يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تشجيع

[^ليلاس^]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

اسلوووبج حلوو

تونس القصه

يسلموووووو

 

[pinky72]

يسلمو على القصة ولا يوقف

 

[امواج الكويت]

روايتج حدها عجيبة وتضحك

 

[Zen&7ala]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

تونس القصه مشوقه و الاسلوب عجيب مشاءالله حسيت اني معاهم

ناطرينج لا تطولين علينا

 

[FiOnKa]

أمبيـــه القصة تووونّس حدهاا ,, كملي ناطرينج ,, و بليز نزلي اكثر من بارت باليوم ; )

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

لووووووووووووووووول


يذكروني برفيجاتي بس آحنــآ عآد نتكلم عن هالآمور بغشششمره وما ننآقششها مع آمهـآتنا !!

وي فشششله :$


قصصصصصصه عجييييبه حبيبتي ..

ومتآآآبعه آكيييد ..


آهم شي لا تقطعين علينــآآ : ) ..

لووووووووووووول .. لا بنات اللحين حتى على راس ابوهم يحنون ...


و حباج نورتي ...

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

هههههههههههه امبيه الصراحه القصه تهبل هههه
عاد ان شاءالله انخطبوا

شكرا حبيبتي

الاحداث ياية و اكيد بتصير تغيرات تصدمج ..
و حياج

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

عجيييييييييييييييبهـ ... ننطررررر آلبآآآآرت

حياج ومنوره

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

هههههههههههههههههههههههه


بصرآحه القصه وآقعيه


ذكرتيني ببنآت خآلتي ربي يرزقهن الزوج الصآلح وكل بنآت المسلمين اللي يبن الستر

حبيبتي لآ تتأخرين علينآ

وجودج الاحلى

والله يرزقهم يارب ....
وحياج

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

اسلوووبج حلوو

تونس القصه

يسلموووووو

الله يسلمج ...
و حياج منوره

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

يسلمو على القصة ولا يوقف

الله يسلمج
وحياج منوره

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

روايتج حدها عجيبة وتضحك

تسلمين ياقلبي ...
ومنورة حياج

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

تونس القصه مشوقه و الاسلوب عجيب مشاءالله حسيت اني معاهم

ناطرينج لا تطولين علينا

حياج ومنورة ...
وان شاءالله بنزل البارت بعد دقايق

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

أمبيـــه القصة تووونّس حدهاا ,, كملي ناطرينج ,, و بليز نزلي اكثر من بارت باليوم ; )

نورتي الصفحة وحياج ... وان شاءالله بحاول .. بس على البارتات الاخيره لأن البارتات الاولى في تغيرات بالاحداث وكل بارت راح يغير البارت اللي قبله ..نطورا شووي بتطلع القصة عدل بعد بارتين

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

---

(( صالون الجابرية ))
الساعه 6 ونص
نوف: لوسمحتي أبي تليفون
...: تفضلي ...
نوف تدق على تليفون البيت
عبير : الوووووو
نوف : وين أمي ؟
عبير : شتبين فيها
نوف : وانتي شكو .. عطيني
عبير : تتسبح ..
نوف : يوووه توها تتسبح مالبست ..
عبير : لا و إذا خلصت بتحط لي مكياج وبعدين تلبس
نوف : شنووو و أنتي شكو تجين العرس
عبير : اييه بروح شنو بس انتي
نوف : اقووول يلايلا خل تخلص امي و ادق ...


منى : شفيج ؟؟؟
نوف : امي تتسبح و عبير بتجي معانا العرس
منى : امج لي اللحين ما البست ..؟؟ اففففففففف متى نروح
نوف : شدراني عنهم .. مالج شغل .. اللحين اخلي السايق يقطنا الصاله وبعدين يروح لهم ..
منى : اصبري اصبري بدق على امي ...

منى تدق على بيتهم
منى : الوووووووو
أم عبدالله : هآآآآ
منى : يمآآ ترى احنا خلصنا بنخلي السايق يقطنا الصاله
أم عبدالله : بصراخ << قط الله راسج وين يقطج تعالي البيت لا اذبحج ونروح مع بعض ..
منى : اي خالتي أم نوف لي اللحين ما لبست و انتي لي اللحين ما خلصتي متى نروح يعني ...؟؟
أم عبدالله : اشوف اخلصي ردي البيت لا ابط راسج و الله ان رحتي الصاله حطيتج جدام الناس وسطرتج ...<<< وطرااااااااخ تسكر التليفون

نوف : شنوووو ؟؟؟
منى : قطيعه زفتني .....
نوف : يووووه امشي امشي نرد البيت خل اتناجر و شكو عبير تجي معانا قطع ما ابيها ... كل شي تقلدني ...
منى : امشي .

----(( بيت أم نوف ))
نوف : يمآآآآآآآآآآآآآآآآآآآآآآآآآآآ
أم نوف : استغفر الله ... هآآآآآآآآآآ شتبين
نوف : وينج ... ؟؟
أم نوف : بالغرفة
نوف : اففف أنا مو قلت خلصوا مبجر ..
أم نوف : تو الناس شفيج مجنونه ؟؟
نوف : وبعدين شتبي عبير تجي ما ابيها ..
ام نوف : بتجي غصبن عليج وتركب السياره قبلج
نوف : يوووه ما أدانيها بس تقلد ..
عبير : كيفي ...
أم نوف : اسكتي انتي
نوف : انزين متى نروح ...؟؟
أم نوف : زين تو الناس ...
نوف : تو الناس و تو الناس ... يوووه أنا من امس قايله بروح مبجر
أم نوف : ياكثر ما تتحلطمين ...
نوف : يار بي ....
...
...
... وتمت تتحلطم لي الساعة 8 ,,,

---
(( بصالة السالمية ))
بعد ما افتروا و سلموا على الحريم وترززوا جدام جيرانهم الجدد و سلموا عليهم و نوف ومنى شاقين الضحكة ..
نوف : يمآآ هاج عباتي وملفعي ..
أم نوف : اقعدي وين بتروحين
نوف : ابرقص ...
أم نوف : توج داشة اصبري
نوف : يوووووووووه هاج هاج .. امشي امشي منى ...

((الله و أكبر يا العذاري جابكم برق ورعود بس انزحن عن دربها خلوه يفضا لها

يا شافها فهد بن عبدالعزيز السعود بيده يحط التاج و الهامة على راسها

لافرعه شبة القمر و لا بعد فيه زود و لا شبية المهر الي عند خيالها

شيخة بنت شيخ عريب جدوده الاولين ))

...
ومنى ونوف .. جدام كاميره الفيديو يلفعن بالشعر ... او بالاصح يردحن لأن حيلهم انهد و لا وقفوا رقص ..

خلصت الاغنية ..
نوف : امشي امشي بسلم على الحريم اللي توهم دشوا
منى : اقول اذا عندهم عيال بسلم و اللي ما عندها ما اني مسلما عليها
نوف : ابج شفيج اللي ماعندها توصي عليج ..
بعد ما سلموا ..
منى : يالله يالله طقت الطقاقة قومي ...

((مرحبا و اهلين حييت يا موضي الجبين
عد ليل و عد ما لاح برق في سماه
طبت الملعب وقاموا لها جميع الحاضرين
مثل جابر يوم كل الدول قامت معاه
و اخذي كاس النصر و الشيخ من قبلج خذاه))

نوف :. امشي نرقص جدام ام العروس ...
منى : امشي << وتفح من المطامر

...
أم نوف تأشر بايدها نوف
نوف : شنو
أم نوف : تعالي ..
نوف راحت لأمها
أم نوف : اهجعي مو كل ماطقت الطقاقة نقزتي ...
نوف : افففف انزين انزين ..

..
و طقت الطقاقة

بيت ابو ((.....)) ما يهدم ** ولا تطوى مبانيه
ولا يجبيجيه راعى الدم *** ولا يدور العزا فيه
يا(( ...)) ردلى زملى ** من خيل شرعة فيه
نطحنى راعى الشلفا ** يقول زملك ما خليه
لعيونك عيونك يا فلانه ** عقيد القوم نرميه))

نوف ومنى يرقصون ...
منى : هالاغنية مو جنها لأهل المعرس ..
نوف : هآآآ .. اقول ارقصي ارقصي جنج ما تدرين ..
منى : امشي جدام الكاميرا ..

----

بعد اكثر من سبع اغاني
نوف : يويلي رجيلاتي .. بفصخ الكعب ..
منى : ياخبلج و الله يشوفونج قصيره
نوف : آآآآآآه ... تعبت
منى : امشي امشي الاغنية اللي تحبينها
...
...
..
----

بعد الرقص المتواصل ..
نوف : اقول امشي نجيب ماي للعجايز ..
منى : يووووه والله مافيني حيل ..
نوف : ابج الناس شلون بتشوف انج حرجة ..
منى : يوووه امشي امشي ...
---

(( دخلت العروس ))
هب السعد هبايبه لرياحي
ويا شاريه لعباد وين صلاحي

ويا زينه ياعلج و السعد ذبالي
وهبوبي حيج من وليج يلعالي


هب السعد هبايبه لرياحي
ويا شاريه لعباد وين صلاحي

وشبهت الزينه و الصبا حين لين دنه
ولا القمر و اربعه واثناني

هب السعد هبايبه لرياحي
ويا شاريه لعباد وين صلاحي

يا مهرة (ن) عند الايواد
ربوها بيت (ن ) رفيع ومركز(ن) عالي

هب السعد هبايبه لرياحي
ويا شاريه لعباد وين صلاحي

حظي على اخوانج يا الزينه جمله
عوضتهم بالواحدين واحداني

هب السعد هبايبه لرياحي
ويا شاريه لعباد وين صلاحي

وشبه قرتها هوى لسهيل باجج
قطنن يديد الماهو الميزاني

نوف : امشي نسلم على العروس
منى : اصبري خل يطلع اخوها
نوف : اقول جبي بروح اتمقل فيه
منى : ترى متزوج
نوف : عجل خيولي ..

بعد ماطلع اخو العروس ...
سلموا على غدير و رقصوا رقصة جدامها ...


منى : امي تنادينا
نوف : امشي يا كثر حنتهم


راحوا لأمهاتهم
أم عبدالله : تعالوا سلموا .. على خالتج ام فيصل و أم مشاري
أم فيصل : ماشاءالله ياحلوج يا منى .. و هذي منهي الشيخة
أم عبدالله : هذي نوف
أم فيصل : ماشاءالله يا أم نوف هذي نوف ياحلوها توني اشوفها
أم نوف : الله يسلمج ...
ام فيصل : جم عمرها
أم نوف : بدش ال 18 ...
أم فيصل : وين تدرس ..؟
أم نوف : بالتربية الاساسية
ام فيصل : الله يوفقها ...
أم نوف : تسلمين


بمكان ثاني
نوف : هذي اللي ولدها ضابط ؟؟
منى : ايه
نوف : ياويلي عجل بطق الثقل .
منى : اسمعي شرايج نرقص جدام امهاتنا عشان يشوفونا ...
نوف : يالله امشي امشي ...

((جاكم اللي ماخذن كآس البطوله
لاتمارنه تراكن خآســــــرآتــــــي

جدها طيب وأبوهــــــا من حموله
وخالها ريف اللياااااالي المعسراتي

طبت الملعب وشوووفووو مانقـــوله
زينهــــــآ خـــــرب علي كل البناتي))


طبعا أم نوف و أم عبدالله من الفشلة قاموا يرقصون نوف ومنى ... ..

---
الطقاقة : المعرس ييا حريم تغطوا تغطوا ...

نوف : ودي اروح اترزز جدام الرياجيل
منى : اسكتي تشوفنا ام فيصل ...
نوف : اف .. بشوف الرياجيل ..
منى : تمقلي من ابعيد
نوف : اسمعي سوي نفسج انج ماتبين تشوفين الرياجيل اخاف تسوفنا ام فيصل واحنا نخزهم
منى : اففف بشوفهم
نوف : نشوفهم بعدين بشريط العرس ..


وانتهى العرس ................... على خير
-----------

(( بيت أم نوف ))
نوف : يمآآآآآآآآ هلكانه
أم نوف : من الردح ماقعدتي كل ماقالت الطقاقة طاااق نطيتي ..
نوف : ايه ابرقص بعد
أم نوف : موجذي عاد .. فضحتينا مشفوووحة
عبير : ههههه كل الحريم شافوج انتي ومنى
نوف : وانتي شحارج ان محد درى عنج
أم نوف : يمج عيب مو هلون والله الناس تضحك عليج
نوف : ياربي انا كل ما اسوي شي بس تعيبيبن ...
أم نوف : والله ان ما بقى احد إلا قام يخزكم
نوف : اكيد لأن احلى ثنتين
أم نوف : لا والله ناقدين ..
نوف : انزين أم فيصل شقالة عني ..
أم نوف : مادرت عنج
نوف : يوووووووووه
أم نوف : اللهم صبرج ياروح
نوف : وانتي ليه مامدحتيني عندها
أم نوف : ليه طايحة بجبدي ..

(( ويدق تليفون البيت ))
أم نوف : من داق هالحزه
نوف : ياويلي الخطاب

أم نوف : تهز راسها (( استغفر الله )) .. الووووووووووو
منى : خاله عطيني نووف بسرعه
أم نوف : بسم الله ... هاااج المهبوله تبيج
نوف : عطيني ..
منى : امبييييييييه امبيييييييييه اسمعي
نوف : شننو ...
منى : ام فيصل دقت ..
نوف : ايه ايه ايه شقالت
منى : تسأل عنج و عني ...
نوف : ليه تبينا ثنتينا ولا شنوووو؟؟
منى : تقول تبيج لفيصل و أنا أختها سألت عني تقول عندها ولد اسمه مشاري ...
نوف : ياويل قولي والله ...
منى : قسما بالله .....
نوف : انزين متى بيجون
منى : اهي بس سألت ..
نوف : وشنو قلتوا لها ...
منى : امي مدحت فيج و في اهلج
نوف : انزين ماقالوا بيجون
منى : لا قالت بس قالت بنسأل ..
نوف : اف تهقين يطولون
منى : لا انشاءالله مايخلص هالاسبوع إلا ثنينا مالجين
نوف : يارب يارب ...
..
...
...
وقرقة ساعه


البيت كله راح نام و نوف لي الصبح تفكر بالمخطيب الجديد

وطبعا ثاني يوم راحوا الكلية يتسحبون

----

بالكلية
(( الكافيتيريا ))
نوف : يمآآدايخة يارب الدكتور مستأذن ...
منى : أنا اللعن منج
نوف : مادقت ام فيصل ..
منى : انا طالعه الصبح من البيت .. اكيد دقت على امي اللحين ..
نوف : يالله شصبرني ..
منى : شفتي امس بدلة غدير
نوف : ما اعجبتني .. بس مسكتها تجنن
منى : مكياجها جنها طارته
نوف : هي من عمرها ماتحب المكياج
منى : والله بعرسي لتسبح بالمكياج
نوف : اكيد بعد لازم اطلع طلعه ... انا قايلة لاصار عرسي بسوي الطرحة طويله
منى : اكيد لازم حلاته العروس بطرحتها
نوف : اسمعي شرايج لاملجنا نجهز مع بعض
منى : نخيط عند يوسف ..
نوف : اللحين الناس طايحين بعواطف الحاي
منى : انا بجمع اعاناتي من يوم املج عشان ازيدهم على المهر ..
نوف : انا اهم شي عندي الدراريع ابي اكثر عشان اكشخ عند حمولتي ..
منى : و قمصان النوم .. ماراح آخذ طويل كلش بس لليلة العرس
نوف : يوووه عاد امي بتعطيني محاضره عبالها نفس اول المره ماتلبس قصير عند رجلها إلا بعد جاهل ولا اثنين ..
منى : مالج شغل نروح انا وياج و نشري ..
نوف : انزين ابسألج فيصل جم عمره ..؟؟
منى : والله مدري بس يمكن 22 و 24 مدري ..
نوف : انزين اذا جا يشوفني شلبس
منى : اذا جو الحريم اللبسي دراعه واذا جاه اهو يشوفج اللبسي بدله ..
نوف : يووه لاالمحاضره بدت من عشر دقايق يالله يمدي اروح الملحق ..
..
...
...
انتظر ردودكم​

 

[pic mam]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

القصصصه رووووعه تكفيييين كملي

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

القصصصه رووووعه تكفيييين كملي

مشكورة يا قلبي على المتابعه ...
وانشاءالله من باجر ببدي انزل بارتات طويله ...
وتسلمين​

 

[mriom]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

القصه وايد حلوه
ناطرتج
يعطيج العافيه

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

القصه وايد حلوه
ناطرتج
يعطيج العافيه

العفو حبوبه
ومشكوره على التشجيع

 

[Zen&7ala]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

والله متابعتج و حاطه الموضوع بشريط المفضله لا تطولين علينا