رد: يوميات ثقيله الوزن
يوميه رقم 4
كنت واقفه يم الباب و اشوفه و اهوا ينزل ,, شعنده و شيبي !!
جليييل الحيا انا اعلمه و ادبه !!
مشيت صوبه بسرعه و قعدت اصرخ
هيييي هييي صج انك ماتستحي على ويهك قوات عين و شتسوي هني !! ))
العني بنظرات استغراب و بنفس الوقت مصدومه !!
لحظه صمت بيني و بينه ,, كنت اشوفه واقف و متنح فيني ,, حسيت فيني شي غلط و ويهي قام ينقط الوان ,, شفيه يخزني جذي !!
هيي قاعده احاجيك !! ))
صوتي كان حده عالي و عصبي لدرجه اني خليته يفز وعليه كان سرحان !!
حموودي يمه ليش واقف بالشارع تعال ادخل داخل )) ويه هذا صوت ام صقر يارتنا !!
كااني يمه يااايج يس طرشي السايق يشيل الجلب ))
واي امبي لايكون هذا ولدها محمد الي كان يدرس بأمريكا !!
هني ويهي صج قلب احمر من الفشيييله
و قلت و انا متنحه (( انت محمد ))
طلعت منه ابتسامه صغيره (( أي ))
ولد ام محمد ))
زادت الابتسامه (( أي ))
الي كان يدرس بامريكا ؟ ))
صقر و اهو مبتسم (( أي ))
كانت لحظه صمت ,, ادر فيها يقايا ويهي الي تقطع من الفشيه و تنثر بالشارع
هاهاهاهاهاهاهاي ) )) كانت ضحكه غريبه عجيبه و حدها قويه !!
ليش تضحك)) واي يا نسمه بعد هذا سؤال تسألينه !! انتي شرايج من هالموقف الي حطيتينا فيه !!
لايكون انتي عبالج انا لاحقج لي هني ))
واااي بس لازم تذكرني بقصه الويه (((
كنت شايله جيس مادونالدز تيك اوي وياي كان فيه وجبه زايده و بطاط
حموود الملقوف طل بالجيس
اللللله ماك عطيييني بطاطا ))))
لا عاد كل شي الا اكلي اوكي عادي افشل عمري و ينقص ويهي بس لحد يقرب صوب اكلي
شديت على الجيس بيدي و عطيته نظره يعني لا !!
يالله بس بطاطا ))
علشان اسامحج على ظن السوؤ فيني ))
لميت الجيس و صرخت بويها
روح اشتر لك مليون مالك بالكويت مايازلك الا الي عندي
قعد يضحك و يا حلو هالضحكه تقولون بريييييئه
جان تطلع لنا امه
يا يمه شتسوي واقف بالشارع بهالشمس قوم ادخل داخل )))
انا هني قمت سلمت عليها
هلا خالتي شلوونج )
يمه نسمه انتي وياه تعالو دشو داخل و شربي جاي عندنا بلا وقفتكم بالشارع ))
انا حدي كنت بروح بيتنا ابي اكل الماك قبل لا يصير بارد بس ام محمد حنه و محمد كل شوي يقولي يلالله تعالي علشان اسامح و لا اعلم عليج امي !!
و دشيت بيتهم
تصدقون ان هذي اول مره ادش فيها بيتهم !!
قعدنا بالصاله و راحت ام محمد تييب الجاي
عيل انتي نسمه ))
أي انا نسمه ))
واي تغيرتي يا نسمه ))
و انت تغيرت تصدق ماعرفتك ))
و انتي اممممم وايد وايد ))
قاطعته
صايره بطه و متينه صح ))
لاا مو وايد ))
اوله كل هذا مو وايد )) اراويه زنودي
مسكين تفشل و ويه قلب احمر
قعدنا نسولف و نتذكر ايام طفولتنا
و قال ان لازم ايي اورهم مره ثانيه !! علشان يسامحني
رحت بيتنا و انا افكر بلي اليوم قريناه انا و سوير بالمجله عن الابراج فجأه يت صوره براسي
صورتي انا و حمودي ريلي و عندنا عيال بنات و صبيان
البنات يشبهوني و الصبيان على ابوهم
هاو ليش يشبهوني مابي بناتي امتان
غربلج الله يا نسمو ,, هههه
نسمووو ,, انتي وينج و ليش متسمره جذي و تضحكين ))
هاا يماه !!! ))
ويعه شنو هااا وين كنتي فيه ))
ولا مكان كنت عند سوير ))
زين ))
ترا مابقى شي عالملجه زهبتي نفنوفج و شغج ))
أي يمه )) طالعه ؟ ))
أي راجه حق اختج بوديلها اغراض )))
راحت امي و رحت انا غرفضي انسدحت على فراشي و بطلت جيس الماك و انا للحين افكر بمحمد واكل يم يم يم
دقيت على سوير
ويتنق ,,,, ويتنق ,,,, ويتنق ,,,
ويعه !! هذه من تحاجي !!!
في اليوم الثاتي ... توني قاعده من النوم متصحصحه و مستاااانسه بدلتو كشخت و حطيت حمره فوشيه هههه اول مره احط هاللون حق الدوام
أي بعد يمكن اشوف حموووووودي برااا و صدقت توقعاااتي
اول ماطلعت بركب سيارتي ولا اهوا برا راكب سيارته نزل و قرب صوب سيارتي و ابتسم لي
يا حلو هالابتسامه
اسنانه بيض صفه وحده و عنده غمازه من يحرك حلجه تبين ويه كيوت بيبي فيس و عيونه كبار و رموشه طوال
واي ريلي زوووغه جميييل ماشاء الله
انا حدي حدي ععايشه الدور ... اهوا اصلا شنو شايف فيني ,, يمكن يحب اجمال الداخلي و يفضله عن جمال الشكل بعدين شفيكم انا حلوه و ان شاء الله اضعف اصك على كل بنات العايله و الفريج !!
صباااح الخير نسموه ))
صباحالنور ))
هاا رايحهه الدوام ))
أي والله ))\
اعزمج على غدا ))
عطيته خزا بايخه و شوي اطقه قليل الادب
من متى نعزم بعض على غدا ,, تربيه امريكا))
انا نسمه البطه الدفشه الي يقوون عني هيلقيه عمري ماتخليت عن مبادئي واخلاقي مهما كان شنو فايده جمال الشكل اذا كان الجوهر مفقود !!
انا اسف ,,, عيل بتيين تغدين عندنا بالبيت ))
امم لا فشله )) لا ماكو فشله يالله علشان اعطيج بطاط من عندنا يالنحيسه ))
انا هني مت ضحك عليه اهو راح ركب سياره و قبل لا يحرك نزل الجام و قال هااااا لا تنسين ))
افكر ))
عشتوو ماكو تفكير ناطرج )))
و مشى
صارلي اسبوع كامل كل يوم اشوفه الظهر و الصبح كل يوم هالحزتين اشوفه و اسولف معاه قبل لا اروح الدوام و اول مارد من الدوام
درا اني اموت عالاكل كل يوم ايبلي مفاجأه
مره كيك من اوبرا
مره كيك من كرمبز
مره اكلات غريبه عجيبه من مطاعم اغرب
على بو انه مايقدر يروح معاي مكان فايبلي هالاشياء و بمجرد اني استمتع بالاكلات اهو بيكون مستانس اما انا
جنه عرفني و درسني و عرف انا شنو احب و شنو الاشياء الي ابيها و عرف شلون يغريني بالاكل لول
تعلقت فيه
كل يوم انطر يصير الصبح اشوفه و الظهر متى يخلص الدوام اشوفه
ارد البيت ابي اشوف شيايبلي اليوم
ادش غرفتي القى بوكس
كل يوم بوكس فيه سويتس مره كيك كوكيز مع وجبه ولا مقبلات
علاقتنا ماتعدت هالحدود ابدا
مع اني احس اني تعديتها و وصلت اكثر من كل هذا ,,, وصلت فووووق فووق طااايره من الوناااسه
