يوميا @ سجلي حالتج النفسيه اهني@متزوجات حيااكم@

[ام الدرر]

السلام عليكم
الحالة النفسية
الحمدلله

بيرفيوم يسلم عمرج انا بخير
انتي شخبارج

كلي دلع
ناقصج عبدالحليم وتقعدين بحضنه ويغني لج

شدون
ابي جباتي


انوث
شخبارج ​

 

[ملگه]

مرحباا صبایاء
اخبارگم
الحاله النفسیه
عال العال

 

[Patcholli]

مساء الخير حبيبات قلبي

 

[Patcholli]

بنات شنو بيتيبون هدايا حق امهاتكم بعيد الام
حدي محتاره ؟

 

[كليـ دلعـ]

امبيه بنات تحقق حلمي اللي عن العراق

شووفوو الاخباار الله يستر

 

[Patcholli]

اي كلي دلع الله يلعنهم ان شاء الله الجلاب
شنو حلمج ياسااتر ؟؟؟؟

 

[Zinab BH]

اصبحنا و اصبح الملك لله الواحد القهار
شدون شكلج مالحقتي على بحر البحرين ويه ويه بيت ابوي كان قبل بحر و جزر امواج كانت كلها بحر
حتى بيت حمولتي كان مكان بيتهم بحر
من جذي اقولج معظم البحرين مردومة يعني حتى ترى شوارع عامة بالبحرين كانت بحر
و ياليت طالبة امس الجنة يوم اقول ابي اطب في برجة رحنا امس شاليه لليوم الصبح عن خاطري نقعت ريلي في البرجة لوول واكا ريلي تعورني من البرودة

شدون صار خاطري في جباتي و سمبوسة جبن و بطاط من الصبح واااي شعور جميل اوردي يووعانة ومايبت لي ريوق في الشغل اهئ اهئ

 

[i'm so happy]

صباااااااااحكم خاطري في كرك وجباتي هاهاهاه

الا صج بنات نبي افكار يديده وهدايا حق يوم الأم تاريخ 21 -3

 

[كليـ دلعـ]

باتشوولي

حلمت الله يسلمج انهم غزونا مره ثانيه

وداشين بيتنا جنهم يراد شكثرهم. ويقوولي الهكري

اريد ابره قلت ماعندنا جان يطالع

الا داخل الدرج ابره طبيب جان ياخذها!!

قلت لا الله يخليك هذي مالت بناتي اذا التهبت صدورهم

اسويلهم كماااام!!

قال لالا اني اريدها الديره كلها مافيها ابر!!!!

وي طاح حظك عساهم يغزونك اياها وانت مريض!

عاد اهو مادري منو بس بجبدي ادعي عليه جبحح

جو الحلم كئيب غثيث يخووف واااي ماصدقت ابطل عيني ويطلع

حلللللللمممم وااي

اللهم لك الحمد على الامن والاستقرار ياااااارب

والله يكفينا شررر الحاقدين الحسودين

قولو امين *

 

[Patcholli]

حسبي الله عليهم الله يلعنهم ويلعن ساسهم وعجرهم الوصخ الانجاس البعثيين حسبي الله عليهم الله ياخذهم ويفكنا من شرهم

 

[كليـ دلعـ]

اللهم امين

مايبين بعينهم شي عطيناهم وساعدناهم وتبرعنالهم

واللي قلبه خايس لوشتسووين ماينظف

بس ساسهم غدر وخيانه هذا شي يمشي بدمهم

الله يكافينا شررهم وويحفظ ديرتنا ويعز شيووخنا

ويطول بعمر بابا صباااح وتجعل ايامنا كلها افراح واعيااد

ياااااااااااااااااااااارررررررررررررررررررررررررررررب

 

[Patcholli]

المشكله ان احنا وايد طيبين معاهم وكله معطينه فرصه نقول تعدلو وصارو اوادم بس هذيل يظلون جلاب :/

انا ماحب اعمم عالكل اقول يمكن فيهم 20% مساكين بس بشكل عام اكرههم حسبي الله عليهم الله يرد كيدهم بنحرهم يارب


استغفر الله مو كافي الله خاسف فيهم وعيشتهم قشره وصعبه اللهم لا شماته هم يتحرشون

الله يغربلهم فوق ما اهما متغربلين

 

[كليـ دلعـ]

المشكله حقدهم علينا دفيييين وقديم متشربينه جيل بعد جيل يعني مسسسسستحيييييل

في يوم ما يصفون،،،،،،



علمت خالتي ام ريلي بحلمي قالتلي تفسر باللي صار امس!


خالتي تقوول لي ليش حلمانه فيهم اكيد فكرتي فيهم قبل لاتنامين!

شكووو!!

قاعده احاول اقنننع فيها موراضيه تقول الواحد اذا فكر بشي

قبل النوم يحلم فيه!

ههههه فديتها مابذنها ماي مقتنعه!!!!

 

[Patcholli]

لوووووووووووووووووووووووووووووووووووووول يحليلها
قوليلها لا خالتي الحلم قبل الاحداث مو بعد

 

[أم فـرح الحلوه]

هههه ضحكتيني باتشولي ان الحلم قبل الاحداث



يالله صباح خير الناس تصبح وانا اتهاوش مع زوجي بالواتس اب بس فرغت طاقتي احسن شي صدمته ع قولتهم شاف اني شايله بالقلب

 

[Patcholli]

حياتي ام فروح ليش عسى ماشر شمهبب بعد ؟؟

حبيبتي والله الله يهدي يارب ويصلحه ويحسسه ان بيته ومرته وعياله اهم شي بالدنيا مثل ماهدا غيره من قبل

 

[Zinab BH]

دلع اهوا جذي اللي في العقل الباطني تتخزن سوالف و افكار وتطلع لج على هيئة حلم مو شرط تفكرين فيه قبل ماتنامين
ذكرتيني مرة قبل ماانام كنت افكر لو اخذت واحد غير زوجي شلون حياتي بالاحرى واحد حاله احسن من حال زوجي بوايد
على ان زوجي فديته مو مقصر بس بني ادم طماع كذا مرة تيني هالفكرة وكان قبل مااتزوج يتقدمون لي من العوائل المعروفة بالبحرين ان عندهم و مناصب فوق بس على قولة امي تترفسين انا ماترفست بس كنت احب زوجي لووول ,, لين ماحلمت ذيج الليلة
ان زوجي خلاص مو زوجي و باخذ واحد ثاني وانا بالحلمة بصيح و خانقتني العبرة و الصيحة واقفة بحلجي والدموع بطيح خلاص مو طايقة عمري
واللي خاطبني يقول لي بعطيج و بسويلج و بحط لج و بيب لج بس انتي وافقي بلبسج الالماس من فوق لتحت
و بسنة مرتين او قد اللي تبين بسفرج مكان اللي تبين و بعزج و بحبج بس انتي قولي موافقة وانا مافي مابيك يعني مابيك ابي فلان اللي اهو زوجي
قابلة اعيش وياه بخبز يابس و ماي بس مابيك ابي زوجي لين مااخر شي عييز مني وقال بس خلاص بيرجع لج زوجج و رجع بس قعدت من النوم ميتة حسيت روحي بتطلع من مكاني
من عقب مااختبرت الشعور بهالحلمة لان كأنه صج ماقمت افكر بهالتفكير ابد الله راواني بهالحلمة كل مااتذكر الحلمة تيني الصيحة و احس بخنقة
على قولة اختي الكبيرة هذا الله يراويج عشان لا تتبطرين على النعمة لوول الحمدالله والف الحمدالله يارب الله يخليه لي ولا يحرمني منه

 

[Zinab BH]

ام فرح صج النفاس مأثر عليج حقريه اتحملي في روحج خل يولي اخذي فترة نقاهة من المشاكل و الطنقر الله يسخره لج يارب

 

[شادن33]

وييييه شهالاحلام الطويله والماساويه

 

[Zinab BH]

حصة والله انا مفكرة اخذ حق ام زوجي و امي ثنتينهم مثل العطر لان مرة كنت ماخذة لي عطر عربي و عجبهم ثنتينهم وايد حتى ام زوجي قامت تحط لها منه فقلت باخذه لهم
و بحط وياه جم دينار لان انا اعرف امي مايعجبها العجب لووول لازم الشي من ذوقها عادي تقط الشي فالفلوس وايد احسن لها
و طبعا بنحتفل بكيكة و بنعزمهم عشى برا تغيير جو احلى شي انه بصير يوم خميس ليلة جمعة يعني شي حلو و بس هذا مخططي و انتو شلون بنات؟