يعل ايدي الكسر ... :"(

[sweet heart]

اختي انا كنت مثلج وايد امد ايدي ولا طقيته اهوا بجي وانا وياه ابجي وهم مايربي الطق قام يزيد..
خذيت عهد ووعد علي نفسي ان ما امد ايدي عليه لان قريت مقاله
ان الطق يسبب غباء الياهل وحددددددددي اخترعت..الحين تعالي شوفيه..
اللهم لك الحمد من قررت ما اطقه واعامله جنه شخص كبير حمدالله حده متسنع وياي
وكافي اقوله تره اعاقبك اذا سوا شي غلط يخاف ويطيعني..لان صج صج يعل ايدي الكسر
اذا طقيته ما اتحمل ابجي دم والله حبيبي ياهل شعرفه..
علي فكره اذا ولدج واااايد حركي في فيتامينات بالصيدليه تطخخ الياهل واذا مافادته ما
تضره وتخليه يركد ويفهم وتزيد ذكاءه ..الله يحفظ عيالنا ويحنن قلوبنا عليها
ويعطينا قلب كبير انتحملهم :"(

 

[صمت ودموع]

اختي الغاليه
انتي تتعاملين مع ياهل عمره 4 سنين وشي طبيعي يغار من البيبي عيل اشلون انا انا عندي بنتين الاولى الله يحفظها عمرها 15 سنه والثانيه عمرها 10 سنوات الله يهديها الثانيه تخيلي بينها وبين البيبي 10 سنوات الا انها تغار منه يننتني تسوي اشياء غريبه مالت يهال عمرهم سنتين لدرجه انها صارت ما تعرف تنظف نفسها الله يعزج لما تتطلع من الحمام طقيتها ماكو فايده نصحتها ماكو فايده يننتني تعاندني في كل شي تحب اخوها بقوه لدرجه انها تحاول تكسر رقبته وذا كان نايم تشيله وتصيحه الغيره مدمره عندها عندي اخصائيه نفسيه الله يجزاها خير في الدوام سألتها شسوي قالت لي اعطيها الحنان في كل وقت لا تتحسينها انها كبيره وخلاص انتهى رصيدها من الحنان عندج بالعكس طوفي الغلط وامدحيها مثلا لما تبدلين الحفاظه حق البيبي قولي لها وع وصخ انتي الحلوه النظيفه البيبي وصخ ما يعرف مثلج ينظف نفسه وانا احبج وايد لانج نظيفه وقالت لي طلبي منها تييب لج اي شي حق البيبي او لي واذا يابته قولي لها انتي احسن من البيبي لانج تساعديني وانا احبج وكل شي تسويه قولي لها احبج واذا غلطت لا تطقين بيني لها الغلط وانه غلط وانها اذا سوت الغلط راح تصير مو حلوه ومحد يلعب معاها اهي راح تسمع وتكشت جدامج بس بينها وبين نفسها تحس بالغلط لانها سوت شي يزعلج والحمد الله انا سويت اللي قالت لي عليه والحاله تحسنت للاحسن انتي جربي مو خسرانه شي وادعي له بصلاتج ان الله يهديه ويصلحه وربج كريم مجيب الدعاء

 

[Chic & Unique]

اول شي الف مبروك على الي جالج و الحمدالله على السلامه و تطلعين من النفاس عروس يارب

و ثانيا مالومج يوم طقيتيه الصراحه شي يحر انا بنتي عمرها سنه و اذا عاندت اطقها على ايدها اموت من القهر بس عاد عسى ماعورتيه و انا راي من راي عالم حواء يوم قالت لج خلي ابوه يتفاهم معاه و ميخالف فتره و تعدي الحين اهو غيران من البيبي يشوفج تمسكينه و ترضعينه و تهتمين فيه حاولي تستغفرين موزين لج التعب و القهر دييييييييييييري بالج و الله انا لما كنت بالنفاس انقهر من شغله تدرين نمت بالمستشفى 5 ايام ومت من القهر زياده لاني ماشفت بنتي كان ممنوع صارت فيني جلطه الله يبعدج عن شرها و شر كل مرض يارب و يهدي لج ولدج

 

[الصعيريه]

رد : يعل ايدي الكسر ... :"(

ياحياااتي الغيييره ومآتسوووي

قد مآتقدرين حاولي تسيطرين على أعصابج ولو شنو مآيسوي لا تطقينه اخذيه بالمساير
والله يعينج إن شاءالله

 

[fofo28]

تقطع قلبي عليه ياعمري

 

[costa chic]

عورتي قلبي
100% هذي غيره و يبي يلفت انتباهج
حبيبي خليه يشاركج في البيبي يعني مثلا يختار ملابس حق اخوه قولي له حبيبي اختار ملابس حق اخوك و لي لبستيه قولي لي الله ذوقك حلللو و اخوك مستانس
او مثلا حطي البيبي بحضنه يعني اشياء جذي
الله يحفظهم و لج

 

[الأماكن]

رد : يعل ايدي الكسر ... :"(

الله يهديه يارب

ماعليه يكبر و يعقل

كل اللي يسويه مجرد لفت نظر

لو تشوفين عيالي شيسوووون والله يشيب رااااسج

بنفاسي كل يوم ابجي ومرات ودي اشق هدومي و اركض بالشارع

 

[الأماكن]

رد : يعل ايدي الكسر ... :"(

تدرين مرة كان لي تقريبا 20أو25 يوم .... خذيت عيالي و رحت فيهم لأبو 100 و ماخليت شي ما شريته لهم

و افتكيت منهم اسبوع و هم لعب بالطين و تلويين و رسم و لعب ... يعني فجوا شوي عني

ومرة خذتيهم يوم البحار قعدتهم من الصبح و ريقتهم و خليتهم يلعبوون و العصر مشينا ليوم البحار

لعبوا و استانسوا وردوا البيت و ناموا

وبعدين ولدج اسم الله عليه كبير

خليه يرووح مع ابوه ولا خواتج

احد ياخذه بهالعطله يونسه

 

[موجة ~ بحر]

الغيرة وماتسوي حاولي تعطينه اهتمام مو كل اهتمامج عالبيبي اهوا يشوف جذي يغار

 

[*ريما*]

رد : يعل ايدي الكسر ... :"(

عيال هالايام يشيبون الراس
الله يهديهم

 

[العياره]

واااي نفس حاالتي لما يبت ولدي الثاااني عاادي ولاا كان يغاار بس من يبت الاخير واهوو شالع قلبي غيره ودلع وقلة ادب ماادري شالحل بكل الطرق ييتله بس مااكو فاااايده

 

[سارووونه22]

الله يعينج حبوبه بس طولي بالج مهما يكون ترى اهوه بعده يثاهل وحاس انج صرتي بعيده عنه

 

[eman12]

عادى ياقلبي
هذه الغيره سبايب
عادى انا بنتى الكبيره من غيرتها من اختها واهم بينهم عمر
زاد وزنها من البلع هذه تاكل وهذه ترضع ومانخلص
هذه بطنها غازات وتصرخ وذيك عياره
ماطقيتهم بس يبيلج تمسكين نفسج حيل
لاني كنت اسكر علي نفسي الغرفه وابجي بجي من النفسيه رفعوا ضغطي 2
اللله يهديه لج
وشوي شوي والطريج جدامج طويل
والطق يزيد الغيره

 

[باااربي]

مشكورين بنات فديتكم

 

[Eva-SS]

انا ماقريت الردود

بس لا تعتذرين له .. مع انه انا ضد الطق بس مالومج مرات الواحد يطلع من طوووره

يمكن ولدج يسوي هالحركات يبي يلفت انتباهج يبيج تقعدين معاه .. شوفي شنو تغير فيج او بتعاملج معاه بعد ولادتج اللي خلاه يعاند ويتغير عليج ..

بس انتي لا تطقينه بنفس الوقت صيري شديده وحازمه معاه .. واذا عاندج ولا سوا شي غلط عاقبيه احرميه من طلعه ولا احرميه من شي يحبه والعكس اذا شفتيه طاعج كافئيه ..

 

[روان_الكويت]

هذول اليهال حبيبتي
تلقينه غار من اخته

 

[๓ίşś зśŏłả..!]

رد : يعل ايدي الكسر ... :"(

كسر خاطري والله
حاولي كثر ما تقدرين تعطينه من وقتج
وكل ما تشوفينه سوي نفسج مو مهتمه حق البيبي اليديد وعطي اهمامج كله له
اشتري له العاب ومن هالسوالف
انا الحين حامل وخايفه تصير بنتي مثل ولدج >> غيره اليهال <<
والله يهديه

 

[n-h-m]

اقري عليه قران

 

[♥MaSteRiyA♥]

رد : يعل ايدي الكسر ... :"(

الله يخليه لج و يخليج له =")​

 

[sharshora80]

رد : يعل ايدي الكسر ... :"(

مع العلم ان عمره اربع سنييييييييين
والكل يقول بهالعمر الولد يصير عنيد

نفس حالتج والله
بعمر ولدي ويكسر خاطري انا ما اطق بس اقوله خلاص بهد البيت بروح البس عباتي
يقوم يتاسف لي ويبجي والله انا ابجي معاه لان يبته للدنيا بعد ما سويت المستحيل
الله يخليهم لنا