في البدايه انا مشتركه معاكم بس غيرت نكي لان الستر زين!!
انا عمري 31 مو متزوجه و عندي خوات 3 اصغر مني متزوجات وبما اني الكبيره حسيت خلاص راحت على بس باعماقي احس ان ربي بيرزقني واحد يستاهلني
لاني بحياتي ما ضريت احد ولا احب اضر احد
اسمع نغزات من بنات عمي و بنات خالي اتعب نفسيا مو لاني ما تزوجت
اتعب لاني احس اني اقل من البنات
صرت انطوائيه ما احب اروح حفلات ولا عزايم بالغصب امي تاخذني ومرات اقفل على نفسي الدار واسوي نفسي اقرا اغطي عن اهلي ويكون عذري اني بقرا كتاب وماني رايحه العرس
تخيلوا عروس عيال عمي اللي المفروض انا اول وحده احضر ما احضر ودايما اعذاري جاهزه
ابوي يزعل علي واتعذر منه واحبه على راسه واستسمح منه بس عشان يرضي
وامي نفس الشي مابيهم يزعلون مني بس غصب عني ما اقدر
حطيت حرتي بالدراسه و كملت و خذيت ماجستير وعقب دراستي صرت انطوائيه اكثر بس ما ابين للناس يعني احط عذري الدراسه
على فكره انا انطوائيه في المجتمعات النسائيه بس بالمحاضرات و تقديم البحوث اكون وايد منطلقه
حتى اذا في مناقشات في الدوام وايد انطلق و اعبر بكل حريه
حتى الحين انا اكتب لكم قصتي وانا حاطه ايدي على قلبي خايفه من الكلام اللي راح اسمعه منكم بس ارجوكم ترى انا وايد حساسه بالاضافه اني وحده كبيره ارجوكم راعوا الشي هذا
ارجع لقصتي
صرت اتحاشى المجتمعات اللي يكون فيها تجمعات نسائيه خوفا من النغزات او الاحراج من السؤال اللي لازم اسمعه
فلانه ما انخطبتي؟؟
او الاقي نظرة عطف لما اشيل عيال اختي لما يبجون واسكتهم
اشوف كل الانظار على وانا اقرا نظراتهم اللي كلها رأفه بحالي
بعد ما انهيت دراستي صرت مينونة كتب صارت مكتبة جرير صديقتي واذا سافرنا عيوني طايره على المكتبات
ادش النت بس اقرا
بيوم كنت طالعه من مكتبة جرير و بيدي كتاب متلهفه اقراه حتى وانا طالعه رحت بسرعه لاقرب كافيه هادي وطلبت قهوه و بطلت الكتاب وقمت اقرا
وكان قاعد بالطاوله اللي جدامي شاب مبين من هيئته الثقه ابتسم لي وبس طنشته وقام من طاولته وسالني عن الكتاب
بالنهايه تعارفنا وانا والله اول مره اتعارف بالطريقه هذي
انا ما اعطي ويه لاي شاب
بس هذا طريقته كانت غير عن الشباب اللي احس باسلوبهم قلة ادب
خلوني اسمي الشاب هذا احمد
وانا بسمي نفسي حصه
مادري ليش جدام احمد صرت سهله او غبيه مادري اشلون اوصف الشعور هذا يمكن لاني احس اني محتاجه لرجل وهو كان بالنسبه لي ساحر
انا ماراح ادش بتفاصيل حديثي معاه لانها كانت سوالف عاديه عن كذا كتاب وعن جم موضوع بالنهايه قال لي ممكن اقدر اتواصل معاج
انا اخترعت وهو حس بس قام يبسط الموضوع و يقول لي انه يمكن يحتاج يستشيرني بشي وخصوصا لما عرف تخصصي
على فكره انا وياه تخصصنا له علاقه بالطب
علشان جذي انا نظرت للموضوع من ناحية ان احنا ممكن نستفيد من بعض وعطيته رقمي
بعد ايام دز لي مسج يسال عن اخباري دزيت له اني بخير
اشويه ولا يتصل ورديت عليه بس اللي صدمني
ردت علي بنت سلمت علي و قالت لي انا اخت احمد وترى احمد من 3 ايام ما عنده غير طاري حصه و حصه
وحتى عمتي تقول ذبحتنا بحصه يقول لها انتي ما شفتيها لو شايفتها راح تحبينها
اهي كانت منطلقه تسولف وانا منصدمه وساكته يادوب ارد
وكلمتني بكل صراحه وقالت اهو معجب فيج واحنا ودنا نيي انا و عمتى واهوا نتعرف على امج واذا عندج اي سؤال لا يردج الا لسانج
وقالت لي انه امها و ابوها متوفين بحادث من 10 سنوات و احمد اهو اللي ماسك البيت
وعندها خوات 2 اصغر منها
قالت ياليت تقولين لنا متى نقدر نيي؟ تقدر نيي باجر؟؟
قلت لها لا الوالد في المستشفى
قالت في المستشفي؟!!!!
سحب التلفون منها و قال اي مستشفى وقلت له وسالني شنو فيه قلت الضغط ارتفع عليه
المهم بنات انا مابي اطول بالسالفه احس قاعده اكتب تفاصيل مالها داعي بس شسوي مضايقه ومادري اشقاعده اقول
اللي صار ان اخته اللي كلمتني مريضه فيها سرطان بالثدي والسرطان النوع الفتاك
طاحت بالمستشفى واتصل على احمد يبجي يقول لي اختي بتموووووووت
قلت له ادعو لها
كانت ردودي وايد بارده
ويردد مره ثانيه تكفين حصوووه اختي اختي ارجوج اختي ويبجي
ارجوج ساعديني بدز اختي بره حالا (دوله اوروبيه) ارجوج ساعديني بس بالتذاكر وانا ارجع لج اياهم
قلت له ما عندي
قام يصيح و يترجاني ارجوج ارجوج حصوه اختي لازم تسافر حالا
قلت له ما عندي
قال اكتب لج بيتي باسمج
حسيته مينون لما قال جذي
قلت انت صاحي ولا شنو فيك
قال اختي حصوه ارجوج هذي اختي اقص من عمري و اعطيها
قلت وين عمامك يساعدونك
قال عمامي بينا مشاكل قديمه مع الوالد ومحد راح يساعدني حتى عمتي توني متصل عليها تقول انت ذبحتنا بمشاكلك و صكت التلفون بويهي
قلت هذي بنت اخوها اشلون جذي؟!! اهي ما تدري انها بتموت؟!! قال امبلا تدري
واهم اصلا بينهم وبين الوالد مشاكل قبل ما يتوفى يقول صدقيني انا ما ييت لج الا لاني ماعندي احد حتى ربعي محد عنده يسلفني
واهو يكلمني ويبجي بجي وقمت اصارخ عليه بس خلاص لا تبجي لا تبجي
يقول لي اختي بتموت اختي بتموت ساعديني
انا عمري 31 مو متزوجه و عندي خوات 3 اصغر مني متزوجات وبما اني الكبيره حسيت خلاص راحت على بس باعماقي احس ان ربي بيرزقني واحد يستاهلني
لاني بحياتي ما ضريت احد ولا احب اضر احد
اسمع نغزات من بنات عمي و بنات خالي اتعب نفسيا مو لاني ما تزوجت
اتعب لاني احس اني اقل من البنات
صرت انطوائيه ما احب اروح حفلات ولا عزايم بالغصب امي تاخذني ومرات اقفل على نفسي الدار واسوي نفسي اقرا اغطي عن اهلي ويكون عذري اني بقرا كتاب وماني رايحه العرس
تخيلوا عروس عيال عمي اللي المفروض انا اول وحده احضر ما احضر ودايما اعذاري جاهزه
ابوي يزعل علي واتعذر منه واحبه على راسه واستسمح منه بس عشان يرضي
وامي نفس الشي مابيهم يزعلون مني بس غصب عني ما اقدر
حطيت حرتي بالدراسه و كملت و خذيت ماجستير وعقب دراستي صرت انطوائيه اكثر بس ما ابين للناس يعني احط عذري الدراسه
على فكره انا انطوائيه في المجتمعات النسائيه بس بالمحاضرات و تقديم البحوث اكون وايد منطلقه
حتى اذا في مناقشات في الدوام وايد انطلق و اعبر بكل حريه
حتى الحين انا اكتب لكم قصتي وانا حاطه ايدي على قلبي خايفه من الكلام اللي راح اسمعه منكم بس ارجوكم ترى انا وايد حساسه بالاضافه اني وحده كبيره ارجوكم راعوا الشي هذا
ارجع لقصتي
صرت اتحاشى المجتمعات اللي يكون فيها تجمعات نسائيه خوفا من النغزات او الاحراج من السؤال اللي لازم اسمعه
فلانه ما انخطبتي؟؟
او الاقي نظرة عطف لما اشيل عيال اختي لما يبجون واسكتهم
اشوف كل الانظار على وانا اقرا نظراتهم اللي كلها رأفه بحالي
بعد ما انهيت دراستي صرت مينونة كتب صارت مكتبة جرير صديقتي واذا سافرنا عيوني طايره على المكتبات
ادش النت بس اقرا
بيوم كنت طالعه من مكتبة جرير و بيدي كتاب متلهفه اقراه حتى وانا طالعه رحت بسرعه لاقرب كافيه هادي وطلبت قهوه و بطلت الكتاب وقمت اقرا
وكان قاعد بالطاوله اللي جدامي شاب مبين من هيئته الثقه ابتسم لي وبس طنشته وقام من طاولته وسالني عن الكتاب
بالنهايه تعارفنا وانا والله اول مره اتعارف بالطريقه هذي
انا ما اعطي ويه لاي شاب
بس هذا طريقته كانت غير عن الشباب اللي احس باسلوبهم قلة ادب
خلوني اسمي الشاب هذا احمد
وانا بسمي نفسي حصه
مادري ليش جدام احمد صرت سهله او غبيه مادري اشلون اوصف الشعور هذا يمكن لاني احس اني محتاجه لرجل وهو كان بالنسبه لي ساحر
انا ماراح ادش بتفاصيل حديثي معاه لانها كانت سوالف عاديه عن كذا كتاب وعن جم موضوع بالنهايه قال لي ممكن اقدر اتواصل معاج
انا اخترعت وهو حس بس قام يبسط الموضوع و يقول لي انه يمكن يحتاج يستشيرني بشي وخصوصا لما عرف تخصصي
على فكره انا وياه تخصصنا له علاقه بالطب
علشان جذي انا نظرت للموضوع من ناحية ان احنا ممكن نستفيد من بعض وعطيته رقمي
بعد ايام دز لي مسج يسال عن اخباري دزيت له اني بخير
اشويه ولا يتصل ورديت عليه بس اللي صدمني
ردت علي بنت سلمت علي و قالت لي انا اخت احمد وترى احمد من 3 ايام ما عنده غير طاري حصه و حصه
وحتى عمتي تقول ذبحتنا بحصه يقول لها انتي ما شفتيها لو شايفتها راح تحبينها
اهي كانت منطلقه تسولف وانا منصدمه وساكته يادوب ارد
وكلمتني بكل صراحه وقالت اهو معجب فيج واحنا ودنا نيي انا و عمتى واهوا نتعرف على امج واذا عندج اي سؤال لا يردج الا لسانج
وقالت لي انه امها و ابوها متوفين بحادث من 10 سنوات و احمد اهو اللي ماسك البيت
وعندها خوات 2 اصغر منها
قالت ياليت تقولين لنا متى نقدر نيي؟ تقدر نيي باجر؟؟
قلت لها لا الوالد في المستشفى
قالت في المستشفي؟!!!!
سحب التلفون منها و قال اي مستشفى وقلت له وسالني شنو فيه قلت الضغط ارتفع عليه
المهم بنات انا مابي اطول بالسالفه احس قاعده اكتب تفاصيل مالها داعي بس شسوي مضايقه ومادري اشقاعده اقول
اللي صار ان اخته اللي كلمتني مريضه فيها سرطان بالثدي والسرطان النوع الفتاك
طاحت بالمستشفى واتصل على احمد يبجي يقول لي اختي بتموووووووت
قلت له ادعو لها
كانت ردودي وايد بارده
ويردد مره ثانيه تكفين حصوووه اختي اختي ارجوج اختي ويبجي
ارجوج ساعديني بدز اختي بره حالا (دوله اوروبيه) ارجوج ساعديني بس بالتذاكر وانا ارجع لج اياهم
قلت له ما عندي
قام يصيح و يترجاني ارجوج ارجوج حصوه اختي لازم تسافر حالا
قلت له ما عندي
قال اكتب لج بيتي باسمج
حسيته مينون لما قال جذي
قلت انت صاحي ولا شنو فيك
قال اختي حصوه ارجوج هذي اختي اقص من عمري و اعطيها
قلت وين عمامك يساعدونك
قال عمامي بينا مشاكل قديمه مع الوالد ومحد راح يساعدني حتى عمتي توني متصل عليها تقول انت ذبحتنا بمشاكلك و صكت التلفون بويهي
قلت هذي بنت اخوها اشلون جذي؟!! اهي ما تدري انها بتموت؟!! قال امبلا تدري
واهم اصلا بينهم وبين الوالد مشاكل قبل ما يتوفى يقول صدقيني انا ما ييت لج الا لاني ماعندي احد حتى ربعي محد عنده يسلفني
واهو يكلمني ويبجي بجي وقمت اصارخ عليه بس خلاص لا تبجي لا تبجي
يقول لي اختي بتموت اختي بتموت ساعديني
