يوميا @ سجلي حالتج النفسيه اهني@متزوجات حيااكم@

[شادن33]

عاد انا اذا حلمت اني ريلي مع وحده ثانيه بس يطالعها بالحلم اقوم من النوم محتررررررررره

واعكنن عليه عيشته طووول اليوم هههههه

حتى اهو يقول اعوذ بالله اشفيج اليوم جنه شيطااان فوق راسج مايدري اني حلمااانه ههههه

 

[Zinab BH]

شدوون هذا فلم مو احلام طويلة و ماساوية خخخ الله لطف فيكم في الغزو مانقول غير الله على الظالم

 

[Zinab BH]

ذكرتيني باختي تقول حلمت زوجها متزوج عليها قعدت من النوم محترة تهاوشت معاه لووول يقول لها انتي تحلمين انا ابتلش بس امي قالت لها اذا تزوج عليج بالحلم يعني هذا بييه خير من الله و صح بعدين يااهم خير الحمدالله

 

[شادن33]

وامهاتنا الله يطول بعمرهم اي هديه تفرحهم لو ما كانت بهالمناسبه

 

[شادن33]

اي صح زنوووب اي وحده يتزوج عليها ريلها بالحلم زين وخير بس احنا نحترررر لو بالحلم مايهمنا

اخر شي يقوله يباااا حللللم حلللم خخخخخ

 

[Zinab BH]

شدون الا امي مايعجبها اي شي خخخخ حتى الذهب لو نييب لها تتحلطم عليه لازم اهيا تختااار وااي فاحنا فاكين اعمارنا ونعطيهم بيزات اهيا تتصرف

 

[Zinab BH]

شدوون عاد احنا تعالي فهمينا انه خير مافي قلوبنا الا القهر و الحرة من الحلمة هههه

 

[شادن33]

هههه ضحكتيني باتشولي ان الحلم قبل الاحداث



يالله صباح خير الناس تصبح وانا اتهاوش مع زوجي بالواتس اب بس فرغت طاقتي احسن شي صدمته ع قولتهم شاف اني شايله بالقلب

يحليلج ام فروووح نفاااسج طلعتيه كله على ريلج هههه

 

[شادن33]

اي احسن شي عطوها بيزات واهي تختار تستاااهل
هذي نفس امي فديتها كل مايبنا شي اطلع فيه عيب وبعدين تاخذه احسن شي الفلوس يستاااهلون

 

[Patcholli]

شدون على طاري حلمج
اتخيلي مره حلمت بنفس الليله مرتين ان ريلي متزوج علي وانا ميته قهر وقمت من النوم مخنوقه
وقتله الحلم جان يقول انا بعد الليل حلمت نفس الحلم :|

امبيه مت خرعه وظليت مختنقه اسبوع كامل واهو يهديني يقولي حلم يبا حلم اقوله انت شكو حلمان ..!!؟؟ اكيد تفكر بهالشي ؟؟ لوول

 

[شادن33]

باتشووو عيل اختي كل ماتحلم ان ريلها اتزوج يترقى بالوظيفه
وهذي كل ماتحلم يترقي لين ماصار مدير ههههه

عاد قتلها عاد الحين امسكيه صار مدير لايسويها من صج ههههه

 

[Perfume]

اهلين حبوبات

يوم عيد الام وصينا على كيكة
وبنحتفل في بيت يدي مع جميع الامهاااات
بس الهدية للحين مادري شنو اشتري

 

[ام الدرر]

السلام عليكم
الحالة النفسية
الحمدلله

نفوسات شلونكم
لعيد الام
احنا بنوتات خواتي الله يحفظهم
حاجزين خدمة سبا بالبيت
لي ولخواتي (الامهات )
هديه لنا
وعني ما قررت للحين شنو اييب لخواتي (امي الله يرحمها ويسكنها الجنه )
بس احتمال عطر شموه علي وعجبهم باخذلهم نفسه
واحنا الامهات مفكرين بسبرايز عشا للبنات اما باربكيو كورنر او ميل اون ويل (خدمة الطبخ بالبيت )​

 

[Perfume]

عليكم بالعافية ام الدرر

انا ولدي صغير
يمكن ريلي يهديني لووووول

 

[ملگه]

هههههههههههه
ضحگتوني بنات ماسگين خط مع الاحلاااام
الله يگفيگم شر گل حاقد بس ماعليگم بنجيگم من السعوديه،ننقضگم هههههههههههه
ترااا امزح لاتزعلون
والله احب الگويت واهلهاا اصلن الگويت وسعوديه واحد والبحرين گلنا بلد وحده

 

[ملگه]

بس بنات موحراام عید الاام ؟!!
جیبوهدایاء لامهاتگم بس لاتقولون عید الام
والحاله النفسیه تمااام

 

[كليـ دلعـ]

زينبوووو. من صججج

لاقيتلج معرس بيلبسج الالمااس ويسفرج بكل احسااس


وبيدلعج يابنت الناااس وعفتيه لان فيج وسوااس!

ههههه


من صججج واحد بيدلعج ويأألمسسسج ويسفررج

ويهنيج وتبجين ماتبينه !!!


امبيه مو صج !

والله لوانا جان ثاني يوم بالمحكمه اخلعوووو وارميه!!


ههه مولان مافيه خير لاوالله حبيبي فديته

بس لان بعد فتره حلاه الوحده تغييير روتينها وفساتينها وريلها معاهم!!!

جان زين عقب هالمده من الزواج وعقب هالذريه وهالضغووط

القي وااحد يقوول هالحجي !

بس تعالي حرام شذنب ريلي الغالي وبناتي !؟

اممممم. اي لقيت حل بحجز لهم على حسابي

سفره لمده شهر يتو نسوون وانا بقعد وعلى مايطيرون

بالطياره الا انا بالمحكمه اخلع خخخخ

واتزوج بنفس الليله ههههه ماني ناطره العده !

جان في عده للخلع!

المهم بتزوج واستانس واقارن ام عجبني تميت معاه

واذا رد ريلي اوااجهه!>>> رووح!

وان ماعجبتني حياتي معاه اروح اخلعه وارد ريلي

ومن يوصل ارض المطار وانا فارشه له القاع ورووود



وممن اشووفه نزل من الطياره اقعد ايييبب واهووس!!>>> شكو اهوس!!! طلع العرج!

المهم اقعد اييبب واغني منو اللي يحميني!؟ منو اللي يفديني! منو اللي يراعيييني!؟

انتااا انتااا.

خخخخخخخخخ


وبعد ذيج السالفه راح اعرف قدره عدل

يالله شرايكم نبتدي دوره اعرفي بعلكي قبل ان تهلكي!!!!

لصاحبه الدوره مدام تجارب!!( اللي اهي طبعا انا ))

من بيسجل! *

 

[كليـ دلعـ]

هههههههههههههههههههههههههه

هههههههههههههههههههههههههه

 

[ملگه]

هههههههههههههههه

 

[&هند&]

مساء الخير

الحاله النفسيه تمام ماعلي محتاسه مع نتفتي فديته

خخخخخخ انا بعد قبل يومين حلمت ان زوجي اسم الله عليه توفى يمااااا انجنيت عاد كنت نايمه زعلانه عليه سيده من قمت من النوم شاقه الضحكه وادلعه الرجال انصدم دايم ابرطم اذا قمت واكون زعلانه شسالفتها اليوم خخخخخخ ويضحك مستانس اني مو زعلانه

انا مدري شجيب لامي وجدتي بحسبة امي فديتهم يما احس هاليوم غير بهالسنه لاني حست باحساس الامومه

ياويله ولدي ان ما جاب لي هديه خخخخخ ام قشره >>> ما كاني يوقف قلبي لو يصير فيه شي بسيط