يوميا @ سجلي حالتج النفسيه اهني@متزوجات حيااكم@

[am faisal]

لى رجعة

 

[انثى عاشقة]

اهلين امورات

مساكم كاااادي

شادن ايه جبتيها رجعني بخفي حنين :eh_s(4):
خخخخخخ


منمن انا مثلج احب الاكلات السهلة السريعة
بس زوجي يعشششق الدسم :eh_s(1):


باتشولي ياعسسسسل
هذي وصفة الساتي اخذتها من هني
http://www.aoua.com/vb/showthread.php?t=207455

بس انا ضفت من عندي صويا صوص ع صلصة الفول السوداني
طلعت يمي



قمووورة

اااااااااااااااااااااااااامين يارب يتحقق الي ببالك :yaaaaaarb:



سويت فانيليا وش هالاخباار:eh_s(2)::eh_s(2)::eh_s(2):
لا حول ولا قوة الا بالله العلي العظيم
قولي اللهم اجرني في مصيبتي واخلفني خيرا منها
انا بعد يوم كنت حامل تطلقت من زوجي
بس قبل ما اولد رجعنا لبعض
كانت فترة صعبة بس ربك كريم ..



ام فيصل وام عبووود فديتكم تهبلون والله


حباري الله يعينك الخدم صارو يرفعون الضغط :eh_s(4):

بخارى وباقي العسلااااااات ربي يسعدكم ​

 

[حباااري]

اي والله الله يعين

​

أنا أشهد ان الزواج قفص ذهبي وربي مليت قمت احط حرتي بعيالي والله ماطلعت من الاسبوع اللي طاف اتصدقووون واذا قلتله زهق يقوول انزلي لأمي

 

[am faisal]

انثى عاشقة
اعرف وحدة من قريباتى متزوجة ولها فترة ما حملت ودورتها مو منتظمة
ويجيها فترة كل ما يدش زوجها البيت يلقاها نايمة بالدار بالصالة بالحوش
كل مكان كلة نايمة تقعد من النوم علشان تنام وبعد مدة ما تحمل
ويدش البيت معصب ويلقاها نايمة بصالة الضيوف ويقعدها
ويعطيها قرقة معتبرة وبعدهاسكت شوى وطلقها
تقول تخيلى احد يقومك من النوم علشان يطلقك
تقول انصدمت وما رديت بولا كلمة وطار النوم منى
الدنيا ليل والصبح بروح لاهلى
ساعة ويشتغل عوار ببطنى فضيع واقعد اصارخ ويودينى
الطبيب وطلعت حامل
تقول قعد يراضينى ويبوس رجلى اسامحة ما سامحتة
ويترجانى ما اقول لاهلى وبيردنى
انصدمت وطيحت بعد يومين الضنا اللى كنت احلم وياة
سنين بسبب غبائة

 

[حباااري]

لاحول ولا قوة الا بالله بعض الرياجيل امهبل مافيهم صبر استغفرالله ياربي

 

[مكتومه]

اليوم القصص تعور القلب <<سويت فانيلا مسكينه ودي اعرف شصار عليها

 

[ماني من الناس]

ام فيصل

صااااااااجه مليون

 

[ماني من الناس]

حيارى

من جد شكلنا بنستخف خخخخ

حلاتي يوم كنت بنيه الضحكه شاقه الحلق

يله الله كريم

 

[مذهلة 78]

والله حبيبتي حالتي النفسيه فوق النخل الله يخليلي زوجي مو مخلي علي قاصر

ولا يقدر على زعلي الله يدوم علي هالقفص صج قفص ماسي

 

[حباااري]

مذهله الله يديم عليكم انشاالله ويخليكم لبعض

 

[حباااري]

اسكتي لا اتبجيني ألا ليت الشباب يعووود يوما''
اللي يسمعني يقووول عمري خمسين وانا لي الحين بالعشرينات والله المستعان

 

[مذهلة 78]

مذهله الله يديم عليكم انشاالله ويخليكم لبعض

تسلمين حبيبتي مشكوره ما قصرتي ولج مثل عالدعوه واحسن

 

[حباااري]

انا كل ماقلت حق ريلي ابطلع زهقانه يروح يترسلي الثلاجه شايفني جازورا وأنا مدري عباله الوناسه بالأكل

 

[am faisal]

ذكرتينى بالطفولة
ريحة سيارة ابوى وهو مودينا المدرسة
روحتنا العصارى مع ابوى الجمعية ورادين كل واحد راد بكويستة سانكيست
وبطاط وكاكاو وقعدتنا مع ابوى امى فى الحوش على زوليتهم الحمراء
ريحة الايام الحلوة ولا انا كان داخلى حلو
تمنيت ان اظل تلك الطفلة ولا اكبر ابدااااااااااااا

 

[حباااري]

اي والله الحياه تغيرت انا لاتذكرت حسونه راعي البرد وطفولتنا البريئه اتقصني العبره ياحلووووها من أيام

 

[مكتومه]

على طاري الطفوله<< ذكرتوني بولدي يموت بشي اسمه طبيعه يعني خروف قطو زهيوي وانتو بكرامه
شجر يجمع طعام حق الميوه << هههه عشان تفهموني يعني البذور ويبي يزرع عقليته مجننتني يبي الشقه يجيب لي سلحفاه همتارو الفار الابيض جنني شسواه معاه

 

[am faisal]

حسونة راعى البرد
حتى حنا راعى بردنا حسونة
لا تكونين جارتنا بس

 

[انثى عاشقة]

انثى عاشقة
اعرف وحدة من قريباتى متزوجة ولها فترة ما حملت ودورتها مو منتظمة
ويجيها فترة كل ما يدش زوجها البيت يلقاها نايمة بالدار بالصالة بالحوش
كل مكان كلة نايمة تقعد من النوم علشان تنام وبعد مدة ما تحمل
ويدش البيت معصب ويلقاها نايمة بصالة الضيوف ويقعدها
ويعطيها قرقة معتبرة وبعدهاسكت شوى وطلقها
تقول تخيلى احد يقومك من النوم علشان يطلقك
تقول انصدمت وما رديت بولا كلمة وطار النوم منى
الدنيا ليل والصبح بروح لاهلى
ساعة ويشتغل عوار ببطنى فضيع واقعد اصارخ ويودينى
الطبيب وطلعت حامل
تقول قعد يراضينى ويبوس رجلى اسامحة ما سامحتة
ويترجانى ما اقول لاهلى وبيردنى
انصدمت وطيحت بعد يومين الضنا اللى كنت احلم وياة
سنين بسبب غبائة

زين تسوي فيه الي مايستحي :rgewrg:
يطلقها عشان نايمة !!!
انا تطلقت بحملي ظلم
ودعيت من قلبي ع زوجي
رجعني قبل ما اولد ورجله انكسرت من دعوتي
صج ما استانست ان ربي استجاب
بس هو بعد مارحمني وانا حامل
مشي حالك الدنيا مليانة عجايب
والحمد لله ع كل حال اول واخر ظاهر وباطن
​

 

[انثى عاشقة]

مذهلة الله يتمم عليج النعمة تبارك الرحمن ..
​

 

[am faisal]

مكتومة
وحنا صغار قطاوة
ومسكينة ماتسلم يا نعلة طايشة على صماخها
ياقوطى
لين توفاها اللة
جمعنا انا واخوى عيال الحارة ما قصرو سوو الواجب
ودفناها وصلينا عليها
زين ما سوينا عزا