يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تشجيع

[** باربي **]

قبل لا اقرى
الي شدني حييييييييييييييل
عنوان الروايه يا سنين كفي

هالغنيه عذابي تقطعع قلبي اموووت بكل كلمة فيها
خاصة هالمقطعين :حاولت اداري الحزن الي عايشن فيني
واحاوا غصب في وجهه خلاني
لـــــكــــن حزن الليالي باين في عيني واقول يا سنيني هاذي اخر احزانج.
وما اتحمل اكثر من البينك وبيني
جفت عروقي وآانا صاابر على شااانك أخيييييييييييه بس على قلبي ....
وفقتي بأختيار العنوان صج ذووق

 

[حقوقية عسل]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

وااااو مشالله الروايه عجيبه واسلوبج حلو وصج واقعية حيل وكملي متابعينج.....
أهم شي (صاله السالميه) شخبااااااري ‏:‏))‏

 

[@حلاوة الدنيا@]

رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي تش

ناطرينج لا تاخرين علينا
:eh_s(7):

 

[عذوب الشمال]

شدعوى يااختي من تغلى تخلى ^ _ ^

 

[عذوب الشمال]

تكفييييين اليوم نبي بااااااااااارتااااات وايد وطوااال بعد

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

بليـــــــــــز خيتــــــــــو كملي لا تطولين اوكـــــــي

هلا يا قلبي
و نورتي
و ان شاء الله ماراح أطول

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

منى ونووف امشفح هههههههه

يعطيج العافيه ياقلبي؛)

لوووووووووول

الله يعافيج

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

قبل لا اقرى
الي شدني حييييييييييييييل
عنوان الروايه يا سنين كفي

هالغنيه عذابي تقطعع قلبي اموووت بكل كلمة فيها
خاصة هالمقطعين :حاولت اداري الحزن الي عايشن فيني
واحاوا غصب في وجهه خلاني
لـــــكــــن حزن الليالي باين في عيني واقول يا سنيني هاذي اخر احزانج.
وما اتحمل اكثر من البينك وبيني
جفت عروقي وآانا صاابر على شااانك أخيييييييييييه بس على قلبي ....
وفقتي بأختيار العنوان صج ذووق

تسلمين .. و الحمدالله ان العنوان بعد يشد .. وناسة شجعتيني ..

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

وااااو مشالله الروايه عجيبه واسلوبج حلو وصج واقعية حيل وكملي متابعينج.....
أهم شي (صاله السالميه) شخبااااااري ‏:‏))‏

لوووووووووول << اي اللحين محد يسوي فيها طاح سوقها
بس الاحداث 2001 ... بتشوفين التطور بعدين

و نورتي

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

ناطرينج لا تاخرين علينا
:eh_s(7):

ان شاء الله ما أتأخر شوي و انزل البارت
نورتي

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

شدعوى يااختي من تغلى تخلى ^ _ ^

لا افا عليج شوي وانزل البارت لعيونج

 

[حياتي فراغ]

رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أ

تكفييييين اليوم نبي بااااااااااارتااااات وايد وطوااال بعد

البارت اليوم شوي طويل

 

[عذوب الشمال]

رد: رد : رد: يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى

لا افا عليج شوي وانزل البارت لعيونج

:eh_s(9):

تسلللم عيوونج يالغلااا










:sfg:

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

-----

بعد اسبوع
و قبل عرس غدير بيوم ..

(( بيت أم فيصل ))
أم فيصل : الووووو ...
أم مشاري : هلا و الله يا قلبي ...
أم فيصل : شلونج و شمسوية ..
أم مشاري : والله بخير انتي شلونج و شلون العيال ؟؟
أم فيصل : الحمدالله ... باجر شعندج .؟
أم مشاري : ابد ماكو ..بو مشاري سافر اليوم ... يعني اروح واجي على كيفي
أم فيصل : ليه وين رايح بعد
أم مشاري : مصر بعد وين ..
أم فيصل : الله يعين ..
أم مشاري : يا معوده اهم شي يفارج و يمايشوف شر ...
أم فيصل : انزين اسمعي باجر عازمتني أم فالح على عرس بنتها ..تجين معاي ؟؟
أم مشاري : أم فالح اللي تجي عند أم عبدالله ؟
أم فيصل : ايه ماغيرها ... و جيبي بناتج خل الناس تشوفهم
أم مشاري : و الله اذبحوني لاقلت لهم امشوا عيوو يقولون يانكشخ ولا مانروح
أم فيصل : بعد انتي وديهم الصالون حال البنات بدخلينهم العرس وجهم مغسول و ماعليهم إلا هالعباية ام عشر دنانير وتبين الناس تشوفهم
أم مشاري : و انا من وين لي .. معاش ساره يالله يكفي مصاريف البيت و أبوها كل يوم جايها عطيني عشره بعين فلان ولا عشرين بعطي فلان كرمته ..
أم فيصل : واهي مهي ملزومة معاشها يروح عواني و كرمات .. موزين جذي البنت بتقعد كل عمرها تصرف على البيت و على خواتها ...
أم مشاري : شنسوي بعد .. الله يرزقها و يعوضها
أم فيصل : يبا اسمعي .. انا اعطيج فلوس الصالون بس جيبيها خل الناس تشوفها ...
أم مشاري : دام جذي اكلمها ,,, وبعد مره وحده بدور لمشاري مره ..
أم فيصل : بتزوجينه؟؟
أم مشاري : أمس كلمني يقول بتزوج ... مدري شطاري عليه
أم فيصل : بعد كبر الولد ويبي العرس ...
أم مشاري : الله يوفقهم ... وفيصل مالقيتيله مره ..
أم فيصل : هذا أنا ادور له ..
أم مشاري : الله يوفقه ...
أم فيصل : ان شاء الله ...........
...
...
-----


(( بيت أم نوف ))
نوف : يمآآ شوفي اللبس الكعب هذا ولا هذآآ
أم نوف : اللي يعجبج اثنينهم حلوين
نوف : يووه أنا اقولج اي واحد تقولين اللي يعجبج
أم نوف : اي جننتيني من أمس ماهجعتي ... اللبسي اي شي ,,
نوف : يوووووووه استغفر الله ... ترى باجر ماني مداومة
أم نوف : ليش ...بعد ..
نوف : مايمدي اروح الصالون
ام نوف : العرس بليل و الدوامات الصبح روحي كليتيج ومتى ماجيتي روحي الصالون
نوف : لا والله .. ابنام و ان شبعت نوم بروح الصالون تبيني اروح العرس وانا تعبانه
ام نوف : استغفر الله الله يعيني عليج لا اعرستي
نوف : ان شاء الله ...ما يخلص العرس إلا أنا مالجة ..
أم نوف : و الله محد بيقطع نصيبج إلا حنتج ..
نوف : خذيتي من ابوي فلوس الصالون ؟؟
أم نوف : لا جاه خذيت منه
نوف : اي ليش ماقلتي له من زمان
أم نوف : يامج لاتحنين رزقج يجيج ..
نوف : انزين شسوي بشعري
أم نوف : فليه و خلاص ..
نوف : اللحين الناس يسوون زوي اللشات .. وانتي تقولين فليه
أم نوف : الزوي يرفع شعرج يخليه قصير .. سويه كبه وضبيه عدل بليل و قبل العرس فليه يغدي ناعم وشزينه
نوف : ياووييييييلييي .. أنا اقولج بسوي نسريحة وانتي تقولين سويه كبة وضبيه .... اف صج قديمة .. متى تتطورين
أم نوف : يمج جننتيني بحنتج اسكتي خنشوف المسلسل ..
نوف : اللحين هالمسلسل حاطينها برمضان و شفتيها و شفتي الاعداه و اللحين بعد تشوفين ...
عبير : لا و المصيبة تسأل مية مره ..شنو بيصير ..؟؟؟
أم نوف : تتطنزون علي ..
عبير : شدراني عندج ... والله حفظنا المسلسل ..
نوف : اقول اسكتي اسكتي ... يمآآآ اللحين شرايج أخذ معاي المهفة الريش و لا الثانية العادية ....
أم نوف : لاحول ولا قوة إلا بالله .......
......
......
....
-----

(( بيت أم عبدالله ))
أم عبدالله : بسم الله الرحمن الرحيم ... شحاطة بوجهج
منى : روب ...
أم عبدالله : و ليه الحمد الله و الشكر
منى : بعد باجر العرس ابي وجهي يصير زين ..
أم عبدالله : يمج لا تلعبين بوجهج ..
منى : يوووووه يمآآ انتي شفهماج ..
أم عبدالله : استغفر الله ...
منى : يمآآ باجر اخلص من الصالون انا ونوف اجي القاج زاهبة مو ساعتين تحوسين و نروح متأخر ..
أم عبدالله : لا أذن العشا صلينا ومشينا ..
منى : اي عاد انتي سنه تصلين .. سبع بالضبط نطلع من البيت
أم عبدالله : ليييه مجنن .. الطقاقة ماتجي إلا ثمان ..
منى : يوووه يا يمة على مانوصل الصاله
أم عبدالله : ومن بعد الصاله عشر دقايق و واصلين ..
منى : افففففففف ... شنو هذا أنا بروح مبجر .. خلاص لاخلصنا من الصالون أنا ونوف بنخلي السايق يقطنا الصاله
أم عبدالله : يصير خير منيه لي باجر ...
منى : انزين احط مكياج ذهبي باسود ولا فضي باسود ؟؟
أم عبدالله : حطي اللي تحطينه ولاتهولين بعمرج ..
منى : اي شنو بعد تبيني احط حمره وكحل بس
أم عبدالله : ماقلت حمره وكحل بس لاتلطخين وتحطلج هالكريم تصير جنج البرصة
منى : اي هذا احلى شي تبين الناس تقول عني سودة
أم عبدالله : محد قال سودة بس حطي لون حلو ..
منى : ما ابي .. بحط ابيض الناس تدور البياض ..
أم عبدالله : تهولي تهولي ..
منى : افففففففففف بس تعيبين ماتعرفين تمدحين
أم عبدالله : اخلصي اخلصي روحي اغسلي وجهج ياكثر حنتج ...
......
......
...

----

(( بيت أم نوف ))
نوف : يووووووووه تذكرت ...
عبير : باسم الله خرعتيني ...
نوف : جيبي جيبي التليفون ...
عبير : ليش؟
نوف : اقول جيبي بسرعه
عبير : هاج ... افففف

نوف تتصل على بيت جيرانهم الجدد ...

نوف : الوووو
...: نعم
نوف : السلام عليكم
... : وعليكم السلام ..
نوف : لو سمحت أبرار موجودة ..
... : دقي على شقتها ..
نوف : اممم ما اعرف الرقم تعطيني اياه ...
...: 5××××××
نوف : مشكــور<< طبعا بدلع


تتصل نوف على ابرار
ابرار : الوووو
نوف : الووووو
ابرار : هلا والله .. منو ؟؟
نوف : أنا نوف .. جيرانكم ..
ابرار : هلا نوف .. شلونج وشخبارج..؟؟
نوف : بخير الحمد الله . انتي شلونج ؟؟
ابرار : والله ابد الحمدالله ...
نوف : ترى دقيت على البيت تحت وعطوني رقمج ..
ابرار : اي عادي .. توقعت جذي..
نوف : رد علي واحد وعطاني اياه ..
ابرار : اي يمكن واحد من حمويني ..
نوف : تقول بقلبها (( الله يكتبه لي )) .. اي ابرار بغيت اذكرج على العرس .. اللي عزمتج عليه ,
ابرار : ايه تقصدين عرس البنت اللي تصير لأم عبدالله ..
نوف : ايه
ابرار: اي والله انا قلت لخالتي تروح اهي وحماتي بس والله اعذريني أنا مافيني حيل والله الحمال متعبني ..
نوف : يعني خالتج ام رجلج بتجي العرس
ابرار : اي والله وبتعذر عني
نوف : (( بهمس : هذا المطلوب )) .. اي خلاص ياقلبي واصلة و ماتقصرون وحياكم ... وان شاء الله بعد العرس اجيج واوريج صوري ..
ابرار : ياقلبي .. ادري بتطلعين قمر
نوف : (( مستانسة )) الله يخليج ...اللحين استأذن واشوفج على خير ان شاء الله
ابرار : ماتقصرين ومع السلامه

نوف تصكر التليفون
نوف : ايواااا ... بيجون باجر و يشوفوني ...
...
....
.
-----
يوم العرس
(( بصالون وردة الجابرية ))
نوف : هيي اسمعي حطي لي مكياج حلو حيل ..
... : ان شاء الله
نوف : ركبي لي رموش
... : ان شاء الله
نوف : لا خلصتي حطي لي شامة على خذي
... : ان شاء الله
نوف : كثري كحل ابي عيون تصير وسيعه حيل
... : ان شاء الله
نوف : وكثري بودر خدود .. ترى الوجهه يمص المكياج وبالصاله مع الاضائة كل شي يختفي
...: ماما خلاص انا يعرف شغل ..
نوف : ادري بس قام اقولج اللي ابيه ...

بمكان ثاني بالصالون
منى : شوفي بدلتي حمرا احط اي لون مكياج
...: انتي لما تروحين عند اللي تحط اهي تعرف
منى : انا يوم عرس خالي حطتلي مالت الصولون ذهبي احسه كبرني
...: اهني بصالونا ..؟
منى : لا صالون ثاني
...: لاماعليكي احانا اهني صالونا راح يعجبج ..
منى : انزين ابي اركب رموش بس ابيها طبيعي مو تخرع
....: خلاص انتي اذا رحتي عند اللي تحط مكياج قولي لها
منى : وكريم الاساس ما ابي طبيعي ... ابيه حلو
...: كريمنا اكيد بيعجبج
منى : حمرتي ابيها حمرااا حيل
....: ان شاء الله اذا دخلتي غرفة المكياج اختاري اللي تبنيها ...
منى : اركب اظافر اول لا ..؟؟
...: على راحتك شنو حابة سوي
منى : لا اخاف يضايقوني وانا اللبس النفنوف
...: اممم على راحتك
منى : تدرين شلون بركب اظافر بس ابيها تقص منهم
...: ماشي اذا رحتي عند اللي تسوي لج منكير وبدكير قولي لها
منى : عندكم ماشات اللي فيها لولو ...
...: ايه
منى : ابيها تحطلي
... : خلاص لما تعمل لك شعرك قولي لها ...
....
...
...
.. وهذآ كان موال الصالون من نوف و منى ...........


انتظر ردودكم .
---​

 

[غـيوض]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

الله ,,

متشووووقه اعرف شبيصير بالعرس ,,,

و الله شكلهم من الشفاحه بيقعدوون فبيت اهاليهم ,, هههههههههههههههه


فديتج ,, حلوو الباارت ,,,

 

[حياتي فراغ]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

الله ,,

متشووووقه اعرف شبيصير بالعرس ,,,

و الله شكلهم من الشفاحه بيقعدوون فبيت اهاليهم ,, هههههههههههههههه


فديتج ,, حلوو الباارت ,,,

انتظري العرس و مفاجأته ..
مممممممم ما ادري بس يمكن يصير زواج ويمكن لا ؟؟؟

نظري البارتات الياية ...

نورتي

 

[~ مآ يهمـ ~]

لووووووووووووووووول


يذكروني برفيجاتي بس آحنــآ عآد نتكلم عن هالآمور بغشششمره وما ننآقششها مع آمهـآتنا !!

وي فشششله :$


قصصصصصصه عجييييبه حبيبتي ..

ومتآآآبعه آكيييد ..


آهم شي لا تقطعين علينــآآ : ) ..

 

[mriom]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت

هههههههههههه امبيه الصراحه القصه تهبل هههه
عاد ان شاءالله انخطبوا

شكرا حبيبتي

 

[آقوى شي]

رد : يآسِنِينْ كِفـّـــي عَن الَّذْكـْــرى وَخلِيني~~~~ أول رواية لي بالمنتدى.. أبي ت


عجيييييييييييييييبهـ ... ننطررررر آلبآآآآرت

 

[خشف الرعآبيب]

هههههههههههههههههههههههه


بصرآحه القصه وآقعيه


ذكرتيني ببنآت خآلتي ربي يرزقهن الزوج الصآلح وكل بنآت المسلمين اللي يبن الستر

حبيبتي لآ تتأخرين علينآ