يوم اليمعة وقت الغبار ...

[( مي )]

قوة بنات












يوم اليمعة اكيد كان في وايد حفلات زواج
سواء عرس
أو
ملجة
أو
حفلات استقبال
أو
عزيمة عشا عند أزواجكم

ومساكين الناس كانت حاجزة ابهالصالونات ، وصالات الأعراس ، والبوفيهات ، وغيره من لوازم هالمناسبات

جان زين كل وحده تكتب مواقفها ابهاليوم سواء كانت صاحبة العزيمة أو معزومة ،، أو زوجها كان صاحب العزيمة ،، أو معزوم


انا حماتي اليوم تسولف علي عن حماتها ،، كانت معزومة على عرس وكانت اهي وخواتها بالصالون خلصوا مكياجهم وشعرهم ،، بس مساكين آخر شي ارجعوا بكشختهم البيت بعد معاناة مع الطريج ،، وكل وحده ردت بدلتها الكبت ،، واغسلوا مكياجهم وغسلوا شعورهم ،، واقعدوا افبيتهم
..​

 

[دوت نت]

جيران اختي عندهم عرس ما الغوه عادي نطرو المعازيم ليما جو الساعه 9 ونص

وفي ناس اجلو العرس

 

[الغاليه ام احمد]

الله يعينهم يعوض المعاريس والحفلات اللي ما ياهم احد

 

[nwir72]

الحمد لله ما انعزمت بذاك اليوم

 

[عطر ايامي]

اهم شئ السلامه

كل شئ يتعوض

بس الصراحه كل العزايم تتعوض الا الزواجات

مخاسير و تجهيزات

 

[روح مغليهآ]

وعليا العروس وريلها حاشهم احباط ببداية حياتهم الله لايبلانا

 

[tmtmt]

اي والله
اكثر ناس فكرنا فيهم

الي عندهم عرس
ولي يالها طلق

 

[هنـــد]

انا كان عندي عرس اخو رفيجتي

وكنت بحط مكياجي بالبيت والتسريحه بالصالون ومجهزه كل شي

بس مابديت بولا شي وعلى صلاة المغرب صارت العاصفه وخفنا بصراحه

ومافكرت اروح

 

[سري الدفين]

واي هذا اليوم كان مأساة رفيج زوجي عرسا كان بهذا اليوم داق يقول ماكو أحد محد حضر عرسي والله كسر خاطري

 

[قلبي سلومي]

الحمدلله ماطلعنا ولا انعزمنا كلش

 

[كاليفورنيا]

انا كنت حاجزه فيلم بالسينما بروح اطلع عيالي بعدين اردهم واروح السينما بس بعد العاصفه كنسلنا

 

[FiOnKa]

إي وعليــه الله يعينهم اللي عرسهم بـ ذاك الوقت = (~

اشوه يومها ما كان عندي شيّ كنت بالبيت .. بس خوش موضوع ; )

 

[أميرة زوجي أنا]

سبحان الله كل أحد بحال وموقف كان يوم مرعب كل الياهال يقولون اليوم جمعة أكيد اليوم يوم القيامة بنات كثرو من الصلاة على النبي

 

[عطر ايامي]

??أتعس كويتي وكويتيه في ظل هذه الظروف

:
1)اللي ينطر وجبه من المطعم وحده يوعان
2)اللي عرسها اليوم
3)اللي سفرته اليوم بالطياره وماخذ هالاجازة بالغصب وبحب الخشوم من المدير
4)اللي يايلها الطلق الحين وريلها متوهق فيها(حدى مو وقته)
5)اللي توى مطلع سيارته من المحطه بعد عملية التنظيف والتجميل

6) السائق المقرود اللي إجازته اليوم :/( حبيبي كومار)

 

[ssun2]

إحنا قاعدين في البيت والحمدالله ...... بس إختي كانت معزومه للعرس إخوان 2 ماخذين اخوات .... العروسات راحوووووا الصالة إمبجر وإقعدوووووا فيها والمعازيم حوالي 20 نفر ...... لما هدأت العاصفة ب 9 ونص وعشر أحضرووووووا المعاريس وبسرعة وبسرعة زفووووهم وطاح البوفية والساعة 11 ونص في البيت ........ صج صج وهقة ...... اللهم أحفظنا ...... شكرا ودمتــــووووالنـــــــا .......​

 

[كيكة توت]

لوووووول حدها مقروده العروس

 

[حبيبه بدر]

انا من قرادت حظي لاني توني ساكنه بيت يديد اجرت خدامه تساعدني

ويت وبعد دخلتها بشوي يانا التراب وراح اليوم واحنا متلثمين

شنو نسوي واحنا عارفين اخرتي برجع انظفه لانه بيكون كله تراب

 

[ام^تبوله]

انا كنت بالزوارة بيت عمي بغيت ارجع البيت ابدل وورا صلاة المغرب بروح بيت ابوي توني بطلع والا نشوف الخبر بالتلفزيون خالتي وعمي ماخلوني خافوا علي وعلى اليهال
بس ريلي مسكين كان بالبر توهقوا وقعدوا بسياييرهم لحد الساعه 10 وعقب رد البيت وانا رديت البيت على ال11 بس والله ماينسي والحمدالله على كل حااااااااااال​

 

[Tutti-Frutti]

كنا بالبيت
وبعدين عـ التسع ونص لمن خف الغبار طلعنا

 

[انسانه بسيطه 20]

لا احنا كلناا انا وريلي وامي واهل ريلي متيمعن ع بحر يعني ونتعشى بمطعم وجذي

انا خلصت ميكاابي وكنت عند بيت امي ولا تيلي امي تقولي وي وي شوفي هالغبااار

قلت لااا جد ممو وقته وادق على ريلي يقولي شاييفه الجو انتـي !!

خلاااص خليهاا باجرر وصكره وقعدت ومسحت المكيااب وقطيت العدسات وبدلتي وحجابي بس اشوه اهم شي حجابي مااكوويـه مايحتااي قطـن

وبس قعدت شبكت

بس صج مسكينه الي عرسهاا ذااااك اليوم واعليـه