يوم اليمعة وقت الغبار ...

[استعجلت الرحيل]

انا كنت بالافينيوز بس اول ماطلعت الا واشوف ذاك الدخان استغربته انا واختي وتالي من امي عرفنا ان غبار بعد ماوصلنا البيت

وعمتي وعليه مسكينه هم كانت بالافينيوز وصكرو عليهم البيبان

 

[اشتياق]

كنت توني طالعه من الصالون انا وعمتي وبنتها
ونبي نروح البيت عشان نلبس ونروح العرس
جان اينا الغبار واحنا بالطريج
عمتي وبنتها انطروا عال10 وشي وراحوا العرس عادي ما تأجل
بس عرس الرياييل أجلوه
وانا يأ ريلي خذاني البيت لاني خفت على بنتي حيل وهونت عن العرس لوووووووول

 

[( مي )]

تروالي المعاريس والمعازيم ذاك اليوم ريحتهم غبار هههههه

تراكمية
الحمدالله على السلامة سالفتكم جايدة ما هقيت جذي​

 

[moo-0-oon_14]

انا واهلي كنا بخيران واااياختنقنا داخل الشاليه

 

[~ M!sS D!oR ~]

وآي صج ابدااع هذاك اليووم صج اللي عرسهااا عسى الله يعووضهاا

 

[LuLiTa]

انا كنت بطلع مع رفيجاتي نشووف موفي بس كنسلنا قبل العاصفة بساعة ,,, و الحمدلله ما رحنا لانه انا البس عدسات و حدي اتأزم بالجو اللي جذي

 

[دلوعة حمني]

انا كنت مع الوالدة و ولدي الصغيرة باسوق

و زوجي و عيالي الباقين طالعين مع عمهم و ولد عمهم

هم دخلوا بالاصفة قبلي... و انا بعدهم بفترة... بس الحمدلله عدت

 

[ريتااجي]

كنت بالبيت أنا وولدي

بس ريلي كان ماسك خط سفر والحمد لله وصل بالسلامة ​

 

[بنوتة باباها]

اللي كانت رايحه رحلة مع الجامعه لفيلجا وااي حدكم أزمه والحمدلله على سلامتكم.,,

أنا كنت بالبييييييت الحمدلله.,,

 

[( مي )]

الحمدالله على سلامة الكل
وانشالله ما تنعاد​

 

[FiOnKa]

trakmia :: امبيه سالفتج قويــــــــة شي يخرع اللي صار ,, الله قدر و لطف

و الحمد الله على سلامتــــــــكم ,,

وااي أكثر ناس تضرروا اللي كانو بالبحر صج صج شي يعور القلب = (

وعليه فيه جم واحد كانو مفقودين بالبحر 4 تقريبا و لقوهم عقب فتره بس كل واحد بروح

الله يرحمهم يــــــاا رب

و الله لا يعيد الشر = "(

 

[barbya_q8]

واي والله عورتي قلبي بنات الحقوق الي راحو رحلة فيلجا وخنقتني العبره حسيت انكم بهالمدة متو وحييتو الحمدلله على سلامتكم ازمة وعدت وتصدقو بفلوس على سلامتكم والله​

وانا الله يسلمكم كنت بطلع مع امي السالمية ابدل جوتي وانتو بكرامة وامي برووود وانا معصبه يالله ويالله احنا وصلنه الباب ولا الجو ظلام اسوف ولا تليفوني يهز يهز ولا رفيجتى بالبي بي تدز عن العاصفة وحاطة السواد الي بالجو الي يايهم قلت لها من صجج ولا جذي غبار خفيف نطلع ولا نرد قالت انسي ردي اهما الاندلس يتهم اقرب وانا بالعاصمة ردينه دشينه البيت وامي تقولي شفتي برودي كان خيرة جان احنا بروحنا بالسالمية ومتنه خرعن وقعدنه بالبيت بس طبعا بيتنه انتلف غبار كنه ناسين دريشة ودشت العاصفة وبالخبصة ما استوعبنه ودار دار زنقة زنقة فيها غباااااااااااار

الله يا داري يبيلها نفااااض نظفت انا والخدامة بس احس بعد في دواعيس يبيلها اسبوع كل يوم مكان


شدعوة بنات منتداني تعالو شاركوني كل وحدة فوطتها على جتفها ​

 

[الـــغـــلآ]

أنآ كنت معزومه عند رفيجتي
والمسكينه كآنت تتسبح و طلعت من الحمآم و انصدمت
و دزت مسج تسبنآ فيه من حرتهآآ لووووووول
و تقول نص اعآنتي طآرت
بس مآ خلينآهآ رحنآ لهآ ثآني يوم
والحمدلله على كل حآل يآ حلو هالغبآر ولآ غيرهـ من بلآوي

 

[ونات الخفوق]

كنت توني طالعه من جوازات النويصيب بدش الكويت
الا هذي العاصفه اتدربى جدامي
طبحت علينا وصار ظلام دامس
ما نشوف الا داخل السياره للي برا ما نشوف
بغينا ندعم الشجر وعكسنا الطريق واحنا ما ندري
المشوار ابو ساعه صار ساعتين ونص
ما هقيت اني اشوف بيتي
الله لا يعيد ذاك اليوم

 

[( مي )]

ارد واقول الحمدالله على سلامة الكل


انا لما شفت هاللوية وخرعة اليهال
قعدت أفكر
إذا الغبار خرعنا جذي
شلون يوم القيامة
!!
اللي الوحده من هول الموقف تركض ومالها شغل بعيالها واهلها​

 

[al-musk]

صج كسرو خاطري الي كان عرسهم بهاليوم صراحه مو خوش شي ..

 

[tmtmt]

بنات ادعوا حق
عبدالله الصالح

الله يرحمه ويغفر له ويثبته عند الحساب

كان بالبحر بالجت سكي
وقت العاصفه

ومن يوم العاصفه لين امس يالله لقوه متوفي
عند فيلجا تخيلوا

وكانوا قبلها بس لاقين الجت

الله يصبر اميمته

 

[خشف العذارى]

انا كنت معزومة ع استقبال بس مارحت

 

[دمرت كياني]

كنا بالسوق
ونتسوق بعد
ههه
والله صج
اساسا مادري بره غبارلما ابوي دق علي
امي واختي عالبالهم في هوشه لانه ناس تصرخ
بعدين ركضت قلت حق امي شفنا الغبار


ترا على فكره كنت يومها حلمانه لانه نكون بالسوق حتى كتبته قبل افصل

والله للي مو مصدقني يشوف ردودي

 

[عيون ملكيه]

الحمدلله على الصحه والعافيه اهم شي الصحه و لا المخاسير تتعوض انشاء الله