و الله ببجي ومادري شسوي طقت جبدي من هالريال

[خوخة سمسم]

ماشاء الله عليج حبيبتي
زين والله منج انج تعطين الوالده ...تستاهل الغالية ..


واللي يقولج غير جذيه ماعليج منه ...

امج قبل كل الناس..

عموما ريلج المفروض تقعدين معه تتفاهمين معاه ...

لازم يفهم يعني هو شنو بيسوي بيسمي البيبي وبس

وين دوره؟؟؟

عيل ليش يبي عيال إذا جذيه بيسوي

فهميه هالشي حرااااااااااااااااام دام انه مسلم لازم يعرف انه مصروف ولده عليه اهو وانتي مومسؤولة تصرفين عليه ..الاب قبل وبعدين انتي ...
مايصير كل شي عليج بعد...


الله يوفقكم يارب ويهدي سركم

 

[! بــدويه وآآيــد !]

،



اهم شي امه تقول لفيه بفوطه؟ امه شلون تدخلت انتي طلبتي مشورتها والا شنو!
بعدين هذا البيبي اهو المسؤول عنه لاتشترين له شي جهزي نفسك وبس ولفيه بفوطه وقوليله خل امك تروح الحين تشتري له او دخلي احد حكيم من اهلج لاتعودينه تصرفين على عيالج يعني انتي تدفعين الشقه وكل شي وهو بس ياكل ويشرب شنو زواج مسيار اهو؟؟ وانتي ليش من الاول ترضين تدفعين الشقه !!
تصرفي تصرف حاااازم وجدي خلي الي عليه عليه لاتشيلين عنه مسؤوليته وتناصفينه رجولته اهو الرجال ومن طلعنا عالدنيا نعرف شنو الي على الرجال والي عليه

 

[احبكم ذاتي]

ليش سويتو سالفه لانها تعطي امها
يربي هذي امي تصرررف علي عمري كله وتعطيني لقمتها وتبديني علا عمرها
ولاكبرت واستعديت اطنشها
صحيح مو هذا الموضوع بس انا رديت عشان اكتب هالنقطة
واتوقع الي مومهتمة لهالنقطة اكيدمو ماخذه من امها شي
يووووويلي الله يطول بعمرها واعطيها من معاشي اليوم وباجر وعقبه
واسفه عالاطاله

 

[احبكم ذاتي]

تعالي له بالمسايس وطولي بالج
وان شالله لاولدتي وشاف البيبي مع الايام يتغير
والله يسهل امورج يااااااارب
ووصي الوالدة تدعيلج ويفرجها ربي ان شالله

 

[AL-DMERA]

لاتشترين الماجله ولاتصرفين على البيت لو تفضا الثلاجه وتموتون جوع قوليله انت الرجال انت المفروض تصرف عالبيت ,,
وسوالف الولاده واستقبال مالها داعي دام ميزانيتكم وضروفكم ماتسمح لاتضغطين على نفسج ,,
أغراض الجاهل مافيها شي اذا انتي شريتي من عندج بس مو كل شي اخذي منه اهو لأنه اهو بعد ابوه ولازم يصرف ,,
مومعقوله مايبقا من معاشه شي ليش على شنو يروح لازم تعرفين ,,!!
آجار البيت لاتدفعييييييييين وكيفه اهو بوجهه مو بوجهج ,,

دام الآجار والماجله ومصروف البيت والجاهل كله عليج اهو وين يروح معاشه !؟

والله يعينج ويوفقج وخليج حاازمه اذا حابه إنه يتغير ,,

 

[ام الاسيرالشهيد]

لمن تقول لم تعطي لوالدتكِ من مصروفك
فما تعطيه للوالده لا يساوي شيء ولو لم تعطيه لا اتوقع سوف يفيديك بشيء الكثير
الاولى لمن تقول هذا الكلام ان تنتقد تصرف الزوج
اختي التجئ للقانون سوف يتم تخصيص معاش شهري من الزوج فهذهِ مسوليته ومن المخجل هذهِ التصرفات تخرج من الرجل
فهو المسؤول عن تحمل كافة المصاريف حتى لو كان لديكِ راتب يفوق راتبه
ووفقك الله

 

[قموووره]

الله يعينج حبيبتي هذا تعود انه ياخذ منج
لازم تعودينه انج تاخذين منه اهو تعود انج تصرفين فما راح يعطيج بسهوله بيوصلج لي اخرج عاد انتي اذا شاطره لا تشترين لين تولدين صج خليه يشوف انج ما شريتي شي
اهو بينه وبين نفسه يعرف صبرج لي وين بيجربج بس مسكي نفسج علشان يتسنع
والله وفيجتي ولدها عمره 3 شهور ومسخن وريلها بالدوانيه تقوله تعال وده انا ما راح اوديه الطبيب وخلت ولدها لين يه قبل كان ماخذ عليها بس تعبت من كثر ما يتكل عليها وادبته ما شاء الله عليها

الله يسخره لج يارب​

 

[المرفأ~~]

سبحان الله ... توقعت انا الوحيده اللي اعيش هالامور .

عموما انا قلتله ماراح اشتري هذا ولدك ... وكافي اني متكفله بولادتي ومراجعاتي والخدامه .

انتي شنو صار معاج ...؟؟

 

[خوووخه w]

حبيبتي انا اقولج شنو تسسوين شكله هذا مامنه فوود لا تشترين شي لثلاجه ولا تجيبين قطعه شغله بالبيت كلش تدرين شتسوين اشتري لج اكل وخليييه عندج خشيه اي مكان بدون لايدري واذا طلع اكلي واذا رد لاتاكلين واذا سال ليش وليش قوليله انا موملزومه بالبيت انت راعي البيت وانت رجال البيت مو انا ولا تعطيينه فلس حمر ولا تقطين شي على البيت وامه هذي خل تسد حجلها لو فيها خير جان مسكت ولدها وعلمته السنع انه جايه جاهل يبي مصاريف ويبي شغلات واجد ومسؤليه بعدين ليش احنا باي قرن لفيه بفوطه ليش مايبي حفاضات وحليب وشنو موناوي يولدج خاص انا اقولج خلي بطاقتج عند امج اخذي منها بس مصرف لج كل جم يوم وبسس هذا نصييحتي لج استغفرالللللللللللللله الله يعينج على هالناس هذي جدته تقول جذي مالت بس

 

[M!Ss Un!VerSe]

دايما اسمع دكاترة علم النفس
يقول الريال الإتكالي
سببه المره نفسها

لان اهي تشوفه مايدفع تقوم اهي تقوم بمهمة "الريال"
فيتعود ويطنش ومايحس بالمسؤولية

مو بس بالفلوس همن بالامور الثانيه اهي تسوي كل شي
وماتخليه يسوي شي

لا غصبيه
مو بالكلام بالفعل اذا ماسوا لاتسوين
نطري لمن اهو يصير صج ريال
لمن يقوم بواجبه كزوج واب ويدفع

هذي مسؤوليته مو مسؤليتج

ولعلمج شرعاً الريال اهو المتكفل بالمره
والمره مو شرط تدفع وما تستأثم اذا مادفعت
"الرجال قوامون على النساء بما فضل الله بعضهم على بعض
وبما أنفقوا من أموالهم "

واضحه الايه يعني يقوم فيج بفلوسه..

 

[M!Ss Un!VerSe]

لاتشترين الماجله ولاتصرفين على البيت لو تفضا الثلاجه وتموتون جوع قوليله انت الرجال انت المفروض تصرف عالبيت ,,
وسوالف الولاده واستقبال مالها داعي دام ميزانيتكم وضروفكم ماتسمح لاتضغطين على نفسج ,,
أغراض الجاهل مافيها شي اذا انتي شريتي من عندج بس مو كل شي اخذي منه اهو لأنه اهو بعد ابوه ولازم يصرف ,,
مومعقوله مايبقا من معاشه شي ليش على شنو يروح لازم تعرفين ,,!!
آجار البيت لاتدفعييييييييين وكيفه اهو بوجهه مو بوجهج ,,

دام الآجار والماجله ومصروف البيت والجاهل كله عليج اهو وين يروح معاشه !؟

والله يعينج ويوفقج وخليج حاازمه اذا حابه إنه يتغير ,,

هذا احسن حل
لازم حل صارم مع ريلج ولابيتعود بعدين
جربيه وان شاءالله بينفع معاه

 

[غنج اهلها]

استغفر الله ماحب ماواطن البخل بانواعه كيف عاد يكون ريلي هذي صفته !

بصراحه الله يكون بعونج

 

[نونه المنكوشه]

بنات شدعوه عليكم اتقولولها تطلقى ترى موحل شوفى حبيبتى لاتفكرين بشى اسمه طلاق اول شى الحمدالله ومشاءالله تبارك الله انه زوجج طيب ونظيف هذا شى والشى الثانى انتى اكيد جربتى الهواش والنجره ومافاد معاه حاولى اجربين باللين والكلام الحلو اقولج شلون اختى العوده نفس ريلج ويننها مايحط دينار اهيه شسوت شالت ايدها عن كل شى يعنى اتمر ايام الثلاجه تصفر ولافيها شى اتقول اروح اكل برا وماتقوله وحتى عيالها ماتشتريلهم ولاشى كلش وقامت اذا قالها قامت اتسوى روحها تبجى وتكلم بصوت واطى وتقوله حبيبى شسوى كله معاشى ع القرض وخلت انها متسلفه منا وانه اهيا تعطيهنا وكانت فاتحه حساب مايدرى عنه ومن ينزل معاشها حولته ع هذا وقامت ادق جدامه اتقول اسمع والله ماعندى شى بس ترى سنه ياله تعدل وتغير فانتى صبرى وحاولى مره ومرتين لين ان شاءالله يتغير للاحس بعدين الله يهديهم الحريم اهمه اللى يخربون الريايل كل شى اتسويه طبيعى بشيل ايده حتى الجبره اتروح ليش ان شاءالله اهوه شنو مهنته قوى قلبج وشيلى ايدج بس كله سوى روحج مسكينه ومكسوره والله هالنتيجه فعاله ان شاءالله

 

[عطر الروز 25]

اول شي بسمالله الرحمن الرحيم انا انصحج حبيبتي اذا هذا اول ولد لج حاولي ماتيبين الثاني واذا اهو قال يبي قولي من وين بنصرف عليه؟؟ اذا تبي ادفع تكاليف الولاده والحفاضات والحليب واليخ وسوي فكرت نونه المنكوشه حركه ذكيه بس الفرق انج انتي صج ماعندج شي اما اختها كانت تسوي استقطاع بس ,وخالتج خليها تكرمج بسكوتها الله لايهينها وانتبهي تشكيلها او تقوليلها مايصرف ومادري شنو لان اكثر شي بتقوله "كل الحريم جذي " وتقعد تفلم وتبين ان الحريم كلهم مثل حالتج وتلقين معاش ريلج عليها ماقلنا لا يصرف على امه بس خليه يعدل ويصرف عليج انتي بعد لا تسكتين وتضعفين انتي لي الحين ماقصرتي بس المهم لا تيبين ولد ثاني واذا قال يبي قوليله من وين بنصرف عليه ؟ وقوليله شنو اهيا المصاريف اللي يحتاجها الطفل وثاني شي قوليله معاشك وين يروح !! صج والله قوليله معقوله منتف من الله ؟!! انا اختي مسكينه نفس حالتج وصبرت 6 سنين وماتعدل وكانت تشتكي حق خالتها ؟!! بعد اختي غبيه شكو تشتكي حق خالتها اخر شي طلعت خالتها تسكتها وكل بدل الاجار ومعاش عيالها ومعاشها على امه !!! حتى قعدت تبدل الاثاث كل سنه واختي ياحرام ساكته واخر شي تقولها بزوجه ! شالت شلايلها ويتنا وبطت الجربه وكانت غلطتها انها تسكت تسكت تسكت واخر شي اكلت هواااء المهم الله يصلح بينكم يارب​

 

[Le chat]

شلون معاشه؟ اذا معاشه عقب الاجار والخدامه والاقساط مايبقا منه شي صج ساعديه بس اذا معاشه راهي يكفيكم ولو كان معاشج اضعاف معاشه ماله حق يخليج تصرفين منه لاتشترين شي كله قولي انا مو ملزومه او ماعندي سلفت رفيجتي دشيت جمعيه حاطتهم وديعه اي شي المهم لاتصرفين لين يضطر يصرف وامه الجميله ام الفوط شكو تعرف جم معاشج ومعاشج اكثر من معاشه سلامات وامج لاتقطعين مصروفها اهي اولا من انج تصرفين على ريال مشورب يمشي على زنده التيس وكل الي اعرفهم يعطون امهاتهم حتى لو موظفات كافي معاشج بيكون فيه بركه الله ييسر امورج ويهدي ريلج وتفرحين بضناج ويجعله من الذريه الصالحه ويرزقج من حيث لا تحتسبين*