يالله بنات نبي نضعف ---- منو معانا ؟؟؟ 10/2/2007 تم الاقفال

[الغنادير]

رد: يالله بنات نبي نضعف ---- منو معانا ؟؟؟

السلام عليكم ورحمة الله وبركاااته

يسعد ربي صباحكم ومساكم خواتي

شخباركم وشخبار رجيمكم

DaBDoBa

ليش يا حبيبتي هالانتكاسه اكيد كنتي مسويه حرمان لنفسج في يوم اذا ودج تاكلين من اكل البيت سوي نفس ماسويت يوم الجمعه
كثرت من السلطه وحطيت لي كم ملعقه من مجبوس الربيان والحمدلله شبعت
أخر مره :eh_s(14): عشان نتشع ومايصيدنا احباط

وكل البنات الي انضموا لنا حياكم الله وننتظر يومياتكم

أما عن نتيجتي

ركبت على الميزان وانا قلبي بيدي وافكر شنهي النتيجه

:eh_s(4):

هدوووووء عشان تسمعون النتيجه

للأمانه أنا بديت التخفيف من 6 يناير 2007

ولي اليوووم 13 يناير 2007

نزلت اربعه كيلو في 8 ايام :eh_s(9):

وإن شاء الله في زياده ومايصيدني احباط :eh_s(22):

والفال للجميع وننتظر نتايجكم ​

 

[Brounzi_girlly]

رد: يالله بنات نبي نضعف ---- منو معانا ؟؟؟

ما شاء الله تبارك الرحمن
الفال للجميع آنا بديت تخفيف من اليوم سوري على التأخير على نهاية الأسبوع أحط شكثر نزلت
مع تحيااااااااااااااااااتي..............​

 

[@ الرسامة @]

رد: يالله بنات نبي نضعف ---- منو معانا ؟؟؟

Brounzi_girlly
بانتظارج


الغنادير
ماشاء الله الله يهنيج يارب ونطري نتيجتي


DaBDoBa
افا والله افا عاد انا متوقعتج اقوى من جذيه !!!
لاتقطين السالفة على الدورة ترى انتي اقوى منها
بس يبيلج ارادة



jolie_q8
هااااااااا ؟؟؟ اشصار عليج ؟؟؟؟
ماشاء الله ملتزمة



على نيتي
يالله نبي نتيجة الميزان


لوميه
بانتظارج


bent-eldera
بالتوفيج ومتشوقين ليومياتج


شيهانة
الرياضة احسن حل بالنسبة لج


سمسميه
غريبة !!!!!!!!!!!!!!!
انتي متاكدة ان هذا نظام دايت !!!!!!!!!!!!!! الله يستر​

 

[سمسميه]

رد: يالله بنات نبي نضعف ---- منو معانا ؟؟؟

الرسامه
اي والله الدكتور عطاني ورقه فيها جدول باممنوعات والمسموحات
وزاد لي عليهم تمر وتفاح اخضر وعصير اناناس كي دي دي بيس هذا ولا مره شربته
يعني الي امتنعت عنه الشكر والخبز مع بعض انواع الخضار مثل الذره والجزر والشمندر + الثصلصات الجاهزه للسلطه و هالسوالف

ما منعني من الدهن قال لي عادي بس لازم يكون زين القلي زيت عباد الشمس
وقال لي كمية الاكل تكون حتى الشبع
وبعد قال لما ايوع بين الوجبات اقدر اكل جبن او سلطه

انا ملتزمه بتعليماته ميه بالميه بس يمكن غلطتي البقسماط ومن هالاسبوع انشالله بحاول ابتعد عنه
ونسيت لا اقول انه عطاني مكمل غذائي اهو حبوب الاناناس و فينامين اوميغا3 وزيت السمك هذا اليوم بديت فيه بس شكلي ما راح اكمله لانه يقلب جبدي
موعدي مع الدكتور بعد اسبوعين وانشوف اشصار

 

[@ الرسامة @]

رد: يالله بنات نبي نضعف ---- منو معانا ؟؟؟

السلام عليكم


نتيجة هذا السبت


بديت رجيمي من الاثنين اللي فات الى هذا اليوم السبت
يعني 6 ايام

وللامانة ماخربطت والتزمت عدل حتى بالعطلة


واليوم قايست


والنتيجة



نزول وزني كيلوين ونصف




الحمدلله نعمة



بالتوفيج لباجي البنات


راح اعيد ترتيب الاسماء مع وضع الكيلوات المفقودة عند اسم كل وحدة الليلة باذن الله

اتمنى ان الكل يحط عدد الكيلوات المفقودة


@ الرسامة @

 

[الطموحه]

رد: يالله بنات نبي نضعف ---- منو معانا ؟؟؟

اشلونكم يالرشيقات؟؟؟​

:eh_s(8):
DaBDoBa هذا اهو الرجيم -عليج نور- صح اهو قديم لقيته بمكتبة امي
وعجبني اسمه هوليوود وقريت المقدمه كانت فيها تجربة جودي -المؤلفة- وتجارب الناس واقتنعت فيه صح كلامتج متعب بس اذا قريته اتشجع
يااااااااا بناااااااااات ابي اضعف لاني جربت رجيمات وايد واضعف واردهم بس هالمره ان شاء الله غير:eh_s(17):
@الرسامة@ مشكورة حبيبتي وما قصرتي ومبرووووووووووك وان شاءالله الى الامام دووووم
انا بديت من يوم الاربعا((يوم خلصت امتحاناتي))واليوم شفت وزني نازله 3كيلووات الحمدلله
الفال للجميع ان شاءالله
واليوم بس اعلف بهالتفاح من الصبح
وباجر اناناس بس يعني لازم اصبر نفسي اشوي الله كريم
وبالتوفيق:eh_s(7):

 

[رواحل]

رد: يالله بنات نبي نضعف ---- منو معانا ؟؟؟

شلونكم بنات وشلون النزول
انا الحمد لله نازله كيلو
واصلا انا مابديت الرجيم الا متاخر
وان شاء الله من اليوم بابدى رياضه والله كريم
وانا وايد مرتاحه من رجيمي احسه موحرمان الحمدلله

 

[Maneena Manaana]

رد: يالله بنات نبي نضعف ---- منو معانا ؟؟؟

الغنادير والرساامه .. مشكووورين عالتشجيع .. بس لا تخاافون علي لول .. ليلة وعدت الحمدلله .. اليوم ردت لي اراادتي وعزييمتي .. والله امس عشان اوقف اكل .. قلت حق زوجي برووح اناام لا اكلك انت بعد .. ورحت نمت بعد ما هفييت اللي اكو وماكو ..

الغنادير .. ترى انا مو حارمه نفسي..كل شي ااكل بس مادري تييني عراات .. يمكن لاني امس متغديه تونة وسلطه .. التونه تيووع مع الدورة بعد .. كملت

المهم .. ما علينا .. اللي فات مات
اليوم من الصبح شربت ماي بس ما تريقت قلت بعااقب نفسي وباكل فااكهة الحين .. والغدا .. بما ان اليوم السبت . يعني عطله فنروح مطعم .. عااد مادري وين بنروح بس طلبي معروف سلطه ودياي مشوي

اوافيكم بالتفااصيل لاحقا ان شاء الله

وبالنسبه لوزني ان شاء الله يوم الاثنين اقيس لاني حاالفه اني ما اقيس الا يوم الاثنين (بداية الاسبوع عندنا) لاني من النوع اللي كللل يوم اركب عالميزان وساعات ما اضعف فيصييبني احبااط .. فخليتها من اثنين لي اثنين

واللي ضعفت ... ان شاء الله الاسبوع الياي مثلهم وأكثر بعد .. شدوو حليكم
وان شاء الله مافي احد ما ضعفله حتى لو جم جرام

 

[jolie_q8]

رد: يالله بنات نبي نضعف ---- منو معانا ؟؟؟

السلام عليكم

انا بديت يوم الثلاثاء 9-1-2007

ولليوم ولله الحمد نزلت كيلوين ...

ووايد مرتاحه من هالنتيجه اللي انحرمت منها شهرين تقريبا !!

لان صج وزني ثبت ويالله بالاسبوع انزل نص !


وبالنسبه لليوم


الريوق : صمونه صغيره + بيضه + جزر وفلفل بارد وخس + شاي حليب

الضحى : نص موزه

وباجي المنيو احطه بالليل

ويارب استمر هالشهر واكون نازله 7

 

[سمسميه]

رد: يالله بنات نبي نضعف ---- منو معانا ؟؟؟

النتيجه
النزول 2 كيلو ونص !! كنت متوقعه النزول اكثر!!

الريوق
ما تريقت
الغدا
حمسة دياي وبيبسي دايت مع حلقات بصل

العشا
همبرجر وطماط ودايت مع حلقات بصل

بنات وزني مو قاعد ينزل مضبوط شسوي؟
يعني انا لما كنت اسوي رجيم عادي واكل خبز وكل شي كنت انزل اول اسبوع فوق 3 كيلو
الظاهر هالرجديم ما يناسبني!
شسوي؟ لازم اضعف قبل لا يرد زوجي من السفر لانها مسالة حياة او موت وهو مسوي رجيم هناك وضاعف وايد
ساعدوني

 

[ظمأ الوجدان]

رد: يالله بنات نبي نضعف ---- منو معانا ؟؟؟

واللة لو اسوى رجيم الدنيا ماراح اضعف

 

[Maneena Manaana]

رد: يالله بنات نبي نضعف ---- منو معانا ؟؟؟

سمسميه .. اقوول لج ليش مو مضبوط ؟؟ مع ان 2 ونص الحمدلله نعمة
بس حلقات بصل وحمسة دياي والعشا همبورجر وحلقات بصل بعد .. مادري واايد دهن احس بنفس اليوم..

جولي الحمدلله انج نزلتي ومرتااحه وان شاء الله بأخر الشهر نازله ال 7

انا بطلع الحين بنروح مطعم يوناني .. الله يستر

 

[لوكريسيا]

رد: يالله بنات نبي نضعف ---- منو معانا ؟؟؟

شلونكم بنوتات مع الريجيم .. و شمسوين مع المغريات ؟؟؟

انا ريجيمي كل يوم نفس الشي لمدة 10 أيام و مابي كل شوي أوزن أخاف انصدم ...

الريوق كان : ربع خبزة سمرا - بيضة مسلوقة - جبنة كيري وحدة - حليب - سلطة .

الغدا كان : سلطة - شوربة خضار - نص كوب عيش أبيض - سمك مشوي .

زرقت شوية العصاري ( بسكوت أوريو و قهوة تركية )

العشا ( قاعدة أتعشا ) : تفاحتين - كوب حليب.

 

[لوكريسيا]

رد: يالله بنات نبي نضعف ---- منو معانا ؟؟؟

سمسمية .. اسم الله عليج .. لا انشالله تضعفين و تصكين على ريلج بعد

 

[@ الرسامة @]

رد: يالله بنات نبي نضعف ---- منو معانا ؟؟؟

نتيجة السبت الاول

@ الرسامة @---------- نزلت 2.5 كيلو
سمسميه -------------- نزلت 2.5 كيلو
على نيتي
مستشاره قانونيه
عرووووس الكون
jolie_q8 ------------- نزلت 2 كيلو
faty lady
الغنادير ------------- نزلت 4 كيلوات
DaBDoBa
رواحل--------------- نزلت 1 كيلو
bent-eldera----------- نزلت 3 كيلوات
لوكريسيا
لوميه
صمت الهدوء
بطاطا
dima
أم أوراد
نور النت
تفاخيه مبطوطه
ShaYoMa
Brounzi_girlly



وننتظر نتيجة باجي البنات


@ الرسامة @​

 

[لوميه]

رد: يالله بنات نبي نضعف ---- منو معانا ؟؟؟

صباحو بنات

امس السبت

مشيت مضبوط

ماشاء الله ... اخاف احسد روحي ...

المشكله ما وزنت مخليه بنطرون مقياس لي ... بقيسه بعد اسبوعين .... ما حب اوزن ولا ابي اوزن

الا بعد ما اقرر بنفسي ... ما بي احباطات .....

بس شنووو المشكله اني احس ابي شي حلوووو ورجيمي مافيه حلووو
والاغراءات وايده

بس اهم شي الاراده حاطه صورة وحده متينه تلوع الجبد جدامي ... وكاتبه الاكل يسوي جذيه ... واي شالقرف ... ودي احطها لكم تشوفونها يمكن تنسد شهيتكم عن الاكل ....​

 

[Featured Lady]

رد: يالله بنات نبي نضعف ---- منو معانا ؟؟؟

مبروك للجميع على الكيلوات اللى قطيتوها
حبيبتى الرسامة
ممكن تقولين لنا شنو رجيمج بالضبط الست الايام اللى فاتت ونزلتى فيها
وعسى ربى يثبتج على الرجيم وينزلج اكثر

 

[@ الرسامة @]

رد: يالله بنات نبي نضعف ---- منو معانا ؟؟؟

يومياتي ليوم السبت

الريوق
حبتين شابورة من الفيصل + ملعقة كبيرة من الجبن ( ابيض مالح )


الغذاء
3 ملاعق ارز + صدر دجاج + صحن كبير من السلطة


السناك
دايت + قطعتين من الكوكيز

العشاء
بوفيه سلطة مشكلة + دايت

قبل النوم
تفاحة


ولنا لقاء معاكم

 

[@ الرسامة @]

رد: يالله بنات نبي نضعف ---- منو معانا ؟؟؟

فنن رجعي لليوميات

ترى رجيمي من كيفي ومشتهاتي

وايد حلو ومتنوع

 

[غاده]

رد: يالله بنات نبي نضعف ---- منو معانا ؟؟؟

السلام وانا بعد ببدي وياكم انا كل يوم اسوي الاتي
الريوق
كلاس حليب او شاي حليب قلبل الدسم +توست اسمر وجبنه مربعه
الغدا
بروتين+خضار(يعني مجبوس دياي اخذ الصدر مع سلطه واسكببببببب العييش يا ويلي)
العصر
دايتاو عصير اناناس او شاي
العشاااااااااااااااا
ملغي من الساعه 7ادري ادري والله حاسه فيكم.......اغلقه