يوم اليمعة وقت الغبار ...

[هاناا]

الله يعينهم


كنت معزومة عرس بس ما رحت

 

[Om-Faty]

انا كنت بالزواره بيت يدي
وتوني بطلع اروح الصالون اسوي شعري
ولا يدقون عمامي قالوا ترا في عاصفه ويايتلكم
قلت لا يبااا ما صدقتهم
طلعت بره ولا يابوووي شنووو هذااا
جان اهون واقعد مكاني
واليهال مساكين عبالهم يوم القيامه صارت فيهم حاله نفسيه اللي يرجع واللي يبجي
بس حدي كلييتهااا ما عندي خدااامه ومو كافي اعابل باغراض بنتي بعد البيت
استغفرالللله 

 

[واثقة بجمالها]

انا كنت معزومه ع عرس بس ما بلشت بولا شئ قلت بعد المغرب ابلش ومن شفت الجو جذي هوونت وقعدت

والحمدالله ع سلامتناا

 

[كراميلا مرة]

صج مساكين اللي عندهم عرس موقف لا يحسد عليه

 

[زوجي توأم روحي]

انا وعيالى كنا بالزوارة عند يدتى
بس تصرررررررررقعت على زوجي لانه كان بجبد
ودق على يصرخ يقول غيمة سودة جبالى يالله سترك
والله حسب انه يوم القيامة
وقالى لا تطلعين وديرى بالج على العيال

طبعا انا بغيب امووووووووووووووت من الخوف عليه
بس الحمد لله رجعلى سالم ربى لك الحمد

 

[جولنار زماني]

الله يتوب علينا الرسول صلى الله عليه وسلم كان اذا رأى غيما او ريحا عرف ذالك في وجهه"كان إذا رأى غيما أو ريحا عرف ذلك في وجهه ,, فقالت : يا رسول الله ! أرى الناس إذا رأوا الغيم فرحوا,, رجاء أن يكون فيه المطر ,, و أراك إذا رأيته عرفت في وجهك الكراهية!!..قالت :: فقال :: "يا عائشة! ما يؤمنني أن يكون فيه عذاب , قد عذب قوم بالريح ,, و قد رأى قوم العذاب ,, فقالوا : { هذا عارض ممطرنا } [ الأحقاف 24]....(متفق عليه : البخاري 4829 , و مسلم 899
فانصحكم بالستغفار والتوبه فلا ندري اهو غضب من الله ام ماذا فنسأل الله تعالى ان يتوب علينا

 

[شرقاوية حلوة]

احنا بالدمااام
كنا بالبحر و قالوا ان بالكويت عااصفه و بتمر الشرقييييه
و ردينا البيت قبل لا يصير شي.. جهزنا الدوا قبل الفلعه

 

[ريماس77]

انا كنت بطلع مع بناتي وانا بالسياره بمصفط البيت صارت العاصفه ياربي رحمتك وولدي بالمجمع مع ربعه وماكو اتصالات بالغصب حصلته من تلفون الخدامه لوووووووول وريلي بالبر مغرزين وطارت خيامهم وتكودوا بالسيايير لين غرزوا مأساة بس ربي لك الحمد كلهم ردوا بسلامه

 

[SILVER ROSE]

مساكين اللي عرسوا بذاك اليوم
بيت خال امي مسوين عشا ومحد ياهم

 

[عيش و مرق]

مساكيييييييين

 

[كيكه توفي]

انا كنت بزواره ورفيجاتي 2 معزومين على عرس عادي كشخوا وراحوا

 

[ام ريماس خوخه]

الحمدالله كنت بالبيت لا معزومه ولا شي بس جد اكثر شي يكسرون الخاطر اللي عرسهم بيوم الغبره وااي جد شكل العروس والمعرس تحطموا اكيد بيقولون بقلبهم قبس هههههههههههههههه

 

[( مي )]

الله يعوض المعاريس
ويشافي المرضى
وكل من تأذى نفسيا وجسديا وصحيا واقتصاديا وعاطفيا لوول بذاك اليوم​

 

[معلمة شيسمونه]

والله احنا كان عندنا عرس
وما شاء الله ناسهم وااااااااااااااااااااايد حيل لكن حرام كسروا خاطري
يوم صار الغبار محد راح لهم يا خساره الذبايح والبوفيه اي والله
وكسرت خاطري العروس متوقعينها تبدع

احنا الحمدالله على اساس على المغرب ابدا احط مكياج يت العاصفه وقعدنا ما سوينا شي

 

[trakmia]

انا كنت رايحة مع اختي رحله مع الجامعه الى جزيرة فيلجا وبالردة بنص البحر يات لنا العاصفه ولا تشوفون شصار مهما اقول محد راح يحس فينا
باختصار الله كتب لنا عمروعشنى
طبعا الموج علا وغبار واكثر من 150 بنت بكبينتين صغار تخيلو قاعدين فوق بعض وبالممر عالارض انحبسنا بالعبارة 8ساعات وكان الموج يخض العبارة خض والبنات اللي اغماء اللي اختناق اللي ترجيع عن نفسي تكرمون رجعت 5 مرات واختي 7 مرات خلص الماي وخلص الكلينكس وخلصت الجياس بالجيس قمنى نرجع في ويتنقل من بنت لي بنت وبالاخير قمنى نرجع عالارض وبالممر وعلى بعض ومن الخنقه والريحة اللي مارجعت شمت ورجعت كنه بحال يرثى لها
الواحد يرجع مرة مرتين وتطلع روحه فتخيلو 6 و7 مرات
ادري لوعت جبودكم بس حسو فينا ودوخة مالت دوار البحر من حركه العبارة يعني يميل نحس خلاص بتقلب فجاه ترد بسرعه الجهه الثانيه 5 ساعات بنرسي موقادرين والاهل يدقون وماكو سيرفس وندق على خفر السواحل و112 مرة مايردون ومرة يردون بس احس مومتفاعلين ويانا غير البنات اللي دقو اهالينا دقو وبالاخير انطلقنا من فيلجا 3:30 والمفروظ الوصول 5 بمينا راس الارض بالسالميه عند شوبيز بس رسينا ساعه 11:30 بالليل في الفنطاس بقاعدة صباح الاحمد لخفر السواحل
وطبعا اشكر الكابتن اللي كان يهدينا وساعدنا وقدم الاسعافات الاولية للي حاشهم اغماء واختناق
وبعد الغبار يانا برد صقيع كانو ويانا شباب ركبو ويانا ولمة يا الغبار مارضو يدشون الكباين ويانا فتمو بالسيارة اللي عالعبارة برة ولمة يا الصقيع الكابتن يا يقول عطونا اي شي الشباب تجمدو واللي عطتهم ملابسها الوصخة واللي فصخت شيلتها وعطتهم طبعا اللي فصخت شيلتها لاتفهمومنها غلط احنى كنه بكبينه داخليه وكلنا بنات وحريم وبالاخير ولله الحمد ربي نجانا ووصلنا بالسلامة وكان خفر السواحل باستقبالنا مع الاسعاف ووزعو علينا ماي وركبونا بباص خفر السواحل ووصلونا لي برة عند اهالينا واستقبلنا الاهل بالقبل والاحضان وسلامتكم​

 

[عاشقة_الجمال]

انا كنت في البيت ناويه اطلع عيالي نروح الافنيوووووز

بس من شفت الغبار خفت وقعدت

 

[لبى عيونه]

أنا أختي كانت بالصالون عرس صديقتها جاها زوجها راحت بيتها بمكياجها وتسريحتها ومارحت العرس بس كلهم امدحوا العرس والحضورر وااااااجد

 

[Cute mama]

انا وريلي وعيالي كنا ببيت اهلي مسويين باربكيو وشمس والجو شحلاته خلصنا غدا والكل دش داخل ياخذ قيلوله وانا وريلي قاعدين بالحوش جان يوصلني برودكاست
قعدت اقراله ياه اقوله يقولون في عاصفه بتيي ومادري شنو
جان يقولي ليش انتي مو شايفه الغيمه السوده اللي وراج ؟
واااي انا لفيت ويهي وانصدمت الاخ صارله ساعه يراقبها وعادي عنده ماقالي ولاتحرك ههههه
جاان انقووم وناخذ الاغراض اللي بالحوش وننحاش داخل البيت
اللي ونسني انه ريلي محكور معاي ببيت اهلي مو كل واحد بمكان هههه

 

[ام شووووق]

كنت ببيت رفيجتي اشوه رجعت البيت قبل

 

[ام شووووق]

انا كنت رايحة مع اختي رحله مع الجامعه الى جزيرة فيلجا وبالردة بنص البحر يات لنا العاصفه ولا تشوفون شصار مهما اقول محد راح يحس فينا

باختصار الله كتب لنا عمروعشنى
طبعا الموج علا وغبار واكثر من 150 بنت بكبينتين صغار تخيلو قاعدين فوق بعض وبالممر عالارض انحبسنا بالعبارة 8ساعات وكان الموج يخض العبارة خض والبنات اللي اغماء اللي اختناق اللي ترجيع عن نفسي تكرمون رجعت 5 مرات واختي 7 مرات خلص الماي وخلص الكلينكس وخلصت الجياس بالجيس قمنى نرجع في ويتنقل من بنت لي بنت وبالاخير قمنى نرجع عالارض وبالممر وعلى بعض ومن الخنقه والريحة اللي مارجعت شمت ورجعت كنه بحال يرثى لها
الواحد يرجع مرة مرتين وتطلع روحه فتخيلو 6 و7 مرات
ادري لوعت جبودكم بس حسو فينا ودوخة مالت دوار البحر من حركه العبارة يعني يميل نحس خلاص بتقلب فجاه ترد بسرعه الجهه الثانيه 5 ساعات بنرسي موقادرين والاهل يدقون وماكو سيرفس وندق على خفر السواحل و112 مرة مايردون ومرة يردون بس احس مومتفاعلين ويانا غير البنات اللي دقو اهالينا دقو وبالاخير انطلقنا من فيلجا 3:30 والمفروظ الوصول 5 بمينا راس الارض بالسالميه عند شوبيز بس رسينا ساعه 11:30 بالليل في الفنطاس بقاعدة صباح الاحمد لخفر السواحل
وطبعا اشكر الكابتن اللي كان يهدينا وساعدنا وقدم الاسعافات الاولية للي حاشهم اغماء واختناق

وبعد الغبار يانا برد صقيع كانو ويانا شباب ركبو ويانا ولمة يا الغبار مارضو يدشون الكباين ويانا فتمو بالسيارة اللي عالعبارة برة ولمة يا الصقيع الكابتن يا يقول عطونا اي شي الشباب تجمدو واللي عطتهم ملابسها الوصخة واللي فصخت شيلتها وعطتهم طبعا اللي فصخت شيلتها لاتفهمومنها غلط احنى كنه بكبينه داخليه وكلنا بنات وحريم وبالاخير ولله الحمد ربي نجانا ووصلنا بالسلامة وكان خفر السواحل باستقبالنا مع الاسعاف ووزعو علينا ماي وركبونا بباص خفر السواحل ووصلونا لي برة عند اهالينا واستقبلنا الاهل بالقبل والاحضان وسلامتكم​

الحمدلله على سلامتكم