يصير اولد طبيعي ... لكن ابي قيصري

[زينانه]

مرحبا
اليوم بتكلم بموضوع ادهشني صراحه وانا افتر بقوقل بمواضيع الولاده:gr4uu:
لاحظت في مجموعة نساء ممكن تولد طبيعي ومافي اي مانع.. يمنعها من الولاده بصوره طبيعيه
لكن ... تقول : مستحيل نوووووووووووووو وييييييي
ابي قيصري ماااابي طبيعي:lkmnkl:


السؤال... معقوله في جذي عندنا
واذا انتي وحده منهم عطينا وجهة نظرج ... ليش؟؟؟
الله انعم عليج بنعمه عظيمه ليش تروحين للقيصريه؟

شاركوني برايكمoster_av1:​

 

[@ام يوسف@]

رد : يصير اولد طبيعي ... لكن ابي قيصري

ايه والله انا الحمد عيالي 3 ولدتهم طبيعي نعمه والرابع عمليه شنو اتعور والله الطبيعي نعمه فليش اتدور عالعمليه

 

[ام فهد 305]

رد : يصير اولد طبيعي ... لكن ابي قيصري

اللي تبي العمليه مو حاسه بنعمة الله


مشكوره على الموضوع

 

[دو^ري^مي^]

للاسف هذه انا كان بالامكان اوالد طبيعي ولا ولادتي كانت براس السنه وناسه هههههههههههههههه
بس قلت حق دكتورتي ابي قيصريه بتعرفون ليش لانه كان اييني عوار باخر ظهري وماكنت اتحمله وانا حامل فقالتلي نعطيج ابره وانتهى الموضوع عاد انا عندت وقلت لا والف لا قبصريه والحمدالله عدت على خير

 

[حرم بدر]

رد : يصير اولد طبيعي ... لكن ابي قيصري

ما عندهم سالفه انا ولدى البجر قيصريه وبنتى الثانيه طبيعي


شنو فرررررررررررررررررررررررق


القيصريه بعد العمليه احسها عذاب وموووووووووووووووووووت عوارها ما يتحمل كلش لا بالمشى ولا بالحكه ولا الضحك ولا النوووم


الطبيعي وقت الولاده وبعدها العوار خفيف يعنى الخياط والبواسير

 

[قطرة مطر83]

رد : يصير اولد طبيعي ... لكن ابي قيصري

انا عن نفسي جربت الاثنين و احسن عندي القيصري
سبحان الله ارتحت لها اكثر من الطبيعي .

 

[ام قدووور]

اي والله ما عندهم سالفه
ليش عوار القيصيريه هين؟ :denya:

 

[دانة بعين بحاري]

رد : يصير اولد طبيعي ... لكن ابي قيصري

بعض الحريم يبون قيصري عشان مايبون يتعورون وقت الولاده والبعض مايبون يتوسعون
انا عن نفسي افضل الطبيعي ولا للقيصريه اكيد

 

[ام زاكي]

اكيد على شان مايختربون من جة المهبل
بس على الكرش يخترب اكثر
انا افضل الطبيعي

 

[الأميرة جوري]

رد : يصير اولد طبيعي ... لكن ابي قيصري

الطبيعي نعمه نعمه من ربي وهم القيصري <<بالحالات الخطره .....بس طبعا ماكو مثل الطبيعي عوار الولاده وبعدها راحه:wqedqw:

 

[Q.8.h.2]

انا افضل الطبيعي بدون منازع

يكفي ان اللي حملته تسع شهور ومالي صبر اشيله بحضني وارضعه واحس فعلا باحساس الامومه :hjy5jewf:

لكن القيصريه من الالم ماتقدرين تسوين هالاشياء هذا اللي اسمعه من اللي يولدون قيصري :flower:

 

[عذبة الأوصاف]

رد : يصير اولد طبيعي ... لكن ابي قيصري

يااا الله ذكرتووني بآلآم الولادة ههههههه
والله صراحة الولادة كلها عذاب بعذاب الحمدلله والشكر لله..
الله يقوم كل وحدة بالسلامة ياااارب

 

[جذابه بنت ذيابه]

رد : يصير اولد طبيعي ... لكن ابي قيصري

الطبيعي .. وبعدين اللي تبي القيصري .. ليش ؟؟ فيج شي
غير عنهم ..حرام تلعب بنفسهاااااا :s141:

 

[ام الفهد712]

رد : يصير اولد طبيعي ... لكن ابي قيصري

انا وحده منهم لان اببجري شفت الموووت اسم الله عليكم وصلت لي 7 سانتي وبالاخير قيصريه فمن ثاني ياهل انا طلبت قيصريه اريحلي معنااا حمواتي وخواتي كلهم زفووني بس انا ابي قيصريه اريحلي

 

[IPod1]

يقولج الأمريكيات يطلبون القيصري صايرة موضة عندهم

واللي تقول بولد عملية عشان ما اخرب من تحت أقولها الطبيعي والعملية تخترب وماله علاقة بمكان الولادة

والعملية يصير عندها كرشه وصعب تروح لانها ماتقدر تسوي تمارين ولاتشيل ثقيل يتشوه بطنها


حلاته تحسين بالالم تكفير ذنوب وعشان يزيد غلا البيبي

بس شنقول فسق ودلع مايحمدون ربهم على النعمة والعافية

مشكورة

 

[كويتيه مذهله 87]

مرات يكون القيصريه خيره لهم

والاثنين نعمه من الله ليش تذمون بالقيصريه

 

[IPod1]

نذمها اذا مالها داعي وما فيه سبب طبي قاهر

شكثر اعرف حريم ولدوا قيصري وبعدين طبيعي

بس فيه حريم يحوشهم يأس يقولون مادام الاول عملية ليش نتعب نفسنا بالطلوق وهم ماحاولوا اصلا

أنا مع العملية المتكررة اذا الحوض ضيق وبس

 

[TeKaNa_Girl]

الطبيعي نعمه ماتحس فيها الوحدة الا بعد ماتجرب القيصريه
اهم شي السهاله من رب العالمين

 

[قطرة مطر83]

رد : يصير اولد طبيعي ... لكن ابي قيصري

صح كلام كويتيه مذهله

انا عن نفسي بجري طبيعي بس شفت الموووت جدامي و كانت من اسوأ الولادات الحمدلله على كل حال
و الحمله الثانيه لانه راسه فوق و الرحم مو راضي يفتح سوولي قيصري و شفت انه القيصري اريح سبحان الله مادري ليش !!! و تدرون من ولادتي الاولي أثرت علي بكل الولادات الباجيه الحمدلله و الشكر على كل حال وضعي ألحين ما يسمح اني احمل في خطوره علي هاذا كله من الولاده الاولى و طبعا بعد هاذا الله اللي كاتبه لي الحمدلله ، حتى كل الدكاتره اللي رحت لهم اتفقوا اني اسوي ربط دائم يعني ما احمل مره ثانيه .
و العمليه على الشهر الياي .

 

[ديانا سبنسر]

انا الله قدرلي اني اجيب قيصري وتدرون اقول الحمدللله لاني ماتحمل الطبيعي وحتى الطبيعي يالله تحرك وتقعد من الخياط