يعل ايدي الكسر ... :"(

[أم عنوبي]

وااااي بعد عمري
عورتي قلبي عليه مسيكين
بس ماتنلامين بروحج بنفاس....يا حياتي حاس بالغيره يا قلبي....مادري شقولج غير الله يصلحه لج ويارب تطلعين من الشر وطمنينا عليه الحلو الغيران

 

[ام^تبوله]

حبيبتي عادي هذي غيره أنا بنتي كانت جذي ميننتني وميننه أبوها وبيت أبوي لما يبت وكان عمرها 2 و9 شهور تخيلي ماكنت تشرب حليب الاوقت النوم ولما ولدت تدرين بيبي صغير كل ساعتين يبي حليب وهو بعد تبي أودي الحمام أنتي بكرامه هي بعد تبي تروح كنت بحاله نفسيه مايعلم فيها الا الله وكانت تنط عليه وتخنقه وتقعد فوقه وماكانت تخلي أبوها يشيله وريلي مسكين فللللللللللللللللس لما ولدت العاب الدنيا شرالها ويوم كان يوديها الافنيوز يلعبها يوم سيتي سنتر ويوم سوق الحمام حيوانات شرالها يعني لعبت بحسبتنا لععععععب بس لما رديت شقتي وايد طخت الحمدالله الحين هي كملت 3 سنين وأخوها 4 شهور قمت أسوي نفسي واثقه فيها وأقولها أنتي الكبيره ولازم اديرين بالج على أخوج وتنومينه وتقعدين يمه لما عندي شغل والحمدالله وايد صارت أحسن
فهذا شي طبيعي حبوبة حاولي تخلين ريلج يشركه بنادي عشان يلهى ويطلع طاقته وأنتي قعدي معاه وكلمي وحسسين ان هو الكبير والريال وشاركيه بكل شي وخلي ريلج يوديه معاه كل مكان عشان يلهى ويغير جو والله يهديه وانشاءالله بيتغير

 

[بـ ع ـثرة آحاسيس}~]

رد : رد: رد : يعل ايدي الكسر ... :"(

:eh_s(16): ايييييييي حبيبي نايم واحس قلبي متقطع عليه يه واعتذر لي وباسني وراح نام ....بس وايد متأزمة
احسه تغير :eh_s(16):

اخنقتني العبره تدرين وآآآآي ياحياتي عليه:eh_s(2):

تكفيييين خلاص لاعاد تمدين ايدك عليه صج ماتنلامين والله يمكن حركاته تنرفز

بس انتي امه ولازم تتحملينه وتصبرررين

هو ماتغير بس ترى هو سواها عشان يلفت نظرك له هو الحين محتاااااااااج لك

اكثر من اي وقت ثاني وخصوصا لانه جاء بيبي جديد هو حاس انه خلاص هالبيبي بياخذك منه

لاتقسين عليه تراه اماااانه وبعد هو صغير مايدري عن حركاته

وبعدين 4 سنوات شي طبيعي تكون غيرته قوووويه لانه ي حاب تكونين ملك له ولانه فهم

وانتي حاولي قد ماتقدرين ماتدلعين البييبي ولاتهتمين فيه بزياده قدامه

وقولي له ماااما صج انا جبت بيبي وعندي بعد اختك بس انا احبك انت وانت غيييييييير عندي

لانه بس انت الي حلو بينهم وانت الي تسمع كلام ماما

حاولي تكلمينه ع قد عقله وتدمقينه بالحجي

ومثل ماقالت اخت عالم حواء اشتري له هداااايا وقولي له هذا من البيبي وكل يوم عطيه وحده

وقولي له لانك اليوم ماسويت شطانه وساعدتني شوف شنو جبت لك مره عطيه هديه على انها منج

ومره انها من البيبي حسسسسسسسيسه انه حبج له غير

وان شاءالله ربي يهديه لج

 

[Tosta M7mSha]

حبيبتي الله يكون بعونج وبعونه اهو بعد يمكن من الغيره

شوفي دام طقيتيه بغض النظر عن سالفه الطق غلط بس الحين لا تراضينه خلي ابوه ولا اي احد يروحله ويقوله ليش سويت جذيه ويتفاهم وياه وخل يطرشه يتاسف لج وكلميه بعتب بعدين اخذيه بحظنج وفهميه الي سواه غلط ولميييه

عطيه اهتماام اكثر من الرضيع

شوفي بنتي كانت صغيره سنتين لما ولدت واول مره اهدها والله ايبونها المستشفى تصكر عيونها ماتبي حتى تشوفني اشكثر اناديها ماتبي

دريت زعلانه وراح اتعبني

بس كنت امجهزه العااب وايد للنفاس وكل جم يوم اطلع لعبه واقول من اخوج

واهتمامي لها اكثر من اخوها لانها تفهم واخليها تساعدني عليه يعني قومي يبيلي جذيه ويبي جذيه خليتها تحس انها مسؤوله عنه بس اكيد بمراقبتي بس مجرد احساس اعطيها

وحمدالله


انتي حاولي تمسكين اعصابج وتشوفين ولدج اكثر

وبعدين اسم الله عليه كبير خليه يطلع مع الابو احسن

معاها بكل كلمه
حبيبتي عورتي قلبي ترى اليهال يحس ويغااار وحطي في بالج ان اي تصرف يسويه الحين ويكون يديد عليج ترى هذا كله من الغييييره انا عندي بنت اخوي بعمره لما يبت بنتي مع اني انا عمتها والبيبي مالتي مو اختها بس لا تشوفين الشطانه والغيره شسوت فيها مسكينه لاني كنت حييييل معاها ووين ماروح معاي عمتها الوحيده واهي اول حفيده من الصوبين (لاحظي اني عمتها مو امها وطاعي الحركات) ولي يومج اسم الله عليها اكبرت 6 اسنين وتغار من عيالي الصبيان توهم بالاشهر حتى اكلهم تاكله

بس الي بوصله لج انا مع بنتي لما كنت حامل بالتوأم كنت خايفه انها تصير ازيد من بنت اخوي ليش؟ لانها بنتي + دلللتها دلااال مو طبيعي باختصار دلوعتي وما ارضى عليها والله قبل لا اولد لما كنت ادش المستشفى كانت تدش وتسكر عينها مثل ما قالت الاخت ماتبي تشوفني لانها عارفه اني بييب بيبي يديد
من عقب وانا اشري بهالهدايا وتعالي شوفي صدمتها بالتوأم خفت نفسيتها تتتعب الي سويته جدامها انسى ان عندي عيال غيرها و وراها اهتم فيهم + احببها فيهم مع انها كانت توها سنتين وكنت اخليها تساعد وتحبهم وتتقرب منهم واطلعها واشغله اهني الحمدلله سلوكها ما تغيير عطيتها الامان ان حتى اذا اهي مو معاي ماراح اهتم باحد غيرها ولي يومج ماغيرت الطريقه معاها

ادري قرقت عليج بس صج حسيت فيج منقمته على هالسالفه دايما حطي في بالج من الغير خل يكسر خاطرج علشان ما تطقينه
ملاحظه: انا ضد الطق حددددي اطق بصبعين على كف الايد طقه خفيفه

اكبر غلط انج طقيتيه لما بال بالصاله المفروض تقولينله ليش حبيبي انت كبير مو ياهل؟ عيب و وصخ وبس تنسين وتلهينه بشي ثاني صدقيني مايعيدها حتى بنتي ساعات تعاند وتبول تكرمين على اهدومها ليش؟ علشان تبي اهتمام مني وتلفت انتباهي واركضلها واشيلها الحملم بس مستحييييييل ازفهاااااا والله ما قامت تعيدها بروحها تركض الحمام

الله يعينج ودايما اقري عن اساليب التربيه وحل المشاكل تفيدج والله والله ياجرنا ويعينا على التعب

 

[غلا الروح79]

الله يعينج هذا اللى اقدر اقوووووله بس
ودى اطقج طق ههههههههههههههههه <<<<< وحده منقهره منج وتحب اليهاال

 

[om al ghaleen]

كل اللي يسويه من الغييييييره
يبي يلفت الانتباه وبس


خلي اهتمامج فيه اهوا يعني خليه بحضنج ولاترضعين الصغيره يمه
لانه راح ينقهر ويطلع عناده كله
انتي لاتطقينه لانه ماراح ينفع اذا زاد حرميه من الشي اللي يحبه "

\\

 

[q8y-moon]

غيرااااااااااااااااااااااااااااااااان حبيبي منقهررر
شوفي انا بقولج شي
لمن كنت حامل بولدي كان عندي بنتين ومتعودين علي الحمام
تخيلي عقب ما ولدت بنتي الثانيه قامت تبول علي نفسها
من من القهر
وخفت لا يكون فها سكر ولا التهاب بالبول
ورحت فحصتها وجيكت عليها مافيها شي
بس لمن اسافر اقولها ما اخذج لان تبولين عاد توهدني انها ما تبول وفعلا اتم طول السفره ما تسويها
بس انرد ترد مره ثانيه لي نفس الطبع
واحترت مادري شسوي طقيت بجيت ساحلت ماكو فايده
عموما حاولي طولين بالج وبينيله اهتمامج فيه اكثر من المولود
والله يخليلج اياه وانشاءالله ازمه وتعدي