( يدا بيد لنقضي على ظاهرة الدراعة والملفع )

[مزآآجيه]

يعني حبيبيتي مو مشكله الوحده تلبس اللي تبي بس متى تلبس الدراعه والملافع
لما تكون ويا اهل زوجها بالبيت هذي لازم تلبـس .. او لما تكون رايحه لبيت عمانها او خوالها زيارة عاديه مب عيد او مناسبه يعني سلام
لازم دراعه ناعمه عررفتي فشله عمانها او خوالها يشوفونها مترصصه الا لما يكون عشاء مناسبه بس ....

 

[ماآاريا]

امممممم

صراحه كلامج حلوو وحلو التغيير بس عوايل خلاص تعودت خاصة لو تزوجت البنت يصير لبسها كله دراريع واصلن تنسى شي اسمه بدل

يعني عندج خوواتي

وحده ساكنه عند حموينها وما تقدر تلبس الا بالمناسبات تبدع واحيانا بعد تطلع فناتكها بالدراعه شكلها نست البدل ههههههه مع انه جسمها حلوو

بكل الحالات بس يمكن حابه هالشغله

واصلن حتى جهزاتهم يكون كله على الدراريع

يعني مثلا 25 دراعه مقابل بدلتين

احياننا المجتمع اللي انتي تكونيني وياي يجبرج على لبس معين ولازم تمشين وياه وعاد انتي وذووقج بهالحاله

وصراحه انا ايد كلامج لازم الوحده تغيير بكل الحالات وتكسر الروتين وتطلع دوووم غيررر /*ّ

 

[G!RLooNa]

ما شاء الله على الاسلوب صراحة وايد ذربةاقول يكفي بس ان الصورة الرمزية لج نعال يانعال انتي مايصلحلج الا هالرد

بصراحه اسلوب سوقي...

البنت ما قالت شي وانا معاها باللي قالته...ليش حاكرين روحكم بالدراريع 24 ساعه لبسو تفنتقو باللبس والله وعيزت تقول جدام الحريم جدام الحريم يمعه حريم واييون ناس يقولون الستر زين وشنو تبينا نتفصخ جدام الرياييل :eh_s(10):

 

[يوآش يوآش]

انا صراحه ما شفت احد بالمناسبات يلبس جذي

يعني بعايلتنا ما تصير ..اصلا الكل يلبس بدل


الدرايع مو ماشيه عندنا..


الا حريم كبار وراحت عليهم ...

اما البنات دايما يلبسون بدل...

بس بنفس الوقت كل وحده حره بلبسهاا



وكل وحده تسوي اللي يريحها

 

[يوآش يوآش]

ما شاء الله على الاسلوب صراحة وايد ذربةاقول يكفي بس ان الصورة الرمزية لج نعال يانعال انتي مايصلحلج الا هالرد

لالالالا جذي مو حجي

حبوبه غلط البنت ما قالت شي

قالت رايها وكل واحد حر

ولا عشان ضد رايكم تعصبون

وترا الحجي اللي قالته مو غلط

ومايسوى نقول هالحجي على موضوع

باجر ننساه..بالنهايه احنا خوات : )

 

[so_what]

حلو التغير حلوه الدراعات خصوصا برمضان و حلو البنطرون و النفانيف القصار يعني جذي و جذي

 

[ياراا]

كلامج عدل امي كله تعيب علينا وعلى لبسنا تقول اول كله فساتين قصيره واحلى لبس واااي صورهم تعور القلب واحنا الحين صرنا عكسهم دايم امي تقولنا لبسو فساتين بناطير شلكم بالداريع تضيع جسمكم وبس

 

[دلع العتبان]

ماتلبس الدرراعة غير امي والحريم الاكبار

بحفلات جمعات ولا مناسبات بدلات ونفانيف

والملفع مرات بالمناسبات ولا الجمعات كعادة محبورة تلبسينة قدام الحريم الاكبار فشلة ترمين الملفع ينقدون

 

[حرم نايف باشا]

كل مناسبه لها لبسها مثلا بالعيد حلوه الدراريع اللي نقول عنها جلابيات والزيارات والمسايير حلوه البناطيل والتنانير الطويله والفساتين في الافراح والقصير في البيت لما يزاورونا الناس كل لبس له وقته

 

[tmtmt]

في دراريع ما شاءالله تبارك الرحمن روعه وغاليه والخامات ولا افخم
وبنفس الوقت من فتره لي فتره نلبسهر مو كل الوقت
يعني ما انذكر كتى احر مره لبست لن من زمااااااان بس احب الدراريع
واي نلبس احنا دراريع بالقرقيعان

اما الي مستغربه ظلون الناي تزور بعبايه <<<<< ما شفت نكها
هاذي غريبه اغلب بناتنا يلبسون عبس ومتسترين الحمدالله

 

[..فروحه..]

داامه جمعه حرييم مره البس دراعه ومره بدله ومره قصير ومره طويل ما اخلي شي بنفسي

 

[نورهـ]

انا شفت هالشغله عند قبيله وحده فقط

 

[قمر وربي امر]

انا عن نفسي وخواتي مانعرف شي اسمه دراااعه

كله بدلات وبنطلونات وتنانير قصيره او طويله وانا اكثر شي احب البرمودا والكت يعني هالشغلات

هاللبس حتى في بيت هلي كنت اللبس .ز اصلا احس الدراعه تكبر وانا توني صغيره عالدراريع ماتلايق علي

وشكرا عالطرح حبووبه

 

[evaloon]

ثانكس ع الموضوع و انتي جنج انا
انا ما اطيقهم و عمري ما لبست الدرااريع و الملافع عند احد انا اول ما ادخل بيت احد اسلم
و ع طوول اقط ملفعي ههههههههههههه جني لابسته بالغصبن و بعدين النااس اذوااق حيااتوو عاااتي و في ناس عندهم عيب البنت تلبس بنطلووون و جذي ....!!! ليش ما ادري .....؟؟

 

[غير كل الناس]

اضم صوتي لك

 

[داريني]

انا فهمت قصدج انه ليش ما يكشخون بين قعدات الحريم
احنا في بيئتنا بصراحه حتى حريم الكبار ما يلبسون دراريع الا برمضان وبالعيد ودراريع تكون كشخه
مو قطن عادي
بس هم لو بشوف وحده لابسه جذي والله ما انقد عليها لانه كيفها والي تبي تكشخ تكشخ حق روحها
وانا شخصيا ما عندي الا دراعه وحده شاريتها من انور وموديلها قصير وجنه شلاح احب البسها اذا ياتني الدورة خخخ وبروح بيت اهلي
وباجي دراريعي كله مالوت مناسبات رمضان وقرقيعان

 

[أحبه موت]

عدل كلامج
عاد انا عمري بحياتي مالبست دراعه احس روحي عيوز وبعدين انا بنت لاحقة عالدراريع في بيت الحمولة
بس شوفي في مناسبات حلو انج تلبسبن دراعه مثل رمضان او زوارة العيد العصر حلو كنوع من التغيير
بس انا عن نفسي ما ايد البنت تلبس دراعه اذا كانت صغيره احس الدراريع حق الي اعمارهم بالثلاثينات وفوق

 

[اميرة-الاحجار]

عندي دراعه وحده وماصار لي نصيب البسها ليلحين ههههههههههههه

 

[ملّوي]

أعتقد كل وحده وذوقها وأسوبهاا الخاص باللبس
يعني كيفهم ......

 

[kuwaitya-frawla]

انا معاج تماما قلبا و قالبنا هههههههههههههه



حلاته الواحد يلبس و يكشخ و يتسنع دام بين بنات مافيها شي!!!