يوميات ثقيله الوزن[ روآيه مسمُوح بهآ ]

[q8tya 3asaal]

رد: يوميات ثقيله الوزن

الحين بحط لكم بارت بس سورري ترا قصيييير

 

[q8tya 3asaal]

رد: يوميات ثقيله الوزن

يوميه رقم 6

لا لا شلي قاعده اشوفه مستحيييييل لاااا
ماقدرت امسك عمري ,,, و عيوني من لي شفته جدامي توه
غصبن علي صارت عيوني تدمع !!
اهو بعد شافني و لا كنه شايف شي عادي
ولا جتى بسمه او أي شي
ايدي قامت ترجف ماقدرت اتحمل و ساره كانت تتصل ,, و تتصل بس مارديت ماقدرت
ايدي انشلت وجسمي انشل بس عيوني ماقدرت توقف دموع
بس حركني اصوات هرنات السيايير الي حواليني !
اهي الي صحتني عالواقع
بس وينه !! وين اختفى

سحبت عمري و رديت بيتنا و طنشت بساره !! ولا اصلا نسيتها و نسيت انا ليش ييت هني بالاساس

رديت البيت جان اشوفه و قوات عين !!

انا عمري ماراح انسه المنظر ,, محمد بالسياره معاه قموووووش
قمووووش بنت خالتي المخطوبه!!
شلون يتجرا !! مايدري انها مخطوبه و اهي ماتدري ان يلعب عليها اهي شلون تتجرا !!
الدنيا قامت تفتر فيني ماني عارفه شسوي و شقول\

نزلت من سيارتي ولا اشوفه !!
اشوفه ياي صوبي
نسووم ))
طبعا حقرته و انا منشله بمكاني
نسوووم لحظه دقيقه خليني اشرح لج ))
ها شسوي الحين نسوم سوي شي تحركي قولي شي

كل الي قدرت اسويه اني ارد سيارتي و احرك !!
و احرك بس وين اروح مادري !!

شنو الشي الي يواسيني الحين غير الاكل !! صديقي الوحيييد ,,, الوحيد الي عمره ماشتكه مني
بس وين اكل !!
يالله مشتهيه بيتزا ,,
رحت بيتزا هت الي على البحر ,, كان فاضي و هدووء طلبت بتزتين كبار و بطاط ويتجر و بيبسي اقصج دايت بيبسي لاني مسويه رجيم
خذت الاكل تيك اوي و قعدت عالبحر بروحي و اكل و افكر
انا الحين شراح اسوي !! شنو اقوله ولا اقولها احسن ليش ما ادق عليه اتفاهم معاه ,, صج اني ولا مره دقيت بس مره كان معطيني رقمه ذا احتجت أي شي ادق

فكره خل ادق و اقوله انها مخطوبه و احذره علشان لا يقص عليها حرام مهما كان هذي بنت خالتي و من اهلي مايصير اخرب بيتها ريلها ذهبه !!
طوووط طوووووط مايرد
جان اسكره بسرعه قبل لا ترن الرنه الثالثه بعد دقايق طرش لي مسج
منو ؟؟))
طرش مسج !! شنو اقول
ال خل اكتب (( انا نسمه محمد ابيك بموضوع ضروري ))
تم الارسال
ولا جك بوم يرن التلفون
الووو ))
الو محمد اسمعني ,, شوف انا ماتوقعتك جذي صج طحت من عيني !! بس الي بقولك استر عالبنت ولا تخرب بيتها تراها مخطوبه ,,, صج انك قليلين ادب يالشباب و انا عمري ماسمحت حق نفسي اني اتعلق بحد و حاولت قد ماقدر اني ابتعد عنك و ماتعلق فيك بس انتو شياطين غصب تخلون الوحده تعلق فيكم و يالله مابي اشوف رقعت ويهك عند باب بيتنا و لا تطرشلي شي بعد مابي منك شي )) جك و اسكره
طبعا قلت كل هذا بعصبيه
وزفيته
احسن يستاهل
حيوان !!
اكرهه
اكرهه
ركبت سيارتي و قعدت احوس وين اروح توها 8
ارد بيتنا مو احسن اخاف اشوفه
و انا راده البيت ولا تلفوني يرن
منو
هذا محمد شيبي مو انا قايله لا يتصل ولا اشوف رقعه ويهه
مسكت التلفون .... و سرحت افكر
ماجسيت بعمري الا وانا داشه رصيف و اطقلي بريك بس شصار شسالفه
أي راسي ,,,,

 

[fato_kw]

رد: يوميات ثقيله الوزن

@@ شصاااار ادعمت .............

انزين محمد شكووو طالع مع قماشة وشعرفها فيه اكييد خطيبها ؟!!!!!.......

مادري واايد تساؤلات بمخي راح تبين من البارت اليديد

بلييز لا تطولين

ويييتنغ ويييتنغ ويييتنغ

وتسلم الايدين الذهبيتين على الكتابه ويسلم الكيبورد الماسي على طباعه الاحرف الحلوة

وثاانكس عسوووله

 

[أحلامي يقظه]

رد: يوميات ثقيله الوزن

ونااااسه القصه تونس ههههههههههههههههه
اول شي ضحك بس بعدين حزن
امبين لما قالت قموش انها مخطوبه من واحد توه راد من امريكا انه محمد..
لا تخلينها تضايق حرام

 

[so_what]

رد: يوميات ثقيله الوزن

waiting

 

[قطوه_ورديه]

رد: يوميات ثقيله الوزن

القصه حدها عجييييييييييييبه طلعتني من جو الكااابه كملي بلييز

 

[فيلجـ كول ـاويه]

رد: يوميات ثقيله الوزن

امبي فششششششششله

محمد خطيب قماشه اكيييييييييييد

ونسموو اللي راح تتفشل بس حرااااااااام


يسلموو

 

[miss disaster]

رد: يوميات ثقيله الوزن

وييي ليكون ادعمت

واتوقع محمد خطيب قموش لان اهو توه راد من امريكا


يسلمو وناطرين الياي

 

[zooz92]

رد: يوميات ثقيله الوزن

ويييي مسكيينة نسمة

يعطيييج العاافية على البااارت

الرواااية حدها تشوووق

ناااطرينج لا تطولين عليينا ;**

 

[dlo3t^baba]

رد: يوميات ثقيله الوزن

وعلللللللللللللليييييييييييييييييييه
ناطرين البارت الياي مشكووره ^^

 

[seniora]

رد: يوميات ثقيله الوزن

امبيه موصج اليوميات
الله يخليح كملي لان اندمجت وعاد الحين شيفكج مني لول
مشكووره يعطيج العافيه قلبي
عاليوميات كمليييي بقرب وقت

 

[Q8SeaGull]

رد: يوميات ثقيله الوزن

يعطيج العافية

القصة عجيييييبة

مسكييينة نسمة كسرت خاطري

ومحمد يبط الجبد :\

وناطرين البارت الياي ​

 

[q8tya 3asaal]

رد: يوميات ثقيله الوزن

انشاااءالله الي اقدر عليه بحطه اليوم
و مشكورين كلكم ما قصرتوو

 

[Lilly - KSA]

رد: يوميات ثقيله الوزن

يععععع لا يطلع محمد هو خطيب قماشة

 

[:: Diva ::]

رد: يوميات ثقيله الوزن

عسول وينج ؟

 

[Girlicious]

رد: يوميات ثقيله الوزن

يعطييج العافية عسول القصة حدها اتينن و ستايل يديد ترا حدي مندمجة كمليي لا اتطولييين

 

[so_what]

رد: يوميات ثقيله الوزن

waiting

 

[q8tya 3asaal]

رد: يوميات ثقيله الوزن

المنتدى ينرفز يلعلق ((

انا الحين عندي امتحان ادعوليي و ان شاء الله اول مارد انزل البارت سورري طولت علييكم

 

[بيـــشو17]

رد: يوميات ثقيله الوزن

الله يوفقج يارب ويسهل عليج:yaaaaaarb:
ناطرينج:wqedqw::aha:

 

[q8tya 3asaal]

رد: يوميات ثقيله الوزن


يوميه رقم 7

حسيت ان راسي ثقييييل و بالغصب قدرت ابطل عيوني
اشوف نفسي بمكان غريب الكل لابس ابيض حريم و رياييل يحومون حولي لابسين ابيض
و بعيييد اشوف امي و خواتي قاعدين يبجون ,, لا لا مايبجون بس يحاتون !!
واي لايكون انا مت و رحجت الجنه كل شي ابيض هني

حاولت اني اقوم من مكاني بس ماقدرت احس ريلي ماتحرك
و تيلي وحده من الي لابسه ابيض و تقولي
اهلييت ست نسمه حمدالله عالسلامه ,,, شو بييك تعبانه حاسه بوجع ... بدك تاكلي شي !! ))
من غير تفكير وتردد رديت عليها
ايي انا حجي يوعانه ابي اكل ))
راحت المرا الي لابسه ابيض و امي من اسمعت صوتي فزت من مكانها و يتلي
كانت تصرخ و معصبه
انتي وين مخج يوم ككنتي تسوقين )))
و بدت تعطيني محاظرتها الطويله العريضه الي اول ماخذنا الليسن كانت تسمعنه اياها
اخر شي لمتني و عيونها دمعت
اسفه يا بنيتي ادري انج تعبانه و مو وكته صراج بس من خوفي عليج !! ))
امي و خواتي تمو وياي لين المغرب و قبل لا يطلعون يا السايق ويابلي الاغراض الي انا ابيها
لاب توبي و جنطه فيها ملابس
و اكل واي يوعانه اكل المستشفى ما يوكل قطو
قلت حق امي تيبليبيتزا بس مزارضت اففف

المهم طلعو و تميت انا بروحي افكر بلي سويته و قلته حق محمد و قلبي يتقطع عليه !!
خلاص انا لازم اكلمه و اسامحه على الي سواه مايصير اتم شايله بقلبي و اليوم شوي و اموت !!
بس اول شي لازم اكل شي لان ماقدر افكر ,,,,
لا لا خليني اطرش مسج اول !!
مسكت تلفوني و كتبت مسج
انا راح اسامحك
و تم الارسال و قعدت انطر الرد
بس ماقدرت حدي مستعيله عالرد و ميته يوع
طقيت الجرس الي تيي السستر
سالتني شنو ابي قلت لها ابي اكل بس مو مال المستشفى ابي اطلب
قالت لي ممنوع
واي شنو هذا وين قاعدين سجن !!
بطلت لاب توبي دشيت موقع طبات !!
الله وايد مطااااعم
و بما اني بمستشفى لازم اطلب شي هيلثي
جان اطلب من سالاد بوتيك
و تميت اطالع التلفون للحين ماكو رد
رديت كتبت مسج ثاني
ادري انك قاعد تحاتيني موت الحين بس حبيت اطمنك اني بخير لا تحاتيني و انا مسامحتك
نطرت نطرت هم ماكو رد
مرت 5 دقايق لا عشر دقايق مكو شي

لبست عباتي و نزلت تحت انطرالمطعم
طبعا اهو ممنوع و مايصير بس انا حطيت مخده مكاني جني انا نايمه و نزلت
قعدت احوس بالمستفى اشوف ناس غريبه عجيبه
و اشياء تعور القلب
لقيت واحد يبيع سلطه فواكه و عصاير قلت اخذلي علشان اصبر روحي لين ما ايي الاكل ولا على ما يرد السيد محمد
قعدت اكل و اطالع الرايح و الراد !!
و فجأه رن تلفوني و انا كنت سرحانه
فزييييت من مكاني على بالي محمد
و لا يطلع راعي المطعم
رحت برا انطره و اخذ الاكل
توني بدش داري ولا النيرس واقفه
انتي كونتي فين ))
اه اه ولا مكان رحت الحمام !!)
طيب و هيدا الي بييدك ايه ))
و تاخذ الجيس
الله الله اللله ايه ده انتي كونتي خارجه تجيبي اكل معاك احنا اولنا ايه مش ممنوع !!)
بس بس ,, انا يوعانه ))
خلاص انا مضطره اني اخذه منك و هجيبلك اكل مفيد ليكي و لصحتك ))
بهاللحظه هذه حسيت اني ابي ابجي او اموت من البجي

رديت عالفراش و عيوني تدمع و اشوف التلفون ماكو لا مسج ولا مس كول
وينه وينه
ليش ما ادق !!
تميت ادق عليه
ماكو رد
و ادق ادق ادق لين صار الجهاز مغلق
حطيت راسي تحت المخده و قعدت ابجي
دشت النيرس
ايه ده يا ست نسمه انا جبت لك الاكل ,, لي عم بتعيطي ))
كان صوتي مبحوح من البجي و صاير يخرع
مو شغلج )) هالكلمه يت على صراخ خلت النيرس تخترع و تطلع
شفت اكل المستفشى و بطني يطلع اصوات اخذته و قعدت اكله و انا ابجي
ابي اكلي الي طلبته شنو هالاكل هذا تعذيب ))))

قعدت دقايق احاول امسك عمري عن البجي و عيني تلفت على شي يسليني اول شي طاحت عيني عالاب توب جان اخذه
قلت اتسلى العب المزرعه عالفيس بوك لين مايرد علي محمد
!! أي صح انا ليش ماسويت سيرج على محمد في الفيس بوك !!

بطلت الفيس بوك دشيت يوزري
جان اكتب اسم محمد ال...
و طلع لي جم واحد

و نزلت ليييييين ما حصلته !!
دشيت بروفايله
هياااا الولل ماله حاطه عام يعني اقدر اقراو اطالع الصور

كانت الصوره الي حاطها حدها زووووووقه

كان لابس كبوس مال الكو بوي و مع سكسوووكه واي يشوق

المهم دشيت الول
و اقرا
شسالفه !
ليش الكل قاعد يبارك له
يمكن علشان تخرج
نزلت تحت و اقرا
وصلت حق الي كاتبينا امس
ها !! هذي ليش كاتبه جذي
قماشه بنت خالتي كاتبه حق محمد
حبيبي ماني قادره اصبر على باجر !!
شفت تاريخ البوست امس !!!
ايا الحيوان بسويها و يطلع معاها اليوم بعد
من القهر دشيت بروفايل قماشه
حاطه

Married to mohd al ….
انا هني حسيت الدنيا وقفت بمكانها و جنه احد كات علي شي حااااار ححاااااار
لا لا مو معقوله لا و قعدت ابجي
تكورت على نفسي بالفراش و حطيت راسي بين ايدي و ريولي و قعدت ابجي
بجيييت ليييييين نمت

و صحيت الصبح على صوته !!!
نسمه صباح الخير !!)))
انا و الصوت بحوح (( شتبي )) جني شوي و اطقه
اخذ كرسي و قربه مني
شوفي يا نسمه انا ياي اعتذرلج و اقولج اشياء كانت بقلبي ))
انا ماتحجيت ولا كلمه بس ابي اسمع شعنده
شوفي انا اول ماييت امي خطبت لي قماشه ,, ماكنت اعرفج ,, والله كنت احسب ان الشكل اهو المهم و حطيت ففي بالي ان جمال الجوهر بأثر فيني
انا من عرفتتج بالي وياج و حاولت اني الغي خطبتي و ايي اخطبج بس لمن امي قالت لي ان انتي بنت خالتها ماقدرت اسوي شي ,, صج انها صارت تقارني فيج و فيها و ان اهيا حلوه و رشيقه بس انتي بعيوني احلىوحده صدقيني يا نسمه ))
انا هني عيوني لا اراديا ادمع
و امس سوري مارديت كانت ليله ملجتي )))
و لا اراديا مني قمت اصرخ
اطلع براااااا
اطلع براااااا يا حيوان ريل بنت خالتي شقاعد تسوي عندي اطلع براااااااا
و كله منك خليييتني ادعم !! و خلييتهم ياخذون اكلي اطلع برااا ))
محمد طلع برا مصدوم اول مره يشوفني بهالمنظر العصبي و الدفاشه ,, امم لا متعود عالدفاشه

اول ماطلع انا تكورت على نفسي نفس امس و قعدت ابجي و بسرعه مسحت دموعي و دقيت على امي اتيي اطرش السايق علشان اليوم راح اطلع من المستشفى

الحمدالله ماكان فيني وايد اصابات بس ريولي فيها رضه خفيفه

اولمارديت البيت صعدت داري على طول دشيت الشاور مابدلت ملابسي وبس قعدت تحت الشاور و الماي ينزل علي و ابجي ابجي ابجي
نفس يوم الي توفى فيه ابوي بجيت جذي جنه الماي ينزل همومي معاه