يلا نبيها حملة للسدر ومالكم عذر ياللي تصبغون شعركم ...

[رشــوقــه]

حياتي والله ماما موزه

ههههههههه اانا قبل الوالده كانت تزفني بس الحين تقول بالطقاق

لا نصيحه مو طولوون بالسدر واللي شعرها جاف لا تحطه لان خرب شعري حييل

موزه شعري اححترق منه لاني كنت احطه مع الروب من دون ما احط عليه زيت وولا كريم تخيلي احترق من تحت وطاااح

والحين حاطه عليه زيت ابيه يلين لو شوووي

 

[منارة الإيمان]

ما شاء الله لا قوة ألا بالله العلي العظيم ( أم عزيزان ) على مواضيعج المفييدة

كأنج حاااسة .. هالأيام أدور على الأشياء المفيدة وكيفية عملها بالبيت

مثل الصابون الطبيعي .. والشامبو الطبيعي .. والسدر .. هالأيام بحوثي كلها عن السدر

وفعلا السدر له فايدة عظيييمة وكفاية أنها من شجرة مباركة مذكورة بالقرآن الكريم

ولي تجارب فيه ..

الأولى السدر بخلطة تونك الثوم وهذي الطريقة توقف التساقط وتساعد على نمو الشعر .. وطريقتها .. يشرح مقدار راس ثوم الى شرائح

خفيفة .. ثم يوضع بإناء له غطااء ..

ثم يغلى مقدار كوبين من الماء المغلي .. ويوضع على الثوم المشرح لأستخلاص فوائد الثوم ويغطى مباشرة ويترك لمدة ساعة

يصفى الماء من شرايح الثوم وأصبح الأن عندنا تونك الثوم المفيد .. والطريقة هذي عن صيدلانية متخصصة بالأعشاب الطبيعية

يخلط مقدار ملعقتين من السدر على ملعقة من زيت اللوز أو الخروع مع كوب ماء بتونك الثوم ويوضع على الشعر ..

التجربة الثانية بنات .. ألي يخافون أنه شعرهم يجففف مع السدر وهالطريقة أنا مجربتها على شعري .. أدهني شعرك أولا بالزيت الزيتون أو

زيت جوز الهند .. ثم حطي أي خلطة سدر أنتي حابتها .. لأنه الطريقة هذي تمنع جفاف الشعر .. ولا تخافين شعرج راح يستفيد من السدر أكثر

لكن لا تنسون الرول البلاستيك للف الشعر .. فهو يساعد على فتح مسامات فروة الراس والأستفادة من الخلطة ..

وللبشرة حدث بلا حرج فوائد السدر للبشرة

بنات كانت لي تجربة عشوائي بخلطة الرومي ألي أحد مكوناتها السدر .. وتستخدم هذي الخلطة للمعيونين والمسحورين ..

طبعا عملتها بالمغطس ( البانيو ) وتنقعت فيها لمدة نصف ساعة .. مع لتفريك الجسم بهذه الخلطة ..

والله بنات عن تجربة أنا جربتها بنفسي .. وماشاء الله ولا قوة ألا بالله العلي العظيم .. بشرتي صاارت بييييضاء

بياض النظافة .. ونعووومة عجيييبة .. ومن هذا اليوم وأنا متشجعة على السدر بأني أستخدمه على طول ..

وعندي أيضا خلطة السدر للألم الرأس والصداع .. وأذا تبونها راح أنزلها ..

وهذي خلاصة تجربتي فيهم والله على ما أقوله شهييد ..

جزاااج الجنة على المواضيع الهادفة

الله يحفظج (أم عزيزان)

 

[احلى دلع]

ونااااسه خوش حمله والله :ggdw:

انا بعد امس توني باديه احط سدر وان شاء الله يطول ويتعدل ..اذكر قبل سنه يوم كنت مداومه عالسدر شعر كثيف وطاول حتى بنت عمتي تقول شعرج طاول شتحطين بشعرج .. يللا شدو الهمه وسجلوني وياكم لاتنسوون:dddds:

 

[بنت السلطان]

يعني السدر مايصبغ الشعر واقدر اصبغ شعري من بعده ارجو الرد للخبيرااااااااااااااااات

 

[ام عزيزان]

يعني السدر مايصبغ الشعر واقدر اصبغ شعري من بعده ارجو الرد للخبيرااااااااااااااااات

ايه عادي

تحطين السدر وعادي تصبغين بعدها


بسومه

معلوماتج حلوه وتشكرين عليها

ويا هلا بالجميع وربي يتمم عليناااااااا

 

[Nokia N95]

بحاول اليوم ان شاء الله احط سدر بشعري ...
صار لي اكثر من شهر مو حاطة ولاشي

 

[LUXURY]

انا معاكم
ابي اخلط سدر مع صبار وجرجير وزيت وروب وبيضه
وان شاء الله يصير شعري حلو ادعووووووولي
ابي يصير كثيف وطويل
بس ابي احطه يوم وترك لين ما ايينا رمضان ان شاء الله يكثف ويطول
انتوا اشلونكم مع السدر

وسين سؤال
من وين اشتري سدر زين ونظيف؟؟؟

 

[black_arno0oBa]

يعطيج العافيه ويسلموا

 

[موزة ام فارس]

حاطة سدر وبعد اشوي بغسله

 

[فراشة العز]

نصيحه يابنات اللي دايم تحط سدر وشعرها متعود عليه لا تتركه بسهوله في يوم وليله

لأنه بيتسااااااااااااااااااقط مثل ماصار في شعري وتندمت

 

[رشــوقــه]

اي صح فرااااااشه

يعطيج العافيه

 

[Miss.KSA]

تسلمين حبيبيتي الموضوع رائع الله يجزاك خير

فعلا السدر عجيب في كل شي
للشعر مطول ومكثف ومعلاج لفروة الراس
للجسم بياض وصفاء خصوصا للمناطق الداكنه
علاج لأمراض العين والسحر

 

[نـور الكويت]

انا بعد وياكم انا مشكورة على الحملة
بصراحه لي ثلاث اسبوع استخدم السدر كل اسبوع مره اول شي اخذ 4 ملاعق سدر مع حبتين مسمار مرات احط روب واخذ جدر احط فيه بابونج او ثمر ورد واخذ ماي واعجن السدر فيه بصراحه وقف شعري عن التساقط
واذا خلصت احطه على شعرى اربع ساعات واغسله وانطر عليه ساعه لين ماينشف ودهن شعري شاريته من وحده

 

[umlamis]

نجرب

 

[سنايا]

أم عزيزان .. الله يجزاج خير، إنتي و كل الخوات اللي أفادونا بذكر تجاربهم.

باقولكم عن حالتي
شعري طوييييييل و كثيف .. صارت لي ظروف منها اجتماعية و منها صحية ، و كانت النتيجة تساقط رهيب في شعري، لدرجة الكل يعرف إنه "سنايا" كانت قاعده إهنيه !! من كثر ما شعري يحت .. واقفه قاعده .. يحت
و اللي حصل إني قصيته، لأني ما أتخيل شعر طويل و خفيف (كلش مو حلو) !!

طبعا ما أنكر بديت علاج طبي عند دلال التركيت بس ما حسيت ياب وياي نتيجة سويت ميزو ، كتبت لي أمبولات بس كلش ما ياب نتيجة إيجابية معاي !!

ومن يومين ... بديت برنامجي اللي رسمته:

سويت "تونيك عشبة الياس" صرت كل ليله أبخ على الجذور وأنام.

واليوم حطيت "خلطة سدر" .. لأول مرة في حياتي [الله يستر] مكونات خلطتي:

4 ملاعق سدر مطحون
1 ملعقة مايونيز لايت
1 علبة روب زبادي منتهية صلاحيته (ضفت عليها نص علبه ثانية)
1 ملعقة زيت "تراشوب"

هاذي كانت مكونات خلطتي، ناوية اسويها مرتين في الأسبوع "الجمعة +الأثنين" ، و الحنة أسويها "الخميس" .

و إن شاء الله ينجح برنامجي هذا، وألاقي نتيجة طيبة.

و باتم وياكم كل ما حطيت سدر ، بادخل و أشارك حتى أتشجع و أشجع باجي خواتي.

 

[الـجـارحه]

الله يجزاءك خير ...وفعلاً السدر افضل علاج وافضل الحلول لكل المشاكل من شعر وبشرة..لكن وين الحريم السنعات اللي يستمرن عليه

شوفوا امهاتنا وجداتنا ياماله الجنه ...ماكان عندهن غير السدر..

 

[حضن امى]

لااله لا الله
كفيتى ووفيتى وماقصرتى على الخلطات
والله يسعدج ويهنيج

 

[موزة ام فارس]

هالايام هابة احط سدر وعقب يوم احط صبار طبيعي

 

[سنايا]

السلام عليكم .. خواتي الحبيبات

اليوم موعدي الأسبوعي مع "السدر" .. وهاذي ثاني مرة بحياتي أحطه !!:ggdw: .. تبون الصراحة من بديت برنامجي هذا اللي هو أحط "تونك عشبة الياس" كل ليلة - بديت من يوم الأربعاء اللي طاف- ومرتين اسبوعيا السدر، ماشاء الله تبارك الرحمن التساقط حيل خف، يعني يمكن التساقط الطبيعي اللي يقولون عنه !! مع العلم توني بالبداية يعني حتى الحكم ما يصح .. بس هي تباشير [ماشاء الله لا قوة إلا بالله]

ليما الحين ما [عينته] .. بس مفكرة أستبدل زيت "تراشوب" [طايح بجبدي]، و أحط زيت "الزيتون" ! يعني بالتناوب و الله يسهل.

​

 

[(كويتيه عسل)]

الـــــــلــــــــــه ابـــــــــــي :krkrkr:

شوقتوني اجرب السدر ابي اشترك معاكم

بس وين يبيعونه وشلون صاير شكله ولونه وشنو احسن نوع؟؟؟