رد: يوميات ثقيله الوزن
يوميه رقم 8
مر اسبوع من طلعت من المستشفىو انا نفسيتي صفر
مالي خلق احد او أي شي
من دوامي لي البيت بعدين حاكره عمري بداري بس اطلع اييب شي من المطبخ ولا انزل اييب الاكل الي طلبته من المطعم
طبعا الرجييم قطعته
صار فيني احباط نفسي كرهت الرجيم و الضعف و رجعت حق حالتي القديمه
طبعا خلال هالاسبوع محمد و قموش كانو مسافرين دبي
شفتهم و اهم يشيلون اغراضهم و يحطونهم بالسياره و كل يوم اطل اشوفهم ردوا ولا بعد
و طبعا نار بقلبي !!
انا الغبيه الي سمحت حق محمد يدش قلبي ولا من متى و انا افكر بهالشي و من متى اهتم حق الشباب طول عمري ماشيه سيده !1
اخ بس اخ !! الغلطه غلطتي !!
طليت من الدريشه و لا اشوفهم وصلو !! أي أي يو
نزلت المطبخ بسرعههه علشان اشوفهم عدل من دريشه المطبخ
قعدت اشوفهم مستانسين و انا عيوني تدمع
ليش يا قموش ليش !!
انتي الف واحد يبيج و يتمناج
بس انا محد يبيني ,, ليش يوم لقيت الانسان الي تمناني انتي خذتيه ,, ليش من بد كل الرياييل ماخذتيالا محمد !!
رجعت داري و انا فيني حره حره مقموته
طليت عالكبت الي كان نص مبطل ولا اشوف نفنوف anna sui
جان اخذه و اشقه اكثر و اييب مقص و اشققه
لان هالنفنوف ماخذ مكان بالكبت مالبسته ولا راح البسه !!
اليوم الي بعده بالدوام كنت سرحانه افكر بمحمد و قموش و افكر بأشياء لذيذه !!
مشتهيه شي لذيذ بس شنو اممممم
أي ابييييييي pink berry
من زماااان ما اكلت منه بس شلون اطلع من الدوام و ازرق !!
سويت روحي اني بييب شي من السياره و طيران لي الافنيوس
رحت بسرعه صوبه و طبعا يا حلوه حزت الصبح ان هدوء و ماكو هالطابور الي شطوله طلبت لي 2 و اخذتهم تيك اوي
قلت اكلهم بالسياره احن علشان اندمج
و انا اكل و مندمجه ولا اشوف واحد يطالعني و انا مادري شفيه !!
هل مستغرب شلون قاعده اكل و لا ليش قاعده اكل هني
انا ماهتميت و قعدت اكل يمم يممم
توني ببطل الثاني و اشوف قموش و حمود !!
هالمره قموش تسوق السياره بس هذي من سيارته !!
سياره
G lass لوبنها سلفر يديده حتى رقمها يديد !!
امبي هذي السياره اليديده الي شرولها اياها
قموش كانت تسوق شوي شوي بالمسافر و تتدلع و كل شوي توقف السياره و تسوي حركات دلع حق محمد
اشوفها هالمره اوقفت السياره و قعدت تبوسه و تسوي حركات !!
جليليييين الحيا
أي قلنا لامسافط فاضضيه بس مو لهدرجه !!!
انا من زود حرتي و قهري نزل من السياره بغيت اروح ازفهم
اهم كانو مندمجين ولا حسو بوجودي بينهم
و انا كل مالي ازيد حره و قهر
المهم
كان في بطل بيبسي جزاز و فاضي مقطوط عالارض على طرف المسافط
انا من حرتي اخذته و حذفته لا اراديا على جام السياره
تيمدت ريلي بمكاني
قموش صرخت صرخه سمعها كل الي بالمصافط و المجمع
و حمود شافني و لحقني انا من خوفي ركضت و كان الكعب مضايجني
جان اففصخهو اكمل ركض و اركب سيارتي !!
ياني حمود
قعد يأشر علشان انزل الجام بس انا عاندته و سويت روحي ماسمع
و شوي شوي بديت احرك بس اهو وقف قبال السياره و قعدت يصرخ و يطق عليها
نزلييي نزلييي نسمووه )))
نزلت الجام و قرب صوبي
هاا شتبيي ))
انتي مينونه و مو صاحيه والله ثدقت قموش يوم قالت لي عنج ))
نعم )) بققت عيوني انصدمت !
انت و قموش تسولفون عني شكو شكو , و لا لايكون قايلها عن قصتنا قبل و ك,,))
و قبل لا اكمل قاطعني
أي لازم اقولها هذي مرتي اقولها كل شي ))
حمود يحاجيني بنفسيه شصاير هذي الساحره شمسويه فيه
انا عيوني على وشك انها تدمع بس مسكتها كلش مو وقتج يا دمعه 1!!
انا الحين شتبيني اسوي فيج شوفي شسويتي بالسياره حرام البنيه للحين ماتهنت فيها !!))
ويييي مادري ان هذيل انتو شهالحركات التفصع جدم الاوادم تبوس ))
قلت يمكن ناس ماعرفهم جليلين حيا قلت اادبهم ))
نسموووو )) محمد صرخ
لو سمحت نسمه منو انت علشان تناديني نسموه ))
هن يت قموش و كانتتصارخ و تهدد انها الحين بتتصل عالمخفر
أي اتصلي عادي بقولهم على الي كنتو تسوونه ))
شوفي انتي انا و ريلي نسوي الي نسويه انتي مالج شغل يالمحتره يالعانس !!))
انا هني ماتمالكت نفسي نزل من السياره و مسكت قموش من قوله نفنوفها و اكمش شعرها و اعضها و اهي تصرخ و تبجي و تنادي محمد بكل دلع و رقه
اهي الاميره الرقيقه ,,, و انا الوحشه الشريره
على كل الجمال الي فيها ,, من طول و جسم و شعر و رقه و دلع بإختصار ملااااك ,,, بس قموش حقيره حقيره حقيره و نذله و اكرها من كل قلبي لي لها مواقف وااايد خايسه وياها
و ماراح انساها !!
قمت اصرخ و اسبها و اسبه
شوفي ريلج من يوم كنتو خاطبين كان يلحقني و يطرشلي هدايا كل يوم ))
شوفي ريلج اهو الي كان يعشمني مو انا فأحترمي نفسج )
قموش بيدي شوي و تموت
هي هي انتي وخري عن مرتي )))
وخر لا تخليني اطلع حرتي فيك انت يالديايه تخاف منها ليش ما قلت لها الصج ))
هني قموش و خرت مني و راحت بسرعه حق ريلها تلمه !!!
و حمود راح صفط السياره على صوب
و قموش كانت واقفه تتوعد و تسب واهي تبجي و ناداها حمود و راحتله علشان يدشون الافنيوز !!
انا انا تميت واقفه ببمكاني افكر انا شسويت و سراح يصير امي اذا درت شراح تقول
امبي اكيد بتدري و بتعصب
الناس شراح تقول !!
خذت طبجه من جوتيي عزكم الله بس مالقيت الطبجه الثانيه
تمييت ادورها ادورها مالقيتها وينهي !
اوه يالله ماعليه اكييد بيلقاها الامير و يردلي طبجه سندريلا الثانيه !!
