و الله ببجي ومادري شسوي طقت جبدي من هالريال

[ماني من الناس]

قعدي معاه واخذي ورقه وقلم وشوفي معاشه اهو على شنو يصرفه ويقسمه وخلي لج منه نصيب الزوجه لو مليونيره واجب على الزوج النفقه بتوفير الماجله واللبس

في حال انه المصروف اللي حقج من معاشه مايكفيج اقترح تتركون الشقه وتروحون تسكنون ببيت اهله وتوفرون 200 دينار للبييي كلها حجرتين ببيت اهله وحمام


الزواج مسؤوليته ولاتخلينع يقص عليج الطيبه بهالزمن يتم استغلالها ديري بالج لاتظلمين نفسج وولدج

 

[الريم اللعوب]

قلبي انتي هونيها وتهون

 

[** باربي **]

لا والله
لو تقعدين بعشة ولا تسكنين مع اهله
لايحوشك
من صجج
الناس الي رضت تسكن مع اهل ريلها
الحين تبي الفكه مو قادرة
تلعن اليوم الي ما اشترطت عليه شقة برة
وهاذي امه وانتوا برة وتدخل حتى بمعاشج يا دافع البلا
لو عندها تعد عليج عدد جم عيشة تطب حلجج وتحاسبج

ولو رحتي عند اهله يعني بيتعدل الي تقولج روحي
الا بيتكل ازيادة وازيادة
ريلج مال احد يصحية
وبعدين يقول منتف شوفي شهادة راتبه جم معاشه وجم بطاقه بنك عنده سوالف يوريج رصيده ابنك وعنده ابنك ثاني
لا اطوف عليج
شوفي سالفه هالريال لو ما عندة لي هالدرجة شلون فكر وفكرت السنيورة امه تزوجة
بدال لا تساعد ولدها تحاسبج
رقاله اخر زمن

 

[بتول بوشهري]

الصبر مفتاح الفرج

 

[ماني من الناس]

باربي

انا اقترحت هالاقتراح في حال انها فعلا خذت ورقه وقلم وشافت ان معاش زوجها فعلا مايكفي مصرف للبيبي ترا البيبي مصرفه مع الوقت يزيد يعني هم الوحده تفكر بالمستقبل لان شخص ثالث بينضم للعيله خصوصا ان عليها قرض وارتباطات يعني معاشها مو لها

اما اذا اكتشفت ان زوجها مسرف ومايعرف يقسم معاشه اهي تاخذ منه مصروفها واهو يدبر نفسه عشان يتعلم شلون يقتصد

 

[بنت الاحلام]

ميخالف يا قلبي طولي بالج هذا حال الرجاجيل الحين الكل يبي المره تصرف

زمن اغبر الوحده ما تتهنا براتبها

بس انتي قسمي كل شي بينج وبينه ولا تحرين عمرج عشان هالبيبي الي ناطرته من زمان يا قلبي

خل نفرح فيج بس

وجسوته علي يا قلبي ولا يهمج من خالته <<<<

 

[انثى عاشقة]

ولله رجال آخر زمن
انا اهل زوجي عندهم نفس وضعكم عادي تقريبا المرة هي الي تصرف
وزوجي بداية زواجنا كان حيل ماشي مع عادات اهله
لكني شوي شوي غيرته
حنا عندنا الرجال هو الي يصرف والمسؤوووول مو المرة !!
وربي زمن اغبر
لا وخالتي مثل خالتج تشوف الوضع عادي وبصف ولدها
انتي قعدي مع زوجك بدون ماتدخلين احد
حتى لو منتف
قولي له الجاي بالطريق ولدك انت المسؤووول عنه
الله يسخره لك ويهديه ويحنن قلبه ..​

 

[نشيج الروح]

على حالتج سالي شيخ عادي تاخذين منه ولالا

المهم الحين علميه من غير هواش يصرف معاج
وديه الجمعية معاج علي يوم واشتري اغراض لا وصلتي الكاشير وحط الرقم قولي له ادفع نسيت بوكي بس ابديها بشي بسيط
لما تطلعين معاه لا تاخذين جنطتج ولا موبايلج وهو غصب بيصرف
المهم بين فترة وفترة سويها من غير ما يحس بعدها زيدي الجرعة
يعني صبري ضعف السنوات الي عشتيها عشان تغيرين النتيجة
وطبعا بس الاحتياجات هو ملزوم فيها فلا تضغطين عليه بالكماليات بعدين ولا بينفجر اذا كان بخيل اما اذا كان اتكالي حتى هدومه خليه يساعدج يكوي ويسفط من غير امر بس كوناسة

 

[al-musk]

طبعا هو وأمه غلطانييين
خير شنو جمعي واشتري بيت وبعدين عيب عليه كل كلمه والثانية معاشج اكثر مني شنو مايستحي
هو مسؤول عنج من الالف الي الياء واذا انتي بتدفعين وبتساعدين فطيب منج وأصلج مو شي ملزومه فيه

الله يسهل أمورج

 

[أم عمور93]

لاتصرفين على البيت اخذيه ووديه الجمعيةأو السوق ووقت الحساب قوليله ماعندي شوي شوي بيتعلم أن شاءالله

 

[أم عمور93]

منو ريال البيت انتي ولا اهوا قوليله مالي شغل الا بنفسي

 

[عالم المسك]

للتوضيح اجار البيت ٣٥٠ يعني يدفع ٢٠٠ من جيبه
طيب ٧٠ الزوجيه وينها ؟؟
و الله لاعيد ولا غيره انا كلشي حق نفسي كل شهر اجيل ب١٠٠ دينار
مايحب يروح الجمعيه ولا يطلع معاي و الله كنت راضيه بكل سبت اطلع معاه
تخيلوا يقولي الفلوس الي بنصرفها بره احنا اولي فيها شقوله هذا
اضطريت ادور تجاره عل وعسي ربي يفتح علي منها واقدر اسكر التزاماتي
بيتي يبي و كل شي يبي والريال ولا علي باله

 

[عالم المسك]

على حالتج سالي شيخ عادي تاخذين منه ولالا

المهم الحين علميه من غير هواش يصرف معاج
وديه الجمعية معاج علي يوم واشتري اغراض لا وصلتي الكاشير وحط الرقم قولي له ادفع نسيت بوكي بس ابديها بشي بسيط
لما تطلعين معاه لا تاخذين جنطتج ولا موبايلج وهو غصب بيصرف
المهم بين فترة وفترة سويها من غير ما يحس بعدها زيدي الجرعة
يعني صبري ضعف السنوات الي عشتيها عشان تغيرين النتيجة
وطبعا بس الاحتياجات هو ملزوم فيها فلا تضغطين عليه بالكماليات بعدين ولا بينفجر اذا كان بخيل اما اذا كان اتكالي حتى هدومه خليه يساعدج يكوي ويسفط من غير امر بس كوناسة

ههههههههه ضحكتيني انا غبت عن البيت شهرين كنت مجابله ابوي بالمستشفي
البيت مزبله و الله 3 خدم علي3 ايام يالله نظف تقوليلي يكوي ملابسه

 

[انثى عاشقة]

اختي خليج صارمة معاه لاتصرفين وهو يرمي الحمل عليج !!!
بيزعل في البداية لكن مرده يرضى ويحس
كرري ع مسمعه انت الرجال وانا ملزومة منك ..

وبينك وبين ربك الحي ان ربي يهدي زوجك ويصلحه لك ويخليه يحس بالمسؤولية ..​

 

[!الجادل الصعب!]

الحين وقفتوا عال100 الي تعطيها امها
يعني هال100 بتغنيها !!
هو واجبه يصرف وامها جنتها ونارها وملزومه منها
لو معاها مال قارون هذا من البر ..!

وكافي اهلها بعد ماقصروا يعطونها من التموين

 

[انا نفسي تحب]

الله يهديه لج ويسخره لبيته وعياله يارب

 

[Tom ♥ Jerry]

.,


مو من صجه و مو من صجها خالتج !
مساعده ولدها على الخراب :/

حبيبتي قعدي بينج و بين ريلج و قسمو المصاريف بينكم
سوو تخطيط شهري لكم .. كل واحد يعرف الي له و الي عليه !
قوليله الحياه الزوجيه تعاون مافيها شي المره تساعد الريال اذا كان محتاج مساعده
بس عاد مو تصرف على كل شي .. و تروح بعد تشتري بيت
اول مره اسمع بهالكلام صراحه !! الله يعينج

ضغطي على ريلج و بالكلمه الحلوة خليه يحس بالمسؤوليه
و انه اهوة المسؤول الاول و الاخير عنكم و عن البيت كونه ريال البيت :*

 

[& ام خالد &]

أنا مع البنات ...هديتو مشكلتها والحل الي تبيه ورحتو للفلوس الي تعطي أمها!!!

الحق كله للأم والي ما تعطي أمها مافيها خير ولا راح يكون فعيالها خير ...

أمي لو أعطيها معاشي كله ما الحق جزاها ...أنا وخواتي كلنا نعطيها من معاشنا ...

والزوج ماله شغل بمعاشي لو احرقه ...وزوجج الله يعينج عليه ان شاء الله يتغير

أو توصلين لحل معاه والله يهديه لج ..وادعي الله ان شاء الله ما ينولد البيبي الا ورزقه معاه ...​

 

[BubbLe87]

اهم شي شكو انتي اللي تصرفين ليش مو اهو الريال و له قوامة
فهميه و دقي على شيخ دين مثلا نبيل العوضي او عثمان الخميس عثمان عندي رقمه اذا تبينه
خل يكلمونه و يقولوله انته ملزوم شرعا جدام ربك تصرف عليها و معاشج لج و تعطين اللي تبين حلوة هذي اكو بنات يقولون لا تعطين امج
لا حبيبتي ان شا الله كل شهر توزعين فلوسج يمين يسار اهو ماله شغل هذا كلام الله مو كلام الناس و امج اولى وحدة تعطينها
اتخذي موقف حازم دام التفاهم ما فاد معاه
و امه مالها حق تتدخل فهمي هالشي

 

[ديانا سبنسر]

والله بعد ماقريت ردودج توصلت لقناعة ريلج بخييييييل ولايمكن يتغير لانه هذا طبع والطبع يغلب التطبع لاوالمصيبة امه مساندته يعني هالشي متاصل فيييه زين يدفع الاجار ومستقل بسكن احسن من مقابل اهله

ماكو الاحلين ياانج ترفضين هالعيشة وتشتتين انتي وولدج او انج تعيشين معااه وتشيلين عمرج انتي وولدج ولاانتي بحاجته