يوميا @ سجلي حالتج النفسيه اهني@متزوجات حيااكم@

[أم فـرح الحلوه]

انا وحده بتنكر الوقت اللي بمضيه ع المسرح ابيه في الماي




المسرح لوابي صاله بيتنا تكفي





توني تهاوشتً مع زوجي مشكله ماتسوى بس لاعت جبدي خلاص بنفجر بوجهه ماني لعبه عنده مليت

 

[كليـ دلعـ]

ام فرح المسرح. مومسسسسرح

لا. ثوب مسرح يعني ثوب رقص

الظاهر مافهمتيني


وي عسا ماشر شفيه ريلج!؟

قطع لي صارو غثييثيين مايترقعون!

 

[أم فـرح الحلوه]

في كلام يقرقع بقلبي وبفصل عليه بطلعه كله



بس اكيد مو سالفه خيانتها خخخ لان ليما الحين مايدري اني ادري ع باله مدمغه وغبيه بس انا احيانا انغز




قصدج بلبس المسرح لبس الغجر

 

[كليـ دلعـ]

ههههههههههههه

لبس الغجر

ههههههههه. ههههههههه


يبا اسمه ثوب رقص. ثوب مسرح

اللي يلبسونه الحريم اوول

خامته تور اسووود او شيفووون خفييييف ويكووون واااسع

ومطرز بذهبي!!


شفتي الاغاني الكويتيه القديمه شنو يلبسون الحريم اللي معاهم

هذا اللي اقصده

نسسيت انج سعوديه

هناك ماتعرفوونه بس وصفته لج ان شالله عرفتيه

كتبي بالنت ثوب مسرح وشوفي صورته

فديتج

وريلج سوويله محااظرره وطلعي اللي بيوفج

توني سامعه ان الخناقااات والهوشاات بين الزوجين

مفيده وصحيه وتحافظ على العشششره

يالله بنات شووفوو شغلكم

انا بعد بنطر ريلي مساافر ويااا ابووه صارله ٥ اياام يبيله اخر الاسبووع يرجع


بجهز له هووشه معتبره كي احافظ على حياتنا صحيه !

 

[مجنونة موودي]

النفسيه الحمدالله بس شوي متعگر مزاجي بخصوص المدرسه وعسئ تدوم عليناا الونااسه ياارب


والنوماا طايره من عيووني ولازم انام ووراي قعده شلوون ؛(

 

[Zinab BH]

اصبحنا و اصبح الملك لله الواحد القهار
ام خزاااامى انا ابي اتضيفيني في الانستغرااام
كلي دلع من قلتي شخاطرج فيه يبتي لي الحكة لان انا جداً اكره البحر و الشمس بالاحرى تيني لوعة جبد من البحر مادري ليش احس روحي بستفرغ لووول
ام فرح حبيبتي فرغي اللي في جبدج و خليه في جبد ابو الشباب ولا تحطين بخاطرج

الحالة النفسية كويسة بس مادري ليش احس روحي ابي اطب في برجة بااااردة حدها

 

[كليـ دلعـ]

زينب توج لايعه جبدج من البحر والماي


فجأه بتطبين ببرجه!!!!


خخخ

صباحكم وود وجوز ولوز

الحاله النفسيه عادي

يمكن لوماكان حبيببي مسافر جان صار

ياا الجو صحوو. ياعوااصف بس بما انه مسافر

فالاجوااء عاديه ماكوشي !!!!


االله يديم علي وعليكم وعلى بنات المسلمين

الرضا. والسعاده والاستقرار والمحبه وراحه البال

اللهم امين

مناك باب بيت الزكاه مناك>>> خخخخ

على هالدعاوي جني رايحه اطرر عندهم خخخح

 

[أم فـرح الحلوه]

هههه كلي دلع انا كويتيه بس مابي هاللبس ابي لبس غجر اسبانيا عرفتيه اللي يشبهه لبس المسرح الكويتي بس من ناحيه الاكتاف والصدر مفتوح وابي شعري نفس مريم كشه وابي اركض حافيه << الصبح بكيني وبليل برقص عند النار نفسهم وابي ايدي كلها سلال ويفضل مضاعد ذهب خخخخ



زينب ما خليتها وحتى جى بيتنا وحقرته مليت<<<< اكتئاب النفاس خخخخخ




كلي دلع انا احب الدعاء اللي جذي واحب ادعي

 

[Zinab BH]

كلي دلع لا انا ريحة البحر و الزفرة تيب لي اللوعة حتى ريحة الشجر و الزرع ماقدر عليها حدي مو طبيعية لووول
البرجة مافيها ريحة مافيها الا ريحة الكلور

 

[Zinab BH]

ام فرح زين تسوين فيه حقريه بس مو وايد خخخخ حرام

 

[شادن33]

السلام عليكم

الحاله النفسيه
عال العاااال

 

[شادن33]

دلع لع مبدعه بخيالج الوااااسع ههههه

والناس اتجهز حفله حلووه للزوج الراجع من السفر مو هووووشه ههههه

يلا استعدي من الحين روحي قصي شعرج وحمام زيت واللذي منه

وسنفرات للجسم ودوريلج على قميص حلو ناعم وهالله هالله بالكلام الحلووو موتخورينهاااا خخخخخ

 

[شادن33]

كلي دلع لا انا ريحة البحر و الزفرة تيب لي اللوعة حتى ريحة الشجر و الزرع ماقدر عليها حدي مو طبيعية لووول
البرجة مافيها ريحة مافيها الا ريحة الكلور

زنوووب غريبه انتي احلى شي ريحه البحر ياااااي اشمها من عشرين كيلو هههه

يقولج اول ماتحطين ريلج بماي البحر تروح الشحنات السلبيه اللي فيج وبعد لازم تمسكين ايد ريلج المكروووف هههه
عشان تروح الطاقه السلبيه كلهااااا

 

[شادن33]

شقتي بالافلام الحبيبب وحبيبته لازم يتمشون علي الشاطئ ومطلعين كراعينهم وريولهم بالماي وماسكين ادين بعض

لازم انقلدهم ههههههه

بالعيد هههه انا ريلي مايخليني امسك ايده جدام اليهال بعد البحرررر

 

[Zinab BH]

وااي وااي شدون ماحب البحر تيني حكة بس اروحه اذا بروح اقعد بالسيارة واطالعه لوول
ذكرتيني بايام اول انا ورفيجتي نشرد من الجامعة ونروح نشتري لنا ريوق و نجابل البحر بس اخليها تصك الدريشة مسكينة خخخخ
حتى اقول لزوجي مابي مكان فيه بحر خايس و زرع خايس يقول انتي مخج فيه برغي طايح على ان لاحظت اهو بعد مايحب يروح البحر وايد
على قولتج الشحنات السلبية اهما خلوو لنا بحر كله انردم ورا بيت ابوي بحر شحلالالالاته صج صج يهبل بس انا ماحب الريحة تعقدني احس روحي بستفرغ

 

[Zinab BH]

و القهر بيت حمولتي و بالاحرى شقتي بتصير مجابلة البحر عادي انط من الدريشة اصير في البحر لووول
شكلي مابفتح الدريشة جان تدخل لي ريحة الزفرة داخل

 

[شادن33]

البحرين كلها بحررر شنو انردم

عيل زنوووب طلعتي مو رومانسيه انتي وبعلج >>> وافق شنٌ طبقه

 

[شادن33]

احب روحة البحر مع جبااااتي وجاي ياسلااام >>>>> ذكريات الطفوله لازم جباتي مع البحر هههه

 

[Patcholli]

مساء الورد

شخباركم شعلومكم ..

حالتي النفسيه تمام

 

[ملگه]

شدون لازلتي عايشه دور المتفاائله دائما

ههههه


ام خزوووووووووووووووووووووم

برفيوم

باتشوولي

ام الدرر

شدون

هنوود

ملكه

حبايب قلبي

اشتقتلكم

وحنيت لكم

عسا مانسيت احد

ادري اشتقتولي وميتين علي>>هههه


لكن كلله من الانستغرام اللعين هو اللي باقني منكم

تعالوو اخذووني ابيكم

بسسرعه

هلا ومرحبااا
گيفگ يالغلااا
ايه اگيد اشتقنااا لگ ههههههه