يا رحيم وصلت سن الاربعين اللهم عوضنى خيرا

[lujain-q8]

الله يرزق شباب المسلمين وشاباتها الذريه الصالحه يارب

 

[ان شكينا بكينا]

الله يفرررح قلبج بالذريه اللي تتمنينهااا والله يعووضج خييييير ياربي

 

[سموني بنفسكم]

الله يعوضك بتوأم ذرية صالحة ولا تيأسين من رحمة الله ورددي دعاء المصيبة ترا فيه وعد من ربي بالخلف وباحسن مما فقدتي علقي قلبك بخالق الكون من اذا اراد شيئا قال كن فيكون
اختي بدون هوية والله اعرف وحدة وصلت سن 45 وهي عقيم وربي كتب وسوت انابيب يابت ولد وبعده بسنة سوت انابيب ويابت توام اولاد وبعده بثلاث اسنين يا بت اربع ما شاءالله عليها وعلى عيالها وولدين وبنتين يعني يعني بخمس اسنين يا بت سبع والله لن يعجز ربي ان يكرمك باحسن مما اكرم به هذه المرأه لو علقتي قلبك برب العباد قولي يا رب والزمي الاستغفار الزميه ورددي دعاء المصيبة وانتظري وعد ربك انه لا يخلف الميعاد

 

[أحلى عيون]

اختي بدون هويه انتي كنتي منزله موضوع عن متى تسوين تحليل لحمل بعد 14 يوم من ترجيع الاجنه عدل


والله اختي تضايقت كثير علشانك والله اختي انتي دافعه دافعه وزوجك اي شي يسوويه المهم انك تحملين ليش ما تسافرين للاردن عن زيد الكيلاني واخذي كل تقاريركم الي عالجتوهم بالكويت وربي ان شاء الله يرزقك وصدقيني بالاردن والله اضمن من هني ومع العلاج ومع كل شي والعمليه تاخذ عليكي 2000 دينار او يمكن اقل

انا بولدي والله العظيم كنت خايفه والحمدلله كنت مسويه تلقيح صناعي بالكويت بعد 12 مره محاوله وربي رزقني ببنتي وبعدها قعدت وكل مااروح اراجع يقولون لي سوي رجيم خليتهم يولوون وبالعطله سافرنا انا وزوجي وبنتي وقالي شنو عندج قلت له بنت وقالي ان شاء الله هالمره صبي وبترجيع الاجنه يقولج مبروك العمليه ناجحه ولله الحمد


اذا تبين اي شي عن الاردن انا بالخدمه يالغاليه وربي يرزقك الضنى عاجلاا غير اجل يارب

 

[أسيل]

الله يعوضج خير واثبتج على طاعته ويرزقج الذريه الصالحه والمعافاة

حبيبتي من كلامج حسيت كنج اتكلمين عن مستشفى لندن كلينك مادري ليش نفس الطريقه بس انت وين سويتيها ؟؟؟

انا اقترح عليج بلجيكا او امريكا قدمي عل العلاج بالخارج فاتحين مجال كبير للي ماعندهم عيال.........موفقه يا الغاليه

 

[Amory]

حتى آنا حسيت انج امسويه العمليه ابمستشفى لندن لأن اتبعوا معاي هالاسلوب بس الفرق بيني وبينج انج من بداية الحمل وانا بالشهر الخامس وانتي اسحبو منج تقريبا 2500 أو 3000 آنا اسحبو مني 5000 أو 6000 تقريبا لأن كان معاي نزف طول فترة الحمل ونوموني عندهم وياليتهم قاعدين يسوون شي ماسوو غير المغذي اللي حاطينه وياليت منه فايده لأن سألت دكتوره بره قالت المغذي ماله شغل ولا راح يفيد ابشي!

صح تجربتج مو سهله لكن الحمدلله ان راح من بداية الحمل ولا ظل لي الشهور اللي جدام راح اتكون صعبه.
والخيره فيما اختاره الله وان شاء الله هاذي فاتحة خير لج واتحملين عقبها طبيعي يارب.

 

[عصفوووره]

الله يفرج لج ويكتب لج الذريه الصالحة المعافاة قريب غير بعيد يالله ويعوضج على صبرج خير انشاءالله

يارحيم يارحيم يارحيم

 

[بدون هويه]

البدايه 000 الله يرزقنا اجمعين

 

[بدون هويه]

مشكورين يا بنات على رفع المعنويات اى انا سويتها فى مستشفى لندن والله المستعان

 

[ni3ssani]

الله يعوضج خير يا اختي والله يرزقج من عنده بدون طبيب ولا شئ
قولي يارحيم

 

[تفااحة]

يا عمري واللة ماندري شنقووووولج ادري فيج بس شتسوين اذا الي كاتبة ربي لج اللهم لا اعترااض على قدرة اللة ويمكنها خيرة لج لاتضاااااااااايقين واللة كل شي كاتبة ربي لنااااا خير واحنا ماندري لان الانسان بطبعة عجوووول ...

واذا عمرج اربعين اللة كاتبلج انشاللة تجيبين بالعمر ولاتقولين الواحد جم سنة يعيش العمر عند ربي يمكن انتي اطول فينا عمر وتجيبين وماتكبرين ولا تعجزين ياما ناس جابوا واهم صغار وسبحاان اللة ماتو واهم صغااار ومالحقوا يشوفون عيالهم كبااااااااااار ...

هذا نصيبنا واحنا راضيين فية واللة بيعوضنا خير اذا مو بالدنيا بالاخرة والاطفال مو كل شي بالدنيا احمدي ربج اللة عطاج زوج يحبج وصابر على هالبلاء واللة بيعوضة معااج في ناس عندهم درزن عيال ومو متوفقة معاة وكل يووم هواش واللة معاي بالدوام تبجي تقول زوجي مايدري عني لايطلعني ولا اهو مهتم فيني ويقولها محد قالج جيبي عيال تخيلي لا وبيروح بعد يقتل الحيوانات المنوية كلها يقول خلا ص مابي واهو صغير وعندهم اربعة بس ,,,, سبحاانك ياربي ناس تبي وناس ماتبي الحمداللة ؟؟؟؟؟

وبعدين من يقولج العيال يشيلونا عقب مانكبر لو كل العيال يشيلون اهاهم ماشفتي دار العجزة موجودة وماشفتي امهاات عيالهم وبناتهم مايدرون عنهم لاهين بحيااتهم والدنيا تغيرت ياللة حسن الخاتمة واهم شي زووجج اهو سند لج بالدنيا وربج موجود ...............

لاتاااايقين امانة خليها على اللة وبيعوضج خير ولا تجزعين ولا تقنتين من رحمة ربج واللة كريم ...........

 

[بدون هويه]

يا حلو كلامج اختى تفاحه الله يثبتك ان شالله على دينك هذا الكلام الطيب بس على قولتك الانسان بطبعه عجول والله المستعان يا رحيم

 

[A7la-SmiLe]

قدر الله وماشاء فعل
اذا مو هالمره ان شاءالله بأذن واحد احد المره اليايه تحملين ويثبت حمالج بس انتي لاتتظايقين والله النفسيه تلعب دور كبيـــــــــــــــــر
خلي ايمانج بالله قوي وعسى الله يرزقج بالذريه الصالحه عاجلا غير اجلا يارب ..​

 

[اضوى]

لا حول ولا قوه الابالله يارحيم يارحيم ارحم حال اختي ورزقها يارب اللهم اسالك باسم الرزاق ان ترقها الذريه الصالحه عاجلا وليس اجلا يارب

 

[$غــ(ز)ــل$]

حبيبتي الله يرزقج عاجلا غير عاجل
شوفي انا مرة عمي ماعندها عيال وعمرها باول الاربعينات سوت عملية وحملت والحين معاها بنت
الله يرزقج ويرزق كل محرووم ياارب

 

[بدون هويه]

غزل وين سوت عمليتها ؟؟ الله يجزاك خير

 

[madam_cake]

حبيبتي انتي لايضيق خلقج ميخالف يارب يرزقج وبعوضج الذرية الصالحة القريب العاجل ياارحم الراحمين

 

[$غــ(ز)ــل$]

والله ماعندي فكره واستحي اسألها

مثل ماقالوا النبات
سوي اوراقج لعلاج بالخارج
وعندج اهني الدكتور ناهض حماديه حيل يمدحوونه

 

[WaChoCha]

بدون هوية .... شنو يعني 40 والا طالع الرزق بايد الله .... بعدين الاعمار بايد الله تعالى،،، الله رحيم رحيم رحيم وكريم كريم كريم تفتكرين ربج ياخر انجابك ولين عطاج ياخذ منج الصحة وما راح تقدرين تربينهم ..لا يا حياتي خلي ايمانج بالله قوي
روحي مركز اطفال الانابيب بالصباح ما راح تنطرين يا حياتي يبلشون معاج على طول ...وانا على ثقة من كلامي مريهم منتي خسرانة والله سبحانه كبير وقادر على كل شي وقادر يعطيج الصحة والعافية علشان يرزقج الذرية وتعيشين وتربينهم ويكون لج سند وعون ...تركي عنج وساويس الشيطان وخليج مع الله
وقادر يا رحيم يرزقج الذرية عاجلا غير اجل

 

[BNT_NAS]

نفس الي سوووووه فيني هالمستشفى المعفن.....بالضبط نفسج ...صارلي حمل ضعيف ونوموني 3 ايااام وبعدين باااااااااااح الحمل......بس مص بهلفلووووس عالفاضي....انا عندي اجنة مجمدة عندهم ولا راح اردها....كاني بديت من يد ويدبيد مع فوزية القطان....لأني اكره مستشفى لندن اكرهاااااااااااااااااااااا