ياااارب فرح اللي بتساعدني بخبر تسجد منه باكيه .... التهاب مكان الحفاظ قلبي تقطع

[مطرها يسبق رعدها]

ولدي قطع قلبي من كثر مابكا

ابي حل فوووووري للتهاب الحفاظ صاير احمررررررر


انا احط له دايما سودو كريم بس اول مره يلتهب

واذا ابي انظفه يبكييييييييي ماقدر اتحمل ابي حل سحرررررر

تتوقعون وش السبب لاني اغير الحفاظ كل ساعتين او ثلاث واحط سودو كريم بعد كل مره اغير الحفاظ

تهقون من المناديل المنظفه ؟؟ لاني غيرتها


والحفاظات بامبرز

انتظرررركم

 

[c a t w o m a n]

غيري الحفاظ و لا تستخدمين مناديل التنظيف خلج عالماي فقط بدون صابون

صار بنتي نفس الشي ريولها ما تقدر تجفسهم خنت حيلي مافي شي ما جربته من الدكاترة

بي أقولج شنو قمت اسوي


النشا ما يهد الحفاظ

أييب النشا وكل ربع ساعة أرد أحط نشا ما أخلي المنطقة دبقة

أستمر جذي حتى وقت النوم راح تلاحظين الجلد الملتهب يهدى شوي يلتئم

إهني ابدي حطي ميبو

و خلج عالميبو والنشا لغاية ما تشوفين رد طبيعي اهني ردي عالسودو كريم

وقبل لا ينام حطيله ميبو خوفج يطول بنومة الليل سمالله عليه وما تبين تقعدينه فآخر كريم تحطينه. قبل النوم الميبو


والحفاظ أنصحج ب ليبرو ممتاز


وما يشوف شر وليدج انشالله

 

[c a t w o m a n]

نسيت أذكرلج شغله

لما تغسلينه راح تلاحظين جلده حار


الماي لا يكون حار خل يكون بارد

وإيدج لما تمسحين المنطقه لا تشدين عليها راح يتعور خلج عالطبطبة

ماني عارفة أشرح بس انشالله تكونين فهمتي علي

 

[ام اغلى الناس]

سلامته
عاد سودو كريم حلو للالتهابات
زين باقولج
غسليه بصابونة سيباميد للاطفال طبيه بعدين نشفيه عدل بكلنكس او فوطه بعدين
ادهنيه سودو كريم او مرهمين يوصفهم لج الدكتور بأي مستشفى حكومي؛ نسيت اسمهم هم فيهم كرتيزون ينخلطون مع بعض وينحط ع الالتهاب
او بنات المنتدى يمدحون النشا
او جربي الميبو
جربيهم بالترتيب لين يروح الالتهاب
و هويه شوي كل يوم
شيلي عنه الحفاظ تتهوى المنطقه
و غيري الحفاظ
انا احب ليبرو وبسسسسس
يجنن جربيه

 

[النبع المتدفق]

خليج من الصيدليات وكريماتهم وغسولاتهم وطيراااااااااااااااان ع المستوصف
يصرف لج ألفاكورت وميكوستات خلطيهم من بعض بقميه متساويه تقريبا ومن ثاني يوم من الإستخدام الإلتهاااااااااااااااااااااااااااااااااااااب يختفى ثلاث أرباعه

ولاتنسينا بالدعوه الطيبه

 

[مواصله]

ابشري بسعدج

انا كنت مثلج شوي وابجي على ولدي متقططع من الالتهاب ومابقى كريم ماجربته


كريم اليكا ام قالي الصيدلي انه سحري وفعلا ماشاءالله 3ايام بالكثير واختفت الاتهابات

وهذي صورته

 

[ام الحلوااات]

غـــيـــري الــحـــفـــاظ بـــامـــبــرز مـــو حــلـــوه كــلــش
لا تــسـتـخــدمـــيــن الــمــنــاااديـــل الــمــبــللـــه الــمــعـــطــره ابـــدآ ابـــدآ حــتــى لــو تــشـــافــى

افــضـــل حــل وعــن تــجــربــه زيــــت الــزيــتـــون غـــرقــــي مــنــه الــمــنــطـــقــه الــمــتــســلــخـــه
واســتــخــدمــيــه بــكــل تــغــيــر حــفــاظ
يـــوم واثــنــيــن واربــعــه بــس انــتــي اســتــمــري
لانــه الــحــل الــوحــيــد اللــي لــقـــيــنـــه بــعــد مــعــانــاه شــهــريــن مــع بــنــتــي​

 

[نـور الكويت]

سلامته بعد قلبي

غيري حفاطته انا ولدي صار معاه جذي ليبرو يهبلوون مريحات وطبيات

وديته مستوصف الامل عند انتصار وعطتني غسول له وكريم وماشاءالله تبارك الرحمن راح

فضيع وريح الجاهل حييل احطه مرتين صبح وبالليل و وبينهم احط سودو كريم

هذا الغسول

هذا الكريم

صدقيني رووعه والله العظيم جربته لولدي

وحاولي تغسلينه بماي يكون شووي دافي يقتل البكتيريا ويعقم المكان

ومايشوف شر


*

 

[tmtmt]

ماتشوفون شر


عن تجربه طبعا
جربت كل شي سودو كريم + نشا + كريمات من الصيدليه


مافااااد معاها الا

الزيت ( دهن الاكل الي نطبخ فيه )

احطه فباديه واحط قطن بالباديه انقعها وامسح على مكان الالتهاب والبسها الحفاظه
مرتين باليوم وبتشوفين الفرق ان شاءالله

 

[ام شوق والعنود]

حبيبتي نظفي المنطقه بصابون غير معطر
بعدين زيت زيتوووون
ثم النشااااااااااااء وكبيه كب وخليه يتهوى بدون حفاظ
بعدين ألبامبرز زفت خلك عال بيبي جوي

 

[Cherri!]

عليج بالنشاء بعد كل تغيير حفاظ
تكون المنطقه مغسوله بماي بارد = عادي
ومنشفه المنطقه بطبطبه خفيفه
عقب حطي النشا ومسحي شوي شوي على مكان الاتهاب
هذا اللي اسويه بولدي والحمدلله

 

[ام الكبتن ماجد]

مايشوف شر
اول شي غيري الحفاظ
انا ولدي قبل بامبرز ودايم المنطقه متصلخه
غيرتهم لدارنلجز والحمدلله ركبت عليه..
واذا صار معاه او زليغه من الاسهال تكرمون
احطله نشا اول مايقوم من النوم وقبل النوم
وميكستات والفكورت كريمات من المستوصف..

لاتغسلينه بالصابون كلش عليج بالماي بس

وماله شر يارب

 

[اترجة]

أختي نشا النشا النشا يكون حاطتة بالثلاجة عشان يكون بارد شي عجيب النشا سبحان الله وحدة بوحدة

 

[حصيصه ام قصيصه]

مايبيله بامبرز يجيب الالتهابات معروف انصحج بامبي وبعدين لا تاخذين حفاظاتج من اماكن مثل بقالات اوغيرها من اسواق شعبيه ترا منتهيه انتبهي صارت فيني وطالما الحفاظات مو زينه ماراح ينفع معاج اي كريم علاج صدقيني اهم شي الحفاظات وانصحج بالبودر القديم مال الاطفال الازرق اللي عليه صوره بيبي بدون عطور يبرد عليه حطيه فوق الكريم وخليه مده بدون حفاظه الله يحفظه لج وتطمنينه عليه

 

[kaboOOOOOOOOsa]

كريييييييييييييييييييييم ميبووو وا\ا تستعملين بامبرز غيريه اخ\ي موني او ليبرا ابرد شي حق اليهال

 

[مواصله]

صاجين البنات البامبرز يسبب التهاب ويسرب بعد بيبي جوي حليو

 

[مرت بوعلي]

:


حبي لازم تنشفين المنطقه عدل وحطي كريم ( الراعي ) والله وحده بوحده وعن تجربه

وأحسن مناااااديل ( مناااديل جونسون )





وسلامات مايشوووف شر

:

 

[mooni79]

لطخيه بفازلين كثر ماتقدرين خصوصا قبل النوم ؤبالنهار حظي كريم الحفاظ اللي بالجمعيه بارد عالمكان وغيري حفاطاته

 

[مطرها يسبق رعدها]

مشكوريييييييييين فديتكم ماقصرتو

كفيتو ووفيتوو

والله يوفقكم ويسعدكم وحده وحده والله لايهينكم

 

[ايطاليه]

والله اخذيها مني اسعملي كريم اصفر بابيض اسمه بيما فكورت اهو وايد قوي اول يومين استعمليه بروحه بعدين خلطيه مع ميبو وهذا كلام الصيدلي والله من ثاني يوم يروح

وغسليه بس بماي اذا ملتهب حاليا وغيري بامبرز ماحبه كلش موزين انا استعمل حق عيالي دارلينغ ومرتاحين عليه الحمدالله

والله يشافيه ان شاالله