ياااارب فرح اللي بتساعدني بخبر تسجد منه باكيه .... التهاب مكان الحفاظ قلبي تقطع

[الماسة سودة]

حبيبتي والله ولدي لدرجة يطلع دم يعور القلب اول شي لاتغسلينة بصابون حرام ولامناديل جونسون في مناديل سيباميد بالزيت يهبلون نظفية فيهم وعقب بس بماي وحطي ميبو غرقية يومين ومافية الاالعافية مرة ميبو ومرة سودو ويارب يخليه لج ويحفظة

 

[رقة أحساس]

م قصروا البنات بس المهم نشفي الطفل بعد
م تغسلينه و غيري نوعية الحفاظات جربي
فيكسز

 

[!! شوق !!]

اتركي المناديل غسليه بماي ونشفي عدل عدل بفوطه

والنشا

 

[طيبة83]

انا استعمل بيبانتين للالتهابات وايد زين

وغيري له البامبرز اخذي سايز اكبر منه شوي عشان ما يصير ضيق عليه

 

[جنى ولمى]

ماقصروا البنات كالهم الله يعطيهم العافية بس جربت كريم دكتورينا أو حول هالكلمة ويكون لونه أخضر وأبيض وحده بوحده طبعا من الصيدلية وأنا مع البنات اللي قالوا غيري الحفاظ أفضل شيء أستخدمها لبناتي بيبي جوي ...

 

[مطرها يسبق رعدها]

تسلمووووووون ماقصرتوووووووو

جربت الميبو عجييييييييب وحده بوحده مشالله

 

[فكرة]

يااختي ريحيه من الحفاظ خليه يتهوى ..
اذا انه مابعد يحبي حطيله بلاستك تحته وحطيه يتشمس في الصباح الباكر او عند الغروب ..
واذا يمشي روحي معاه مكان يرتاح من الحفاظ مثل حديقة البيت او السطح ..
مع استعمال العلاج .. الى ان يزول الالتهاب .

 

[نور الفجر2]

حبيبتي ولدي جاه مثل ولدك لدرجة خروج دم صار جروح
المهم حكيت نشا وجربت جميع انواع الكريمات وأقواها ما نفع مثل هنا لحركه اللي قالت لي عليها الدكتوراه
قالت خليه باليل بدون حفاظ وافر شي تحته اي شي عشان ما يتسرب ع الفراش الله يسعدها سويتها اول مره وخف كثير وبس مرتين وراح الالتهاب

 

[غرور الشوق]

حبيبتي استخدمي صابونة الرقي تلقينها بالعطار ابشريها وخليها بعلبه عند الحنفيه وكل مره غسليه فيها ويعد ماتجففينه بالفوطه طبعا بالطبطبه عليه حطي نشا وحده بوحده يوم يومين وشوفي النتيجه ولا كريمات ولا مناديل ولا خرابيط شي مجرب وراح تدعيلي

 

[sa.rona]

عور قلبي ي حبيبي
سمعي انا طريقتي بولدي كان نوع الحفاظ بامبرز وكان ماشي معاه بس راقبت اذا صار معاه اسهال المنطقه عنده بسرعه تلتهب وتحمر حيييل لانه بامبرز فيه ماده جل اللي تمص البول وانتي بكرامه هالماده حاااره ع الجلد فقررت اغير الحفاظ واستخدمت بامبي لانه قطن والجل اللي فيه قليل مو مثل بامبرز
اول شي غيري الحفاظ وخليه بامبي
المناديل ماااا استخدمها كلللللش كلللللش لانها معطره افضل شي الماي وانظف بعد
اذا التهبت المنطقه كنت استخدم النشا وسودوكريم ووووو بس احلا حل هو المستوصف ع طول واقول ابي كريم الخلط لمكان الحفاظ هذا احسن حل يبرد عليه ويهديه ومن 3 يووم مافيه الا العافيه

استخدمي بامبي والماي وكريم الخلط ومافيه الا العافيه ان شاءالله

 

[KOKO_284I]

الكلينكس المعطر حيل مؤذي للطفل

وفي كريم اسمه زينكو لون علبةه ورديه بالصيدليه حيل مفيد للالتهاب