يا حلاتك والله !!!!

[بولندية]

السلام عليكم

شلونكم ؟؟

بنات شنو يكون موقفكم لو وحدة مع ريلج بالدوام تكون مسؤولته نفسية مع الكل ومتهاوشة مع كذا موظف و موظفة تعامل ريلج بطريقة غييييير تعامله بنفسية حلوة و تقوم من مكتبها علشان تعلمه الشغل
واذا شافته معصب يايبته لمكتبها و عطته ككاو علشان تهديه و بنفس الوقت اهي لازلت نفسية و تتهاوش مع الباجي

و يي لج ريلج على يوم و يقولج انها قالت له يا حلاتك و الله ...!!!!!!!!!!!!!

شنو يكون موقفكم ؟؟ تعاملها جذي عادي ولا فيه انه؟؟ مع العلم انها منفصلة؟؟

 

[انثى عاشقة]

طبعا موقفها مو صح !!!
خير يعني شفيه زود زوجي خليها تهاوشه هو بعد وقفت عليه يعني
لوووووووووووووول
بجد انتي قولي لزوجك يضايقني هالشي وخليه ما يعطيها وجه ..
​

 

[قلب حنان]

قووووليله خل يكووون رسمي معااهم

 

[لمى الهاجري]

موقفي اقوله يعاملها بنفسيه لوووول

 

[اخت خالتهم]

هذي طريقتهـا قـاعد تدلعـه
بس إن بعض الظن إثـم عشان جذي أقـول
خـل يعـاملها بجديـة ..
ولا تبينين انهـا تحبة او تتحرش
قـوليله امبيييه تعاملك جنك عامل عندها مبين من طريقتها
حسسيه انها تستهزئ فيه مو تدلعه

 

[Gifts&Occaions]

خل ينفس عليها

 

[بولندية]

انا قلبي قامتني منها سبحان الله اهي الوحيدة اللي مو مرتاحة لها مادري مع انها تعتبر كبيرة بالنسبة حق عمر ريلي وما ابي ابين له اني مو مرتاحة لها
احس افتح عيونه جذي

 

[انا لحبيبي .]

يمكن زوجك بعاملها منيح عشان هيك بتعامل زوجك منيح ،

 

[لوفيه]

سكتي لا تبطلين بيبان مسكره

واشتبي هذي تفتر على ريلج

عاد انتي كرهيه فيها قولي ويع ماكو انوثه

كله معصبه وتصارخ وتزف ودفاشه بالتعامل

يعني خليه يشوف الجوانب السلبيه

ديري بالج

 

[حبيبي مالكني]

مادري شنو بسوي بس بيعتمد على طريقة الي بقولي ريلي هالموضوع

 

[بولندية]

لا والله انا لحبيبي ريلي عسر معاها و يسوي اللي بباله مو هامته مسؤلته بس تعاملها غير من قالي عن كلمتها حقه يا حلاتك وانا قلبي قامتني دايم افكر بكلمتها
ريلي دايم يسولف لي عن دوامه والله يستر من الموقف الياي معاها

 

[المرتاحة]

والله انا احتريت منها وانا لما الحين ما تزوجت و حسيت باحساس الزوجة بس حطيت نفسي مكانج صج صج تحر حتى لو نيتها زينه همن المفروض الوحدة تكون منتبهه حق هالاشياء

لكن مو من مصلحتج تبينين غيرتج بالعكس خليج كووول.. اهم شي تكونين واثقه من نفسج وتؤمنين ايمان داخلج ان ريلج حقج

وبيني وبينج اختي صارت معاها تقريبا نفس السالفه

ريل اختي قام يمدح وحده معاهم بالدوام اهو طبعا على نياته و يقول انها وايد محترمه وخلوقه ومطلقه ودايم تسولف معاه و من هالكلام

قامت اختى ووصت زوجها يعزمها بعيد ميلاد بنته ,,تقول لي ابي اتفحصها و بشوفها عن قرب..وتقول لو ريلي يرضى اييله الدوام جان رحت له و شفتها بس اهو مايرضى لان دوامهم كله رياييل و ضباط

قامت اختى تدز لريلها ورد للدوام تخترع لها اي مناسبه و تدز له

لين طخت هذيج

على فكرة يوم عزمتها اختي لعيد ميلاد بنتها ما يت و تعذرت

بالطريقة هذي انتي توصلين لها رسايل غير مباشرة انها تلزم حدودها ترى ريلي وراه مره سنعه و مهتمه فيه بدون ما يحس اهو وبنفس الوقت بتكبرين بعيون ريلج ويحبج اكثر من تصرفاتج الراقيه *غمزة*

 

[منال $]

قولي لزوجك لايعطيها وجة عشان لاتتمادى معة

لو انها بتتعامل مع الكل بنفس الطريقة بنقول مو مشكلة
بس زوجك لحالة الو معاملة خاصة لا هنا صار فيها استفهام وتعجب وخصوصا انها منفصلة

بس الي بيطمنك انة زوجك اعطاكي خبر يعني مو مهتم لموضوعها
بس لازم يوقفها عند حدها ويقولها ايش معنى انا دون عن الموظفين كلهم!!!!!!!!
عشان لاتجيبلة الكلام

 

[بولندية]

الله يرزقج بالزوج الصالح يالمرتاحة ويوفق اختج مع ريلها

منال مو انا هذا اللي ذابحني شمعنى ريلي و ريلي قلت لكم عسسسر بالدوام حدي ناطرة الموقف الياي شنو بيصير وانا الحمدالله بقدرة قادر لما يقولي شي عنها على اساس موقف صارله بالدوام حاله من حال باجي المواقف اسكت و ماقوله شي مادري شلون يي لي البرود حزتها

 

[popa]

ياحلات امها قليله ادب

 

[بولندية]

الله يكافينا شر هالاشكال

مشكورة بوبا

 

[BiiShOoO]

استغفر الله شتبي هذي

اهم شي انه ريلج عسر معاها و قوليله لا يعطيها ويه

 

[شادن33]

بولنديه حبيبتي اذا حطيتي ابالج بتتعبين
لان هذا شغله يعني كل يوم بتفكرين
انتي ماعليج من البنيه علي شنو اتخطط ولاشنوهدفها
عليج من ريلج اغنيه من كل ناحيه ولاتقصرين فيه
وبس ووكلي امرج لله الله يحفظه
غير جذي ماااافيه

 

[بطوووطة$بيضة]

لووووووووول

الصراحة في بنات يضحكون واااايد خاصه اللي تقول ....قولي حق ريلح ينفس عليها وقولي حق ريلج يحاجيها ابعصبيه

مادري ماخذين رياييل ولا خرفان

اخاف اذا قالتله جذي بقولها حاضر حبيبتي ويسوي حق المرة جذي

حبيبتي يعني لو صج اهيا تبي ريلج ...انتي شنو راح اتسوين بتروحين الدوام عندها وبتفشلين روحج ولا ابتمنعين ريلج يروح الدوام.....!!!!!!!

حبيبتي طوفي يعني شنو ابايدج!!!!!

 

[سوبر ليدي]

ديري بالج على ريلج منها
و وخل ينفس عليها ولا يعطيها ويه