يكرهكـ نصفي ونصفي فيكـ ذايب...

[meen_ana]

كان فيي الاستراحه طالع من هناك وجا للبيت على وقت متأخر بالليل
قابل امه وسلم عليها وجلس معها شوي
ام نايف: ماقلتي لي يانايف مارح تزوج؟
نايف تنهد وسكت
ام نايف: لاتكسرني ياولدي والله اني اشوف هالبنات يتقطع قلبي عليك جلوي مابقى شي على زواجه وانت....
نايف: يمه واللي يخليك لي يايمه لاعاد تفاتحونني بها الموضع لاانتي ولاخالاتي ولااخواني ولامشاعل ولاشوق ....قلت لكم زواج من بعد غلا مانيب متزوج ..الحمدلله كذا حالي عاجبني تكفين يمه ماابي اسمع هالموضوع مره ثانيه
ام نايف باستسلام : ان شالله
نايف معصب: يالله اجل ابروح اانا اانام تصبحين على خير يمه
ام نايف: يمه توك داخل
نايف: معليش دايخ
ويمسك زقايره ويولعها ويرقى على طول لغرفته
ام نايف تحسفت انها قالت له ....وتدري انه ماراح اللا متضايق انا وش اللي خلاني افتح معاه هالسالفه الحين
المشكله انه مايدري ان البنت بتتزوج ...
جلست عند التلفزيون ماعرفت تنام من حالت نايف اللي يكسر بخاطرها قلب الام هذا يرحم مهما كان ولدها قوي لازم ترحمه وتحن على قلبه
نايف راح فوق وغير ملابسه وجلس يدخن بالبلكونه ...وطول الوقت يتذكر غلا ويفكر بنفسه وحالته ووش بيصير عليه
طفش من جلسته راح على الانترنت وفتح الماسنجر من بعد غياب طويل عن النت لكن كان يبي يوسع صدره ويتناسى هالجرح اللي فيه
فتح قائمة المتصلين مالقي فيها غير الغلا
الـــــــــــــــــــــغلا /
السلااااااااااااااااااااااام عليييكم
رد النـــــــــــــــــظر
وعليكم السلام
الغـــــــــــــــــــــــــــــلا
معاي نايف؟
رد النـــــــــــــــــــــــــــظر
ايه نايف
الغـــــــــــــــــــــــــــلا
وش اخبارك ؟ ووشلونك ياقاطع لي سنه ماشفتك وينك ووش هالغيبه الطويله
رد النـــــــــــــــــــــــظر
ابد الستر انتي بشريني عنك؟
الغــــــــــــــــــــــــــــــلا
ماشي الحال معاي...وكيف دراستك ؟ وكيفك انت انا ترى لي فتره طويله مادري عن النت
رد النــــــــــــــــــــــــــظر
لاوالله خلاص
الغـــــــــــــــــــــــــــــــــــلا
وش اللي خلاص؟
.................................................. .................................................. .................................................. ..
تم فتره ساكت .....
والحين نروح لبيت ابوعبدالله
كانت ساره وغلا على الجهاز
ساره: امانه طلع لك رد النظر؟
غلا: ايه والله
ساره: طيب ووراه سكت اسأليه عن حبيبته تزوجها ول لا؟
غلا: اذا دراسته ومارد علي ههههههههههههههههههههههههههههههه
ساره جلست جنبها وتحمسوو واخير بدا يكتب
رد النــــــــــــــــــــــــــــــــــــــظر
انا رسبت وجيت للسعوديه الحين
الغــــــــــــــــــــــــــــــــــــلا
افاا لاحول ولاقوة اللا بالله ..وليه صعبه الدراسه هناك
رد النــــــــــــــــــــــــــــــــــــظر
لابس خلاص انا تحطمت ومافيه امل اكمل شي الحين
الغـــــــــــــــــــــــــــــــــــلا
نايف بليز وضح لي وش تحطمت ايش هالكلام؟
رد النــــــــــــــــــــــــــــــــــظر
تصدقين انتي الوحيده اللي ابقدر اعلمها بكل شي .
الغــــــــــــــــــــــــــــــــــلا
جد والله ووش صار عليك وزواجك
رد النــــــــــــــــــــــــــــــــــــظر
يوم اني بالالمانيا جاني اخوي هناك مع ابوي على اساس ان ابوي تعبان .....وطول العلاج مع ابوي تركه اخوي عندي ورجع ..وبها الفتره اخو زوجتي كان عنده شغل وجا اهو معاها عندي بالمانيا الجوهره صدقيني عشت احلا ايام ذيك الايام والله ماانسااهااا
الغـــــــــــــــــــــــــــــــــــــــــلا<<<م اقدرت تعلق ولاتقول ولاكلمه
.................................................. .........................................
رد النــــــــــــــــــــــــــــــــــــــظر
الجوهره انتي معي فاهمه ول لا؟؟
الغـــــــــــــــــــــــــــــــــــــــــــــــ ـلا <<مصدوومه....
.................................................. ...........
رد النـــــــــــــــــــــــــــــــــــــــظر
مو مشكله اكمل لك ...جت هناك وجلست معها فتره تجي كذا بالاسابيع المهم بعد فتره طبعا تعقدت حالت ابوي ومن عنايه لعنياه ومن دكتور لثاني ....الين ماتوفى الله يرحمه ....رجعت للرياض وتلخبطت مع العزا والرجال ...وتعرفين حالت الواحد ذاك اليوم ...بعد مدة شهور اتصل فيني الدكتور علمني اني راسب ...وان درجاتي وامتحاناتي اكثرها ماقدمتها ....
الغـــــــــــــــــــــــــــــــــــــــــــــــ ـــلا
.................................................. .................................
رد النــــــــــــــــــــــــــــــــــــــظر<<استغر ب نها ماعلقت لكن يمكنها تنتظره يكمل
مات حلم الوظيفه وجادور حلم الزواج يموت واااه كانت اقسى قرارات اتخذتها بحياتي ....زوجتي وغلاي هذي حبها ماقدر اوصفه لك من اليوم لبكره ...الوحيده اللي مكلتني اضطريت اني اتركها وانساها رغم عني ....طبعا اهي بنت تجار وبنت شيوخ ماتاخذ واحد مثلي مايقدر يبني بيت ولاعنده حده يصرف على نفسه ....قررت اني اخليها تكرهني وادوس على نفسي عشانها ...عشان تكرهني وتتقبل فكرة اني ابعد عنها وتركها ...وتتيسر مع غيري ...وبالفعل كنت اعاملها معاملة القاسي الين تركتها وانا متطمن انها ماعاد تبي ترجع لي مثل قبل سمعتها كلام والله مااقوله ...سمعتي خربتها عند اخوانها اهلها وابوها والعالم ...عشان الكل يدري اني انا مااستاهلها ....وبالاخير كرهتني وكرهت كل شي فيني صارت ترسل لي وكلمتني وجه لوجه كنت احترق على حالنا واتمنى ترجع لي زوجتي اللي احبها لكن مصلحتها عندي اهم من قلبي انا عارف ان قلبها وفي لكن انا استاهل انها تكرهني .....وان شالله تلقى من يعوضها امها وتاخذ لها ولد عز يعزها مثل عز ابوها ...لكن انا مهما تغير اللي حولي حبي لغلا مابيتغير ومستحيل أخذ غيرها ابجلس عزوبي طول باقي عمري اتذكرها ......والله يصبرني .....
الغـــــــــــــــــــــــــــــــــــــــــــــــ ـلا
تحبها ول تكرهها؟
رد النــــــــــــــــــــــــــــــــــــــــظر
لو ماحبها كان ماخليتها تكرهني وانا احبها عشان مصلحتها

الغـــــــــــــــــــــــــــــــــــــــــــــــ ـــــلا<<مصدووومه ومو مستوعبه شي
.................................................. .................................................. ........................
رد النــــــــــــــــــــــــــــــــــظر
الجوهره وينك؟
جلست لها فتره بالربع ساعه ساكته ..بعد ماحاولت تحرك يدها وتضغط على الكي بورد
الغـــــــــــــــــــــــــــــــــــــــــــلا
نايف....!!!!!
رد النـــــــــــــــــــــــــــــــــظر
وش فيك؟
الغـــــــــــــــــــــــــــــــــــــــــــــلا
انا غلا
رد النــــــــــــــــــــــــــــــــــــظر
انتي غلا؟
الغــــــــــــــــــــــــــــــــــــــــــــلا
مانيب الجوهره انا غلا بنت سلطان وانت نايف ولد سعود مات ابوك وتركتني مدة شهور ماتكلمني بعدها قلت لي انا ابتركك
رد النـــــــــــــــــــــــــــــــــظر<<انصدم وبعد كل هالوقت تكون اهي غلا
تمو ساكتين ماحد عارف يتكلم وليتحرك فتره على بال مايستوعبون اللي ماحد يتوقعه
غلا ماتدري وش تفكر بايش لايش الحين اهي عرفت وش السبب اللي خلاه يتركها ...وتحسفت من كل قلبها لاكن خلاص فات الفوت ...جلست تبكي بكي يقطع القلب ويدها قامت ترتجف
الغــــــــــــــــــــــــــــــــــــلا<<بعد هالصمت الطويل
نايف انا زواجي من طلال صديق خالد ..أخر هالاسبوع ...!!
رد النــــــــــــــــــــــــــــــــــــــظر<<بصدمه
طلال؟؟؟؟؟؟؟؟؟؟؟؟؟؟؟؟؟؟؟
الغـــــــــــــــــــــــــــــــــــــــــــــــ ــلا
انساني وخذ غيري .....باي
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :
غلا طاحت من الكرسي وطول الوقت تبكي ...ساره نفسها صدمتها باللي صار قويه مره وخوصصا انها لها اسنين تكلمه بالماسنجر ......
فجأه قامت غلا ودخلت الحمام تستفرغ وانتم بكرامه ....خلاص الصدكات قامت تجيها ورا بعض واللي حز بخاطرها اكثر ان نايف يحبها وماتركها اللا عشانها واهي الحين على ذمة غيره ومستحيل ترجع له
اخ ليتها عرفت بها الكلام من قبل كان ماصار اللي صار ....
ساره: غلا يكفي صياح شوفي حالتك الحين صحيتك بتروح وانتي على هالبكي يكفي
غلا بتعب شديد: ساره انا صح شوي واخذ طلال ومايحق لي افكر بنايف ابد لكن والله على ان ملكتي من طلال لها شهرين بس ماعمري شفت مثل نايف ..صحيح طلال مايقصر بس مو مثل نايف ولاهدايا نايف ولاحركاته ولارمنسيته ولاتدليعه لي اعجبت بطلال صح لكن مو مثل نايف ابد .....ومااتوقع في انسان بالدنيا مثل نايف انتي سمعتي الصدمات اللي كتبها لي من شوي

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::
نايف طفى الزقاره اللي كانت معاه ونزل على طول تحت عند امه وكان مره منفعل
نايف: يمه ؟!!!
ام نايف: نعم؟
نايف: ليه تتزوج غلا وانتم ماتعلمونني ليه؟
ام نايف: انت وشمدريك؟
نايف: مب المشكله انا من قال لي المشكله(وزادت حدت صوته اوال مره يكلم امه بها الطريقه) ليه توني اعرف ليه
ام نايف: ماحبيت اخليك تتضايق يانايف
نايف: اانابدري عاجل ول اجل بس كنت ناوي اسوي شي قبل لاتتزوج ول تنخطب
ام نايف: بتتزوج وبينتهي كلش انت لازم تنساها
نايف: وللاسف مايمديني انساها ولابقدر ومستحيل انساها
عصب وانفعل وماحب يزيد كلام على امه وطلع من البيت
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::::::::::
ساره من بعد ماهدت بغلا شوي واهي نفسها مصدومه فتحت المنتدى حقهم وقرت قصايد نايف الجديده وكلها عن ابوه والقبيله وعن قصة فراقه من غلا ..... قامت تصيح وتبكي على هالقصه المأساويه اللي ماتتوقع فيه قصص حب يعيش ابطالها الحزن هذا كله .....تركو بعض رغم عنهم ورضى من بعض ...شي متناقض وغيريب مثل غرابة شدة حب غلا لنايف وشدة كرهها له
وهذي وحده من الاف القصائد اللي كان منزلها عن غلا بالممتدى
ابي اكرهك فيني ...
ابي اقول لك اني فاقد احساس
بشوه سمعتي قدام اهلك والناس
علشان تكرهيني ....
عشان بحياتك ماتفكرين تحبيني
ابي اكرهك فيني ارجوك افهميني
ابي حياتك سعيده....
ابيك تغتحين مع غيري صفحه جديده
لأنني بكل بساطه فقير...
ماابي اعترف لك....!!
لالايمكن مستحيــل ...
ايه احبك وابي اعيش دنيتي معاك.....
بس..
عيشي
بحياة
مثل مستواك

اهداااء لغلا قلبي ..........!!!


:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::::::::::
<<<<<<<<<<<<ببيت ام عبدالله
اليوم اللي بعده كانو تركي وديما بالرياض ....
في غرفت النوم
ديما جالسه على السرير وتطالع تلفزيون وشوي ويطلع تركي من التواليت وتوه ماخذ شاور ..كان داخل بالروب ...
ديما شافته على طول تذكرت اشيا قديمه كانت صايره بينهم ....طانت تطالع فيه لدرجة انه شك انها تبيه بشي
تركي: ديما تبغين شي؟
ديما: لا
تركي اخذ ملابسه ولبس الثوب والغتره والبشت وجلس قبال المرايا يعدل بشكله ...كان توه حالق سكـ سكوكه ولونه برونز تحت نور اللمبه الاصفر طالع وسيــم وبالذات ان لبس البشت تبان رجولته وهيبته ...وتبين ملامحه الدقيقه ..
كانت تطالع فيه وكل مالها وتركز واهو جالس يعد بشكله قبال المرايه له ساعه ..ومابقى من عطر ماحطه وغرق نفسه فيه ....
فاحت ريحت عطره المعروف بالغرفه وديما هنا خلاص مافيها صبر
تركي الحين قاعد يحاول يركب الكبك
تركي معقد حواجبه: اقول ديما ركبي لي هذا
ديما بعيون حااايره: تركي؟
تركي : وش فيك؟
ديما تطالع بشكله توها مقربه منه: و ...ويـــ....ن بتـــ....رووح؟
تركي توه بتكلم : بـرو،،،،،
ويدق جواله خالد المتصل
تركي: لحظه ارد على خالد
تركي: هلا خالد........ايه طيب ...لالاخلاص انا ابجيكم للبيت اسرع ...ايه مايحتاج ..ههههههههههههههههه ...يالله اجل اكمل كشخه واجيكم ...سلام
ديما تركب الكبك: ماقلت لي وين بتروح؟
تركي:.يعني ماتدرين؟
ديما دموعها تحجرت بعيونها :لالاتروح عنني وتتركني بلحالي
تركي: ابروح اخطب البت انا مواعد الرجال الحين
ديما فكت الكبك بسرعه وقامت تصرخ : لااااا !! مافيه لالاماتروح ماعلي منك ياتركي والله ماترح ولاتخطب ولاتتزوج غيري انا غبيه انا خبله انا ماعندي عقل
وقامت تصرخ وترتجف وتغير لونها احمر ....خاف عليها لايجيها شي
تركي: ديما ...ديووم تعالي تعالي
حاول يمسك يدها ويمشيها ...وحس ان خطته بدت تمشي عليها
ديما هدت يده بقوه وقامت تصرخ فيه: هدني خلاص انت لازم تطلقني مارح اخذ تركي وعنده زوجه تشاركني فيه لااا!!!
وراحت بسرعه للحمام الله يكرمكم وتاخذ الشاور ومن غير شعورها تفتحه على اعلى شي وعلى وجهها ومن غير احساسها
تركي سكر المويه ومسك يدها وحط عينه بعينها من غير أي كلمه
وجهها كله مويه وشعرها كله متملي ويدها ترتجف بشكل يخوف
قامت تطالع فيه بحزن وعيون تدمع الدمعه الوحده تغرق البحر كله من الحزن
تركي بهدووء ومقرب عندها ويهمس لها: ديما اطلعي من هالمكان
مسك يدها وطلعها واهو ماسكها البنت ماعاد تقدر تمشي
جلسها على السرير وجلست ومازالت بنفس العيون الحايره كل ماشافت البشت تذكرت انه بيروح عنها
دق جوالها بها اللحظه وسكره ..والتفت عليها
تركي: ديما ..انتي مو تبيني اتزوج؟
ديما:لا
تركي: ليه لا
ديما: فيه وحده تخلي زوجها ياخذ عليها؟ ماعندي قلب انا ؟ مااغار؟
تركي مبتسم: اهدي اهدي طيب
ورفع يدها ومسك خصلاتها المبلله مويه ورفعها عن عينها
ديما نزلت عيونها وشافت ثوبه وحست بحنانه لها على طول ومن غير احساسها حطت راسها بحظنه وقامت تبكي ...وكأنها من زمااان ماشافته حست انها توها تقول من الاوهام والاحلام اللي كانت عايشتها
جلست تبكي وتبكي خلاها ولاحب يكثر كلام معها الين ماتعترف وتتكلم اهي بنفسها وتقول اللي بقلبها
ديما: اقتليني قبل لاتروح تاخذها انا مدري كيف اعطيتك وساعدتك واجبرتك كنت غبيه والله غبيه
وجلست تبكي ودموعها على ثوبه رفع راسها ومسح دموعها سكتت وقامت تشهق بس من غير دموع
تركي وقف وشال البشت من اكتافه وحطها على اكتافها وضمها على طول
ديما ابتسمت له وضمتها واهي تبكي ....كسرت خاطره الحب ان كبر انقلب ضد الواحد يصير يبدي مصالح محبوبه على حسابه بس مو الكل يصبر بها المواقف وبالذات ان كان الحساب فراقهم من بعض
كلها دقايق وتطيح عليه ديما ويغمى عليها من البكي ....
حاول يمسكها وشالها للمستشفى ......
بعد ماكشف عليها الدكتور وناداه يدخل دخل عيها وكانت شبه واعيه ..واللي معاها مجرد صدمه واثرت عليها بانهيار عصبي بسيط ... ومع الابر المهدئه رح يروح التأثير هذا كله
تركي والدكتور
تركي: ومتى اخذها اليوم؟
الدكتور: لاتستعجل انا ماقلت لك البشاره الثانيه
تركي: بشر
الدكتورمبتسم: مبروك زوجتك حامل
تركي منصدم: الحمدلله رب العالمين الله يبارك فيك
دخل عليها واهو فرحااان ومافيه شي يقده الحين
كانت متمدده على السرير وجهها تعبان وشاحب تركي في نفسه(وبعذرها مالها خلقي الايام اللي فاتتت ومزاجها متعكراجل الدعوه فيها ولد ماتلعب ديووم)
تركي مبتسم ابتسامه ترد الروح اجبرتها تردها له
تركي: هاه وشخبارك الحين؟
ديما: احسن
تركي: الف الف الف مبرووووك
ديما: على؟
تركي: ابصير ابو وبتصيرين ام
ديما عقدت حواجبها: وش؟ جد؟؟؟؟تركي انت من جدك؟
تركي: ديما قولي الحمدلله شفتي يوم صبرنا ووش لقينا قلت لك الحل بغير الزواج الثاني بس انتي تسرعتي
ديما: يعني ؟ انا حامل ؟
تركي: واحلى حامل
ديما: الحمدلله لك يارب
تركي: وسامحيني على سالفة خويتك تراني لعبت عليك
ديما: وشلون
تركي: انا اعلمك شلون
فتح جواله ولقى اربع مكالمات فائته من خالد
تركي: هذا خالد له اربع مكالمات
ديما: اكيد بيقول لك طولت عليهم
تركي اتصل بخالد وحطه على السبيكر
تركي: هلا خالد
خالد: وينك يارجال ماترد
تركي: هذيني دقيت
خالد: بتجي انت ول شلون كل هذا تكشخ؟
تركي يطالع بديما : لارايح احلق تعرف زوجتي الجديده بتشوفني الحين
خالد: اقوول انت كذبت كذبه وصدقت عمرك علمني بتجي ول شلون ؟
تركي: ووش وراي اجي لامارح اجي
خالد: وش هالكلام؟
تركي: انت مصدق سالفة الخطبه؟
خالد: داري انها لعبتك بس شنسوي ماباليد حليه
تركي: وان قلت لك انحلت؟
خالد: وش عندك انت انا من يوم ماسمعت صوتك وانامستبشر وش صار؟
تركي: ابشرك زوجتي حامل
خالد: ماشالله الحمدلله رب العالمين صبرتو ونلتو الف الف مبرووك ياتركي
تركي: الله يبارك فيك
خالد: ماعاد فيه كذب وخراط فاضي ههههههههههههه
تركي: الحمدلله رب العالمين ربك ماينسى احد
خالد: الله يوفقكم ان شالله وجت بوقتها انكم عرفو الحين
تركي: الحمدلله وعلم ابوي وخواتي
خالد: ان شالله افا عليك بس
تركي: يالله اجل عقبالك
خالد: اميين ان شالله
تركي: يالله اجل مع السلامه
خالد: سلام
تركي مبتسم: سمعتي؟
ديما: يعني مافيه وحده تاخذك منني
تركي بضحك: وش هالكلام أي وحده تاخذني انا مجنون ابديها عليك
ديما: !! ياجعلني ماانحرم من هالضحكه
تركي: وانااقول وراها ماتبيني الايام اللي فاتت رح عند ابوك وروح عند ربعك اجل الدعوه تصرفيني هههههههههههه
ديما:الغريبه اني اسوي تصرفات ماحس فيها ..ولاتوقعت انه حمل ولافكرت
تركي: يالله الحمدلله
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::
سألت ريشة قلمي كيف ستعبرين عن معاناتي ؟!
فقالت : الصوت الحزين...عندما تجيبني عن الآتي
أين تجد الامان ؟! قلت في حظنها
أين تجد الحب ؟! قلت في غيرتها
أين تجد الشوق؟! قلت في نظراتها
أين تجد السعاده ؟! قلت في لقائها
أين تجد العذاب ؟! قلت في فراقها
أين تجد العسل؟! قلت في ريقها
أين تجد السحر؟! قلت في حديثها
أين تجد الأنوثه ؟! قلت في كلامها
أين تجد الأمل ؟! قلت في دفئ يدها
أين تجد الاستقرار ؟! قلت في بيتها
أين تجد الخيال؟! قلت في حجرها
أين تجد ملكك؟! قللت في وجودها
أين تجد التأمل ؟! قلت في نومها
أين تجد البرائه ؟! قلت في تصرفاتها
أين تجد ألوانك؟! قلت في لبسها
أين تجد الليل؟! قلت في شعرها
أين تجد النهار؟! قلت في ثغرها
أين تجد الربيع؟! قلت في فرحها
أين تجد الصيف؟! قلت في عتبها
أين تجد النجوم ؟! قلت في شفتيها
أين تجد الكواكب؟! قلت بين يديها
أين تجد التعجب؟! قلت في تناقضها
أين تجد الرقه؟! قلت في مشاعرها
أين تجد النسيان؟! قلت في ضمها
أين تجد الاعجاز؟! قلت في جسمها
أين تجد حروفك؟! قلت في قلبها
أين تجد القمر؟! قلت في ذكرياتها
أين تجد ذكرياتها؟! قلت في رسائلها
أين تجد يومك القادم؟! قلت في وعودها
أين تجد بؤسك؟! قلت في صدها
أين تجد طعنتك؟! قلت في ملكتها
أين تجد السم؟! قلت في وليمة عرسها
أين تجد موتك؟! قلت في ليلة زفافها
أخيرا اين تجد كل هذا؟!
اتمنى الاقيه منك .......!!

 

[meen_ana]

التاريخ 7-7-2007
الموقع : قاعة البخت للمناسبات
المناسبه : زواج
كانت اصوات الفرح ماليه المكان ... من طق ورقص الزواج كان كبير بمستوى طلال شريك خالد ....وغلا بنت سلطان ....... ارتباط جديد بالنسبه لها .... وحياة ثانيه جديده ....لكن حياة ومن بعدها موت لحبها القديم .........
.........
ماتحمل الصدمه القويه اللي سمعها .... هذا مصيرها ....لكن بالنسبه له عذاب ..وموت ...... كان يعرف وش كثر غلا تحترق عليه ووش كثر تعاتبه بنفسها .... لكن ان فكر فيها لقاه الحل الوحيد..
وللأسف بطلنا نسى نفسه ونسى يفكر بنفسه .......حياته الجديده الصعبه اللي بيعيشها ....... واصعب موقف بيمر بحياته هالموقف ...!!
اليوم غـلا بتتزوج ...غيري تجلس جنبه وتكلمه وتحبه مثل ماكانت تحبني قبل.؟؟....وانا انساها .....اعترف واستسلم للدنيا ....والله انها شاطره ....كيف فرقتني عن غلا بها الطريقه .......حتى غلا اللي مستحيل اعوض بغيرها خلتني اتعمد اتركــها ..... .....
كان يلبس ثوبه الابيض لكنه يشوفه اسود الغتره بيضا يطالعها سودا كل شي حوله يشوفه اسود حتى الجدار الأبيض طلع أسود....يمر الوقت وقلبه يتقطع ويحترق بالثانيه مليون مره ..........
وطبعا عيال ابوعبدالله عازمينه ومايصلح يردهم ع الأقل يدخل يسلم ويمشي .......اهله راحو للزواج من زمااان .......وبقى اهو بالبيت ...... تعطر وطلع وجهه مايتفسر من الضيقه .......
دخل للسياره ....ومسك جواله لقى فيه مكالمات فائته واشيا ....سحبه بلهفه عشان يشوف .....
فجأه تذكر انه حتى بالأحلام مستحيل بيشوف شي من غلا الحين ........
فتح الصندوق الوارد ....حاول يمسح الرسايل لكن ماقدر حتى الكول مي اللي منها حطهم كلهم بحافظه .....وسماها (غلاي مارح انساك)
كان مفكر يمسح كل شي من جواله لكن ماطاوعه قلبه ...صار يحاول يعطي قلبه هالفتره لأنه مره عطشااان
المهم
دخل للقاعه ويشوف طلال بصدر المكان وجنبه ولابالملاين يدخلون يسلمون عليه ..... والولد فرحان وابتسامته شاقه الحلق ....(الله يوفقهم حرام ابخل عليهم السعاده حتى يوم تركتها .....)
وابوعبدالله وخالد اكثر اثنين من بعد المعرس فرحانين ....... وكل شوي سوالف مع طلال ...وجالسين جنبه ....
قرب من عنده بيسلم عليه ........والكل سكت والتفت على نايف لأنه جا متأخر وغير كذا الكل عارف انه كان ماخذ غلا من قبل لاكن ماحد يدري عن سبب الطلاق ........
مد يده وسلم على طلال ....
نايف بفرح مصطنع: الف مبروك
طلال مبتسم: الله يبارك فيك
نايف: مااوصيك على غلا
طلال ابتسم له : زوجتي ماتوصيني فيها
هنا نايف سكت ..... ولف على طول وراح خالد لاحظ حزنه لأنه كان موقف حنب طلال على طول
جلس نايف شوي عشان مايبين لاحد انه متضايق وجا عنده محمد وفيصل
محمد: شلونك نايف؟
نايف: بخير الله يسلمك
فيصل: تعبان؟
نايف: ليه؟
فيصل: مدري شكلك تعبان ول مسخن؟
نايف: لا صداع من كم من يوم
محمد: فيصل تعال نسيت اوديك لأبو مشاري عرفته
فيصل: ايه عرفته الله يذكره بالخير جاي؟
محمد: ايه تعال معي
وراحو ورا بعض وجلس بلحاله ....يدري انهم جايين يشوفون وش احواله مع هالزواج ..... ويدري انهم ماراحو اللا لانهم لاحظه مره متضايق
نايف في نفسه(اقول انا خلني اطلع الحين قبل لاينتبه لي احد واصير علك بحلوق العالم )
وخصوصا ان طلال معارفه كثير ومن عايلة تجار ومو أي تجار ...معروفين على مستوى البلد كله ظاربين باكلش وداخلين بكل سوق ......هذا اللي بنفس طبقة غلا ...موواحد مثلي مايحمل شهاده ...أأخ ياقهر

طلع من هالمكان المظلم بالرغم من كثرة الثريات المعلقه ....وراح عند بوابة النساء ....مايدري ليه وقف عند هالمكان ....طان صوت الطقاقه واضح ...والظاهر ان طلال دخل على العروس لأنه يسمع الزفه .....
انتهت الزفه وشغلو من بعدها دلوعتي
دلوعتي كل الحلا فيها احترت انا مدري شسمميها
في حسنها كن البدر ضاوي غلا قمر محدن يساويها
ولهان واغلى الناس ولهانه والشوق فيني تنبض اشجانه
دلوعتي بين البشر دانه ياليت ربي لي يخليها
دلوعتي في كامل صباها يازين بسمتها وممشاها
ماواحد في الكون يسواها حتى الخطا منها يحليها
على ديار الزين انا ساري مادام دار الزين هي داري
الكون في تدليعها يماري بالزين كل الناس تطريها
<<<ايه والله بالزين ....
وتمنى يشوفها هالوقت .....اشتاق لشوفتها وكل شوي يتذكر شكلها يوم الملكه ..... وفستانها وناقتها ونعومتها ودلعها ..... لما تعاتبه ول تزعل عليه ويرضيها ويمازحها ...... لما تدلعه ويدلعها
تذكر كل شي ......
خلاص قام يدق قلبه وماعاد قدر يصبر اكثر عند هالمكان اللي مايشوف فيه غير غلا
وحرك بسرعه ....ودموعه ماعاد يدري ليه اهو له كم من يوم مايقدر يتحكم فيها ...يحس نفسه مثل الطفل المأسور تحت هالدمعه ....... لأنه يأس من كلش ماصار يشوف بعيونه غير الدموع
..........................
نايف له ثلاث ساعات على هالحاله ...يمشي بالسياره ...متضاااايق .... وحده خلاص وده ينتحر ول يسوي أي شي جنوني .....بس يططلع من اللي اهو فيه ول يقوم من هالحلم المزعج اللي طول معاه
دخلنا بالساعه الرابعه ووقف عند الجسر اللي يدخله على الدمام .....قفل جواله ونزل بالدمام اتفق مع نفسه يجلس مع حاله مدة ايام يحاول يغير من نفسه مايتحمل احد يشوفه كذا ....
حتى منظر البحر يشوف فيه غلا ...ويتذكرها لما كانو مع بعض بالشاليه ..... لما كانو بدباب البحر ...لما كانوداخل البخت الكبير .....
لو يرفع راسه للسما يلمح ثغرها المبتسم ..... حتى نسيم الهوا يذكره بنعومتها .....وصوتها .....
وين ماراح مستحيل ينسى هالملاك ....لكن الزين مارح يدوم له ابد
اخر شي حط شماغه على وجهه وبشكل يبكي الصخر .... ويقطع القلوب ....يشهق ويمسح دمعته ..... اللي عصت شيمة الرجال ونزلت ...... تعب تعب من هالهم اللي يطارده وهالفكره اللي عجز يستوعبها .....
قام يدعي لها بالتوفيق ...وان طلال يكون احسن منه وينسيها كل شي يتعلق بنايف ...... ومايقصر مع غلا ابد ..........ويخليها تنسى نايف كلش ولاتذكره اللا بالخير .....ويكون وجوده لها اخر الأحزان عليها ..........
وان الله يرحمه من هالعذاب وياخذ روحه ول يرجع لغلا ولو بالمعجزات
تعوذ من ابيس من هالتفكير ولازم بينساها ..........عاجلا ول اجلا

:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::
<<<<<<<<<<<<<<<<<<بعد 3 سنواااااات
نايف
كان جالس على احد المقاعد في مستشفى المملكه بارياض ...كان حاس بصداع غير طبيعي براسه حاس ان راسه بينفجر ..... خلص من شغل الريسبشن وجلس بالانتظار من برا .......
شوي اللا وتمر قباله مجموعه من الممرضات يبكون ...يصارخون ويشهقون من البكي ........
كان معاهم دكتور شكله سعودي يحاول يهدي على خفيف ....ويقول لاحول ولاقوة اللا بالله كل شوي ....
ومتجمعين حول سرير ابيض .....
النيرس بصياح: دكتور هذا في موت خلاص
الدكتور بضيق: انا لله وانا اليه راجعون لاحول ولاقوة اللا بالله
الفضول بدا يهلكه ......وحز بخاطره هالموقف نساه الألم .......
لاحظ الممرضات يحاولون للحظات الأخير حتى ماامداهم يدخلون السرير على الغرفه اللي جنبهم .......
كانو يبكون وكأن الميت احد يعرفونه ....
يحاولون بالمغيات واجهزة القلب وماخلو جهاز ماحاولو فيه لكن صدق ان الاعمار بيد الله وان المكتوب اللي بيصصير ولارح يتأخر دقيقه مهما سوو
وقف من مكانه وتكتف يطالع من بعيد ...لهم عشر دقايق على هالوضع حتى اللي بالسرير مو واضح شكله
والكل مذعور من هالموقف اللي ققبالهم ....
اول مره يشده انه يعرف وش صار على الموجود بالسرير..؟؟!
فجلو فتره فجأه يسمع صرخه قويه من وحده من النيرسات ......ومن بعدها ووقفو عمل كال اجهزه والدكتور رح وترهم واهو متضاايق ...وبعض الممرضات راحو ودموعهم مافارقتهم
والبعض الثاني بهدوء حاولو يدفون السرير لكن مو للغرفه العاديه لمكان ثاني .....أكيد ان المريض مات
لمح الموجود بالسرير لان المكان هدا وخفت الزحمه اللي فيه
وش تتوقعون ؟؟
مين شاف ....؟؟!!!
الوجــه نفسه والملامح نفسها .... فارقت الحياة ولاتحس بشي
كانت بنت صغيره يجي عمرها بالعشرينات ...واحلى عمر الله اخذ روحها ....
ولاشي يتحرك منها ...والكل يطالعها بأسى .....وحزن ......
يسمع اللي حوله يذكرون الله وبعض الحريم الموجودين حتى اللي مايعرفونها .......قامو مو يبكون يصرخون من الصياح ....
شي غريب كل شي قام يبكي لانها راحت حتى اللي مايعرفها .....
بس والله انا اعرفها ...انا ادري من هذي
الكل يطالعه لان ردت فعل نايف مب متوقعه
كان موقف بوجه اصفر يحاول يركز على الميته بالسرير...ويده ترتجف بشكل يخوف ...
قرب والنيرس وقفت ماحركت السرير زياده
حط يده تحت اكتافها ورفعها طاح راسها ومسكه على طول ....
خلا وجهها مقابل له
(لا ...!! مومعقول اللي يصير ؟؟!!! ...ماتت ؟؟؟؟؟حبيبتي تموت؟)
نايف :لا ماماتت صح؟
النيرس: بابا مين انتا هذا كلاس في موت
نايف بصراخ: وخري عننها البنت ماماتت ... غلا هذي حياتي روحي ماتموت ...
الناس تجمعو حوله ومسكه واحد من الشباب عمره بالـ 17 سنه
الولد: ياعمي تعوذ من ابليس اذا انت تعرفها ادع لها بالرحمه
نايف: الله يرحمها بالدنيا ماماتتت البنت اقول لك ماتموت
كان يتكلم مثل المجنون ول الخبل ...مسكوه بيبعدونه عنها ورفض
ومسكها وضمها بأقوى ماعنده ولأاخر لحظات عمرها وروحها شوي وبتطلع .......
مابعده عنها غير الممرضات .....وودوه لأقرب غرفه خاصه ودفو السرير اللي يحملها
طاح على الأرض واهو يصرخ باسمها ...ويبكي دم ......
.................................................. .................................................. ..........................................
قام مفزوع من هالحلم ....المرعب .... ومسك جواله على طول يبي يتصل عليها يسمع صوتها يتطمن عليها اكيد غلوو صار فيها شي ....بسم الله عليها بعد قلبي
رفع يده وقام يدعي الله انه يرد كل ضراء بتجيها ...
تصير فيه ايه بس غلا لا
تعوذ من ابليش وشرب له كاس مويه وقرا شي من القرآن ......وراح يصلي له ركعتين
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::
<<<<<مرت ثلاثه ايام ونايف يحاول يلقى أي تفسير واقرب تفسير لها الحلم ...خاف ان البنت فيها شي ول ليه اهو اللي يضمها ويلمسها
اتصل على الشيخ والتفسير الوحيد اللي عرفه منه
((انــــــــــــــ نـــــــــــايف رح يــــــشوف غــــلا قـــــــــريــــــــــــــــب))
وهذا الشي الوحليد اللي يذكره ويلقطه من كلام الشيخ اما الباقي ماكان معاه من كثر فرحته بها الخبر الحمدلله انها مافيها شي ...وعايشه حياتها ولوكانت بعديه عنني
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::::::::::::::::::::
<<<بعد مرور 3 شهور على الحلم
ترك الرياض وراح لألمانيا بيروح يسال اذا عندهم دورات ول أي تخصص باي مجال رح يبدا فيه ويبدا يجدد نفسه ..مرت ثلاث سنوات واهو يدور الوظيفه وماحصلها ماله غير الدراسه ........
طفش من المشي وتعب ...لقى نفسه قبال القطار السريع اللي يوديه على النمسا .....
لمح الاسم تذكر الاسم القديم اللي ارتبط فيه ......كل النمسا لغلا وغلا يذكرها بالنمسا
ركب القطار...وتذكرها يوم كانت جنبه ...يطالع الكرسي اللي جنبه يتذكر شكلها ..... يوم طانت طايحه بحظنه
خايفه واهو يمازحها ..
((والله انها ايام وحشتني))
نزل على النمسا ....دخل للمول الكبير حقهم على طول مايدري ليه يسوي كذا لكن يبي يذكر
مابقى له غير هالذكريات الحلوه بروما ول المانيا كلها تذكره بابوه الله يرحمه
لكن النمسا لها ذكرى خاااصه بالنسبه له ...
يحب هالمكان من حب ذكرياته .....
واهم شي عنده الانهار والشلالات اللي كانت غلا تعشقها وتذكر الكلام اللي بينهم
غلا: نايف واللي يخليك على النهر
نايف: ياحبك للطبيعه المانيا عندهم محلات استغليها موعندنا بالسعوديه
غلا: نايف واللي يسلمك شف شكل النهر وربي ماقد اقاوم
نايف مارضى وراح معاها عند المول وبعدها وداها للي تبي
كانت تجلس جنبه بها المكان .........
رجع لأرض الواقع ولوحدته ....ووحيدته اللمخلصه معشوقته الوحيده اللي لازمته وخففت عنه كل هالشدايد والصدمات ...الزقااااره...
رجع يدخن بعنف اكثر من قبل كان يذكر كل التفاصيل الدقيقه عنها ...وكل ماتذكر وابتسم من هالذكرى الحلوه وسرح بعالم الخيااال اللي يقول له ان انت جنب غلاك الحين
تسبقه صفعة الواقع ...ويرجع ويزيد تدخين اكثر.....
كان يطالع المكان اللي جنبه يذكرها
لكن هالمره صار يتذر شكلها ويرجع لواقعه الكئيب يشوف غلا ماراحت .....كيف؟؟؟؟
انا الحين بحلم ول بعلم؟؟كيف غلا جنبي هنا؟؟ول انا اللي انجنيت
حاول يجمع نظره على العيون اللي قباله يووه كنها عيون غلا ....البرئيه الجذابه ....الذباحه ... نفس العيون .....
ظاع مع اللي جنبه وجلس يطالع بالعيون ويتذكر .....حتى البرونز الفاتح ...نفس لون غلا بالضبط وشي فيه شكل غلا للحين مانساه نايف .......وحتى الشفايف الورديه ......
تفاجأ بصوت الصراخ الطفولي ...اللي جنبه مايدري هذا كله من الطفل اللي بقلبه اللي كل يوم يتحسر على غلا ول مين اللي يصرخ؟؟؟؟
غمض عيونه بقوه وحاول يبعد هالافكار الغريبه عن باله ويحاول يدري اهو جنب ايش الحين
التفت واللا ويلقاه شبيها لكنه طفل
يجي عمره بالسنتين ....عيونه كلها دموووع ويبكي ويصيح وشكله من زمااان موقف جنب نايف لكن نايف خذاه الشبه وطار لبعيد ...وتسبه ..حالت السباهه صايره تجيه بعنف هاليومين
على طول وقف وشال الولد الصغير
نايف :don’t craybing ((لاتبكي !!)
الصغيرودموعه على خده اربع دموع تحت بعض : ابي ماما وين ماما ...خذني عند ماما
نايف ماتوقع انه سعودي .....طلع منديل من جيبه ومسح له وجهه ...
وراح يلف فيه يدور اهله .....
نايف: وش اسم ابوك؟
الصغير: قام يصيح ويصرخ ونايف ماعاد يستوعب منه ولاكلمه
الصغير: بابا وماما بيرحون ويخلونني
نايف: لاماما بتحبك ماتخليك ..لاتبكي انا الحين اوديك عند ابوك
الحين ماعاد يدري اهو يطالع بعيون الولد يشوف فيعا صورت غلا اللي ماتركته ...
فجأه يسمع صوتها حوله
ماعاد يدري اذا هذي حالته المعتاده ول غلا نفسها
كان يسمع احد ينادي ........!!
نـــــــــايف!!
نـــــــــــــــأيــــــــيف!!
يــا نـــــــــــــــــــــــايف!!
الصوت كل ماله ويقرب اكثر
عقد حواجبه ولف على ورا ويلقى قباله غلا هالمره مب حلم ولاخيال غلا بالحقيقه
كانت تصيح وتبكي لكن مايدري ليه
قربت اكثر واكثر من عنده ونايف موقف قرب من عندها وأول مره من بعد غياب دام اربع سنوات
غلا: نايف
نايف: غلا؟
غلا: مشكور ...ليتك تعطيني اياه
الصغير: ماما!!
نايف منلخم: وسااكت
مد لها الصغير بهدووووء
غلا مسكت ولدها وقامت تمسح دموعه الولد ضمها وقام يبكي ....نايف موقف وصار معوق عن الحركه
غلا بلهفه ونست نايف مره: حبيبي نايف ليه تروح بعيد نره ثانيه
الصغير: ماما لاتخليني اضيع مره ثانيه
غلا: حبيبي والله
حست شوي ووقفت لنايف المستغربه انه للحين ماتحرك
غلا: امممم يعطيك العافيه
نايف: اللـ....
ويقطع عليهم صوت من الجنب ينادي بغلا
طلال: غلااا!!
غلا: جايتك
طلال: نايف عندك؟
غلا: ايه ايه عندي
طلال قرب من عندها وشاف نايف ولده
طلال رفع النظاره عن عيونه وابتسم لولده: وشفيك ضعت مره ثانيه هههههههههه
نايف وكأنه حاس بحق نايف المهضووم: بابا هذا الرجال اهو اللي مسكني ول كان سرقني الحرامي
الطريقه طفوليه لكن معانيها اثرت في الاثنين نايف وغلا
غلا موقفه ورا نايف تلعب على نفسها ان الدموع عشان ولدها ول اهي من شافت نايف مره ثانيه وبهاالصدفه ....خانتها كل دموعها اللي بتخلص من نايف
نايف ملاحظ نظراتها وملاحظ انها تكلمه بعيونها لكن هالكلام اول والحين لازم يحترم طلال مهما كان يحب غلا
طلال وكأنه توه يشوف نايف
طلال: هلااااااوالله وش هالصدفه الحلوه؟
نايف: الله يسلمك (بغصه وكأنه يحاول يرد لغلا انه شبه ناسيها ..فقط يبين لها وانتم عارفين الحقيقه)شلونك طلال؟
طلال: ابد الحمدلله ..انت شخبارك؟
نايف: ابد الحمدلله
طلال: غريبه بالنمسا ؟
نايف: ادور دورات شي خبرك عن تخصصي مافيه بالسعوديه
طلال: اييه الله يعينك ...يالله اجل عن اذنك( ونزل راسه على ولده) وهذا ولدي نايف
نايف بغير مايحس حط نظره على غلا وحول على طول للصغير المتخبي ورا ابوه
ابتسم له بحرقه: هلانايف سلم؟
نايف الصغير تمسك في ابوه ومستحي
طلال: ههههههههههه يقطع شرك الحين توه الرجال شايلك ههههههههههه
شاله ومده لنايف اللي حس انها الولد موته ... ووراه يشوف صورت حبيبته اللي دموعها ماوقفت باين انها تحبه بالرغم من كرهها لحركته ول ماكان بكت علي
سحبه طلال
طلال:يالله اجل احنا نستاذنك الحين وفرصه سعيده
نايف: سعيده بوجودكم
طلال لف على غلا: يالله غلا مشينا
((اصعب شعور شوفت وليفك مع الغير ...يضحك ويعطيه ماكان يعطيك ))
راح طلال وغلا وراه ونايف ماتحرك ابد ..وكيف يتحرك وقبل شوي كانت غلا موقفه هنا ؟
فجأه لفت عليه غلا واهي تبكي وحاولت تغير من لهفتها ...وعلى طول لحقت طلال
(عذاب بعضنا اذا اقفينا تلفتنا ..وكلن يغير من اللهفه طواريا
لكن فديتك لاتبطي لامن تلفتنا....أخاف من دمعتي لتهل عفويه ))

انت منت انسان أكثر ...وقلبي مو من قلبك أصغر
ومثل ماتشعر تأكد اني اشعر ...
.........................فيني منك وفيك منني ....
غصب عنك غصب عنني ....
............ألتقينا ..!! ........واللقى قسمه مقدر
هــان طعن السيـــف ولاطعــــن الكـــــلام
من حبيب اللي وسط حظنـــي نــام
مالــــــــي غيركـ ومالكـ اللا انا حبايب
يكــرهكــ نصفي .....ونصفي...فيكــ!! ذايب
الهوى غـــلاب...وامر الله غالب
ألزمكــ طول العمــــــر لااجي ..!! ولااروح!!
كنني مقيد قيدي مو سلاســــــــــــــــــــل
قيدي اخلاص ..!! ووفا ...ول انت قايل ؟؟؟
لو يقـــوم الكون تخسف بي زلازل ......
ماأحركــ ساكن بك غير مسمـــوح ...؟؟؟!!

لو يموت الشوق فيك يانايف مايموت الوفا بقلبي ..... لو تكره لو تعاتب ...مايموت الحب وانا اغليك ...!!!
تحيتي .:: غلا سلطاااان

The end
بعد مرور ايام وسنين اعطيكم اخبار غير ابطالنا
محمد يتزوج مشاعل .....
البتول حااامل ..
تركي صار عنده ولد عمره 8 سنوات اسمه سلطان
ام محمد الله جازاها باللي اعظم من الطلاق صار لها حادث وراحت بشلل نصفي
عبدالله صارت بنته مثل القمر عمرها 11 سنه وعنده ولد ثاني اسمه فارس عمره سنتين
نايف مستحيــل يتزوج توظف بشركة خالد
جلوي ملك من منى وصار يجاريــها الين ماحبته وحبها
الوليد وريناد ههههههه انخطبو من بعض اصغر مخطوبين بالعائله
فيصل صار عنده بنت وولد توأم من مها عمرهم بالتسع سنوات
ساره صارت معلمة تحفيظ قرآن والصدفه انها كانت تدرس عيال فيصل عندها ^_^

النهايه

 

[~( تحدّوْها الْبشرْ)~]

تسلمين عالقصه
والله يعين عيوني راحت فيها

 

[جماااانة]

يسلمووووو حبيبتي على القصة تم حفظهاااا للقراءة

إن شاء الله اول ما اخلص قراءة راح اقولج رأيي

 

[قلب حساس]

القصه عجيبه وايد تاثرت فيها لي درجه اني احلم بالشخصيات
مشكوره ما قصرتي على القصه

 

[غرنوووقه]

يعطييييييييييييج العافيه انشالله اليوم اقراها واقولج رايي

 

[meen_ana]

الله يعافيكم يارب

 

[++صدفة++]

روعة القصة


تسلم ايدج

 

[جماااانة]

واااااااااااااااااااو القصة رووووووووووووووعة طبعااااااااا اخذت معااااااااااي اسبوووووووع على ما خلصتهااااا بس والله قلبي عورني ان نايف ما اخذ غلا بس كنت متوقعة انهااا تموووت .... اماااا انهااا تتزوج طلال هذا اللي كان مفاجئة وصدمة


تدرين الحين بس فهمت هالمقطع من اغنية انسان روووعة


يكرهك نصفي ونصفي فيك ذااايب


على العمووووم يسلمووووووووووووو على القصة

 

[meen_ana]

واااااااااااااااااااو القصة رووووووووووووووعة طبعااااااااا اخذت معااااااااااي اسبوووووووع على ما خلصتهااااا بس والله قلبي عورني ان نايف ما اخذ غلا بس كنت متوقعة انهااا تموووت .... اماااا انهااا تتزوج طلال هذا اللي كان مفاجئة وصدمة


تدرين الحين بس فهمت هالمقطع من اغنية انسان روووعة


يكرهك نصفي ونصفي فيك ذااايب


على العمووووم يسلمووووووووووووو على القصة

الله يسلمج ويخليج ياارب