ياليتني ما عرفتك يا أحمد و ساعدوني تعبت من التفكير

[درة أهل الطولات]

انا كان عندي مبلغ 500 دينار

والطامه الكبرى اللي سويتها

اني خذيت ذهب اختي من غير علمها تقريبا يسوى 1000 دينار

وعطيته و خليته يكتب لي وصل أمانه ب 7000 الاف دينار علشان اضمن حقي

اهو خذا الذهب و رهنهم عند الصايغ على ما خاله يتسلف و يرد لي الذهب و فلوسي ومع الفلوس اللي عنده قدر يسفرها

البنت مع خاله سافروا وودوها بسرير و معاها ممرضه لان حالتها كانت وايد صعبه

وعقب العلاج قصوا صدر البنت

بس الحمد الله عاشت

الحين الطامه الكبرى اللي صارت اني كنت ابي يرجع لي فلوسي قال راح اردهم و قلت له ابي الذهب ترده لي قبل الفلوس قال ميخالف

كنت وايد مستعيله لاني كنت خايفه لا تكتشف اختي ان ذهبها مو موجود بمكانه

قلت له انا راح اخلي سيارتي بالليل امبطله و بحط بالكشن جنطه تعال يالليل و بطل سيارتي و حط الذهب في الجنطه

قال اوكي

اهو يومها كان نايم بالمستشفى فقال انا راح اوصي رفيجي لان الذهب عنده و يحط الذهب والفلوس بالمكان اللي قلتي عليه

وصحيت الصبح و رحت السياره وما لقيت القلوس ولا الذهب و الجنطه على حطتها

دقيت عليه اصارخ وين الذهب قال والله رفيجي حطهم بالسياره و قام دق على رفيجه ولا طلع رفيجه حاط الذهب عند سياره جيرانا

عندهم سياره قديمه خربانه موقفينها ورا حديقتهم

قلت له مالي شغل اذا انت تعبان تيي الحين الحين اطلعهم

ويا كانت الساعه 6 الصبح وقام يحوس عند السياره مالت جيرانا و لا جارنا حزتها كان بالحديقه واحمد لقى الذهب بس خاف ياخذه لانه جارنا قام يخزه قام خذا القلوس وحطهم ابمخباته بس الذهب ما قدر ياخذه وحرك و قال بعد اشويه برجع اخذه

وانا كنت انطره بمصافط الجكعيه قمت ابجي و اصيح ارجوك روح ييب الذهب

راح مره ثانيه وانا كنت وراه بسيارتي وقام دور الذهب ما لقاه!!!!!!!!!!!!!!!!

قمت اصرخ و ابجي يا ليتني ما عرفتك يا احمد وهقتني هدمت بيتي

اختي وريلها شنو بيقولون عني اذا دروا

الله ياخذك يا احمد ليتني ما عرفتك يا ليتني ما عرفتك

واهو ارتبك ما يدري شيسوي قال لي ارجوج اهدي بس انا كنت مهستره

قام سال الصبي الهندي كان واقف عند باب بيت جارنا

قال له ما شفت احد خذا شي من السياره هذي قال الهندي اي شفت واحد خذاه وراح

انا بس ما قمت اتحمل قمت اصارخ الله ياخذك يا احمد الله ياخذك

قال خلاص حصه ارجوج هدي

بعدين قمت استغفر الله و اقول اللهم اجرني في مصيبتي واخلف لي خيرا منها

قال ماكو الا اني اروح للصايغ يسوي لي نفس الذهب اللي رهنته عنده

رحت انا وياه عند الصايغ قال اسوي لك نفس الطقم بس ما عندي فصوص زيركون اللي كان في ذهب اختي فصوص زيركون

قال انا راح احط لك الماس

قال احمد ميخالف حط الماس بس حبيبتي ما تتورط

وسوا الطقم وحط الماس وكلفه7000 الالاف دينار اكثر من السعر اللي اختي كانت شاريته

ويوم خلص الطقم عطاني اياهم وعطاني فاتورتهم و الكفاله و قال والله يا حصوه انتي لو تبين عيوني اعطيج اياهم و ترى انا ريال ولد ريال لا يمكن اوهقج او اورطج و اتخلى عنج

انا سكت بس مازلت خايفه لان اكيد اختي راح تكتشف انه مو ذهبها راح يبيين انه يديد مو ملبوس

الحين احمد قام يحوس عند بيت جارنا يقول انا ابي اكلم جاركم لاني شاك انه اهو اللي ماخذ الذهب

يقول مريت بسيارتي عند بيتهم و شفت جاركم بالحديقه وقام يخزني يقوم بس حركت ما كلمته

يقول انا بشوف لي طريقه اكلمه علشان يصدقني ما يتهمني اني بايق او اي شي ثاني

قلت له اروح اكلم مرت جارنا

قال لي لا انتي من صجج تبين تفضحين نفسج

قال خليني انا اتصرف

الحين يا بنات انا والله ابي الذهب مال اختي لان احنا شاكين مليون بالميه جارنا ماخذهم

و ترى جارنا ولد حموله يعني لا يروح ظنكم انه بايقهم بس اهو حس ان الموضوع مو طبيعي و خذا الذهب وخلاه عنده ومادري شنو بيسوي او يمكن سوا شي الله اعلم

انا اشلون اتصرف؟ اروح المخفر ولا شنو اسوي

مابي اييب لنفسي المشاكل و مادري اشلون اتصرف

مادري محتاره

مو بعيدة جاركم على باله ان الذهب مبيوق ويروح يبلغ الشرطه ان الحراميه خاشين الذهب بسيارته

قولي لاختج سلفت رفيجتي ذهبج تلبسه بملجتهااا

وقالت لي بمرج اخوي ويحطه بسيارتج

لان اهية تدري اني ما استأذنت منج

واخوهااا حطهم بسيارة جارناااااااااااا


وخليها تزفج وتهاوشج عادي المهم ذهبج يرجع


وهذااا احمد قطعي علاقتج فيه بلا مشاكل​

 

[•Brown•Sugar•]

قلبج طيب حيل
واللي يقول هذا فلم ماعنده سالفه
عجبني حل وحده من البنات اللي قالت
غلفيه وعطيها اياه كهديه
وقوليلها ادري ان هالطقم غالي عليج
وحبيت اخليه غالي زياده وسويته مفاجأه
اكيد بتستانس

 

[Some day]

وعلى فكره اهو ساعدج مثل ماانتي ساعدتيه لو انه يجذب ماكلف على نفسه وسوا لج قطم جديده وتعب وياج جان قالج مالي شغل وخلاج تتورطين صج بالعكس وقف وياج وساعدج زين منه سوا جذي :rerrerek:

مشكوره

النقطه هذي اهي اثبتت انه ما يجذب علي

انا مادري ليش البنات يقولون يجذب

لو يجذب جان ما كتب لي وصل امانه بقيمة 7000 دينار وانا معطته مجرد 1500

وترى انا سائله فيه محامي ووريته الوصل و قال لي نقدر نسحبه اذا مارد لج فلوسج

لو هو يجذب جان ما دلني على مكان شغله ولا عطاني عنوان بيتهم ولا عرفت اصلا عنوان عمامه

لو هو يجذب جان ما صور لي بطاقته المدنيه ورحت تاكدت من صاحبتي بالكمبيوتر باسمه و مسماه الوظيفي

لو يجذب جان ما سوالي طقم اختي بفصوص الماس اصلي و كلفه 7000 الاف مع ان الذهب مكلف اختي بس 1000

بعدين تساؤلات البنات كلها دارت في بالي انا ماني ياهل ينقص علي

رحت جييكت على الذهب بكذا محل و حتى على الالماس

لو يجذب جان ما كتب لي راهي المحل فاتورة بقيمة الذهب و مع الضمان

امبيه البنات شي مو طبيعي ارجوكم ركزوا معاي



على العموم انا راح اقول لكم اخر الاخبار اذا قدرت اشبك

دعواتكم بنات

مشكورين حبايبي ولا تضايقون اذا عصبت على اي وخده فيكم و شديت معاها بالحجي لاني صج ما احب احد يجذبني

بامكانكم تستفسرون بدون ما اسمع نبرة التكذيب وانا راح اجاوبكم بكل صراحه الا اذا حسيت المعلومه راح تكشف لكم هويتي ما راح اقدر اقولها


مشكورين

 

[عالمي انا غير]

حياتي لا تضايقين والله حاسه فيج مضايقة ومحتارة وحلج مثل ماقالوا البنات ياتصارحين اختج يا تسويلها مفاجئه لا تضايقين وانتي اختنا ومستحيل نتشمت فيج او نصير مع الدنيا عليج لا تضيقين نفسج ولا تلومين البنات من كثر ما سمعنا وشفنا قصص من الي حولنا صرنا ما نثق بأحد بس هذا مايعني مانصدقج لا والله انا ماشككت فيج وعموما اتمنى تقولي لنا شنو يصير معاج ولا تضيقين خلقج بتفرج ان شالله

 

[أنسأنة غير]

حبيبتي كل شي جااااااايز يمكن يكون صادق ويكون فارس احلامك انتي ماتدرين ع ربي وش مخبي بعدين
قوووووووولي لختك الصراحة

 

[وردة التراب]

حبيبتي انتي لا تتضايقين و لا شي و تأكدي بأن ربي بيوفقج و بيبعد الهم عنج لا تشيلين هم
و مثل ما قالو البنات قبلي صارحي اختج بالموضوع و ارتاحي و بالنسبه الى احمد فانا اشوف ان بإمكانه ان يزور جاركم و يكلمه بالموضوع و يقول له الحقيقه لان مافي افضل من قول الحق وهم اهو عنده دليل من الصايغ انه رهن الذهب في اليوم الفلاني و اخذهم في اليوم الفلان و بالغلط صاحبه حطهم بالسياره و بما ان جاركم رجال طيب و مانيته شر - لان الى الحين ما بلغ الشرطه عن سالفه الذهب و لا اخذ رقم سياره احمد - فأكيد بيصدقكم بس اهو شاك بالسالفه حالياً و اكيد ينتظر تفسير لوجود الذهب عندكم

 

[a7la 3rbaweya]

اهوا صادق معاج ما جذب عليج و اهوا شلون وقف مع اهله و اخته
و الي ما فيه خير لهله ما في خير للناس ..
بس انا احاتي لمن اتكلمين اختج !

احس انه صعبه أخاف ما تتفهمج
الافضل يا تقدمين لها هديه و تغلفينه و تعطينه ياه و تكتبين رساله و كلام حلو
بتستانس و الله

او تقولين لها نفس اقتراح العضوه الي قالت لج تقولين رفيجتي اجرته مني

و ربي يطمن قلبج .. 

 

[شيوختي]

حبيبتي انا راااي من راي خواتي انج تغلفينه وتقدمينه لها
والله يوفقج حبيبتي ويفرج همج

 

[برستيجي مآركة]

مدري شقوووولك والله من جد احس احترت بردي..مااقول غير ان كان هالاحمد فيه خير لك ربي يوفقك معه

وسالفة ذهب اختك انا مه احلى عربيه

 

[Om_Ksha]

انزين مو من اول شي كان بيخطبج !!
يوم تكلمج اخته !! عقب هالتطورات ليش ماخبطج !!

 

[ندى روحي]

لــــــــــــــــــــــــــــوول نفس تفكيري

والسالفه الثانيه احمد يقدر ياخذ طقم بـ 7000 ويقدر يدبر بهالسرعه فلوس فـ ليش اشتغل طراره من حصه؟

وثالث شي احمد قدر ياخذ الفلوس من سيارة جار حصه وماقدر ياخذ الذهب؟؟؟ لهدرجه الطقم ثقيل على احمد

بعدين حبوبه اوك بتصارحين اختج وبتسامحج اختج وانتهينا..مافكرتي بأحمد المقرود اللي خسر بسبتج

واهو وضعه صعب مو ناقص خساير...ماضاع حق وراءه مطالب سوي اللي قلت لج عليه

وتقولين جاركم يخاف الله فـ اكيد مارح يسكت راح يسئل او يسلم الذهب للمخفر [/size

فـ سوي اللي قلت لج عليه ورجعي لاحمد المسكين حلاله... وبس

عفوا حبيبتي لاتزعلين اذا ماصدقنا لان السالفه صج صج جنها فلم هندي

عفوا بس حبيت اعلق على سالفة ان قدر يشيل الفلوس والطقم لا

الفلوس بتنشال بالجيب ومابيقدر يشوفها جارهم اما الطقم مابيقدر يخشه بمكان ثاني فمن جذي ماشاله

وبينتظر ليمن يدش الجار ويشيله

 

[ندى روحي]

رايي من راي البنات غلفيه وسويلها مفاجاه

اكيد بتستانس خصوصا ان الماس

قوليلها شفت عندي فلوس قلت اغير حجر الطقم واركب الماس لاني اشوف الناس هابين بالالماس

ولا اخلي اختي غير عن الناس وخليتهم ينظفونه لج عشان يبين ان يديد خصوصا ان ياي عيد وناصفه


بتشوف نيتج طيبه بتفرح حتى لو كانت زعلانه


اما بسالفة المساعده يبختج انج ساعدتي بانقاذ انسان


الناس مو مصدقه من كثر مايسمعون بعيال الحرام والاعيبهم نسوا ان اصابيعهم مب سوا

وانتي مب صغيره اكيد فاهمه وماعتقد راح ينقص عليج بسهوله


اي صح ماتدرين يمكن اختج خاطرها بالالماس وانتي ماتدرين
اتمنى تتقبلين راييي

 

[المنقسي]

الله المستعان والله يفرج همج يااارب

 

[سامرينا]

الله يوفقج يارب ويكتب لج اللي فيه الخير انشالله

و سوي نفس ماقالوا البنات غلفي لها اياه وكتبي لها ورقه

 

[أو عبوش]

مادري


بس انتي عطيتيه الفلوس
وخذيتي منه وصل الامانه اللي ب 7000

ورحتوا مع بعض للصايغ وحط لكم الماس بدل الزركون



كل هذا كنتو مع بعض\



اشمعنى لمى يبي يعطيج الفلوس استحيتي تاخذينهم منه بيدج؟ وخليتيه يوصله مع رفيجه بنص الليل ويحطه داخل السياره؟؟؟؟





وايد نقاط موقادره استوعبها بالقصه

 

[وردة-الكويت]

انا ماعلي من ردج لي ولاهمني لكن مو اخته لمن كلمتج قالت لج بنجي انا وعمتي نزوركم عشان نتعرف على الاهل

تالي لمن اخته طاحت مريضه وسافرت وطلب منج الحبيب الغالي اقصد الطرار احمد فلوس اقترحتي عليه ياخذ من عمته

رد عليج وقالج ان عمته بينها وبين ابوه او امه مشاكل قبل لايتوفون وانها سكرت بوجهـه احمد التلفون وعصبت ورفضت

انها تساعدهم بعلاج اخته يعني هل معقوله انها موافقه تخطب حق احمد بس رفظت انها تساعد بعلاج اخت احمد !!!!!



في رد من ردودج قلتي انا اخذت طقم ذهب مال اختي وساعدت احمد عشان دفعه بلا عن اختي وعيال اختي وزوجها

عمر خيانه الامانه تصير دفعه بلا يااختي !!!


ومثل ماقلت قبل في ردي ليش مارحتي انتي واخذتي الذهب والفلوس من الاول ليش تنحط بلسياره !!!


وعسى ماشر كان احمد وقتها بلطبيب نايم ليكون اهو الي طلع فيه سرطان الثدي هههههه


لا اضحك وياج وروحي عطي اختج طقمها الجديد وفرحيها

 

[هيبة فتاه]

مادري بما انج حلفتي اكيد انا مصدقتج إختي بس انتي الحين شتبين بالذهب
بما ان احمد جاب لج ذهب بطراز احلى واغلى

 

[Miss Cherry]

ليش ما تقولين لاختج السالفة بس انه رفيجتج اللي مريضه ومحتاجه فلوس وانتي اخذتي ذهبها ويوم رجعته اخوها غلط بالسيارة .. بس لازم تتفقين معاهم اهو واخته


بعدين ليش اهو ليما الحين ماخطبج يعني شنو نوع العلاقة اللي بينكم الحين

الله يكتب اللي فيه خير بس اذا سالفتج صجيه بتفاصيلها والله خوش ولد احمد عريس لوووئطه :rerrerek:

 

[سكوتي بذوقي]

الله يكون بعونك اختي

ويارب يرجع الذهب بدون مشاكل

 

[دبه موت]

الله يوفقك يارب