يا متزوجات وش الاشياء الي لازم تكثر منها العروس وما تكثر؟

[شيخه_البيض]

مرحباً
اختي اول شيء الله يوفقج
نصيحة كثري من ملابس البيت مع شحاطاتهم واكسسواراتهم انتي ماراح تقعدين بقميص نوم طول الوقت او بدراعه او ببدله اوفر ونوعي فيهم يعني جينزات بديات فيهم حركات وشورتات نفانيف قصار او حتى الطوال بس تييج كت والبجايم الناعمة مع السليبر
واخذيلج عطورات طقم 3او4 والباقي بروحهم
ولاتنسين الباندات والشباصات ترى حلوين والريال يحب المرة المرتبة من فوق لي تحت
واذا انتوا من النوع اللي عندكم عزايم وبتقعدين عند اهل ريلج يبيلج لبس من بدل ودراريع
واذا طرى ع بالي شيء برجع اكتبه لج

 

[أميرة زوجي أنا]

ومنكم نستفيد

 

[*peace*]

كثري

ملابس اللي تنزلين فيهم لحمولتج اذا ساكنه عندهم وملافع

لاتكثرين

عطور لان ان شاء الله ليحملتي بتكرهينهم وع

قمصان نوم لانج ماتدرين شنو ذوقه وبعدين ممكن تحملين وماراح تستعملينهم جم شهر

وخاصه ان قمصان النوم مورخيصه

 

[سر الجنان]

الله يوفقك ويهنيك اهم شيء لاتكثرين الدراريع الفحمة وادا عند حمولة كثري الدراريع الحلوة الناعمة واه شئ قمصان النوم كثريهم لانك عروس وبتلبسين الظهر وبليل حتى الزوج راح يستانس والعطور والبخور واهم شيء بخور القرشي لا تنسينه رووووعه والجنطه الماركه ادا اهم يحبون الاشياء هدي والساعة الماركه والشجاطات والملافع ادررررري ماخليت شئ والله يهنييييييك

 

[وشلون ما يغليني]

بارك الله فيكم بنات و الله يوفق كل من ردت و يسعدها ويبعد الشر عنها و يحيب لها كل خير اللهم امين
الله يسعد كل من علمتنا و فادتنا من تجاربها
اشوف الاجماع على العطور و قمصان النوم و البيت
بس ياربي دورت اطقم ملابس داخلية ما لقيت يعني ابي الستيان بروح و السروال بروح عشان اخذ المقاس الي ابي
مو متوفر هالشي بكل المحلات
الي تعرف محلات بالكويت و بالبرياض تدلني براك الله فيها

 

[رآآحٺ آيآمڪْـ]

آب آب

 

[swanyway]

حبيبتي لا تكثرين عطور ومجموعات جسم وكذا لانك للحين ماتعرفين ذوقه , شريت مجموعه وش كبرها من نكتار وانرمت بالزباله اولا جابت لي حساسية لانها معطره وماعجبته حتى , لعرفتي ذوقه اشتري

انا كثرت نفانيف مالت العزايم القصيرة ووش كثرها معلق بالكبت ماحد شافها للحين ومافي ذيك المناسبات فانت شوفي اهل ريلك عندكم مناسبات كثيرة او لا , وحتى لو فيه السوق موب طاير , ولو زواجك على العيد احسبي حسابة بس لو بعيد لا عادي

و الارواب والفوط لا تكثرين خذي اللي يجيك طقم لك وله وفيه شبيشب وباقي الفوط ( فيه اللي تجي لف وهذه مالت اغراء ولا ماتنشف ولا قاله الله فااذا ودك فيها خذيها)

لازم يكون عندك شنط فخمه ( للمناسبات مثل الزواجات عروس وكذا - الايام العادية ) لا تكثرين تروح موضتها ويمكن تشترين بشهر العسل

وبعد تكرمين جواتي ( جزم) وحده رياضيه لانك بتمشييين كثير بشهر العسل وتحتاجين, وكعوب للعزايم والمناسبات وممكن تاخذين ماركات , وفلاتات مره حلوين للاشيا البسيطه خالاته عماته لمن يزونكم حمواتج , وشباشب تكرمين استهكتها كثير بس خذي الوان حلوه وتناسب مع كل شئ و 4 او 3 يكفون

الميك ماكثرت وكانت احسن فكرة , اولا الميك اب له تاريخ انتهاء واذا طول يخترب , فأنتي خذي اساس سهرة و بلشر وماسكرا سنعه وقلم ولا بودره حواجب و باليت شدو و كحل اسود زين وحلوووو بالنسبة للالوان مالوت الكحل انا ماعجبه والسهرة ماحط ملون اصلن العروس وكذا اروح صالوين وميك اب مرة خفيف

وميك اب البيت خليك طبيعيه موب كل يوم تخطين الكحله ترى يتعود عليك فيها خلاص وبتجيك ايام تطفشين ومالك خلق او بالغلط تنسين وبيشوفك وبتفرق عنده ترى , الميك اب اليومي مسكرا يوميه خفييفه ( تبع مايبلين الصفرا واشكالها ) ويفضل تكون مغذيه عشان رموشك و بودره حواجب من بودي شوب ( اذا حواجبك و روموشك حلوين خلاص مايحتاج ) و مثل لابيلو وطقته على الشفايفك ومسحه على خدودك

الساعات شريت وحده وجاتني هدايا وبعد اطقم الماس وذهب بس يختلف من عيله للثانية


كثرررررررري اكثر شئ لبس بيت الترينجات و الاطقم الداخليه اكثر شئ بتستهلكينه هم

 

[swanyway]

بارك الله فيكم بنات و الله يوفق كل من ردت و يسعدها ويبعد الشر عنها و يحيب لها كل خير اللهم امين
الله يسعد كل من علمتنا و فادتنا من تجاربها
اشوف الاجماع على العطور و قمصان النوم و البيت
بس ياربي دورت اطقم ملابس داخلية ما لقيت يعني ابي الستيان بروح و السروال بروح عشان اخذ المقاس الي ابي
مو متوفر هالشي بكل المحلات
الي تعرف محلات بالكويت و بالبرياض تدلني براك الله فيها

بالرياض

1- دبنهامز ( الرياض جاليري- المملكه - مجمع غرناطه بس مافيه تشكيله واسعه )
2- ايتام لانجري -فيه ايتام ملابس عادية وهو محل منفصل -( حياة مول - الفيصليه - غرناطه)
3- لا في ان روز ( الرياض جاليري- حياة مول - صحارى)
4- بوديني احيانا يجيب اشياء خيال خصوصا اطقم داخليه ومرات اجيه ولا احصل شئ
( اعتقد اسمه كذا ) ( حياة مول - صحارى -غرناطه)
5- لا سنزا ( الفيصليه- حياة مول - المملكه - صحارى)
6- ومن سيكرت ( الفيصليه - و حياة مول بس منيب متاكده )
7- اويشو بجايم و اطقم كرتونيه مثل هيلو كيتي و هالاشياء ( حياة مول - فيصليه - صحارى - رياض جاليري)
8- نعومي ( صحارى - الفيصليه - رياض جاليري )
9 ماركس اند سبنسر ( المملكه - الرياض جاليري )
10- ممكن تاخذين من سنتر بوينت وسيتي ماكس ( محلات فرديه موب تبع مجمع او الرياض جاليري )

 

[شيري]

الله يوفقك ويسعدك قمصان النوم الحريروالشورتات والبديات اخذيهم من ماكس ورد تاغ وفاشن مل بالكويت اسعارهم رخييييصه حيل وحلوين حيل ​

 

[الخير جاكم]

رجعت لكم مرة ثااااااااانيه
اولا" بالنسبه لملابس البيت: اشتري 7 بجايم قطنيه ونوعي بالوانها وقصاتها مثلا برمودا والثانيه كم قصير والثالثه الشورت .... واشتري 3 ستان او حرير واشتري 5بدل ناعمه للعصر تلقينهم بدريم مول واسواق المعلم بالسالميه واشتري قمصان طوال وقصار مع جنزات ولقنز ولاتنسين عقب ماتشترينهم سمعتي عقب ماتشترينهم تطقمين عليهم فلاتات وشحاطات وكلبسات شعر واكسسوار ناعم واسوار واشتري خلخال وخزامه واصباغ اظافر ولاتنسين الهيلهوب الشفاف نفس مال الفنانات حلو مع التنانير القصيرة تحصلينه بدريم مول والنقرة الجنوبي تحت حتى بجايمهم حلوه والهلهوب الي عليه نقش حنه هم بعد حلو بتطلعين حده كيووووت
ثانيا: بالنسبه للحموله: احسبي احساب ثاني يوم يمكن يكون عندهم مسائيه وحتى لو ماكان لازم تفصلين بدله عرس فخمه تلبسينها ويمكن يجي عندهم عرس الى انتي مفتكه بدلتك موجوده وانتي شوفي اهلهم اذا وايد واحسبي احسابك وكثري بدل الاستقبال تقريبا 7 زين واذا انتي ساكنه عندهم فصلي دراريع ذربه قصار وطوال 8 مو خساره وحتى لو حملتي تقدرين تلبسينهم وطقمي معاهم ملافع والعبي ثنتين كشخه وثنتين ناعمات ركزي على الخام امممممممممممممممم
ثالثا: المكياج والعطور:اشتري 7 عطور فرنسيه طقم كامل الي يجي عطر ولوشن والبدي ماله وعندهم بعد بخاخ معطر للشعر عندك من جفنشي والور من شانيل حلو حده ترشينه وتبخرين شعرك و4 عطور منوعه من العربيه للعود وامل الكويت والشايع واجمل اشتري افخم شي عندهم ولاتنسين البخوووووور مهم نوعي بين -عود صافي ومعتق ولاتنسين بخور يومي للشقه وبخور اذا احد بيسير عليك ومري زهور الريف اشتري مجموعه العروس واشتري خمريه للشعر زيت للفواحه ومرشات للغرفه ومري البدي شوب اشتري بعد مجموعه عطريه وسكراب وزيت فواحه
والمكياج لاتكثرين اشتري كريم اساس يومي ومسكرة يوميه وتاتو وكريم للعزايم مع مسكره وحمر وموشرط الحمر تكون ماركه غاليه المهم لونها قوي واشتري رمووووش وعدسات ترى تحلي حيل< رمادي عسلي بنفسجي ترى بالعين حده ررررررووووووعه>
رابعا: لاتنسين تشترين مصحف وسجاااااااااااااده < وادعيلي ههههه جد تعبت وانا اكتب >
اذا ذكرت شي على طول بسدحه اهنيه لعيون احلى عرايس الله يوفقكم كلكم اااااااااااااامين
الي تستفيد من ردي تدعيلي بالتوفيق ولها بالمثل
<سبحان الله وبحمده سبحان الله العظيم>
​

 

[coralia]

اب اب اب الموضوع روعة

 

[Tejan]

نصيحه عن تجربة
....

..

.

لا تكثرين شي

والله جد .. انا كان عرسي بالشتا شريتلي بس بدلتين فخمين و على دخلت الصيف شريت هدوم

والله حرام تكودينهم و تروح موضتهم و انتي ما لبستيهم

و البجامات و قمصان النوم عقب الزواج بتعرفين ذوق ريلج و شنو يحب

اشتري من كل شي بس بعقل

اشتريلج ساعه ماركة و جنطتين حلوين خلي وحده عاديه و الثانيه كلتش

و جنطة كروس حلوة لشهر العسل

و جم بدله ماركة و مستره اذا طلعتوا عشى او حتى و انتي تفترين بالسوق << لان اي احد يشوفج بقول هذي العروس

و دراريع نعومة اذا انتي في بيت الحمولة << انا ما شريتهم اول زواجي .. شريتهم بأول رمضان معاهم عشان شكلي يصير غير

انا ماشريت بتجهيزي ولا بدله سهرة ما احب اشتري الا اذا عندي مناسبة قريبه عشان يكون الشي توه نازل بالسوق مو قديم

اشتريلج بدلتين فخمين اذا عزموج اهله عشى او سوولج استقبال او يمعه و خلى مثلا وحده قصيرة و وحده بنطلون عشان ما يصيرون كلهم نفس الستايل

و اكيد عطور و كريمات و مكياج .. بس لا تكودين حياتي و اذا انقصج اي شي السوق موجود

موفقه حبي و عسى الله يسعدكم​

 

[معلمة شيسمونه]

ما اعتقد تقدر تشتري ذهب

الطقم بيكلفها الف دينار تقريبا !!!!

الذهب نار واشياء ما تسوى صراحه

 

[وشلون ما يغليني]

بارك الله فيكم بنات
انا موافقه تيجان بكذا نقطه ليه اخلص مهري على هدوم كثيره
اشتري منه بعدين ههه
واحده تبي توفر

بس والله منو يوديني و يفرفرني السوق اذا الله تعالى كتب؟
الاخوان كل واحد بصوب الله يصلحهم
يعني مضطره اشتري شوي

 

[وشلون ما يغليني]

فوق

 

[florense]

كثري من الذهب ثم الذهب ثم الذهب اهمه الي يفيدون والله

 

[ام الوردات الثلاث]

نصيحه عن تجربة

....​

..​

.​

لا تكثرين شي ​

والله جد .. انا كان عرسي بالشتا شريتلي بس بدلتين فخمين و على دخلت الصيف شريت هدوم​

والله حرام تكودينهم و تروح موضتهم و انتي ما لبستيهم​

و البجامات و قمصان النوم عقب الزواج بتعرفين ذوق ريلج و شنو يحب​

اشتري من كل شي بس بعقل​

اشتريلج ساعه ماركة و جنطتين حلوين خلي وحده عاديه و الثانيه كلتش​

و جنطة كروس حلوة لشهر العسل​

و جم بدله ماركة و مستره اذا طلعتوا عشى او حتى و انتي تفترين بالسوق << لان اي احد يشوفج بقول هذي العروس​

و دراريع نعومة اذا انتي في بيت الحمولة << انا ما شريتهم اول زواجي .. شريتهم بأول رمضان معاهم عشان شكلي يصير غير​

انا ماشريت بتجهيزي ولا بدله سهرة ما احب اشتري الا اذا عندي مناسبة قريبه عشان يكون الشي توه نازل بالسوق مو قديم​

اشتريلج بدلتين فخمين اذا عزموج اهله عشى او سوولج استقبال او يمعه و خلى مثلا وحده قصيرة و وحده بنطلون عشان ما يصيرون كلهم نفس الستايل​

و اكيد عطور و كريمات و مكياج .. بس لا تكودين حياتي و اذا انقصج اي شي السوق موجود​

موفقه حبي و عسى الله يسعدكم​

,اعجبنى ردالاخت وبتوفيق يارب

 

[كدوو الرياض]

يسلموووووووو ع هالموضوع جد نحنا نبي نستفيد من الشغله

دوووم العرايس يشترون بعدين يتحسفون ع اشياء كثييييره

وكمان اختي تقول كثري من ملاابس البيت وملابس دلع وبجايم

:eh_s(9):اهنيك اختي ع اختيارك موضوع يستحق النقاش >>> تحب الاستفاده

>>> عزووووبيه بس من كثر مااسمع ياليت ماشترينا وياليت جبنا :eh_s(11):هع

تقبلي مرووي
كدوو الرياض:eh_s(7):

 

[الملح كله **]

الموضوووع روووعه

 

[shy rose]

انا من وجهة نظري
كثري من العطور والملابس الداخليه لانه كل يوم تتبدل
وكثري من البجايم
ولاتكثرين من الملابس ولا قمصان النوم لانك يتشترين من واقع ذوق ريلج
ولاتكثرين ذهب طقمين تكفيج مع انه محد يلبس ذهب
والله يوفقج