يوميا @ سجلي حالتج النفسيه اهني@متزوجات حيااكم@

[انثى عاشقة]

لي باااك ​

 

[قموووره]

مساااااااااااااء الخير عليكم كلكم
بعد عمري الي يحاتوني لا تحاتون انا باذن الله بخير دام الله ربي ما راح يخليني وانا راضيه بالي الله كاتبه لي حامده ربي على كل حال لا تتضايقون عشاني ... لو اطلعتم على الغيب لاخترتم الواقع وانا راضيه بقسمة ربي الحمدلله
اذا على الفايروس اهو فيني فيني بس بيتاكدون اذا نشط ولا لا
بس موضوع المسحه هذي الي بيتاكدون اذا سرطان او لا ؟ وسواء فيني ولا ما فيني الحمدلله انا ما احاتي المسحه ولا احاتي نفسي انا كل الي باط جبدي اهو ريلي بس ياكل بنفسه خايف على روحه
تصدقون من سنه تقريبا كنت بتطلق منه وكان يبجي جنه ياهل ويقول لامه احبها ماقدر اعيش من غيرها !!! وشوفو الحين ؟؟؟
على قولة المصريين اسمع كلامك اصدقك اشوف امورك استعجب !!!!! انسان غريب​

 

[قموووره]

بعد عمري سويت ربي يمسح على قلبج ويعوضج خير ويسهل امورج يا رب
ولا تضايقين نفسج ماتدرين وين الخيره؟؟؟

ام فيصل حبيبتي كملي سوالفج عادي ان شاء الله ماكو الا العافيه

بعد عمري والله بنات احس بالذنب اني قلت لكم ما ودي تحاتون !!! بعد عمري والله
انا موكله امري لرب العالمين وراضيه بالي كاتبه لي والحمدلله على كل حال
الدنيا كلها فانيه وهذي اختبارات لنا كلنا من رب العالمين بس سوو لاخرتكم لان الدنيا زايله والحياة اهي الاخره مو الدنيا
والله ان فكرتو جذيه الله بيهون عليكم كل اموركم
ان مع العسر يسرى​

 

[am faisal]

حبيبتى قمورة
لكل منا بنى البشر محنة ومصيبة يختبربها صبرنا ذى العزة والجلالة
ولكل شىء مقدر هدف وغاية
وكل امر اللة خير
عندى بنت خال جميلة جدا وعرفت بجمالها وتزوجت ابن عمها وكان يموت فيها
مدلعها بس بعد فترة مشى مع شلة وخربوة وصار يشرب
قالت لبوها وطلقها منة على طول وكانت تحبة وتموت فية وترجت ابوها يعطية فرصة ما فية فايدة
الغريب بالامر انها تزوجت غيرة وكان رجال كرية وما تدانية بس غصب
واول ليلة سالها ليش تطلقتى قالت يشرب
ويطلع بطل من تحت السرير ويضحك وهويقول انا بعد اشرب
والاغرب ان ابوها اللى طلقها من زوجها الاول ورفض يعطية فرصة
الثانى يوم جت تشتكى ابوها ردها وقال المرة موكل يوم لها رجل
هذا حظك
وهنية بدت ماساتها
جابت منة بنتين وولد
وكل يوم يجمع شلتة ويخليها تطبخلهم بانصاف الليالى وشرب هو وياهم
كبرو بناتها وفى يوم سكر وداخ وربعة قعدو يطقون عليها الباب هى وبناتها
من الصبح راحت لهلها
وعرف نقطة ضعفها يجى وياخذ بناتها يوم خذاهم لبست عباتها ولحقتة مو حبا فية
بس خوف على البنات
وخواتها يتطنزون عليها توك زعلانة لحقتية وتقول بلا كم ما دريتو ببلاى
عاشت حياتها معاة شد وجذب ذبلت وذبحها الهم والمحاتاة
زوجها الحين كبر وضعف وهون من خرابيطة
بناتها مدرسات
وولدها بالعسكرية
حبيبتى لكل منا قصة نكتبها
صفحاتها من ايامنا
وحبرها من دموعنا

 

[(TigerWoman)]

مرحبا صبايا

 

[حباااري]

هلا حبووووبه

​

 

[حباااري]

ام فيصل انتي وين ساكنه ايام الطفوله

​

 

[am faisal]

هلا وغلا

 

[am faisal]

حبارى
فى ولاية من ولايات العاشرة سيتى

 

[خوخه.22]

اليوم بعلي على مزاجه منفس علي احسن شي اسويه اني احقره واصير بارده لو مو سوالفكم جان طاقتها بجيه اوفف ياكرهه لمن يكون بهالمزاج

 

[خوخه.22]

سبحان الله محد يعرف شنو مكتوب له
تأثرت بالقصه اللي كاتبته ام فيصل

 

[حباااري]

ياحلوووو المنطقه العاشره وأهلها وناسها

 

[حباااري]

تصبحووون على خير حبايبي

​

 

[am faisal]

حلت ايامك عمرى
طفولتى فيها
بس حسونة الشايب يمدية يمرنا ويمركم
وين ساكنة
اذا طلع هو بسمية حسونة تيربو

 

[(TigerWoman)]

هلا فيكم

 

[(TigerWoman)]

فيني نوم اهئ اهئ ولدي كل شوي يقعد شسوي فيه

 

[am faisal]

الامومة متعبة للى تعيش الامومة باحساسها
وسهلة لمن لا احساس لها بالمرة
شفت اطفال ربو مع جدة وعمة وعم وشغالة وينادون امهم باسمها
وشفت ام حرمت نفسها من كل شى لاجلهم ولاجلهم فقط

 

[(TigerWoman)]

اي شايفه من هالنوع وايد

مدام جذي ليش ايبون عيال استغفر الله

انا بصراحه ما اخلي الخدامه تلمسهم ولا اخليهم عند احد انا مسؤله عنهم

 

[لولو سيتي]

النفسين زيرو اليوم
عسى المرتاحة دوم مو يوم
والمتعسره ربي يسهل عليها

 

[(TigerWoman)]

لولو

الله يسهل امورج ان شاءالله