( يدا بيد لنقضي على ظاهرة الدراعة والملفع )

[s elena]

وع شكلج هيلق اذا عند زوجج وعيالج تقولين عيب الله يعين زوجج عليج مسكينة

اقول انا هيلق انتي بس روحي شوفي نفسج تكتب حق البنات و اهي الله لا يوريكم اقول اذا صار ندي ريل تعالي تكلمي
الله يين اهلج و زوجج و خواتج و اخوانج و عمامج و عماتج عليج و على فكره انا ما البس دراعات و حجاب
انا اصلا مو متحجبه بس طريقتج ما عجبتني و بغيت اقولج بس بطريقه ثانيه حق الي ما يفهمون

 

[الحــــالمة]

الدراعة والملفع

ملابسنااااا

واذا على العنوااااان

يدا بيد لنقضي على العاااادات والتقاااااااااليد

ونرحب بالدخيل والغريب

 

[A7la-SmiLe]

حلووو موضوعج

بالنسبه لي مالبست الدراعه الا من تزوجت ,, لاني ساكنه عند حمولتي والدراعه لها وقتها يعني يمعة غدا او برمضان وألحين في موديلات واشكال ,,
واذا بيمعة بنات او تجمعات لا ألبس بدل واكشخ ,,


يسلمووو عالموضوع​

 

[سوسو العصلة]

عاد انا عمري بالعشرين وهابه هبه بالدراريع اريح واحلا وانعم كنت امره الدراعه كره اليهد بس الحين اموت عليهم وفبيت جدتي كله دراريع بيت خخخخخخخخخخخخخخخخخخخخ بس ايام الجمعه اكشخ بس الايام العاديه دراريع لانه خوالي موجودين عيب البس شي ضيج وجذي وتراها عادات وعلى قولة اللي عبالها اول شي راده صج الحين يتفنون بالدراعه بس انا اختصاصي دراريع عاديه خخخخخ واللي تكون بسيطه ياحلوهم راحه ويصير شكلج حلو حيل بعد يعمي عادي مافيها شي الدراعه تهبل واذا عند زوجي فالمستقبل اكيد بللبس واتانق بس عادي الدراعه بس الملفع ماالبسه مع اني منقبه مالبس الملفع بس دراعه لا وابشرج البس دراعه بيت من بودينار ونص واحط مكياج بعد خخخخخخخخخخخخخخخخخ بايعتها صرت حدي يعني كليوم بلبس واكشخ هم انا تلوع جبدي وصح حلو التغير مره هيك ومره هيك ومره هيك على كلام صديقتي حبيبتي هاردلووووو فديتها
وتسلمين عالموضوع بس الدراعه حلوة ومريحه جربيها وبتلزقين فيها خخخخخخخخخخخخ

 

[يمة يادلبي]

انا كلش مالي علاقة بالدراريع
بس لو وحدة لابستلها دراعة ماراح احاجيها كيفها عساها تلبس خيشة بصل كييييفها
وانا ماحب الي يتحكمون بلبس الناس بعد شنو انتي الي بتلبسين ولا اهي
الناس بتعلق عليج ولا اهي
ودامها مرتاحة بملابسها محد له حق ان يتحجى

 

[البطريقة البردانة]

و الله أنا ما شفت هلشي راح تقولون هذه من وين يايه أو وين عايشه بس ما أدري ... الموضوع حلو بس تدرين الناس مختلفه كل واحد يسوي اللي شايفه صح بس أنا ما شفت هلشي و الله ..

 

[jolie_q8]

الموضوع مغلق واستوفى حقه من النقاش والردود

وتم نقله للقسم المناسب