يصير اولد طبيعي ... لكن ابي قيصري

[AL ANOOD]

السؤال... معقوله في جذي عندنا
واذا انتي وحده منهم عطينا وجهة نظرج ... ليش؟؟؟
الله انعم عليج بنعمه عظيمه ليش تروحين للقيصريه؟

اي نعم هذي انا بس بوضح اني مو بطرانه على النعمة والعافية بس عندي اسباب

1- فيني فوبيا من الولادة الطبيعية
2- وهذا السبب الاهم ان زوجي رافض رفض نهائي اني اولد طبيعي وقبل لا تتهجمون و تقولون ريلج اناني ووووو .. لأ انا متأكدة ان ريلي يحبني الحمد الله لكنه شاف الطبيعي بعينه بحكم شغله واهو يقولي ان مامنها خوف والاثنين ابرة الظهر موجودة والعمليات الحين تطورت مو مثل قبل ...

 

[حكوكة بيتنا]

امبيييه مو صاحيه اللي تفكر بقيصريه الحمدلله دام الوحده قادره تييب طبيعي ليش تلجأ للعمليات ؟؟
القيصريه ما راح تقدرين تتحركين من مكانج وييبيلج فتره ما تسوين رياضه مو زين على مكان العمليه والكرشه شكبره ما يروح بسهوله وغير ان يشوه شكل البطن مكان العملية
اما الطبيعي الحمدلله مني تولدين ومنيي تتحركين مثل الحصان واللي يقولون نخاف نخترب من تحت ماكو شي اسمه خراب اللي تتنفس عدل ما تخترب وبعدين الله يخلي الخياط التجميلي يردج مثل اول ما تزوجتي واحسن واللي ما تفضل التجميلي هم في دكاتره يردون يخيطونج ولا كأن المكان مخترب يعني هم مو شرط خياط عملية تجميل له

 

[chocolat cake]

انا كنت اقول الطبيعي احسن وتنرفز من اللي تقول تبي قيصرية عشان لاتخترب وهالشغلات بس احين يوم حملت غيرت رايي ابي قيصرية مو عشان اخترب انا فيني توم وخايفه وايد واخاف عليهم بعد يتعبون بالولادة لانهم صغار والله يسهل علينا

 

[أزهااار]

اللي يبي قيصرية ماعنده سالفه
عذاااااااااااااب الله يكافينا شرها
انا مجربة القيصرية
وعساني اولد بحملي الثاني طبيعي
الطبيعي رحمة من رب العالمين

 

[زينانه]

انا ماني عارفه ليش الاصرار على الطبيعي
لما الدكتور يطلع من غرفه الولاده يقول لازم عمليه
الاهل يقولون لاااااا طبيعي
وسبحان الله يصير نقص اكسجين على الياهل و تخلف
الوحده تطلب السهاله والصحه والعافيه لها وللياهل باي حاله

لا لا انا ماقصد هذي الفئه من الناس لان هذي لها ضروف جبرتها
انا اقصد انها يصير تولد وطبيعي وكل الامور تمام بس تعاند الا قيصري
احس القيصري تعب قوي

 

[زينانه]

حياكم الله بمشاركاتكم

 

[ELFAD3Ah]

هذيله الي عشتو يخافون لا يتغيرون من تحت كانه مافي خياط تجميلي
الحمدالله والشكر

 

[ام قدووور]

بعض الردود غريبه … انا الصراحه بجر مالي تجارب بس الحمدلله عندي قناعه

السهالات من الله ! اذا وضعي يسمح طبيعي اكيد طبيعي واذا لا سمح الله وهذا الي اخشاه يصير قيصريه ف قدر الله وما شاء فعل

وشكو اخترب من تحت مادري شالخرابيط بأي عصر انتوا في شي اسما تجميلي !

مو شرط اتعذب باول ولاده الثانيه تكون مثلها كل ولاده غير عن الثانيه ومثل ما قلت شنو ربج كاتب

 

[زينانه]

ام قدوور
خوش كلام
يسلمووووووووووو