و الله ببجي ومادري شسوي طقت جبدي من هالريال

عالم المسك

New member
إنضم
27 يناير 2012
المشاركات
507
مستوى التفاعل
0
النقاط
0
الإقامة
في عالمي الخاص
قوة كويتيات مابي اطول عليكم انا قصتي قصة مع هالريل طيب وحبيب ومحترم مشكلته بس مايصرف علي خير شر بس الله وكيلكم يدفع 200 دينار الشقة انا الي ادفع كل شي ملابسي الجمعية الماجلة اهلي يعطوني التمويل الحين بيينا بيبي ان شاء الله اقوله ابي 200 دينار اجهزه فيهم تخبلوا امه تقولي اول مايطلع لفيه بفوطه لي طلعتي بالسلامة اشتريله ابي الحين اجهزله شنو هالكلام
معقوله انا اسوي استقبال و انا اجهز ملابسه و انا اشتري اثاثه والله تعب قلبي معاشي طاير على القرض و الماستر و اعطي امي 100 غير مصاريفي و الله ماشوف منه مصروف كل كلمه وين معاشج يقولي انا منتف منتف انتي معاشج اكثر مني و امه 24 ساعة تقولي وين تروحين بمعاشج خشي فلوسج اشتري بيت الله يرضى انا اخش فلوسي اشتري بيت و الله اطلع مع اهلي بخاطري شغلات كثيرة ما اقدر عليها حسرة وغصة بقلبي
مابي اتصرف تصرف اتندم عليه ابي شوركم شسوي معاه و الله لي 10 من الشهر مايبقى معاي شي
شنو الحل معاه
 
إنضم
26 ديسمبر 2011
المشاركات
2,499
مستوى التفاعل
0
النقاط
0
اممممم امج ليش تعطينها مصروف المهم ما علينا انتي لازم تحددين ميزانية لكل شهر وتحطون مصرف لكل شي وفي اشياء كمالية اذا تخسرج لا تشترينها اشتري اشياء ضرورية والقرض والماستر اهم من المشتريات وخلي الكماليات بعدين على العموم لازم جيبين حصالة وتوفرين حق بعدين عندج بيبي ومتطلباته وايد
 

om '3ala

New member
إنضم
22 أغسطس 2011
المشاركات
187
مستوى التفاعل
0
النقاط
0
لازم تقعدين معاه و تتفاهمون شرحيله ان هالشي من مسؤوليتة اذا مو قد زواج و عيال ليش يتزوج اسمحيلي حبيبتي لازم تفهمينه انه اهو الريال
 

عالم المسك

New member
إنضم
27 يناير 2012
المشاركات
507
مستوى التفاعل
0
النقاط
0
الإقامة
في عالمي الخاص
امي من قبل لا اتزوج اعطيها كبرتني وربتني لما اشتغل ما اعطيها مادري محد يعطي امه من المعاش كل الي اعرفهم لازم الامهات لهم نصيب
انتيً خليتي كل شي علي ولا عطيتيني حل مع زوجي
كلامج مو منطقي ايمع علشان ولدي وين ابوه؟؟
اوكي اعطيه واشتريله مو يوصل الحال اني احط حصاله ايمع حق ولده

اسمحيلي ردج استفزني نوعا مل
 
التعديل الأخير:

عالم المسك

New member
إنضم
27 يناير 2012
المشاركات
507
مستوى التفاعل
0
النقاط
0
الإقامة
في عالمي الخاص
ام علي عيزت تعبت اليوم متهاوشه معاه ابي اشتري ملابس للبيبي شسوي قوليلي طقت جبدي و الله
ادري منتف بس هم موحاله كل شي علي افكر اباجر الحليب و الحفاظات ولوازم البيبي معقوله بس اهو يسجل البيبي بسمه
 

FJ style

New member
إنضم
26 ديسمبر 2008
المشاركات
1,443
مستوى التفاعل
0
النقاط
0
اذا امج مو موظفة اوكي ساعديها اما اذا موظفه لا والله احنا ما نعطي
لكن بين وقت ووقت هدايا لو فلوس

عموما شوفي حبيبتي
انا زوجي يحط للاجار وانا اكمل عليه المبلغ
ويعطيني للخادمة ونتناصف مصاريف المدارس الخاصه

خل اقول لج هذا وانا ام عيال ومتزوجة سنيييين
انا ادفع الجمعيه والماجلة وانا اشتريلي كل شغلي ولبسي وووو
انا احط للبيت لما نشتري اثاث او شي
انا اشتري لبس العيال والعابهم واغراضهم وووو
نااااادر اقول له هات
ما تعلمت وماني عارفه الحين اطلب منه

واهو ماشاءالله استانس علي وقام يشتري خرابيط ويلعب بفلوسه حق هواياته وانا اطالعه


غلط بس تعودنا

انتي لازم تعرفين جم معاشه وهل صج متنتف
وسئليه وين يصرفهم اذا صج متنتف
على شنو؟؟ اذا التزامات مهمة اوكي اذا لعب لا

وممكن تدخلين ابوج يفهمه ان عيب يوم خذا بنته ما يصرف عليها

احنا كلنا نصرف مافي الجيب
لكن عالاقل لازم يعرف ان عليه مسئوليه
شعندها خالتج كل دقيقه تتدخل
عيشو حياتكم بروح
 
إنضم
24 سبتمبر 2011
المشاركات
7,309
مستوى التفاعل
0
النقاط
0
الموقع الالكتروني
www.Beyonceeq8.com
اذا شاريته وتبينه اصبري عليه
أمه وأمج المفروض يطلعون من هالامور
اوك امج مو اجباري كل شهر
وامه مو لازم تعرف كل امورج
حددي مصاريفج
الماستر حاولى تخلصين منها مافيها بركه
الله يقومج بالسلامه وتجهيز البيبي الضروري جهزي واستقبال بسيط
حاولى تقعدين معاه وتقنعينه ساحليه يتكفل بشي من المصاريف
 
إنضم
14 سبتمبر 2009
المشاركات
793
مستوى التفاعل
0
النقاط
0
بنات مالكم شغل بمعاشها

المعاش لها

مو لولدها ولا لريلها

انا لو مكانج والله لامشي بيت اهلي واطلب الطلاق دام وجوده والعدم واحد واذا بيراضيني يمشيلي بدل الاجار والزوجيه وطقاق بمعاشه خل يحرقه واخذ فلوس ولدي و يمشيله 50 واهو فبطني وراي تجهيز

لازم يحس انه ملزوم فيج

وانتي عودتيه تصرفين عادي غلط منج عودتيه

وسالفه الاستقبال والخبه مالها داعي دام على قدج مو ضروري ترفعين مقداره ومقدار اهله جدام الناس
 

برووورة

New member
إنضم
20 أكتوبر 2010
المشاركات
274
مستوى التفاعل
1
النقاط
0
حبيبتي ترا الريال على ماتعودينه وطبيعة الريال يحب يصرف على المرة علشان يحس برجولته والمرة اللي تمنع زوجها من الصرف عليها بحجة ماعنده مثلا يدور على بنت غيرها برا البيت يصرف عليها!!! فتشوفين بعض الرياييل بخيل في بيته كريم ويا الغير او البنات يشتري خاتم الماص لها ليش؟! لان زوجته استكثرت على نفسها الحاجة وغلتها فشاف الريال ان زوجته ما تستحقها. وزوجك مو بعيد عن الوصف السابق لانه من منظور علمي. علشان جذي لازم هو يدفع ويصرف ولازم تعلمينه على النمط الجديد للحياة لانها غريبة عليه تحصل في البداية إخطا بسبب سوء الفهم
 
إنضم
20 فبراير 2012
المشاركات
204
مستوى التفاعل
0
النقاط
0
الإقامة
فـ مملكتي
امممم مادري شقوولج ..
بسس الله يععينج ايووفقج ويجي البيبي بالسسلامه انشالله ..
واتححسن امورج ي رب ~
 

مناير ...!

New member
إنضم
28 نوفمبر 2010
المشاركات
2,907
مستوى التفاعل
2
النقاط
0
حبيبتي ماعليج من الي يقولون لاتعطين امج
بلعكس هذي حلوه اللبن انا مثلج مااقدر مااعطي امي
اصلن مااستانس الااذا عطيتها ودي مااخلي بخاطرها شي

ولدج مسئوليه ابوه
من ولادتج لتجهيزه لكل شي
منتف ومو قد المسئوليه شحقه تزوج شحقه فتح بيت

المره مسئوله من ريلها
مو من معاشها
معاشج لج اذا بتدفعين حق شي من طيب خاطر كثر الله خيرج
بس منتي مكلوفه فيه وامه بعد مقزرتها حط عليج وساكته عن خمال ولدها

دخلي ابوج بالسالفه
يفهمه انه مازوجه علشان بنته تصرفه عليه
اهو الريال والمسئول
مشكلته يدبر عمره
 

عالم المسك

New member
إنضم
27 يناير 2012
المشاركات
507
مستوى التفاعل
0
النقاط
0
الإقامة
في عالمي الخاص
شكرا لردود العضوات
بس الي مستغربه منه معقوله ماتعطون امهاتكم جزء بسيط من معاشكم هذي عادة فينا كلنا لازم امي لها جزء بسيط
و انا ماعودته اهو متعود على جذي خواته و الله العظيم يعانون من نفس المشكلة كلشي عليهم و امه تقط حجي ادافع عن ولدها صار النقاش اليوم جدامها ياناس و الله الموضوع مازمني شلون بيصير عندي 2 و3 و انا الي اصرف و انا الي احط و اشيل
انا وحدة ماحب الحال المايل يعني شي موموجود بالشقة مرة مرتين ما يسويه خلاص انا اسويه

وفعلا انا ينقصني حسن التدبير من حبي له احاول اساعده لان منتف ويحلف بالله العلي العظيم ان منتف مادري شقول الله المعين
الي عندها حسن تدبير المعاش تراسلني على الخاص و الله من صجي وتقولي شلون اتصرف بمعاشي راسي مفتر
 

أحمرجوري

New member
إنضم
20 مايو 2011
المشاركات
744
مستوى التفاعل
0
النقاط
0
الإقامة
الكويت
الموقع الالكتروني
agift-q8.blogspot.com
ما دام اهوه حط ميزانيه للبيت واهيا 200 دينار ايجار وبس انتي هم حطي ميزانيه للبيت 200 دينار وبس وقوليلي
المفروض انت لي تشيل البيت انا من طيبي قاعده اساعدك وباجي راتبج خليه لج

وبعدين اشدعوه قاعد يدفع الايجار من راتبه الاساسي الله يخلي بدل الايجار والزياده لي بتيله 50 دينار لبيبي وبعد الزياده لي خذها لما تزوج يعني المفروض انتي اطالبينه 150 دينار شهريا منه
 
التعديل الأخير:

صديقت قوقل

New member
إنضم
4 سبتمبر 2010
المشاركات
1,233
مستوى التفاعل
0
النقاط
0
االله ييسر امووووورج يارب وامورنا والمسلمين اجمعين