وين كنتي وقت الغزو ...صامده والا بره الديره ؟؟

[حناينq8]

الحـــمد اللــــه صـــــــــامــــــــــدة
وهـــذي الديـــرة الطيبـــه تســـتاهل اني أصـــمد وأتمســـك فيها وبترابها..
ليش أتخلى عنها بشدتها واهي اللي ما تخلت عني
الله يحفظها يا رب..
وكان عمري 9 سنوات

مشكوره يا شروق
وعساج على القوه حبيبتي

 

[حناينq8]

انا كنت بالكوييت صامده وأول يوم كنا نايميين بالخيران المنتزة بس بعديين رديينا الديره ,, و لا سوتلي امي عيدميلاد بالغزو كيكة و معجنات P:

مشكوره حبيبتي على المشاركه
وانا كنت دايما اتسائل يوم اللي صار الغزو اللي بالشاليهات شصار عليهم وشلون ردوا بيوتهم

 

[مرت ريلي]

صامدين، الله لا يعودها من أيام انشالله
سبحان الله !! عاد طالعين انا والحجية
وديزاينر وسوالفنا اليوم كلها عن الغزو !!

 

[عالي مستواها]

كان عمري 5 سنوات كنت ورع حزتها :ggdw:

رحنا لاهلنا بالسعودية فديتها

 

[fnoora]

والله يابنات ادمعت عيوني وانا اقرا الموضوع

الله لايعيد ذيج الايام

احنا كنا بمصر من قبل الغزو

ولما صار الغزو رحنا السعوديه (الرياض) وبعدين ردينا مصر

واول ما تحررت الكويت الغاليه

ردينا سعوديه ودخلنا الكويت

كنا من اول الناس اللي ادخلو الكويت بعد التحرير

والله يابنات اذكر شلون كان بيتنا والوصخ اللي فيه عمى بعينهم

وبيت عمتي واجهزه التعذيب اللي فيه كانو امسوينه مقر لهم عسى الله لا يوفقهم

والله يحفظ لنا ديرتنا

جني طولت ودخلت ابموضوع ثاني

بس صج ذكريات ....... شقول عنها اخ بي اخ الله لا يعودها ان شاءالله

 

[.]

هم احنا صامدين وكنا متاذين ابوي رايح الدمام مع القوات واحنا بيت يدي بالكويت ويدورن خالي رتبه بالجيش وخوالي 2 اسى ونخش خالي ال3 لا ياخذونه ..

وكنا نقعد بالسرداب ..

وبيتنا كانو مسوينه العراقين نفس برج مراقبه لانه راس ..

وامي تسولف لي عن الغزو تقولي مره دشوا العراقين بيت يدي جان تشوفهم عمت امي جان تقول للعراقي شلون تمشي الحمسه جذي جذي خخخ..

ورحنا مسيره بالتحرير كنت لابسه كش كش

انا كنت صامده وكان عمري 3سنين ونص
بس سبحان الله اتذكر
كنت اتذكر الدبابه لما يت فريجنا واحنا انخشينا بين الشير لان كنا رايحين الخباز
اتذكر لما يونا العسكرين يبون يشربون ماي
اتذكر يوم يونا العسكريين مره ثانية يسألون عن ضباط
اتذكر لما كنت انحاش من بيتنا اروح بيت ييرانا >> كنت حدي جريئة بوقتها ههههه بس هم كنت بريئة
اتذكر يوم طلعنا انا واخوي رحنا بيت الييران وخذينا أكله لان أهلنا ما كانوا يدرون
اتذكر ان غيرنا سكنا 3 مرات في الغزو (( اذا مو اكثر لاني كنت صغيرونه ))
والله اتذكر اشياء وايد الحمدلله

كبري

وهم انا كنت صامده ومن اللي اتذكره انا صار فينا عقنقز وكنا نيمع كنار

صامده
وكنا اغلبنا بنات وأكثر أخو عمره 13
مع هذا ابوي مارضى يطلع
والله يعطيه الصحه ويخليه لنا كبير بالسن بس احسه بعد الغزو فعلا زاد عشرين سنه
تخيلوا ريال بروحه يشيل هم ثمان بنات برقبته
ابوي ريال عظيم
عسى الله يخليه لنا

قال كلمه لأخوي العود اللي الله يسامحه خلانا وأخذ مرته وطلع من رابع يوم
قاله اذا الله كاتب لنا الموت بنموت حتى لو احنا بره
بس لو بمووت بره ديرتي وين بندفن ؟ وين بندفن ؟
انا اندفن بديرتي وتحت تراب بيتي أشرف لي

آخ على ذيج الأيام

من المواقف اللي مسخره
كنت مصدقه روحي مطربه
ونقعد تالي لليل اتسحب انا واختي الصغيره اللي يدوب تفهم
ونركب سياره أبي بوووووكس شخباري ههههههههههه سفينه نوح نسميها
وأقعد أغني واندمج
واسأل اختي ها صوتي حلوو تقولي إي
اخخخخخخخخخخخ

الله يخليلكم ابوكم يارب ويطول بعمر اونكل ..

انا كنت الفح واغني وطني الكويت وبالشارع بعد خخخخخخخخخخخ..




مشكوره ع الموضوع ..

 

[حناينq8]

بعيد الشر عن الكويت واهل الكويت

كل الشكر يا (مرت ريلي) على مشاركتج

 

[حناينq8]

كان عمري 5 سنوات كنت ورع حزتها :ggdw:

رحنا لاهلنا بالسعودية فديتها

مشكوره حبيبتي على المشاركه

 

[.. مـــلاكـ ..]

كان عمري 3 ستين
وكنا بالكويت
الله لا يعودها من ايام

 

[عشق]

انا صامده

وكان عمري 9 سنوات

واول مره اشوف دبابات واول مره اشوف ناس ميته بالطريج وناس معلقينها بالشبات بالشوارع

تعقدت حدييي

 

[حناينq8]

والله يابنات ادمعت عيوني وانا اقرا الموضوع

الله لايعيد ذيج الايام

احنا كنا بمصر من قبل الغزو

ولما صار الغزو رحنا السعوديه (الرياض) وبعدين ردينا مصر

واول ما تحررت الكويت الغاليه

ردينا سعوديه ودخلنا الكويت

كنا من اول الناس اللي ادخلو الكويت بعد التحرير

والله يابنات اذكر شلون كان بيتنا والوصخ اللي فيه عمى بعينهم

وبيت عمتي واجهزه التعذيب اللي فيه كانو امسوينه مقر لهم عسى الله لا يوفقهم

والله يحفظ لنا ديرتنا

جني طولت ودخلت ابموضوع ثاني

بس صج ذكريات ....... شقول عنها اخ بي اخ الله لا يعودها ان شاءالله

مشكوره حبيبتي على سرد ذكرياتج اللي تخص هالفتره

والله لا يعودها يارب

 

[كليرز]

هييييييييييييييييييييييييييييييييييييييييييييييييييييييييييه
ذكرتينا باللي مضى
حنا كنا صاميييييييييييييييييييييييييييييييييييييييييييييييييدن

وكنت مخلصة اولى متوسط
بس كل شي اتذكره كانه امس
يا سبحان الله مرت تقريبا اكثر من 17 سنه

الحمدلله على كل حال
والله يحفظ الكويت وشعبها

 

[..فراغ العاطفه..]

اللي يرد كيدهم في نحر كل من بدا لكم بالشر

ويارب يحفظ ديرتكم واماراتنا الغاليه

صج صج الحمدلله على نعمه الامان اللي نحن فيها

الحمدلله

والحمدلله تحررت الكويت

وعسااااااااااااها اخر احزانكم في خسران من غالي عليكم

والله اقرا الردود وفيني حرقه

عسى ربي يحرق من عاداكم ياربي..

وينصركم على من عاداكم

فالكم التوفيج ياربي

ويحرر فلسطين من ايد الجلاب




رب اجعل هذا البلد آمناً مطمئناً وسائر بلاد المسلمين. اللهم وفق ولاة أمورنا لما فيه صلاح العباد والبلاد، يا رب العالمين! وصلِّ اللهم على عبدك ورسولك محمد، ...وآله وسلِّم تسليماً كثيراً.



​

 

[بنت مشرف]

احنا من الناس الصامدين وابوى الله يحفظة ما رضى نطلع من الكويت مسكينة امى كانت حامل وتحاتى ابوى كان من المقاومة كانت تقعد على اعصابها ولحد الحين اذكر قالو تحررت الكويت ونطلع على السطح ونكبر ونيييبب واحلى شئ ان اهل الكويت ايد وحدة يا حلاتهم والله عسى الله لا يفرقهم

 

[كريستال ليدي]

صامدوووووووووون

كنا بالكويت طول فترة الغزو الله لا يعيد هالايام و ابوي كان اسير بس رجع بالسلامة الحمد لله

 

[طمــوح]

والله أنا كان عمري 5 سنين بس ابوي كان بروحه صامد و احنا كنا بالسعودية

 

[miss_avocado]

واااي سؤال عجيب
احنا كنا صامدين لأخر لحظه
و اتذكر واايد اشياء مع ان عمري 3 سنين و نص واااي احس جنه حلم لاوالله كابوس بس افتخر اني كنت موجوده بالكويت حبيبتي و كنا بكيفان بعدقلبي اللي طلعت منها المقاومه و عمي كان اسير من اول يوم بس الحمدلله رجع و ابوي كان يشتغل بالجمعيه و خوالي بالخباز و غيرنا بيتنا 3 مرات و اخر شي طلعنا من كيفان و رحنا بيان و بعدين ردينا مره ثانيه بس صج ايام و الله لي يومكم وانا كله اقول حق امي تسولف عن الغزو و نفس القصه تنعاد من سنين
احبج ياكويت الله يحفظج من كل شر

 

[moors]

كنت صامدة يعني بطاقتي المدنية مخروووووووومة هههههه

الله لا يعود هالايام صج كان لها ذكري ما تنسي

 

[nawaraa]

كنت صامدة ولله الحمد ، صج ايام تعور القلب بس حلوة

 

[أفرض هيبتي]

كان عمري4 سنين حزت الغزوووووووووو والله ماتذكر ولا شي
كنت نتفه يشيلوني يمين ويسار