يلا نبيها حملة للسدر ومالكم عذر ياللي تصبغون شعركم ...

[كاتبه حيرانه]

يبيله سدر بس امي تقول حطي معاه محلب افضل

 

[موزة ام فارس]

امس بالليل حطيت سدر

 

[نجمة على الأرض]

:ggdw: يزاج الله خير يا أم عزيزان على الحمله الطيبه وهم بعد بنات المنتدى والله ما قصروا ...الصراحه وايد استفدت منكم

وفعلا شيشتوني على السدر والخلطات الطبيعيه ...وفعلا رحت الحواي وآنا يمكن مرتين ابحياتي بس رايحه الحواي

لكن يوم رحت خميت كل اللي كاتبينه بالمنتدى ..وطلعت من الحواي ومفتشله من عمري شايله جيسين اكبار

ياالله أشيلهم صايره جني عيوز....

والله سويتلي خلطة السدر من خلطاتكم الحلوه اللي حاطينها وخليتها ابراسي فوق الساعتين ...

وهم بعد يبت بطل فاضي وحطيت اشويه من السدر +ماى وخضيته عدل وهذا يعتبر الشامبو اليديد اللي راح استخدمه

وفعلا حسيت والله راحه ابراسي لأنه الصبغات صج صج تعبتني وخربت شعري

وآنا انشاالله راح استمر معاكم في الحمله ....ويزاكم الله خير

 

[شخبوطة]

واااااااااااااااااااااااااااااااااااااااااااااااي صارلي ساعتين مبققة عيني على الشاشة ... اوف منكم بجرب السدرة وانشالله تيب نتيجه ... خنشوف ولو اني ما اعرف شكل السدر من الجدر ... بروح الحواي واشوف ... وبستمر عليه وبس بس بس قررت اقطع حبيب قلبي البيبسي وباكل عدل من اليوم ورايح وبروح الحين اشتريلي فواكه واشياء مفيده .. ومن اليوم ورايح من شايلة هم .. شنو اللي طيح شعرنا غير الهم .. الحمدلله على كل حال ... مشكورين صراحه ... وانشالله ما تحوشنا حرقه ... وخنشوف ببلغلكم في النتايج ..........................

 

[ام عزيزان]

نجمه على الارض

ههههههههههههههه ام خماس ...... زين سويتي .... والله الطبيعه مافي احلى منها .... والسدر يجنن وراح تشوفين الفرق من ثاني او ثالث مره تحطينه ان التساقط فعلا خفففففففف

شخبوطه

السدر من الجدر هههههههههههههههههههه والله ضحكتيني الله يسعدج ..... وهالله هالله في النتايج الزينه والاستمرار اهم شي وعدم الكسل

موفقات يارب ويا هلا فيكم معانا

 

[رومانسيه وحنونه]

لايوقف لايوقف لايوقف

 

[نسايه]

السدر مفيد
وانا معاكم بالحمله
طريقتي اني احط سدر مخلوط بزيت خروع وماي واحطه على شعري قبل لا اشبك عالنت
مرات اغسله قبل لا انام والاغلب انام ولمه اقعد اغسله
والحين انا محدثتكم حاطه على شعري السدر وبناااااااام فيه مالي خلق اتسبح بردانه وفيني النوووم

النتيجه حبيت ريحته شنو الشامبوهات شنواللوشنات شنوالكريمات خليتهم على صوب
وملمس شعري تغير صار أثقل ماشاءالله تبارك الرحمن لا احسد نفسي
ومستمره عليه بإذن الله وحتى اذا داومت بحطه على شعري وقت ردتي واغسله عالمغرب
احب السدر بس ما احب الحنه

ومشكوووووووورة فديتج عالموضوع والمعلومات اليديده علي تسلمييييييييييييين

 

[(كويتيه عسل)]

الـــــــلــــــــــه ابـــــــــــي :krkrkr:

شوقتوني اجرب السدر ابي اشترك معاكم

بس وين يبيعونه وشلون صاير شكله ولونه وشنو احسن نوع؟؟؟

شدددددددددددددددعوه محد رد علي :eh_s(2):

ماتبوني معاكم بالحمله ؟!!!!!! :eh_s(2):

 

[ام عزيزان]

شدددددددددددددددعوه محد رد علي :eh_s(2):

ماتبوني معاكم بالحمله ؟!!!!!! :eh_s(2):

الا نبيج وحياج الله

السدر نفس لون الحنه

اخضر وبودر وتاخذينه من الحواي ...واخذي السدر اللي لونه اخضر حلو مو بني او رمادي ....

 

[ام عزيزان]

السدر مفيد
وانا معاكم بالحمله
طريقتي اني احط سدر مخلوط بزيت خروع وماي واحطه على شعري قبل لا اشبك عالنت
مرات اغسله قبل لا انام والاغلب انام ولمه اقعد اغسله
والحين انا محدثتكم حاطه على شعري السدر وبناااااااام فيه مالي خلق اتسبح بردانه وفيني النوووم

النتيجه حبيت ريحته شنو الشامبوهات شنواللوشنات شنوالكريمات خليتهم على صوب
وملمس شعري تغير صار أثقل ماشاءالله تبارك الرحمن لا احسد نفسي
ومستمره عليه بإذن الله وحتى اذا داومت بحطه على شعري وقت ردتي واغسله عالمغرب
احب السدر بس ما احب الحنه

ومشكوووووووورة فديتج عالموضوع والمعلومات اليديده علي تسلمييييييييييييين

زين تسوين والله يتمم عليج وعليناااااا

واهم شي الاستمرار

 

[ma mo me]

السلام عليكم ...
الصراحة ما قصرتي أم عزيزان على هالحملة الله يخيلج عزيزان ودي أشترك معاكم تقريبا 3 مرات حطيت سدر
بس صج يفتح الشعر ؟
عاد أنا أحب الشعر الأسود الغامج
و ن شا الله بستخدم طريقة :
سدر - ماي البصل و الثوم _ عسل -زيت زيتون - زيت اللوز - زيت الخروع حبة بركة مطحونة
و أحطها 3-6 ساعات كل 10 أيام

 

[Zezoshty]

سلااااام بدش معاكم

أنا صارلي يومين متحلفة بشعري بطووووله وبكثفه حق العيد

وسويت لي خلطه::

سدر+ قلاص ماي دافي +قطرة من تونيك روزماري الإيراني يهبل

أعجن السدر عدل عقب البخ فيه شعري واقعد تحت جهاز البخار ساعه

عقبها الفه بفوطه واقعد فيه ساعتين أو 3 ساعات

بعدين أغسله بماي بدون شامبو

بعدين أدهن شعري بدابر أملا أو كيشور ساعتين

واغسله بملك الشامبوات

كامينوموتو

برنامجي هذا يوم وترك ها شرايكم؟؟؟؟

 

[قرص عمر]

الله يعطيك الف عافيه تسلمين ياقلبي على هالحمله الرائعه
سيررررررررررررررررري ونحن وراك

 

[تفاحه_74]

أرجو عدم استخدام السد للوجه انا حطيته مره وطلع شعر بوشي بس هو حلو اووووووووووووووي للشعر بس مع الاستمرار علي الاقل مرتين بالاسبوع

 

[كيوت_25]

انا امس اول مره احط السدر بروحه لشعري

كل مره احط قفشتين سدر مع حنتي بس هالمره حطيته بروحه

يااااااااو نشف شعري و حسيت بحكه مو طبيعيه براسي

بس متفائله انه السدر راح ينفع مع شعري

و اليوم حطيت زيت عشان يرطب شعري عقب السدر

 

[جوـوـوري]

عاد انا حاطة الحين سدر على شعري من الظهر وكل شوي اقول بغسله بعد شوي

مشكورة عالحمله

 

[فراشة العز]

بنات بسألكم اذا غسلتوا شعركم من السدر تحطون شامبو ولا لأ

 

[bano0ta]

امي تقول السدر مثل التراب مايطــلع

 

[موزة ام فارس]

امس حطيت سدر بالليل

 

[ام عزيزان]

هلا فيكم حبيباتي

والسدر طيب والله يتمم عليييييييييكم

بس لازم ترطبون شعركم بعدها

وتستمرون على الترطيب حتى ما ينشف راسكم

واللي تقول السدر ما يطلع من الشعر اقولج حطي حمام زيت وغسليه بعدها وشوفي اشلون السدر كله ينزل وما راح يتشربك شعركم

ويا هلا بالجمييييييييع
​