يا متزوجات وش الاشياء الي لازم تكثر منها العروس وما تكثر؟

[وشلون ما يغليني]

بسم الله الرحمن الرحيم
السلام على الكل

ارجو من المشرفات عدم نقل الموضوع لقسم العرايس
لاني ابي اسال المتزوجات مو العرايس

بحكم خبرتكم بالتجهيز وش الاشياء الي كثرتو منها و ندمتو عشان لانكثر؟
ووش الاشياء الي لازم نكثر منها؟

اي شي

واحده قالت لاتكثرون ملابس بتحملون يمكن من اول شهر و بتتغير اوزانكم و بتطيح بكبودكم
واحده قالت لاتكثرون مكياج لانه بياذيكم اشترو لما تملون من الي عندكم عشان لاينتهي و يخرب
واحده ايضا قالت مو مهم قمصان النوم كلها تكون ماركه الرجال ما يفرقون المهم قميص نوم مرتب و حلو
و امدحو محلات الهرم بالسعودية

بعد نبي نصايح متزوجات خبيرات بالتجاهيز جهزو لروحهم و لاخواتهم
العطور كم عطر نشتري؟

الوان الجزم وانتو بكرامه وش الالوان الي لازم نحرص عليها
اكتب هالموضوع و اسال الله تعالى انه يعجل بنصيبي الطيب و كل الصالحات و الصالحين اللهم امين:yaaaaaarb:

و الله يبارك بكل من تطرح خبرتها​

 

[جولينار]

لا تكثيرين من :


العطور


الملابس الرسميه والبناطيل << راح يتغير وزنك لو شي بسيط


المكياج << اشتري بس الاشياء اللي تحتاجينها مو تشترين لدهرر




كثري من :


الملابس الداخلية


بجايم البيت







هذا اللي ببالي الحين

 

[امل يائس]

شوفي انا علبالي يوم كنت اجهز حق عرسي اني بحتاج اكثر شي قمصان نوم و مكياج و دراريع كشخه و فخمه
بس خاب ظني ههههههههههه

راح تستهلكين اكثر شي

العطور ثم العطور ثم العطووووووووووور اهم من البخور و دهن العود
الاطقم الداخلية اهم من قمصان النوه
شاور جل و منكهات للجسم اهم من المكيااااج

هذا عن خبرة

 

[قــل مـا تـشـاء]

شوفي الملابس لاتكثرين لأن الوزن صج صج يتغييير من أول شهر وراح تملين منهم وتبين تجددين وراح تنتهي موضة بعضها
قمصان النوم صج لاتشترين ماركة الا 3 أو 5 لأن الرجال ما يفرقون بين الماركة وغيره وصحيح محل الهرم في الدمام يهبلووووون قمصان النوم واسعارهم في حدود الخمسين وفيه أنزل من خمسين ريال !
والجزم والشنط لاتطقمين على الملابس أحس دقة قديمة كذا اشتري بس الألوان المحايدة ( بني , أسود , بيج , أبيض ... إلخ )
الأكسسوارات بعد مايحتاج تكثرين ,,
الميك أب بعد اشتري ميك أب عدل وماركة ومن كل شي نوع واحد أو أثنين بالكثير مو تاخذين وايد يعني مثلا كريم الأساس اخذي 2 بس واحد للزوارات والمناسبات وواحد للإستخدام اليومي ,,
وكثري الذهب ,, ترا مابيظل عندج شي بعد سنتين أو 3 سنوات بالكثير الا الذهب ,,,
الله يوفقج

 

[pusy cat]

لاتكثرين عطور وملابس سهره ضيجه لانج راح تحملين انشالله وراح تولدين وراح يتغير جسمج فحرام تشترين نفانيف سهره غاليه

كثري بجايم وهدوم بيت وملابس داخليه

تيشيرتات وشورتات حلوين

اشتري تقريبن عشر قمصان نوم ونوعي بالموديلات لين تشوفين زوجج شنو يحب عقب اشتري بعد الزواج

 

[قاهره عذالي]

والله صراحه كثري ونوعي من العطور ومجموعات الجسم من نكتار وزهور الريف وبدي شوب
والمكياج اشتري ماركه مثل ريفلون وريميل ونيفيا وماك وشانيل
والبخور اشتري من القرشي الملكي 2 والثالث مجانا
واشتري بخور خاص للشقه من الرصاصي اسمه العود المميز
والله العطور اهم شي فيها التنويع من عربي لفرنسي
والبخور
لان راح تستهلكينهم

وعندج البجامات الحراير وملابس البيت كثري منهم والملابس الداخليه اللي قطن مو مهم طقوم لا اللي قطن والطقوم اخذي عادي ونوعي بالوانهم بس القطن اريح واكثر استهلاك

والدراريع البسيطه كثري منها اذا انتي عند حموله يعني الفخمين وللمناسبات خلي 7 الى 8

وحق الحموله نوعي مو مهم السعر الاهم التصميم لو عند خياط

وقمصان النوم جيبي الطوال من كل الالوان حق اول شهر وعقب عاد غيري بالانواع الثانيه لو بعد العرس تشترين الانواع الثانيه

 

[عيون القرناس]

الله يوفقج ويهنيج والله يجعل قلب زوجج ملكج يسخره لج ...
اول شي وقبل كل شي ادعي ربج وتوكلي على الله
وثاني شي صدقيني لاصار الطبع الحلو واللباقه والذرابه مو فيج حتى لو تلبسين هدوم من ذهب مايفيدونج
خلي اهتمامج بعقلج وقلبج
ولا الملابس والمكياج امورهم سهالات
اهتمي بنظافتج وريحتج ودلعج
ولاتكثرين من اي شي
اشتري اللي انتي حاسه انه يلبق لج واهم شي الملابس الداخليه والبجامات والحراير
البخور والمشعلات والعطور البارده
بس نصيحه من اخت لاختها
اهتمي اكثر شي بطبعج ونظافتج .....

 

[dnyay_mll]

الله يتمم عليـج ان شاءالله
انا اشـوف كل شي مهم
جهزي بكيفج اهي مره بالعمـر

 

[توتاتوتا]

الله يوفقش
قمصان النوم صح مايعرف ماركه او لا خذي الحلوه عليش وعن الخاطر خذي واحد او اثنين ماركه وعدد القمصان بشكل عام 6 الى 10 وبعد العرس شكلي ونوعي
لبس البيت سواء انتي وياه بروحكم او دراريع بيت الحموله كثري منهم بحسب انتي شتبين يعني ناس تقول مابي اكرر اللبسه في الاسبوع اشتري 7 موديلات او مايتكرر كل 10 ايام اشتري 10 لبسات
اما شغلات الكريمات والشورات والفواحات شغله وحده من كل نوع بالكثير حبتين من كل نوع ونوعي بعدين حق التغيير اما اذا من اول شهر جربتي كل شي شتغيرين بعدين واحسن الفتره الاولى تركزين على شغلات معينه ترتبط ريحتها بشهر العسل ؛) اذا شمها باي مكان يسترجع الذكريات

البس الكشخه بحسب مجتمعكم عزايم كثير كثري بنفس مبدأ الفتره الي تحددين لتكرار لبس اذا قليل قللي

البخور والعطور كثري منها سواء بتختارين نوع نوعين لشهر العسل او تبين تشكيله ولاتنسين اغلب الهدايا عطور

المكياج نفس ماكنتي بنت بحسب شخصيتش اذا فنانة مكياج تعرفين شتحتاجين وحبه من كل نوع واذا عاديه الي كنتي تستخدمينه بس اختاري ماركات وزيدي لمعات وشغل مناسبات

الساعات والشنط والاحذيه بحد معقول مو كل لبسه و نوعي

واكثر شي أأيد شرائه بدون قوانين الذهب

 

[أسيرة إحساسي]

الله يوفقك لاتكثرين ملابس حق الطلعات لانك ممكن يتغير جسمك تنحفين أو تسمنين وراح تملين منهم
لاتكثرين مكياج لان المكياج يحتاج تجددينه
كثرررري من ملابس النوم المغريه والقصيرة والشورتات كثررري منهن اشتري من الهرم او مبارك ستايل او سربال
وأيسكريم جسم من نكتار

 

[زوجة عزيز]

شوفي انا علبالي يوم كنت اجهز حق عرسي اني بحتاج اكثر شي قمصان نوم و مكياج و دراريع كشخه و فخمه
بس خاب ظني ههههههههههه

راح تستهلكين اكثر شي

العطور ثم العطور ثم العطووووووووووور اهم من البخور و دهن العود
الاطقم الداخلية اهم من قمصان النوه
شاور جل و منكهات للجسم اهم من المكيااااج

هذا عن خبرة

معاها :rerrerek::rerrerek::rerrerek::rerrerek:

 

[ا ح ب ك]

يلا نبتدي ومابي غير رضا ربي علي
اولا الذهب ثم الذهب ثم الذهب من الاساور والخواتم كثرررررري
ثانيا قمصان النوم والبجايم والدراريع القصيره والملابس الداخليه والبناطيل والتيشيرتات من الاسوااااق الشعبيه سمعتي الشعبيه وعليييييييييج ببضايع السوريه قطنيه والوان روووعه وفناتك تهبل الرجال عموما ولا للماركات والف لالالا
ثالثانجي للماركات وعليييج بماركة ماك وحيفنشي مكيااااج كامل بيطلع غالي بس يستاهل من روجات وكريمات اساس وماسكرات وبلوشرات ولاينرات وحتي لمعات زري ولمعات الوان وشدو كله كله لاتخلين وحتي العطور من جيفنشي بس لاتاخذين غيرها
رابعا القرشي وبس اخذى كل البخورات من عود ومعمول وعطور اتعب اقولج عذااااب ترا موغالي حيل
خامسا العبي والشياااال شي مهم خذيهم من دبي بس اذا صعبه عليج ببيت حناين روعه غالي بس يستاهل وخذى عباة سااااده بس توقيع تحت ودمجي فيه لون احمر بالتوقيع وهي ساااده مسكره هذي خليها عمليه حق مشاوير قريبه وخذى من الشرقيه ابو طاهر بابو بو كنان البرواز الشيال حلوه وكشخه
واخيرا ملابسج انتي ادري بذوقج وانا ماادري شتلبسين ؟؟ بس عندج العربيد والمعرض المصري والبلوكات خامات رخيصه وروعه تفنتكي فيها وبالوان الفسفوريه والفاتحه وحاولي تخصرين الملابس تطلع فخمه واهم شي شي يديد مو مكرر وغيرها الاحذيه والشنط علي قفا من يشيل ماعاد تفرقين بين ماركه وبو طقه فنصيحه عليج بالسنتربوينت والبرنس وارجو ان اكون وفيت وكفيت طن خلصنا

 

[تعبت اداري...~]

الله يوفقج وييسر لج امورج على خير
طموشه

 

[شطانه طفله]

ربي يوفقج ويسعدج
انا طموشه هم خذيت خلفيه من ردود العضوات

 

[الملكة فيكتوريا]

استفدت منكم يا متزوجااات
والف شكر لصاااحبه الموضوع

الله يعطيكم العافيه

 

[الخير جاكم]

اولا " بالتوفيق انشاءالله
ثانيا" الاعتدااال مطلوب لاتكثرين ولا تقللين
ثالثا" العطور نوعي بين العطور الفرنسيه والعربيه ولا تنسين بخور وخلطات للبيت يعني تقريبا 10 فرنسيه و10 عربيه متنوعه < من امل الكويت والشايع واجمل> ومري البدي شوب اخذي مجموعه وزهور الريف همن مجموعه
رابعا" بدل الاستقبال مهمه وحتى لو كثرتي احسن لان مستحيل بشهر بيتغير جسمك وحتى لو صار اكيد شي بسيط والبدل بتلبسينها على كل نزله ماراح تكررين وانتي توك عروس وبعد الدراريع الناعمه همن مهمه كثري ونوعي بقصاتها
خامسا" بدل البيت والبجايم نوعي فيهم من اقطان وحراير
بس تعبت اكمل بعدين
<سبحان الله وبحمده سبحان الله العظيم>​

 

[انا لحبيبي .]

تسلمو بنات ، وشكرا لصاحبه الموضوع

 

[ام دليار]

بجامات عطور ملابس داخلية

 

[Tutti-Frutti]

طموشه
ومنكم نستفيد

 

[ام بـــدر]

اهم شي العطور تكون ماركات

والمكياج وخصوصا الفونديشن اخذي سالوران

او لانكم حلوووو كريمهم والمسكره واخذيلك 3 حمر ماركه كون الوانها ساطعه ومميزه

ومثل ماقالو البنات لاتكثرين من الملابس اهم شي البجايم وكثري واطقم من الملابس الداخليه

واخذيلك شور جل والبدي وش وبدي لوشن كثري من شغلات الصابون الي ريحتها قويه

وشنو بعد ايه الكعوبه اخذي الالوان الي ماتقيدج ذهبي وفضي بني اسود عنابي او احمر واخذي 3 شحاطات حق البيت

وفلات يكون عله ريش حق قمصان النوم واخذي لمعت زري من نعومي حق الجسم لقمصان النوم

والبدل 4 كافي يكونون فخمه ودراريع خمسه كافي و3 فساتين قصيره من h&m او zara او تفصلينهم

والعبي 4 كافي ثنتين فخمات والباقي عمليه والبخور اهمممممم شي عندج القرشي والعربيه واطياب المرشود واخذيلك معمول


امبخر حق بيتك اتبخرينه وفواحه من بدي شوب



والله يوفقك ويهنيك ويرزقك بالذريه الصالحه يااارب​