يا رحيم وصلت سن الاربعين اللهم عوضنى خيرا

[بدون هويه]

بعد 12 يوم من ترجيع الاجنه نزل على دم رحنا المستشفى انا وزوجى وطول الطريق يردد كلمة الله يستر على الولد وانا العبره خانقتنى حاسه ان اللى نزل دم الدوره والحزن داخل قلبي لانى ادرى الريال ماراح يصبر مهما قال لازم يدور على الضنى وفوق هذا كله تكاليف المستشفى اللى وصلت 2095 والله المستعان

المهم يت السستر بعد ما سوت تحليل الدم وقالت مبروك حامل طار زوجى من الفرحه وانا بكيت وقلت اللهم لك الحمد قالت لازم تنامين فى المستشفى عشان نوقف النزيف (( تقصد عشان يكملون 3000 الالف دينار )) قال زوجى ادخلى ادبر الفلوس انا المهم الياهل ما يصير فيه شي وطول ماهو قاعد يحمد الله ويشكره على الحمل

دخلنا المستشفى اشتغلوا مصاصين الدماء بسحب الدم ما كفاهم الشهرين اللى طافوا من العلاج كل يومين دم المهم قلنا نصبر ونشوف شنو عندهم بعد والامل بالله سبحانه وتعالى كبير انه يعوضنى خير

بعد ثالث يوم من الدخول يت وقالت نسبة الحمل عندك 18 بالميه مبروك انتى حامل وبكره نعطيك النتيجه الاكيده طار زوجى من الفرح ما يدرى شسوى والله يا خواتى ما قدرت انام عدل من الفرحه ما صدقت قلت انا عبالى دم دوره اللهم لك الحمد قعدت انطر النتيجه للمغرب انا وزوجى والدكتوره والسسترات يتهربون طلع زوجى وقال متى تقولون النتيجه الدم ما خذينه من الساعه 9 الصبح قالت لزوجى التقرقر مو واضح نطرنا لي 8 بالليل وتيي الدكتوره عشان تنقل الخبر الاكييد على قولتها اسفه نزل الهرمون عندك نسبة الحمل 4 بالميه والله المستعان قدر الله وما شاء فعل ولعل بالامر خيره لا يعلمها الا الله سبحانه وتعالى

اللى معور قلبي زوجى ما يتكلم ولا ادرى شنو اللى فى قلبه والعمر يركض يا كثر حزنى يا خواتى

 

[chanel N22]

عسى الله يعوضج خير يا اختي والله يرزقج من عنده بدون طبيب ولا شئ
قولي يارحيم

 

[سبكهاوا]

الحمدالله على كل حال وربي يعووضج ولايضيق خلقج

 

[بدون هويه]

الضنى غالى اقرب شخص لقلبك وبالعمر هذا نحتاج له حيل اسال الله العزيز الكريم الرحيم المعطى بكل اسم هو له ان يفرح قلبى به وكل اخت مسلمه سعت لهذا الغرض ان يقر عينها

مشكورين خواتى كل يوم اقول ما ابى ادخل هالفسم احس بالحزن والله بحاول ابعد عن قسم تاخر الانجاب هالهشر كله لان النفسيه تعبت خلاص عسى العوض بالله خير

 

[ام يوسف القمر]

حبيبتي
عسى ربي يفرح زوجك وانتي يارب بالتؤام

رددي قدر الله ماشاء فعل

وقول اللهم اجرني في مصيبتي واخلفلي خير منها

عسى ربي يعوضكم بالتؤام ادري انك تعبانة من الابر والتعب والانتظا بس ربي يأجرج

وزوجك لاتلومينة اكيد كلنا نبي الذرية لاتلومينة متضايق عسى ربي يفرج همكم

اختي انتي بالاربعين ليش تقطين فلوسك روحي اطفال الانابيب بالصباح ويسولكم العملية اللحين لانة سنك كبير وهم يبدون ان شالله الشهر الجاي ماينطرون والله
صدقيني خيرة وقدمي علاج بالخارج لاتنطرين العمر يمشي روحي الصباح بالاول وان شالله ربي يكتبلك بالتؤام

 

[eng.q8]

الله يرزقج من افتح ابوابه يارب
ويبدل هالضيقه بفرح ان شالله بالقريب العاجل يارب
والله عورتي قلبي وان شالله ما راح انساج بدعائي

 

[^noonaa^]

الله يعوضج خييير ان شاءالله يااارب

 

[بدون هويه]

يارب ارزقنى بطفل ادرى اني كبرت والله المستعان ما بيد الحيله مستشفى الصباح مواعيدهم طول حيل سواء كبيره ولا صغيره صح الاولويه للكبار بس انطري دور قلت يمكن الخاص اسرع نلحق قبل لا ندخل الخمسين والله المستعان

 

[بدون هويه]

اتعبنى غرورى --- الله يتقبل دعائك ويرزقنا اجمعين

 

[كويتيه مذهله 87]

عسي ربي عوضج حبيبتي

ميخالف يقلبي خلي ايمانج بالله قوي راح يعوضج للاحسن وريلج ان شالله يتقبل الامر
وصح الضني غااالي العمر جدامج لا تقوين 40 50 ناس يحملون عااادي

 

[بدون هويه]

سبكهاوا 0000 الايمان بالله قوى بس ضيقت الخلق لا بد منها بالذات لما اتذكر عمرى الله يجزاك خير

 

[بدون هويه]

eng.q8 والله ما ادرى شقول كل ما اتذكر فرحت ريلى والسستر اللى يت تزف الخبر مبروك حامل اكيد بضيق خلقى الله يرحم احوالنا

 

[كويتيه مذهله 87]

يقلبي انا حاااااااااااااااااااااااااااااااااااااااااااااااااااااااااااسه فيج والله

والله يصبر قلبج وووعوضج توأم ياااااااااااااااااااااااارب

 

[ام يوسف القمر]

والله انتي روحي منتي خسرانة اا شفت وحدة ماشاء الله عمرها 43 وماشاء قاعدة تستجيب للعلاج

ماتدرين اختي يمكن الله كاتبلك معاهم انتي روحي وكلمي دكتورة طيبة

 

[بدون هويه]

^noonaa^ وعوض كل محرومه ان شالله

 

[@ دهن العود @]

سبحان الله انا ما احب ادخل القسم هذا كل يوم اطل واطلع لانى احس بضيقه اذا دخلت وافكر وايد

بس سبحان الله عنوان موضوعج دخلتى

عسى الله يعوضج خير يا اختي والله يرزقج ويرزقنى ويرزق كل محرومه يااااااااااااااااارب من عنده بدون طبيب ولا علاج وغيره
عليج بالدعاء والاستغفار مالنا غيره

 

[بدون هويه]

كويتيه مذهله 87 الله يجزاك خير بس تبينى احمل بالخمسين انا بالاربعين واحاتى اذا الله رزقنى بالعمر هذا يا ترى كم سنه بعيش مع ضناى احنا كلنا ندرى ان الوحده تبي الضنا سند لها اذا كبرت تشوفه يمها مو طايحه على الفراش من الكبر واهو الله يستر عليه ما يندرى وين بابه ضايقه يا اختى من كل صوب

يارب اغفر لى ان زل لسانى بكلمه تثير غضبك غفرانك اللهم انى كنت من الظالمين

 

[بدون هويه]

دهن عود 0000 اذا مالج بعد الله سبحانه وتعالى الا هالزوج وتسمعين باذونك اهله يقولون هذى كبيره تزوج ولحق على عمرك يب لك ياهل متى يمديك تشوف عيالك والريال كلمه توديه وكلمه تيبه ياااااااااااااااارحيم بموت يا اختى من الحزن والهم اللهم انى اعوذ بك من الحزن والهم 000 ادخل هنى افضفض واطلع من النت احط راشي على المخده للفجر وانا ابكي هم يا اختى والله نبي هالضنى ولا ندري وين الخيره حتى الصبر نسيته والله المستعان

 

[البدايه 23]

ميخالف ياعمري الله كريم رحيم يرزقنا من واسع ابوابه

 

[ام يوسف القمر]

بدون هوية ابكاني كلامك اسملة عليج حبيبتي رددي قد الله ماشاء فعل

ترا انا مريت بلي مريتة فية انتي فعلا كنت حامل

لانة هذا حمل كيمائي

يعني البيبي كان موجود ونزل وانا حصل معاي جذي

لاتياسين دام هالمرة صار حمل راح يصير ربج كريم

كان الهرمون عالي يعني بداية ونزل يمكن كان موطبيعي البيبي لانة اذا فية تشوة الرحم مايقبلة وهذي نعمة

قولي الحمدلله وخلي الانترنت وقومي صلي حمد وشكر لرب العالمين حبيبتي وقولي قدر الله ماشاء فعل واللحين ربي ينزل من السسماء بالهساعات

قومي صلي وربي يبردقلبك بالماء والثلج يارب