وين يالج الطلق؟؟

[خوخه العتيبي]

الله يسهل .. انا بجريه واحاتي مو متخيله للحين الطلق شلوون . ابتحمل العوار ولالا مادرري ش بيصير الله يسهل ع كل حامل ان شاالله ويقومني بالسلامه دعواتكم

 

[أبكاني ذنبي]

مواااقفكم حلووة وبنفس الوقت تخوووف


اب

 

[Om Hobee]

موضوعكم شيق وحابه اشارك معاكم وهذه اول مشاركة لي
بإختصار .. انا كنت بجريه ووقت ولادتي الطلق بارد وطفت موعد الولادة وكل ماروح حق دكتورتي تقولي اذا تبين الحين احط لج طلق صناعي وتولدين بعد جم ساعه وانا اقول لها لاااا مابي احد يجيسني ابي اولد طبيعي
وانا مافيني العوار عوار الطلق اللي اسمع عنه كان خفيف حيل وتوقلي انت طلقج بارد وبجريه ف عادي ماراح يزيد عليج اكثر
وظليت ثلاث ايام اروح لها تقولي لاااا طلقج بارد وانا ارد البيت اخاف اقولها ارد لما يحمى الطلق وبعد اليوم الرابع رحت لها وانا مستسلمه لاني خلاص تعبت ف قالت لي خلاص انتي مبهذله نفسج ماراح يزيد عليج انتي فيج طلق من ثلاث ايام وبارد
وافقت تحط لي طلق صناعي وانا ياغافلين لكم الله حسبالي الطلق الصناعي درب يغزونه باليد مادري انه يعني من تحت
وليس ماتصدمني الدكتوره وتقولي open وانا ليش دكتوره مابي احد يجسيني وانصدمت انه طلق صناعي ورضيت بالواقع ومن الصبح لي المغرب يالله ولدت
ولادتي حيل كانت مستعسره بس الحمدلله دكتورتي شاطره وحاولت معاي لاخر لحظه انها تولدني طبيعي
وقالت لي في المستقبل لازم تولدين قيصريه لان عندج عنق الرحم ضيج وانا جازفت معاج عشان اولدج
وسلامتكم
والحمدلله على كل حال

 

[love love]

حمدالله عالسلامه

 

[ضمر الخصور]

انا بولادتي كان اليوم اللي قبله عندنا خطوبه المهم ورقصت ع الخفيف عن خاطري

طلعت من الخطوبه الا زوجي يعصب علي ونمت وانا مررررره زعلانه ومتضايقه

صحيت الظهر واحس بالم يجي ويروح ابدا ابدا ماجاء ببالي انو طلق

دخلت اتروش قلت على وعسى يخف الالم

كل مالو يزييد ويزيد وكل هذا ولا جاء ب بالي انو طلق لان كان بداية التاسع مالي الا 4 ايام

المهم كلمت زوجي وقلت له في الم وكل هذا وانا دموعي ماوقفت

ورحت المستشفى وقالت الضغط مرتفع يعني ولاده وسوت لي كشف قالت فاتح سته سانتي

سبع بعد المغرب اقبلت ريتال احلى بنات الكون

والله يهون على كل حامل يارب

 

[فديت عيوني]

كنت بالجاخور مع اهلي وجاني الطلق الفجرر

دقيت ع زوجي وقلتله جتني الولاده

وماكنت بعلم أمـي ♡ خايفه عليها

قلت زوجي بيجي ياخذني مصختها نايمه عندكم يومين


ودخلت الساعه ٨ ولدت المغررب

يمه رعب

 

[فـراوله]

أنا جاني الطلق بشقتي الفجر وتحملت لي الظهر الساعه 2
رحت المستشفى وما ولدت الا ثاني يوم الصبح الساعه 10

ردى المستشفــى


.


.


​

 

[غارقة بأحزانها]

انا في بجري كنت غشيمة حيييل ومادري شالسالفة
كنت بزوارة وكثرت بطيخ وبعدين رحت الممشى مع زوجي وردينا تسبحت وتنظفت
واستشورت شعري
واروح اقعد مع زوجي بالصاله واقوله شكلي بولد اليوم من تعب المشي
شوي جان اييني عواااااار تيبست مكاني وطرت الحمام ولا تكرمون اسهال
قلت اشوه عبالي طلق كله من البطيخ
طلعت وعقب خمس دقايق الا ادش مرة ثانية وليييييييه
رحت عند زوجي الا العوااااار مرة ثاااانية قلتله واااااي عوار مو طبيعي تيبست وماااسكة فيه بقوة
هالحجي ٢ بالليل ولا امي تدز مسج ان اذا يالج عوار دقي علي
دزيتلها جنج حاسة ياني العوار مرتين ودقت قالت كل شكثر قلتلها بين عوار والثاني ٢٠ دقيقة
قالت ميخالف عطيني زوجج ( قالتله نام معاها لوووول ) خواف زوجي مارضى يقول اهي تتالم وانا اسوي جذي يحوشني بوكس ولا شي
عاد انا دشيت الحمال مرة ثانية ذبحني الاسهال ولا مااي دافي ينزل مني بس مو وايد جني تكرمون بلت علي نفسي
عاد انسدحت يم زوجي وقلتله قالي ميخالف نامي لان الدكتور مفهمنا اذا صارت الطلوق قريبة من بعض نيي عاد يتني بعدين طلقة ولا اقوله قووووم ما اتحمل ااااه
دقينا علي امي ومريناها ورحنا المستشفى واهو دق علي امه واخته ويو لنا الصبح
عاد دشينا وفحصني دكتور الطوارئ واصرخ من قمة راااسي اححح وزوجي انصدم
اول مرة يسمع مني هالصوت
قال ٢ سانتي ودخلوني غرفة الولادة وراح زوجي سوى الاوراق وانا لما رحت الحمام ابدل هدومي لقيت افرازات كثيفة معاها دم
وحطولي الدرب وبدت المعاناه طلق حااااار وانا متحمله لين صارت الساعة ٨ الصبح وكل شوي يدشون يفحصون ويوسعون وانا ميته خلاص ما اتحمل قمت ابجي وزوجي كان صاعد الغرفة نايم امي قعدته ويه يمي وانا ماسكة ايده وابجي واهو مايدري شيسوي بس يمسح على راسي ويقولي لاتبجين
الكمام ذبحني احس بكل شي ودايخة
ما ولدت الا ١٢ ونص الظهر وبشفط ماقدرت ادز تعبت واخر ساعة طبعا صرخت صراخ على ماطلع وامي مسكينه تبجي برة وزوجي بعد يبجي يقول خلاص مابي الياهل
وااااي مت من التعب
لدرجة قعدت اربع شهور يوميا احلم بغرفة الولادة

 

[غارقة بأحزانها]

اما في بنتي الثانية لا عاد حاشتني عقده من الروحة مبجر كان طلقها متقطع يكون حااار ورا بعض لمدة ساعتين وبعدين يروح جني جذابه
واهلي مساكين كانوا بالوفرة
واقول حق خالتي قالتلي تعالي ومسكينه تسوي الدارسين وتعطيني تمر واكل بيض مسلوق
وتم الطلق من الساعة ١١ الصبح لي ١١ بالليل وراح ولا اكو شي جان انام واهلي ردوا امي خافت علي
ولما قعدت الصبح مافيني شي بدا العوار الساعة ١٠ الصبح واشرب بهالدارسين وامشي بالحوش رايحة ورادة وقلت حق زوجي ودني عند امي
واقعد عندها واسوي تمارين قعدة القرفصاء واقوم وطبعا الطلق مستمر واخذ اختي ونروح نفتر على محلات الحلو حطيت مواعيني عند الخباز وطلبت الكاكاو وقلت بس اتصل عليكم تجهزونه
واختي تقولي خلاص لا تولدين بالسيارة وانا ابد مابي اروح المستشفى خاااااايفة
وارد واروح مع امي ارض المعارض وامشي وامشي عاااد رديت البيت الا الطلق صار حامي وامي تقولي شربي دارسين واقولها خلاااااص مافي احمى من جذي
وادق علي زوجي ونروح المستشفى قلتله اذا فاتحة بس شوي ترى ماراح ادخل
وادخل غرفة الفحص جني داشة غرفة الاعدام
ويفحصني الدكتور ولا غريبه ماحسيت بذاك العوار جدا خفيف
قتله دكتور شكثر فاتحة جان يقولي ٦ ويلا ولادة هالحجي الساعة ١٢ بالليل
طبعا درب وكمام واتحمل وابر مسكن طبعا عذاب
وعالساعة ٤ الفير حسيت بالونة ماي انجرت ببطني وطلع ماي الياهل كله وصرت اتلوى بالفراش وارفس واقول حق امي مو قادرة اتحمل
وايي الدكتور ويفحص وانا اصرخ واطرد زوجي من الغرفة ويقولي الدكتور خلاص بتولدين كلها ١٠ دقايق انتي خالصة شمي الكمام ونمت وماقعدت الا الساعة ٨ ونص واسالهم ولدت؟؟

 

[أبلة فاتن]

ههههههههههههههههههههههههههه وناسه حلو موضوعج

 

[Moon touch]

يااااااااااااه جسمي قشعر لما افتكرت الطلق ياساااااتر
كنت في بيت اهلي وجالي مغص بسيط من الصبح لحد باليل
ولما رحت المستشفي حطولي طلق صناعي ياسااااااااااااااااااااتر ياساتر صعب جداااااا
ياه سبحان من عدا اليوم دا والله لما ولدت حسيت اني مت ورجعت صحيت تاني
بس الحمدلله ربنا رزقني باحلي ولد ربنا يخليهولي ويباركلي فيه

امنيه حياتي بقي اشوف الرجاله كلهم حوامل ويجربو الطلق والله العظيم كانو يحس بقيمتنا ويحطونا فوق راسهم

 

[مطرها يسبق رعدها]

انا كنت داخله العاشر ومعطيني موعد تنويم علشان يعطوني طلق صناعي

طبعا زوجي رافضضض الطلق الصناعي بس الدكتوره روعتنا قالت فيه شوائب في الماي ويمكن يضر الجنين

المهم الصبح تسبحت وتعدلت وتبخرت وتعطرت << طبعا وصية امي عشان الشم او الصك

واروح للمستشفى وقلبي يرقععععععععععع

وودوني غرفتي وكان زوجي معي وطبعا امي

ومن الخوف يوم شفت الدكاتره والفحوصات جاني الطلق بدون طلق صناعي ههههههههههه

من الساعه ثنتين الظهر وماولدت الا بكره الساعه 11 ونص الظهر << طبعا ماخذه ابرة الظهر وهي اللي اخرت الولاده بس فدييييييييييييييتها الله يوفق اللي اخترعها :yaaaaaarb:

 

[أم عزيـز]

والله انا اول مرتين كلق صناعي لاني اخلص التاسع وماتيني ولاده

بس الحمدالله اخر ربي اكرمني بطلق طبيعي
كنت قبلها بيومين ايني عوار خفيف وكل يوم امشي على رمل البحر الجو كان حلو على شهر 2
اروح من الصبح اتمشى نص ساعه وارد
بس اخر يوم ماكان فيني شده والعوار زايد علي من الفير قالي زوجي اروح الدوام ؟ قتله لا حاسه اني اليوم بولد
وكانوا عيالي بالمدرسه ما هان علي اروح اولد من غير ما اسلم عليهم نطرتهم والعوار يزيد
اول ما يابهم زوجي كنت لابسه ومزهبة جنطتي
سلمت عليهم ورحت المستشفى الساعه 2 ونص الظهر
اول ما قاستني الدكتوره قالت 4 ونص ماشاء الله انا كنت وايد فرحانه لاني ماراح اولد طلق صناعي كالعاده
والحمدالله يات دكتورتي وبطت الماي والطلق صااار حااااامي
وولدت الساعه 4 ونص العصر حتى امي ماتدري هههههههه
متعوده على الطلق الصناعي له اقعد اطلق 7 او 9 ساعات
يوم دق عليها زوجي قالها مبروك بنتج ولدت بعد عمري ياتني طايره واول مافتحت عيني بعدوالولاده لقيتها يم راسي شايله بنتي

ويارب هالمره بعد اولد طبيعي ويرزق كل الحوامل الولاده السهله

 

[travel_addicted]

أنا حمدالله ياني الطلق بالبيت و دقيت على زوجي و ياني بس تأخر شوي لانه كان حزت دوامات

 

[محروس قلبي]

انا بجر وكنت عند اهلي من دخلت الشهر التاسع قعدت عند زوجي اسبوعين بعدين رحت عند اهلي لاني كنت خاااايفه ومابي تجيني الطلوق وانا بروحي عند زوجي
علي يوم وانا عند اهلي مرني زوجي طلعت معاها تمشينا بعدين رحت للطبيب اخذ سونار اتأكد علي وضع الجنين جان يقولي انتي باقي لج عشر ايام علي الولاده طلعت و ردني بيت اهلي اول ما نزلني و راح جان يجيني الطلق انا ما صدقت اقول لا ما يصير الدكتور يقول باقي لي عشر ايام 
مسكت نفسي تصبرت لين خلااااااص ما قدرت وعرفت انها طلوق صج اتصلت علي زوجي كان بالبر 
نطرته لين وصل لانه كان محلفني اني اتصل عليه اهو اللي يبي يوديني 
ورحت انا وامي وزوجي اول ما وصلت علي طووول سجلوا لي دخووول بس ما ولدت الا ثاااااااني يوم العصر  والحمدلله

 

[امـ خــزامـى]

انا قصتي غير عنكم

انا بكر كنت توني داخله الثامن مالي اسبوع وبالسونار يقول اسبوعين

المهم يوم الاثنين سهرانه على حواجبي اضبطهم واصبغهم وكانت اختي تقول ليش حريصه ترتبينها ماعندنا مناسبه
قلتلها لا بس ابي اجرب بعدين للولاده قالت بس انتي لسى باقي شهر ونص شكلك متحمسه وضحكت علي

ومن بكرى اخت كاميرتي ورحت لاهلي قلت لاختي صوريني ابي بنتي تشوفني وانا حامل فيها واابي صور للذكرى
وجلست البس واتزين عشان التصوير ومافيني الا العافيه

الاربعاء صحيت الظهر وصليت ورد زوجي من الشغل وتغدينا ودخلنا الغرفه نبي نريح لنا شوي

وجلسنا نسولف وكنت احس من امس بالليل بنغزات متكرره تحت البطن بس ماتالمت نهائيا وفرحانه
بس زوجي يقولي غريبه هالنغزات سريعه ومتكررررررررررره ومارتاح ابدا لها

طبعا هالنغزات رجعت مرا ثانيه الساعه 2 ونص الظهر وخليت زوجي يحط ايده على بطني ويحسها

ماصارت الساعه 3 الا وسمعت وحسيت بصوت في بطني نطيت من السرير نزلت مويه دافيه مني كاني سويتها على نفسي ورحت للحمام وانا انتفض
وزوجي يركض وراي ياحياتي يسالني وشفيك ماكنت اتكلم مخترعه ومصدومه وبس انتفض واقول بسم الله
هو خلاص انهار يقول وش اسوي قلت له عطني ملابس ابي اغير بنروح للمستشفى ويعطيني
واغير بس البنطلون من الروعه واحط فوطه صحيه واشوف المويه لونها وردي وعرفت انها ولاده لاني كنت اقرا من علامات الولاد نزول سائل شفاف على وردي وهذي موية الراس
انا انتفض ورب البيت للحين مستغربه كيف قدرت امشي كنت اتخبط مو قادره اسند طولي
والبس عبايتي وزوجي يلبس ثوبه وحتى ازاريره ماسكرها وركض على السياره
ياقلبي نكسسسسسسسسسسسر الخاطر ماعندنا خبره بهالسوالف كنا خااااااااااااااايفين ومرتاعين
المهم وطيران على المستشفى الاشارات كلها قطعها وندخل على الطوارئ وياخذوني غرفة الكشف ويسالوني انت اي شهر
قلت الثامن وقالت بكشف عليك انا على بالي سونار قالت افتحي رجولك انا حزتها جلست اصيح مرتاعه ومستحيه ومادري وش اسوي المهم فتحت بعد معاناة وبصراحه تالمت وقالت ولاده مفتوح الرحم 3 سم

وعلى طول نقلوني لغرفة الولاده بعد ماسوا زوجي اجراأت الدخول

ودخلت غرفة الولاده جلس زوجي يتحايل علي يبي يتصل على امي وانا رافضه مابي امي تخاف خصوصا عندها سكر وامي حدها خوافه
قال طيب بتصل على امي قلت له حرام عليك امك مسافره لاتخرعها واصلا ماتقدر تفيدك

المهم سكت وبعدها بساعه الا امي وابوي جايين عندي اتصل عليهم ماقدر يتحمل
وخواتي الكبار بعد اول مادخلوا علي انهرت جلست اصيح

جلسوا عندي وتطمنوا علي وقالت لهم الدكتوره بنحاول قدر المستطاع مانولدك الا بعد اسبوعين
وبنخليك تحت الملاحظه

قلت لامي وخواتي خلاص روحوا مافيني الا العافيه وطلعوا وزوجي جلس عندي ونام
كل الليل كانوا يراقبون نبضات الجنين لانها تضعف ومافيني طلق الا خفيف مررررررررررا

7 الصباح طلع زوجي لشغله بعد ماتطمن علي وحرصني اتصل عليه لو صار شي
الدكتوره دخلت علي الساعه 8ونصف وكشفت علي قالت رحمك مفتوح 5 سم وين زوجك قلتلها طلع لشغله قالت اتصلي عليه خليه يجي
بعدها سالتني الممرضه اختاري قيصريه ولا طلق صناعي قلت لها طلق صناعي
وانا كل هذا على بالي بس زيادة حرص وماخذه كلام الدكتوره ان مافي ولاده الا بعد اسبوعين

المهم عطوني ابره بالمغذي مادري وش سالفتها بس ممكن هي الطلق الصناعي مو متاكده

جاء زوجي واخذوه يتكلمون معاه
انا جاني شي مثل الله يكرمكم ابي اروح الحمام وقعدت اقول للممرضه ابي اروح قالت لامدام ممنوع
انا ياحياتي مادريت ان هذا هو الطلق وراحت الممرضه تنادي الدكتوره قالتلها وجتني قالت خلاص ولاده

عطوني الكمام وجلست اتنفس بقوه وحسيت بدوخه الحمدالله ماجلست الا ربع ساعه الا ولدت بس طبعا اخذو بنتي على طول
ومنقهره ماشفت زين يوم طلعوها كنت اشوف بس مشوش مررررره ومسكت نفسي مابي ادوخ ابي اتطمن على بنتي لانها ماصاحت
واخذوها وجلسوا يحاولون فيها والحمدالله صاحت بس صوتها ضعيييييييييييييف انا اول ماسمعت على طول دخت ونمت

ماحسيت بنفسي الا بعد ساعه ونصف صحيت وانا اقول ابي مويه ريقي ناشف وظهري يالمني وجلست امي تضغط ظهري الله يخليها لي يارب

وووووووووووووووبس

^^
^^
ادري طوللللللللللت علكم بس حبيت انقل لكم قصتي بالكامل

 

[احساس نادر]

انا بجرية صراحة مواقفكم تونس بس تخوورووف الله يتمم علي ويسهلي الولاده وكل حامل اميييين ي رب العالمين

 

[Miss Golden]

قصتج تونس لووول

تصدقين لازم كل حامل بعد الافينيوز تولد لووول اتذكر بالثاني ريلي مشاني ايكيا بعدها رحت لي كارفور مشي تخيلي وفرني بكارفور طولنا واحنا نحاسب اقوله ريولي متخدره واحس بثقل عفيه ييب سياره مارضى
قعد يدز عربانه بنتي ويسحبني جنه ساحب بانشي لوووول


حمدالله عدت

ههههههه ايييي والله صاجه

تدرين كنا صافطين عند فيز 2 و مشينا ليييما مطعم ليلى من لبنان تعشينا هناك و عقبها رحنا مذركير شرينا اغراض رديناهم للسياره تخيلي المكان و عقب ردينا قعدنا بستار بكس اللي جدام بيرشكا :d

الله يسهل علينا يارب و نولد بالسلامه ان شاءالله

 

[عنـــآق ..!]

-



ههههههههههههههههههههههههه
موآقفكم فيلم


انا كنت عند اهلي نايمه بغرفتي و نزل علي المااااي
كانت الساعه 2 الظهر و اهلي كلهم تحت يتغدوون
و تلفوني طافي مافيه شحن و الماي ينزل معاي يمه
تعالو اسمعووو صراخي ثانيه وحده
كله بوجهي متخرعين هههههههههههههههههههه


الله يسهل ع الباقي ي رب

 

[love love]

يعطيكم العافيه عالمشاركه تبردون القلب الله يسهل عليكم :*