويا من ماجي + بصل + وحبة وحده ثوم مهروس)

4- اذا تبين المعكرونه ما تتلزق بعد ما تفوحينها في ماي حار غسليها في ماي بارد على طول بتشوفين كل حبه صارت بروح

5- اذا تبين الستيك يطلع لين وخفيف وتشرب الصلصه اللي سويتيها حق الستيك بعد ما تشوينه او تقلينه حطيه في صينيه بايركس وصبي عليه الصوص اللي انتي تحبينه (الصله البيضه او الصلصه البنيه) وخليه بالفرن تقريبا نص ساعه وبعدها راح تلقين الستيك صار ترف ولين متشرب الصلصله

اذا تذكرت شي يديد راح اقولكم

 

[نماين]

انا علشان ماتخرب معاى الباشميل..

اخلط كل المقادير مع بعض وهى بارده وبعدين احطهم على النار واحركهم لما احصل القوام المطلوب...:eh_s(15):


منو تعرف طريقة الباشميل اللى نحط معاها جبن قلاص؟؟؟

نفس طريقتي وتطلع مضبوطة والحمدلله


والله يجزاها خير اختي اهي اللي علمتنياها


وبالنسبة لجبن القلاص اذكر رفيجتي تقول لما تخلط الطحين مع الماي عدل عقب تحط الجبن وتطلع لذيذة

للامانه ما جربتها

 

[عرموشة]

للرفع

 

[كادي سويت]

مشكورررررررررررررررررررررررين الفكرة حدها حلوه

 

[chocolate cake]

خوووووش موضوع

ان شاءالله اذا تذكرت شي بقولكم

مشكووووورين و ما قصرتوا

 

[شندوخه]

خوش شي يعطيكم العافيه

 

[جرح الليالي]

يعطيكم العافية لا يوووقف

 

[الماس الكون]

اذا بتسوين مرقوقة وهذا سر امي الدفين
قصصي الخضرة المفضلة من بطاط باذنجان كوسة بس ما افضل تحطون كوسة وايد
السر الاول العجينة:
العجينة تدرون شنو (الخبز اللبناني المتين مال المطاحن مو الخفيييف لا المتين ) بجذي تفتكون من العجينة مالت المرقوق
قطعو الخبز وحطو فوق المرقة والخضار المستوي

طبعا المرق مال المرقوق اهوا السر الثاني:
تحطون صبار + الهمبة (المنجة الحامضة )ماركت الجمل+ بطل دقوس بني.. امي تشتري من وحدة تسوي تدروووون من وين (من سوق الجمعة) والله .. بس لون البطل بني اعتقد مخلوط معاة صبار وفلفل واشياء وايدة

وبس سلامتكم والهنا والشفا

 

[lala2]

السلام عليكم
بالنسبة للبشامل انا اسوي نفس خلطة الاخت سما الكويت من زمان وماتخرب معاي...

وانا تمر علي علي مرات مشكلة لما اسوي مرق وتطلع الخضرة اقل من الماي او تصير ماي
احط معاها كم ملعقة شوفان وتصير خاثرة وطعمها رهيب...

 

[أم حيدر]

ممممم يالله بطلوا اذونكم وبققوا عيونكم بقولكم من أسراري

1. عشان يطلع معاكم العيش نثري ومو ملزق فبعض ويفشل عقب ما تفوحونه وتشخلونه وترجعونه يالجدر غطوا الجدر بخام قطن ( فانيله من فنايل ريلج ) طبعا انا بايقة 2 يدد . الفكرة ان القطن يشرب البخار فما يعجن العيش.

2. لما تسوون مرقة أيييييا كانت لا تصكرون الجدر خير شر لان اذا صكرتي الجدر راح تكسر المرقة ماي وتصير تفشل

3. دقوسي العجيب راح أعطيكم وصفته تضربين طماط بالخلاط وتخلينه على جنب . تحطين بالجدر نتفة زيت + ملعقتين أكل خل بلسامك + فلفل بابريكا الاحمر + كمون مطحون + ثوم --------- تحمسينهم
بعدين تنزلين عليهم الطماط المضروب والمعجون والملح وتخليييينه يطبخ وبالعافية .

4. اذا انتو من النوع اللي يسوي الروب بالبيت ( مثلي ) حطو مع الترويبة لبنة بينار تصير روبتج تهبببببببببل.

هذا اللي حاضرني الحين