وين يالج الطلق؟؟

[love love]

اب اب

 

[زين ودلال]

الولادتين ياني بالبيت الحمدلله

 

[نور دنياه]

انا ماياني طلق نزل علي الماي وولدوني بطلق صناعي :eh_s(2)::eh_s(2):

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[أحبج يمه]

انا بجرية وقاعدة اقرأ قصصكم الله يستر عليي وقت الولادة

 

[قمورتي فطوم]

واي ذكرتوني بولادتي يمه بس كانت حلووووة ههه

كنت بشقتي بالعصر رحت موعدي والدكتورة كشفت وسوت لي تحريض
وكان اخر يوم لي بالتاسع وقالت احتمال الليله او بكرة ولادة
قالت انتبهي لو نزل عليك شئ عالساعه ٨ نزل دم
وكنت بطلع مع اهل زوجي مشوار وركبت السياره بسرعه واطالع قدام واقول لزوجي نزل دم قال لي نروح الحين تبين قلت لا مافي الم قضينا طلعتنا اخذنا يمكن ساعتين
يجيني الم بسيط وطول الوقت افكر ولادة او لا
وتالي قعدت احسب لما رجعت شقتي الا كل ٥و ٧ دقايق رحت المستشفى فحصوا قالوا ٢ سم قالت لي توك بدري بجر يبي لك يومين لي تولدين وسجلت لي خروج مصريه نفسيتها خايسه
وطلعت والالم يزيد ما اقدر امشي يالله وصلت السياره
وصح قبل جاني اسهال اكرمكم الله وينزل دم
والفير زاد العوار ورجعت وصار ٥ ودخلوني ولادة والطلق حار واتلوى وعطوني مسكن
وضربوا ابره بالمغذي وولدت عالساعه ٩ و١٠ دقايق تقريبا وماعندي الا كتكوتتي بس

بس للاسف عطوني الكمام ومن بديت اشفط ماذكر الا ان الدنيا سودة واسمع اصوات كلامهم واقطه واصرخ ويرجعونه لي

وامي ماعرفت الا لما ولدت وقبل دقت ع زوجي الفير تسال عني
لان من الفير اروح بيت اهلي لين العصر وفقدتني وحسها قلبها


لوول وبس


الله يرزقني والجميع بالذريه الصالحه





استغفر الله ربي واتوب اليه

 

[DO7AWE]

اب للفايدة

 

[حوريه ...]

بشقتي


صليت الفجر برمضان وانسدحت اقرا قران عقب نمت صحيت بعدها بساعه ع الم مادري شنو

بعدها بشوي استوعبت انها ولاده لان الالم صار من الرحم واصل للظهر وزادددد بقوه ماقدرت اتحملها

طبعاً ولاده مبكره ع الخامس علشان كذا ماشكيت انها ولاده من الاول

الله يعوضني ان شاءالله

 

[Model Look]

انا بالغربه ولدت بجري في لندن قات لاهلي واهل زوجي ايوني من الخوف

من الثامن وانا من الخوف ابجي

بالليل سبحت وتنظفت واستشورت شعري جني حاسه

الفير نزل علي دم رحت لامي مستانسه بولد ماكان فيه طلق بالمره وحدي مستاتسه بشوف ولدي امي قالتلي نطري الظهر نروح المستشفى خل نرتاح نشبع نوم

قلت لها اوكي وقعدت اقرا سوره مريم والزلزله وحدي مستانسه ومتشوقه شدراني بجريه

المهم عقب ماقريت قران عقب صلاه الفير رحت الحمام ولا ينزل الماي رديت قلت يما الماي نزل وليلحين ماكو طلق

رحت المستشفى وسويت فلم اقعد بويل جير اقولهم صوروني واضحك واسوي روحي تعبانه من الطلق ههههه امثل

المهم فحصوني قالت الدكتوره مو مفتوحه ولا شي ردي البيت امشي طبخي سوي مجهود واذا ماياج طلق تعالي باجر نولدج

انا تحطمت

اقولها نازل الماي لازم دخول قالت لا عادي اذا طلق كل دقيقتين تعالي

المهم رديت البيت بلش الطلق وتحول الضحك لي بجي تحملت العوار لي الساعه 12 بالليل

بدا الطلق كل خمس دقايق لين صار كل دقيقتين العوار بدا 8 الصبح تحملت لي 12 بالليل رحت قالت 4 فاتح الرحم ردي البيت تعالي الصبح

انهرت قعدت ابجي اقولها ماكليت شي من العوار انا تعبانه الطلق كل دقيقتين رأفت بحالي قالتلي بحطج بغرفه الملاحظه وبعطيج ابره مهدأ

لما صار 6 الصبح اهني قمت اقولها خلااااااص تعبت ماقدر اتحمل بعد ولا تفحصني 6 سم

قالتلي يالله غرفه الولاده قلت لها ابي ويل جير قالتلي ماكو امشي والله مشيت لي غرفه الولاده وظهري معكوف جني ربيانه

وبعدها ابره ظهر عطوني ماحسيت بشي وولدت حبيبي

 

[fofo90]

خوووش موضووع ذكرتوني باحلا اياام
ماياني طللق كلش رحت موعدي عادي
افحصتني جان تقوووول يالله ولاده مفتوحه 8 سانتي
ههههه يما صدمتني يومها
بس الحمدالله ولدت سهالات ويبت احلا صقوور

 

[گـحِـلْ |~]

آآب


نبي تجارب بعد

نبي تخريع اكثر

 

[عسل حدي]

استغفرالله الذي لا اله الا هو عليه توكلت وهو رب العرش العظيم ولا حول ولا قوة الا بالله العلي العظييم ... اللهي هب لنا من لدنك ذرية صاالحة امييين يارب العااااااالمين

 

[Umzayooon]

اول شي عبالي وين يالج الطلق يعني باي صوب
لان انا ليلحين منصدمه لان ياني عوار بريولي كلها ماقدر احركها والم قوي قوي بريلي لدرجه ان اصارخ اقول انشليت وكنت بشقتي
وكانت الساعه وحده بليل

واخترع ريلي ويقولي اوديج الطبيب يالله اقوله متقدر احرك ريلي وازحف ويالله لبست عبايتي واروح الا مفتوحه ٢ سم بس قالت ردي ماكو ولاده وكانت مصريه بالطواري ونفسها خايسه ووسعتني

رديت البيت نام ريلي وانا فج اشوي العوار ريلي يعني صرت اقدر احرك ريلي بس من الركبه لي فوق عوار بس مو بالرحم!!!
ونزل علي دم وانا اتصبر اتصبر لي س اربع الفير زاد الدم حيل واحس الياهل خلاص بينزل 

وابجي واصارخ قعد ريلي بكل برود دق عالدكتور قاله ينزل دم عليها الدكتور صوته نايم قاله ييبها المستشفي س تسع الصبح 
وانا العوار متواصل من س وحده الفير مو كل دقيقه ومادري شنو انا
العوار كان ماسك علي طول

رحت الطبيب مع امي طبعا بعد مادقيت عليها
( لان الرياييل ماعندهم احساس ماسك علي كلام الدكتور تسع الصبح ) لم شفت دكتوره الطواري راح الالم من الخرعه
فحصتني قالت اربع سانتي ولاده وصعدت غرفه الولاده س خمس ونص الفير وبدا العوار اللي بالرحم صج واخذ كمام وانام واقعد من قوه العوار افتح عيني اقول انا ميته والا حيه!!!!
لي س احدعش الصبح ولدت الحمدالله بالسلامه

يارب يسهل علي ولادتي هذي واتكون اسهل من ولادتي الاولى ويرزقني شوفه ضناي بصحه وعافيه يارب العالمين

 

[ام غدور]

الله يسهل علينا يارب

 

[Ms Zara]

انا كنت عند امي وجاني الطلق وقت العصر
كنت وقتها مصلحه قهوه وشاي وحلو
واتقهوى انا وامي .. ولمن خلصت قهوه
بدا الطلق .. والله يكتب لنا الاجر

 

[love love]

اول شي عبالي وين يالج الطلق يعني باي صوب
لان انا ليلحين منصدمه لان ياني عوار بريولي كلها ماقدر احركها والم قوي قوي بريلي لدرجه ان اصارخ اقول انشليت وكنت بشقتي
وكانت الساعه وحده بليل

واخترع ريلي ويقولي اوديج الطبيب يالله اقوله متقدر احرك ريلي وازحف ويالله لبست عبايتي واروح الا مفتوحه 2 سم بس قالت ردي ماكو ولاده وكانت مصريه بالطواري ونفسها خايسه ووسعتني

رديت البيت نام ريلي وانا فج اشوي العوار ريلي يعني صرت اقدر احرك ريلي بس من الركبه لي فوق عوار بس مو بالرحم!!!
ونزل علي دم وانا اتصبر اتصبر لي س اربع الفير زاد الدم حيل واحس الياهل خلاص بينزل 

وابجي واصارخ قعد ريلي بكل برود دق عالدكتور قاله ينزل دم عليها الدكتور صوته نايم قاله ييبها المستشفي س تسع الصبح 
وانا العوار متواصل من س وحده الفير مو كل دقيقه ومادري شنو انا
العوار كان ماسك علي طول

رحت الطبيب مع امي طبعا بعد مادقيت عليها
( لان الرياييل ماعندهم احساس ماسك علي كلام الدكتور تسع الصبح ) لم شفت دكتوره الطواري راح الالم من الخرعه
فحصتني قالت اربع سانتي ولاده وصعدت غرفه الولاده س خمس ونص الفير وبدا العوار اللي بالرحم صج واخذ كمام وانام واقعد من قوه العوار افتح عيني اقول انا ميته والا حيه!!!!
لي س احدعش الصبح ولدت الحمدالله بالسلامه

يارب يسهل علي ولادتي هذي واتكون اسهل من ولادتي الاولى ويرزقني شوفه ضناي بصحه وعافيه يارب العالمين

انا نفسج بالضبططططط الطلق يضرب بريولي لي درجه اقول عطوني مطرقه خل اكسرررها:eh_s(4):