يا حلاتك والله !!!!

[منال القلب]

بمجرد ما ريلج قالج السالفة يعني مافي شي وريلج باين طيب وعلى نياته وصريح وياج
خلي المركب تمشي ولا تفتحين بيبان مسكرة.. ترا ماكو شي لا توسوسين

 

[Tom ♥ Jerry]

.


هههههههههههه ماشالله تعطيه حلاو و كاكاو عشان يرضى
بعد ليش ما توديه الترفيهيه عشان تتعدل نفسيته شوي

حشى قاعدين بروضه مو دوام رسمي !!
و الله ترتره !!

 

[بولندية]

انا ما اوسوس بس ليش جذي قلبي قامتني منها و? اشك من جذي حطيت موضوعي على طريقة اسئلة علشان اعرف اذا الوضع طبيعي و? لأ

حتى امي قالت سالفتها غريبة وريلي يقولي ساعات على اساس ان مواقف عادية حتى اهو استغرب من كلمتها


موضوعي بس بعرف شرايكم

 

[شادن33]

سوي اللي قتلج عليه
واستودعيه كل ماطلع يرجع لج مثل ماطلع <<<<< لوووول جني خربطت

 

[Patcholli]

اهم شي اهو شنو ردة فعله ..؟؟
وقفها عند حدها ولا فاتحلها المجال ..؟؟

ترى الريال اهو اللي يفرض طريقة تعامل الناس معاه سواء حرمه ولا ريال ..
وهذيج ناقصة عقل ماعليها شرهه

 

[دلوعة أبوهآ]

أروحلهآ وأكفخهآ ..
<< وآلله عصبت جدّ ونرفزتني ..


هذي وحده حقيره وحآطه عينهآ عليه
خليه يطنشهآ ويعلمهآ الأدب ..

 

[نشيج الروح]

عشان تضمنين انه يعطيج أخبارها لا تزفينه وخليج فري
وهي شكلها مسكتة الباجي بس ريلج ما تقدر عليه بنفسيتها فيت له بطريقة ثانية تمشي ريلج فيها
المهم انتي سحبي منه حجي وبعدين تصرفي
اما تدششين بمخه فكرة تغيير الدوام او تودين له هدايا نفس ما قالت اختنا بالرد او تبينين له بطريقة حلوة
المهم انتي عارفة شخصيته والاسلوب الي يمشي معاه

 

[عسل مرت قيمر]

صج ماتستحي

كله بصوب وكلمتها الصراحه بصوب


شنو ياحلاتك !!!


شوفي حبوبه بس خلي ريلج مايعطيها ويه اذا زودتها ويتكلم معاها بحدود الشغل وبس


لا يروح عندها على طول الا لظرورة


وادعي ربج يوخر عنه بنات الحرام


صج تحر مالومج


وربي يسخركم حق بعض يااارب

 

[some one waw]

يمكن اهو محترم ويستاهل تعامله باحترام

 

[FJ style]

هذيل يحرووووون
اكيد الاخت عاجبها الحقيرة
اوف اكره هالنوعية اللي تفصل عالمتزوجين

عالعموم لاتبينين له غيرتج ترى تثبت بمخه وايد

دلعيه وغيري اسلوبج معاه خليه ما يفكر مني مناك
ترى كلمة يا حلاتك اعجبته والا جان ماقالها لج بس ريلج ع نياته وبعده نظيف
بس خوفج من باجر

عاد ان مصخها ومصختها سوي المثل قوليله بدوامنا كان في مسؤول يحليله وووو خخخخ لا لا اخاف يخترب بيتج جذي
والله مادري بس الله يعينج
يا كره الغيرة

 

[كليـ دلعـ]

معناته مييييته ع. ريلج وتبيه

وقاعده تقرب منه

وتحاول فيه

وليخطبهاا بتاااخذه

ع طووووول

مافيهاا فكااكه هذي

واظحه وظوح الشمس في كبد السماااائي

تلاحقي عمرج

ترا كثر الدق يفج اللحام

لاتاخذ ريلج وانتي تفرجين!!

علمج انها قالتله

ياحلاتك

وماخفي كان اعظم

اللي خاشه اجيد من جذي

تلاحقي عمرج ةبسرعه

 

[شنوووفه]

اف حدي رااح انقهر الله يعيينج بس انا نوعي مااعرف اسكت ادق الحديد واهو حامي واكلمه
بس المشكله انها مديرته يمكن لي عصب عليها وحقرها تحطه براسها مااقول الا انشالله يصير تدوير او ينقوونها خخخخخ قولي اميين
موفقه :>

 

[بولندية]

انا شابكة بالبي بي و مو ذاكرة نكاتهم سامحوني اي اهم تدوير و ناطرة شهر 6 يروح عند مسؤلة ثانية و الله شكلها بتخلي ريلي عندها
والاخت اللي قالت يمكن محترم رفيج ريلي بالدوام ملتزم 6 الصبح بالدوام و ما يستئذان تهاوشت معاه و كتبت فيه تقرير ان ما يداوم و صارت سالفة بينهم

بس ريلي الدوام على كيفه يتأخر و يستئذان متى ما يبي و يسولف لي عن البنات اللي معاه عادي محترمات و متزوجات الحمدالله

الا هذه مو مرتاحة لها و صدمتني كلمتها و ادري ريلي قالها بحسن نية

انا ناطرة الموقف الياي شنو بتسوي الله يستر

 

[فلسفة جرح]

انتبهي على ريلج ترى معجبه فيه عشانها تعامله بنفسيه حلوه ومعاملته غير عن الباجي ماتستحي من ربها هاذي الريال متزوج لو صج يحبج جان بيعاملها بنفسيه

 

[بولندية]

ما قصرتو بنات و الله يحفظ رياييلنا لنا و يسخرهم يارب

 

[شقاوةحلم]

خير ان شاء الله تعامله بروحه زين وتقوله ياحلاتك بعد
ماقصروو البنات الله يكافيج شرهاا

 

[فلنتينو]

صج حقيره

 

[بنت الكويت &]

اتوقع عاجبها شخصيته انه معطيها طاااف ويداوم
ع كيفه ومو معطيها بال بس اتوقع الحل الوحيد تكرهينه فيها يعني مثل ماقالو البنات قولي وع شلون جذي تحاجي الرياييل صج ماتستحي او حشى صكت ع الرياييل بصراخها الله يعين اهلها عليها او تقولين مالوم ريلها انحاش عنها اكيد جننته واذا قالج نادتني وعطتني ككاو قولي شنو هذي ليش تعاملك جذي شنو ياهل انت والله بيكرهها هع والله يكافيج شرهاا

 

[عاشت بلادي]

طااااااااف من امه طااااااااااااااف
عادي حمدي ربج انتي بالكويت والمره كويتيه شرايج ان انا ببريطانيا وبنات مع ريلي بالكلاس كل يوووم يسونهله حركات
وعاد انتي فاهمه هذيلا لامذهب ولادين
بس الله وكيلج كل ماطلعت معاه كرهته بالانجليزيات -شلون ؟؟ ادوس عالتوتر الحساس لريلي عنده هوس نظافه عاد اطب فيهم انهم وصخات ومايتسبحون
عاد انتي شوفي وين التوتر عند ريلج ودوووسي عليه

هذي تجربتي والشيء بالشيء يذكر *

 

[بولندية]

وااااااااااي مشكورين بنات ما قصرتو حبيباتي و الله يسخرلكم رياييلكم بنت الكويت و عاشت بلادي صج عطيتوني افكار حلوة لاني ماعرفها ف مادري شلون اكرهه فيها

و الباجي كلكم على راسي وحدة وحدة مشكورين حبيباتي